|
|
|
 Re: عاطف خيري في كرنفال الشعر في دار الجمعية السودانية الاسترالية ليفربول صور صور (Re: Alsadig Alraady)
|
Quote: الصديق أمين زوربا
كل عام وأنتم بخير
وهنيئا لكم بالشاعر البازخ عاطف خيري
فقط ننتظر معلومات دقيقة عن الفعالية وشكل المشاركات وإنت الإعلامي
بجانب فايلات صوتية إن لم يك الـ فيديو متيسرا
ولا بأس من بعض الصور لجانب من الحضور
معزتي وتفديري
ـــــ
أ.أ |
التحيات النواضر يا الصادق
وكل عام وانتم بخير
اولاً
كان من ضمن البرامج أن نهاتفك شخصي وعاطف
وايضاً نهاتف بعض الاصدقاء
مدني وخالد نيجي
ونسبة لإختلاف التوقيت والازمان لم نتمكن الا من الاتصال بخالد
ودخلنا في قلق ماقبل القراية
كنا نتمنى أن تكون مشاركاً لنا هذه الليلة مع عاطف
ولكن حتماً سوف يحدث ذلك في المستقبل القريب جداً
في فيديو جيد ولكن سوف يتم ذلك لاحقاً بعد التشاور مع عاطف
وسوف نحاول تغطية كل الحدث بالتفاصيل الدقيقة
ودمت
| |
 
|
|
|
|
|
|
|
|
Re: عاطف خيري في كرنفال الشعر في دار الجمعية السودانية الاسترالية ليفربول صور صور (Re: هاشم ودراوي)
|
الجالوص الشاعر / عاطف خيري
معتوهة معتقة ومنعتقة
نوافير إنتشاء وحشمة وحمار العين
تنقـِّى من القبور الس######ة
ومن بيت بكاك زيف المعزين
تضحك كل ما وقعت مصيبة
تمشى على العجين وتلخبطو
ترطن إذا جاها الحنين
يا بت بيوت الهجعة كيف
وغبار شوارعك ماشى وين
زقاق يفتش فى زقاق
كتمة وضلمة وإنعتاق
أنا فيكى لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
وسكاتك عليهم سكوت والسلا
صوتك وكت قطع البحر
قُبـّال مراكب العمدة ضهر النيل عـِرِق
والشمس فوق حبل الغيوم شرت جلاليب النعاس
ناشف غرب مبلول شرق
والمطرة زى شِفّع العيد تدخل غرف كل البيوت
حكمة الجوع الشرح للأرضة كيف تقرا المِرِق
وقبال يقع فوقك سقف يتنحنح الجالوص
أمرق على مهلك مروق الحنة من ضُفر العروس
وأصعد على مهلك صعود البذرة والروح والشموس
مبنية مدن الخوف من طينة آخر الليل
وأنا فى سقالة الشوف قدح البصيرة تقيل
فاتح زريبة الجوف
تمرق تخش الخيل
على كيفا كيف معلوف ضهر المظنة يشيل
وأنا ظنى ظنيتو لا النيل غريق فى النيل
والليل ولا فى بالو ليل
ساكت يغنوا على القمر
واجعنى فى البحر السكات
وسكتنى فى الوجع البحر
يا بِت صباح الطير وين البلد ركّت؟
ما عاد هواك يفتح فى الكتمة شباك النزيف
ريف الجسد ــ صدرك ــ سبلوقة اللبن الحريف
داسينى فيكى نَدُر والأنبياء فاتوا
وأنبياء بين بين قاعدين فى ضل النار
داسينى فيكى نَدُر
وفى غفلة جوا الكفار وطارت حمامة الغار
لاقونى ناشف ومـُر
ماذنب جلد الطار
لو غنوا بيهو شـُتـُر
ما تخافى الله معاك
وكل الملايكة سـُمـُر
| |
|
|
|
|
|
|
|
|
|
Re: عاطف خيري في كرنفال الشعر في دار الجمعية السودانية الاسترالية ليفربول صور صور (Re: امال حسين)
|
Quote: زوربا
تعظيم سلام للشعر البيفتح نواحي الروح علي الحزن الشهي
ومليون سلام لك لعاطف خيري
الصور قالت كل الشعر
قلبي علي خالد العبيد
اوشكت علي البكاء والحزن سايل من ملامحو رغم البرتقالي القح
كونو بخير
اقترح ان نحاول ان نعود للمحاولة
كفي لقد ايقظت الحزن والشعر |
سلام آمال
سلام يصلك بطعم فرح الروح المعطرة ابطاطتا بالمسك
ومفتحة وشها بالشمس
سلام عابر بالوشوشة والقلدة والحنين
وشمة الحبوبات لريحة الصبي العاد من احزان العالم ميلان
بالناس وريحة الجروف
وطعم السلسيون
شكراً لي حضورك الباهي
وحزنك النبيل
| |
|
|
|
|
|
|
|
|
|
Re: عاطف خيري في كرنفال الشعر في دار الجمعية السودانية الاسترالية ليفربول صور صور (Re: Amin Mahmoud Zorba)
|
ضمن الفعاليات الثقافية للجمعية السودانية الاسترالية بليفربول،
يسعدنا دعوتكم لحضور الندوة السياسية الكبري عن ماض ومستقبل الوحدة بالبلاد
يتحدث فيها الاستاذ: عادل القصاص ،
ويشاركنا الاستاذ: صبحي سكندر مرشح التجمع الاشتراكي الاسترالي ،لمجلس الشي...وخ ،معقبا علي ذلك،
بالاضافة الي ممثل الحركة الشعبية بسيدني
و مشاركة كريمة لممثلين من كافة الوان الطيف السياسي معقبين علي الورقة المقدمة.
كما يثري الامسية الاستاذ عمر محجوب بجلسة استماع بالعود
والدعوة عامةالزمان.الاحد ١٩/٩/٢٠١٠ الساعة السادسة مساء بدارالجمعية
المكان
:- دارالجمعية
54 Memorial AVE lIVERPOOL NSW 2170
للاتصال 0421006950
عادل القصاص
| |
|
|
|
|
|
|
|
|
|
Re: عاطف خيري في كرنفال الشعر في دار الجمعية السودانية الاسترالية ليفربول صور صور (Re: نعمات حمود)
|
Quote: يا زوربا يا فنان
شكرا ليك والله من زمان في ناس كتار اقول وين يا ربي
لقيتم الان
وبقيت كل مره براجع صورك دي
موفور المحبة للانسان خيري ....ونتمنى يجود زمانا ويجيبو لينا الامارات
ياخوالله عاطف دا بقى وجيه
وكل الناس المعاكم ديل في الامسيه ....اتمنيت اكون معاكم ما في طريقه جاي جاي لي ....
موفور الود
مع محبتي |
نعمات
سلام واحنرام
وشكراً ليك كتير
اتمنى أن يغطي عاطف في جولاته القادمة الامارات بس أنتو شدو حيكلم
واتصلوا على مدير اعماله رقية عبيد
وهي بتنسق ليكم الزيارة
بالنسبة للجمال فهي رؤيتكم بلا شك
| |
|
|
|
|
|
|
| |
Amin Mahmoud Zorba
معاوية عبيد الصائم
هاشم ودراوي
Alsadig Alraady
محمد سنى دفع الله
Ahmed musa
بشرى محمد حامد الفكي
امال حسين
أيمن التوم حسن
عمر ادريس محمد
نعمات حمود
ثروت همت
كمال مبارك
فيس بوك
تويتر
انستقرام
يوتيوب
بنتيريست