لماذا سُمِيت الخمر بأُم الكبائر؟ طبعاً السبعة الكبائر معروفة لكل مسلم. والخمر هي أُمها. ومن عندي أقول الكذب هو أبوها. طُلب من شيخ عالم أن يختار أحد الجرائم الثلاثة لارتكابها. والجرائم هي: إما أن يشرب الخمر. أو يزني بإمرأة جميلة. أو يقتل غلاماً بغير حق. نظر العالم ثُمَّ قدّر. وجد أن الزنا بالمرأة يُحدث إختلاط الأنساب. وقتل النفس التي حرّم الله إلا بالحق لا يجوز. فاختار أهون الشُّرور الثلاثة حسب وجهة نظره. شرب الخمر. لعبت الخمر برأسه. وكما يقولون: السّكر هو زغاريد ال....... ، راود المرأة عن نفسها وفعل معها الفاحشة. شاهد الغلام فعلة الشيخ النكراء. خاف الشيخ أن يُفتضح أمره. فقتل الغلام. ولهذا سُمِيت الخمر بأم الكبائر. والله أعلم.
كبـَّـاشي الصــَّافي
09-28-2010, 05:05 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
Quote: لماذا سُمِيت الخمر بأُم الكبائر؟ طبعاً السبعة الكبائر معروفة لكل مسلم. والخمر هي أُمها. ومن عندي أقول الكذب هو أبوها. طُلب من شيخ عالم أن يختار أحد الجرائم الثلاثة لارتكابها. والجرائم هي: إما أن يشرب الخمر. أو يزني بإمرأة جميلة. أو يقتل غلاماً بغير حق. نظر العالم ثُمَّ قدّر. وجد أن الزنا بالمرأة يُحدث إختلاط الأنساب. وقتل النفس التي حرّم الله إلا بالحق لا يجوز. فاختار أهون الشُّرور الثلاثة حسب وجهة نظره. شرب الخمر. لعبت الخمر برأسه. وكما يقولون: السّكر هو زغاريد ال....... ، راود المرأة عن نفسها وفعل معها الفاحشة. شاهد الغلام فعلة الشيخ النكراء. خاف الشيخ أن يُفتضح أمره. فقتل الغلام. ولهذا سُمِيت الخمر بأم الكبائر. والله أعلم.
كبـَّـاشي الصــَّافي
عزيزنا عم كانتونا (ود الصافي) شكراً جزيلاً لإثراء البوست ومرورك الكريم طبعاً عمك الترابي حلل شراب الخمر في المنزل
تحياتي
09-28-2010, 05:16 PM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
مبالغة يا النذير ايام الشريعة فى واحد صاحبنا تلقاهو كل عصرية لافى خرطوش الموية الطويل (زى 20 متر كده) طالع ونازل بيهو... مافى زول انتبه انو بهرب فيهو العرقى
Quote: ايام الشريعة فى واحد صاحبنا تلقاهو كل عصرية لافى خرطوش الموية الطويل (زى 20 متر كده) طالع ونازل بيهو...مافى زول انتبه انو بهرب فيهو العرقى
عزيزنا النصري، ياخي دا مبالغة تعرف الكيزان عندهم شنطة كدا اسمها تمكنا لو سمعتا بيها إي زول بكون شايلها لازم يكون كوز، المهم السكرجية كانوا بشيلوا الشنطة دي على أساس إنهم كيزان، وبهربوا فيها العرقي لوول، شفت الناس دي تفاتيح كيف أجمل شيء في السكرجية أنهم دائماً كرماء، ما عارف السر في كدا شنو.
لكن الذ قصة (يشهد عليها عضو البورد وصاحب البوست الخرافى) الجماعة قاعدين فى قعدة كاربة فى نيويورك وحلة اللحمة تجقجق فى النار... قام واحد ا ضاف شوية wine للحلة عشان اللحمة تكون طاعمة.. الشكلة قامت لعجاج السماء
قال ليك، وآحد بتاع طشمة، وأولآدو دايماً بيحاولوا يهدوهو. اها، يوم ماشين معاهو في الشارع لقوليك وآحد سكران وواقع في الوآطة، طارش ومبهدل بهدلة شديدة جداً. وآحد قال لأبوهو: يا ابوي عليك الله هسع عاين الراجل دا مبهدل كيف؟ عليك الله السكر دا ما تخليهو. ابوهو قال ليهو: والله يا ولدي سكرة الزول دا انا كايس لها لي زمن، وما لآمي فيها...
09-28-2010, 08:45 PM
Khalid Kodi Khalid Kodi
تاريخ التسجيل: 12-04-2004
مجموع المشاركات: 12477
كان عندنا في الأبيض جماعة بتاعين طشمة .. قالو لما الشمش تغرب بيقوم يصففوا ليها و يقولوا ليها شكرا يا شمش..
و قيل أنهم [red]كانوا حالفين يمصوا العرقي دة لحدي ما العرقي يفقد سوائل و يكتلوه و يريحوا الناس منه ..
و ينسب لهؤلاء نكتة سمعتها بأكثر من رواية ..
لموا الشيرنغ ـ أيام الرخا ـ و كملوا مية جنيه أدوها لواحد عشان يجيب الشربة و العضة المجيهة ..
صاحبنا لما جا راجع واحد عايز يطمن .. ـ أهة جبت شنو .. .. جبت الشربة بتسعة و تسعين جنيه و نص .. و جبت عضة ( طعمية كانت ) بخمسين قرش .. _ يا جماعة انا مش فلت ليكم الزول دة جنو بطنو دي !!
09-28-2010, 10:52 PM
د.محمد بابكر د.محمد بابكر
تاريخ التسجيل: 07-16-2009
مجموع المشاركات: 6614
الكلام ده سه كم انت من زمن جيلانى الحكايه دى مرت بمراحل عديده اخرها الكرسيتال وموضوع الكيس ده كان زمااااااااااااااااان؟؟؟ بعدين عشان ما ينط لى واحد احسن استدرك واقول انا متابع لحدى الكريستال.بعد داك ما عارف العبوه بقت شنو لكن ممكن يكونوا وصلوا الفايبر اوبتك والله اعلم.
09-28-2010, 11:59 PM
Adil Hamza Adil Hamza
تاريخ التسجيل: 09-09-2008
مجموع المشاركات: 1361
الكريستال دة كان نوع من عصائر المانجو .... وبيكون محفوظ في قوارير من البلاستيك وشكل القارورة زي شكل البيكون محوظ فيها البيبسي , بتلقاها في البقالات.
المهم الجماعة بتاعين المريسة ديل طوروا الحكاية بتاعة حفظ المريسة داخل قزايز مشروب الكريستال _المانجو_ وبداءت عملية حفظ المريسة داخل قارورة الكريستال الجديدة وبعدها شاع اللفظ أوساط ناس السِنة. وفي اسماء شائعةلانواع الخمور المحفوظة داخل قوارير مشروب الكريستال .... كنت أسمع بها ومنها كريستال (((البلح)))) أي المريسة التي تصنع من البلح
لاحول ولا قوة إلا بالله ... ربنا يهدي المتبليين بهذة الأفه , وفي بعض الناس بيمارس الشرب بجنون ولا ادري لماذا !! متعاطي الخمور هم أكثر الناس عرضة للوقوع في مطاف سوء الخاتمة.
09-29-2010, 00:48 AM
amir jabir amir jabir
تاريخ التسجيل: 01-12-2006
مجموع المشاركات: 5550
مبالغة يا النذير لوووووووووووووولز وقال ليك واحد سكران بسأل من بيت جماعة.. فقام واحد بوصف ليهو: تمشى بى شارع القيادة العامة تخش شمال على شارع الجامعة كلية القانون تخلى ناس الشرطة على يمينك البيت الفاتح على مكتب الامن الغذائي طوالى دا البيت.. السكران عاين ليهو كداااا وقال: فى ذمتك اسى شارعك الوصفتو دا زول شارب كركدى بمشى بيهو
وبالمرة قول لاخونا (يني) حوا والدا التحايا
09-29-2010, 03:16 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
النذير حجازي وزوار بوسته يجازي محنكم جميعا كتلتوني بالضحك وغايتو يا دبيب طلعت دبيب كبير خلاص
Quote: مبالغة يا النذير لوووووووووووووولز وقال ليك واحد سكران بسأل من بيت جماعة.. فقام واحد بوصف ليهو: تمشى بى شارع القيادة العامة تخش شمال على شارع الجامعة كلية القانون تخلى ناس الشرطة على يمينك البيت الفاتح على مكتب الامن الغذائي طوالى دا البيت.. السكران عاين ليهو كداااا وقال: فى ذمتك اسى شارعك الوصفتو دا زول شارب كركدى بمشى بيهو
سلام النزير وضيوفه الكرام والله بوست فعلاً لذيذ والنكات عن السكارى كتيرة في واحد بيسكر ومتعود إركب حمارو وياخد ليهو نومة والحمار بوصلو البيت كان عندو شغل داخل مركز الشرطة وبعد الشغل على لبيت الشراب عدل وهو راجع سكران كالعادة ركب الحمار الحمار اليوم داك على حسب البرمجة مشى طواالي على مركز الشرطة زولنا فتح واتلفت يمين شمال لقي الحكاية كلها كاكي في كاكي قال للحمار أها إن شاء الله إدوك وكيل عريف
النكتة دي حقيقة كما يقال حدثت في دبي في واحد سوداني سكران في دبي وهو طالع متأخر واقف في الشارع منتظر بأشر لتكسي جات عربية الشرطة واشر ليها بالغلط ناس الشرطة عرفو الزول سكران وعاوزين اشاغلوهو شويه قالوا ليهو يا زول إنت سكران قال ليهم أبداً انا ما سكران يازول إنت سكران وزولنا مصِّر إنو ما سكران قالوا ليهو ريحتك يازول ضاربة شنو ما سكران قال ليهم نحن السودانيين بعد المغرب أصلاً ريحتنا كده
09-29-2010, 05:48 AM
خالد المحرب خالد المحرب
تاريخ التسجيل: 01-14-2007
مجموع المشاركات: 5705
Quote: النكتة دي حقيقة كما يقال حدثت في دبي في واحد سوداني سكران في دبي وهو طالع متأخر واقف في الشارع منتظر بأشر لتكسي جات عربية الشرطة واشر ليها بالغلط ناس الشرطة عرفو الزول سكران وعاوزين اشاغلوهو شويه قالوا ليهو يا زول إنت سكران قال ليهم أبداً انا ما سكران يازول إنت سكران وزولنا مصِّر إنو ما سكران قالوا ليهو ريحتك يازول ضاربة شنو ما سكران قال ليهم نحن السودانيين بعد المغرب أصلاً ريحتنا كده
09-29-2010, 06:13 AM
غباشي غباشي
تاريخ التسجيل: 01-19-2007
مجموع المشاركات: 1729
بوست ظريف يا النذير و احييك عليهو و احيي كل المتداخلين و بما انو العبد لله موسمي في البورد بواقع قلة المشاركات و المشغوليات الكتيرة لكن و الله من زمان داير طريقة اتداخل بيها معاك يا النذيرلانو بتعجبني مداخلاتك (شفتة السلبطة و التِلِصِق ) و اتمنى ان الزمن الممحوق دا يسعفني لمزيد من المداخلات و الله غالب
تحياتي برضو للعم الموسوعة كباشي "كانتونا" و مداخلاته الكاملة الدسم و الممتعة يديك العافية يا عم كباشي
و يا النصري أمين سلامات ياخ و يا كافي البلاء انت مالك بتصاحب ناس السِنَّة هاهاهاهاها
و لباقي المتداخلين كامل المودة و الاحترام
09-29-2010, 06:18 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
زمان كان عندنا في المحكمة الشعبية بجيبو الناس يحاكموهم ويجلدوهم كل يوم سوق، والسوق عندنا سبت وتلاتاء، أها مرة عاملين إتلاف كمية بتاعة عرقي مدفوقة في حتة كدة خلا بعيد من السوق والمحكمة، نحن كنا فطرنا في السوق وضربنا البوش الما خمج داك(النوع البسبب التناحة) ... وأنا راجع على المدرسة شفتهم دفقوها وجو راجعين، وطواااااااااااالي بالعجلة لحدي عندها، قمت نزلت عليها في الواطاة (فايرة زي موية البطارية بالضبط) وقمت شميتها كويس (شمار ساي)، اها اختلط الأمر (تفاعل ريحة عرقي وفطور بوش).. وحات الله بعد الفطور دبل كيمياء ما فهمت منهم أي حاجة .. ولا عرفت القاعد يدرس دا ذاتو منو .. مع إنو ليه سنتين بيدرسنا كيمياء .. هيييييييع
تحياتي
09-29-2010, 07:28 AM
فايزودالقاضي فايزودالقاضي
تاريخ التسجيل: 11-27-2007
مجموع المشاركات: 10091
احمد ....سلام ولصاحب البوست اخونا النذير الف تحية ...
Quote: المهم الجماعة بتاعين المريسة ديل طوروا الحكاية بتاعة حفظ المريسة داخل قزايز مشروب الكريستال _المانجو_ وبداءت عملية حفظ المريسة داخل قارورة الكريستال الجديدة وبعدها شاع اللفظ أوساط ناس السِنة. وفي اسماء شائعةلانواع الخمور المحفوظة داخل قوارير مشروب الكريستال .... كنت أسمع بها ومنها كريستال (((البلح)))) أي المريسة التي تصنع من البلح
يااحمد ما تخلط المسكرات ...البيصنع من البلح داك البنقو واما المريسة فاعتقد والله اعلم انها ذرة او دقيق مخمر او حاجة زي كده المهم ماليها علاقة بالبلح ..
09-29-2010, 08:00 AM
الهادي محمد ابراهيم الهادي محمد ابراهيم
تاريخ التسجيل: 11-03-2009
مجموع المشاركات: 776
النذير اخوي سلامات.. واحد من حلتنا بشرب صاح والقصة دي عاملة قلق لاهلي الانصار اكلموا معاهو وهددوا كله ما نفع... خلاص قالوا نحلفه قسم انه ما شرب تاني..جابوا مصحف وصاحبنا اتوضأ وصلي ركعتين..ووضعوا المصحف وصاحبنا ادي القسم الاتي: اقسم بالله العظيم وكتابه الكريم اني تاني في حياتي دي ما بشرب مريسة لكن العرقي دا... نشرب فيهو لمن نموت!!!!
09-29-2010, 08:02 AM
othman mohmmadien othman mohmmadien
تاريخ التسجيل: 12-13-2002
مجموع المشاركات: 4732
واحد صاحبنا بحكي ... واحدة من الجيران ضاربه السكلي ... الحقوني الراجل بموت ... الحقوني راجلي بموت ... ووب علي وكر علي ... أخوي مات بالزايده ... أبو أولادي بموت ... الحقوني ... قال لي جرينا عليهم ... لقينا الراجل ... ريحة عرقيه مالية الدنيا ....حاني ظهره لأسفل تجاه رجليه مشكلاً زاوية قائمة وخاتي يده على بطنه وكاتم مابتكلم ... مع السكره جابو العربية ... رفعناه والمره بتكورك ... الزايده قتلت أخوي ... والله العظيم خال الأولاد ... ألحقوني ... بموووووت .. وصلوا المستشفى ... الطبيب قال ليهم يلا يا شباب دخلوا جوه الستارة .. ورقدوا على يده اليمين بحالته دي ... والناس تخرج بره ثانيتين فقط جاء خارج من الستارة وماشي على رجلينوا الاثنين.... مرته بخلعة وفرح ... يا دكتور مالووووو ؟؟؟؟؟ الدكتور قال ليها مافي مشكلة وماعنده أي حاجة ... بس بعد ما بال ....زرر زرارة البنطلون في القميص ...
09-29-2010, 09:01 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
بمناسبة أصحابهم دي .. واحد متلح الجماعة تليحة شديدة و بما إنو ما بيشرب فقاعد مصاقر المزة و العضة .. يعني يجئ يمزمز و يتعشى و يشتت من غير ما يدفع شيرنغ .. يوم الجماعة قاعدين و كانت المزة بتاعتهم بيض مسلوق .. خاتين البيض كمية كبيرة في التربيزة .. أهة صاحبنا التلحة دة يشيل في البيض و يقشر و يأكل و يرمي قشر البيض تحت الكرسي .. واحد زهجان منو و شاميهو شمة شديدة بس قاعد يراقب فيهو و يعاين ليهو لحدي ما البيض كمل .. بعد ما خلص من البيض قام التلحة و بكل ثقالة سألهم .. ياجماعة عشاكم دة حيتأخر .. الزول الزهجان داك طوالي طوالي دخل فيهو شمال .. عشا شنو ياخي أنت ما بتختشي من الصباح تبلع في البيض زي التقول عٍمتك وقعت تحت الكرسي وكمان تقول عايز عشا ..
09-29-2010, 02:11 PM
الفاتح شلبي الفاتح شلبي
تاريخ التسجيل: 02-27-2009
مجموع المشاركات: 2141
ودي قصة حقيقية حصلت فى رياض المملكة لواحد من عندينا
طلع سكران من عذابة وأشر لزوم عايز ليموزين ... وقف ليهو بتاع دورية وعرف الحاصل عليه وعايز يوصله فى احدى الجمعيات ... المهم أثناء ما هم بالطريق ... بتاع الدورية لقى زميل فى الشارع قام هدى السرعة اذعاناً للوقوف(طبعاً داك كمان سائق سيارة شرطه) ... زولنا بيقول ليه زوغ منه !!! الشرطي قال ليه ... نعم يا زول !!! زولنا قال ليه قلت ليك زوغ من الشرطي دهـ ... الشرطي ضحك لدرجة ما قدر يوقف سيارته ... وفى النهاية وصله لغاية الجمعية وحكى الحكاية دي للفتح ليه الباب.
09-29-2010, 02:50 PM
Abd-Elrhman sorkati Abd-Elrhman sorkati
تاريخ التسجيل: 02-21-2003
مجموع المشاركات: 1576
شكرا يا نذير وضيوفه الكرام علي اهداءنا هذة الابتسامات في وقت تموت فيه الاشجار حزنا علي بلاد.. والضحكة افيد للروح والوطن وتسلمي اختنا تراجي مصطفي وكويس انو ضحكناك .. وما دام ديك عجبتك فدي حا تعجبك .. في مركز للمدمنين واحد من الاطباء عمل محاضرة عن اضرار الخمر وجاب برطمانيتين.. واحدة فيها موية .. وواحدة فيها خمرة .. قام جاب دودة وختاها في كباية الموية ,, فالدودة سبحت في امان الله وتفرفر .. قام شال الدودة ختاها في كباية الخمرة .. فماتت الدودة وتحللت في الخمرة .. بعد داك إتلفت علي المدمنين وقال ليهم ان شاء الله الرسالة تكون وصلتكم من التجربة دي .. قالو ليهو نعم .. رسالة واضحة .. فسألهم ماهي الرسالة ؟ قالو ليهو : اي زول عندو قارضية ولا ديدان في بطنو يضرب العرقي دا يقوم زي الطلقة ههههههه يديك العافية
تضامنا مع صديقنا دبيب..ياخي بتاعة الكركدي دي مافي زول سبقك عليها تب..
واحد مولع لمبه ، و هفت معاهو و قرر ( و هو في الحال ديك) أي نقاش قدامو يخش فيهو توش و شوت ضفاري..اها مرة بجماعة كابين الجرسة ..ياخي رمضان السنة دي جانا في الحر..ياخي الصيف مولع ما عارف الصيام كيف..ياخي رمضان..الخ اخينا عاين ليهم كده و صر عين واحدة..و التانية ريال ابو طارة و قال ليهم: حر شنو ..صيف شنو يا وهم..ياخي مرة رمضان جانا مسخ علينا عيد الضحية ذاتو..!
التحية للشباب هنا جميعا..
كبر
09-30-2010, 07:30 AM
غباشي غباشي
تاريخ التسجيل: 01-19-2007
مجموع المشاركات: 1729
Quote: البسكر ده بياذى فى روحه لكن البسجر ده بياذى فى روحه وياذينا معاهو بدخانه
و الله يا النصري معاك في حتة السيجاير كريه و مزعجة و الله. انا شخصياً لما زول يدخن جنب زول ما بيدخن بعتبرو تصرف ما حضاري بالمرة , لكن برضو الزول البيسكر لما يتقِّل ... ريحة السِنِّة برضو بتطُق ... أجارك الله ...
واحدعمك جنو سكر في يوم من الايام سكر سكرة جنون, عمل شكل مع اولاده وحلف الا ينوم في راس الاوضة. الجماعة استسلموا ورفعوا ليه السرير والمرتبة وفرشوه ليه, وعمك رقد نام. بالليل جات الكتاحة السوداء لمن الواحد ما بيشوف حاجة!! عمك قام من النوم ولف مرتبته وقال جاك العوضة, خطوتين ويالواطة كررع. من اليوم داك عمك لعن ابو العرقي الكسر رجلينو!!
ادروب مصاحب ليهو جنوبيين وعزموهو سكرة كاربة الجماعة لطشوا لطشة تمام جات الكشة ورفعوهم كلهم في الكومر تاني يوم ودوهم المحكمة والقاضي بدأ يسأل فيهم واحد واحد اسمك : ملوال جوزيف ديانتك : مسيحي القاضي يقول ليهو اتفضل امشي بعدو اسمك : دينق مجوك ديانتك : مسيحي القاضي يقول ليهو اتفضل امشي بعدو المهم الدور جاء على ادروب وعرف انو الواحد لما اقول مسيحي بخلوهو القاضي سألو إسمك : قال ليهو أدروب نتنياهو ديانتك : قال ليهو مشركين
09-30-2010, 11:23 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: سلامات يا معاوية و مشتاقين و الله من كاس العالم ما اتلاقينا
تسهيلاً لعملية الفرز كدي حدد موقعك من كل ما يأتي :
Quote: ايام الشريعة فى واحد صاحبنا تلقاهو كل عصرية لافى خرطوش الموية الطويل
Quote: ومرة واحد صاحبنا(فى كندا دى) قاعد مع جماعة فى قعدة
Quote: الجماعة قاعدين فى قعدة كاربة فى نيويورك
تحياتي
الشوق بحر يا غباشي، ويا حليل كأس العالم. يا اخوي بالنسبة لتحديد موقفي، لا هذا، ولا دآك. نحن كنا بنرجى ضنب الكديس يتغتى، وبعد دآك نشتغل فوانيس... والله لو تشرح المصطلحات دي يا غباشي تكون فُتّ بتاعين الأكياس والخراطيش بغادي...
09-30-2010, 12:01 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
زمان كان في واحد في الحلة ببيع العرقي, و تحسبا للهوي عامل ليه جيب جوا القميص تجي تقول ليه ادينا كباية بفتح زرارة القميص الفوق و بكُب ليك في الكباية بدون ما القزازة تظهر اها اي السكرجية بعد المغرب تسألهم ماشين وين يقولو ليك ماشين نرضع
09-30-2010, 12:26 PM
قلقو قلقو
تاريخ التسجيل: 05-13-2003
مجموع المشاركات: 4742
الأخ النذير والأخوة سمار الليل , من الواضح انه المرحوم الفوق داك ماكان بيمز . احد الأطفال وهو يحاول ان ينصح ابوهو من الشراب فقال ليه (والله يابوى قالوا البيموت وهو سكران يوم القيامة يقوم والباغة مربوطة فى رقبتو) رد عليه الأب قائلا (المشكلة تكون فاضية ياولدى ) .
09-30-2010, 01:02 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
واحد سكران بالنهار سكرة طيرى وركب ليو تاكسى طرحة مع السواق قدام وبعد ما ركب نزل المرآيا الامامية وبدا يعاين لوشو وكانت فى واحدة راكبة ورا مشتتا جاءت المرآيا عليها وطبعا صاحبنا شاف العجب واتخيل انو ده وشو,,, قال للسواق السكر ده بالنهار يخلى الواحد وشو ذى .....أمو.
10-01-2010, 02:18 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
النذير سلامات انا مع مازن مصطفي في القاهرة و قال ليك ماعندو باسوورد في سودانيزاونلاين و موضوعك ده عجبو قال ليك رّحلو (انقلو) هناك في فوراوول لانو عندو فيهو رأي
10-01-2010, 03:18 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
سلام يا ناس القعدات سلام أشهر كتاب عن القعدات على الاطلاق هو كتاب الإنداية وما يميز كتاب الإنداية النسخة الجديدة هو أنه من قام بتقديمه البروفيسور عون الشريف قاسم، يعني الواحد لو عايز يشترى كتاب آخر، سيتوقف عن كتاب الإنداية، ويستغرب، من أن اسم بروفيسور عون الشريف قاسم، وزير الأوقاف يكتب عن هذا الكتاب، والزول بقول الغنماية دي جنت وللأ شنو؟! لوول، وهذا مايجعل هذا الكتاب أكثر تسويقاً بسبب فضول القارىء، وحالما يقرأ المقدمة للكتاب، يجد أن البروفيسور عون الشريف قاسم، قد استغرب من كاتب الكتاب الحقيقي وهو العلامة الطيب محمد الطيب، وهو من بيت ورع ودين، كيف يكتب عن الإنداية؟! وهذا سبب آخر ليجعل من كتاب الإنداية أكثر الكتب السودانياً مبيوعاً. فقد ذكر الطيب محمد الطيب في مقدمته، بأنه كان يكره التحدث عن الإندايات أو السكرجية عموماً، ولكنه قد ولج هذا الباب غصباً عنه عندما كان يريد أن يكتب عن الجعليين، وقد أراد أن يجري حواراً مع أحد شيوخ الجعليين، وعندما زار هذا الشيخ في منزله، قالت له زوجته الراجل مشى الإنداية ما بجيء إلا بالليل، ومن هنا بدأت فكرة الإنداية.
10-01-2010, 09:51 PM
انور الطيب انور الطيب
تاريخ التسجيل: 10-11-2003
مجموع المشاركات: 1970
القصص كثيرة ولكن جماعتنا نحن ديل ناس مريسة بس والعرقي عندهم حرام وما في زول بيقرب عليهو والبيقرب عليهو دة بيتبرأوا منو . لكن المريسة دي ما فيها حاجة وخاصة مريسة الفقراء دي محاية عديل . والمريسة طبعا بالصفيحة لما كانت الصفيحة صفيحة ومن صفيح ، واحد من أعمامك لما الجماعة يشربوا صفيحة بيشرب صفيحتين ولما يشربو أربعة بيشرب خمسة وقدر ما حاولوا يفوتوه غلبهم رجالة عديل كدة ومنافسة شريفة ، أهة أتفقوا الجماعة يسألوه شنو البيخليهو يشرب أكثر منهم ، قال ليهم : والله العملية بس توفيق من ربنا وما كل زول بيقدر عليها إلا البيوفقو ربنا ....
مع تحياتي .
10-02-2010, 08:04 AM
هشام كمال هشام كمال
تاريخ التسجيل: 05-14-2006
مجموع المشاركات: 1239
و جيران كمان يا النذير ....و بوست سمرية بتاع اركويت خرافي عدييل كدة ... تحياتي ليها و ليكم انا من الصحافة شرق لكن زاملت عدد كبير من ابناء اركويت ايام المرحلة المتوسطة ... (قبل احتضارها بسنتين) كانوا بيقروا معانا في الصحافة و بعد داك برضو في الثانوي على السيد الصحافة دا غير الاهل الساكنين في اركويت العلاقة ازلية يا النذير و يا ريت لو كمان اتلاقينا لكن الاقدام دي ليها رافع انت في عالم و انا في عالم تاني خالص .... تسلم يا هندسة
10-03-2010, 09:04 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
Quote: النذير سلامات انا مع مازن مصطفي في القاهرة و قال ليك ماعندو باسوورد في سودانيزاونلاين و موضوعك ده عجبو قال ليك رّحلو (انقلو) هناك في فوراوول لانو عندو فيهو رأي
الأعزاء خدر ومازن مصطفي سلامات، والله معليش ما شفت المداخلة دي إلا هسا، وأنا زيك اليومين دي يا خدر جاري في مطارات العالم من دول الخليج مروراً ببلاد العم سام وإنتهاءً بأمستردام أهو نشوف بلدكم دي لأول مرة.
إن شاء الله سأقوم بنقله حلما أفرغ من تناول وجبة الغداء.
تحياتي لك ولمازن، و "إنجوي يور تريب"
10-03-2010, 09:29 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
Quote: و جيران كمان يا النذير ....و بوست سمرية بتاع اركويت خرافي عدييل كدة ... تحياتي ليها و ليكم انا من الصحافة شرق لكن زاملت عدد كبير من ابناء اركويت ايام المرحلة المتوسطة ... (قبل احتضارها بسنتين) كانوا بيقروا معانا في الصحافة و بعد داك برضو في الثانوي على السيد الصحافة دا غير الاهل الساكنين في اركويت العلاقة ازلية يا النذير و يا ريت لو كمان اتلاقينا لكن الاقدام دي ليها رافع انت في عالم و انا في عالم تاني خالص .... تسلم يا هندسة
العزيز غباشي يا زول والله نحن طلعنا أهل عديل كدا لوول طبعاً يا غباشي زمان الصحافات دي بالنسبة لأركويت كانت زي نيويورك، ومعظم أبناء أركويت يدرسون في الصحافات وألذ حاجة بتذكرها في الصحافات أيام المظاهرات في زمن الديمقراطية ومدارس الجكس الكتيرة كلها في الصحافات وكنا أو ما نشوف الجكس بنهتف في المظاهرات: لا عيش لا بيبسي عايزن حكومة الجكسي لووول
تحياتي ليك يا ملك، وإن شاء الله السنة الجاية عندي لفة طويلة في مدن أوروبا وإن شاء الله سأتوفق عندكم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
النذير حجازي
cantona_1
محمد زكريا
مُحَمَّدٍ عِوَضٌ احْمَدُ
معاوية المدير
Khalid Kodi
خالد المحرب
عصام دهب
د.محمد بابكر
Adil Hamza
احمد محمد بشير
amir jabir
Tragie Mustafa
غباشي
نادر النور آدم
فايزودالقاضي
الهادي محمد ابراهيم
othman mohmmadien
omar arbab
الفاتح شلبي
Abd-Elrhman sorkati
Kabar
Albino Akoon Ibrahim Akoon
حسبو عكاشة
قلقو
فيصل محمد خليل
anwar abdulmajid
خدر
انور الطيب
هشام كمال
فيس بوك
تويتر
انستقرام
يوتيوب
بنتيريست