|
Re: رسالة الى السيد فادى سليم الفقية مدير عام بنك الخرطوم ...! (Re: مزمل خيرى)
|
اصيبت بنتى الصغيرة بحمى واستفراغ صباح اليوم وتوجهت الى الصراف الآلى الخاص بمصرف السلام لسحب مبلغ من المال .! ادخلت بطاقة الصراف الخاصة ببنك الخرطوم وجاءنى رسالة تقول ان هناك خطأ من مصدر البطاقة وهو بنك الخرطوم ..! كل هذا وابنتى تتلوى من الالم والحمى الشديدة ،، اتصلت بخدمات بنك الخرطوم وسألتنى الموظفة كالعادة عن بياناتى واجبتها وانا اكتم غيظى .. وجاء ردها بأن المشكلة فى الصراف الخاص ببنك مصرف السلام ..
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: مزمل خيرى)
|
مرة اخرى اتصلت بالبنك وردت موظفة اخرى وطلبت نفس البيانات والاربعة ارقام الاخيرة فى البطاقة ،، وبعد قليل اعتذرت بلطف وقالت ان المشكلة عندهم فى الشبكة ..! قلت ليها انا هسع جنب المستشفى وداير اعالج بنتى وقروشى عندكم وما قادر اسحبها اعمل شنو .؟ .. فسكتت برهة وقالت والله ماعارفة اقول ليك شنو ؟ احترت انا كمان اعمل شنو ..؟؟ اضطررت الاتصال بصديق جاءنى من اركويت وحل لى مشكلتى .!
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: مزمل خيرى)
|
سلامة البنية يا مزمل
بنك الخرطوم يا مزمل بنك مقرف جدا جدا فرعهم في نمرة اتنين ده آخر مرة انا عشان اصرف شيك ومستعجل لمسألة عاجلة زي مسألتك دي انا قعدت ساعتين ونصف بالتمام والكمال الصالة دائما مليانة الصرافين ببحلقوا في الشاشات كانه قدامهم في فيلم رعب وليس نظام بنكي السيستم كالعادة بطئ...ده غير تجي واحدة قاطعة خاتة ليها نضارة شمس ورامية خصلتين بالجنبة وشايلة مفتاح اتوز تجي تسحب التذكرة بعديك بعشرة اشخاص شوية وتأفف كدة وتخش جوا وتجي مارقة بحزمة القروش تكون دستهم في الشنطة او لو ما مشت للصراف عينك يا تاجر والصراف يخت ليك صاحب التذكرة اون هولد عادي ويمشيها...ودي حصلت قدامي اكتر من تلاتة مرات ونحن عاملين صلعنا وقاعدين وفي غيري مادي كرشته ومرخم في التكييف.
آخر موظف تحدثت اليه قال انو انتو لازم توصلوا شكواكم للرئاسة...رئاسة بتاعة فنيلتك مالي انا والرئاسة والتاني جاوب قال المديرة رسلت ايميل...رسلت ايميل لمنو يعني ...وشغلتي شنو بالمديرة ترسل ايميل ولا ترسل مصاريف
الكلام ده يوم الاربعاء الفات يعني قبل ثلاثة ايام عمل فقط
| |
|
|
|
|
|
|
رسالة الى السيد فادى سليم الفقية مدير عام بنك الخرطوم ...! (Re: GamarBoBa)
|
ياموسى الله لا وداك فرعهم الجديد فى الرياض .. قمة السخف .. تقطع التذكرة وتقعد تنتظر دورك روحك تمرق .. خمس نوافذ خدمة والشغالة تكون واحدة والباقين قاعدين يعملوا شنو ماعارف ..! والله مرات بكون داير اورد قروش فى حسابى يقطع التذكرة وبجى المكتب وبرجع تانى لان مكتبنا قريب من فرع الرياض .. تصدق .!! وأغلب الاوقات يقولوا ليك الشبكة (ساقطة ) .. طيب انا عميل وعندى شغل الحل شنو .؟ يقولوا ليك مافى حل الا الشبكة ترجع .. وتضيع يومك فى البنك عشان تسحب او تورد قروش .. بالله دا بنك .؟ بنك ماقادر يحسن شبكة .؟ والحاجة التانية كان عندى شغل خاص مع ناس وطلبت يوردوا قيمة الشغل فى حسابى واديتهم رقم الحساب ، بعد شوية ضربوا لى وقالو انو البنك قال غير ارقام الحسابات ولازم صاحب الحساب يجى عشان يآخد الرقم الجديد ..!
تخيل ..!!
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: مزمل خيرى)
|
هذا البنك هو نموذج للفشل المصرفي وقلة الحياء وعدم المهنية، موظفين في غاية السبهللية وعدم الكفاءة وقلة الذوق، مدراء يعانون من نقص اليود وانخفاض معدل الذكاء وتخانة المخ، صرافين معاقين ذهنياً وحركياً ولديهم مشاكل نفسية؛ منذ أن فتحت حسابي لديهم في العام 2007 لم يحصل على الإطلاق (وأكررها مرةً أخرى: على الإطلاق) ان خرجت من هذا البنك راضياً، هل من الممكن أن يكون هذا صدفةً؟
بنك الخرطوم بنك قديم ، عدو جديد .
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: عمر سعد)
|
سلامة الامورة يا مزمل..
Quote: والحاجة التانية كان عندى شغل خاص مع ناس وطلبت يوردوا قيمة الشغل فى حسابى واديتهم رقم الحساب ، بعد شوية ضربوا لى وقالو انو البنك قال غير ارقام الحسابات ولازم صاحب الحساب يجى عشان يآخد الرقم الجديد ..!
|
دي مبالغة - مدير الفرع كان يمكن ان يحسم الامر بسهولة دون الحوجة لاستدعاء صاحب الحساب.. هذا تقصير في حقك كعميل - ويمكنك ان ترفع شكواك للسيدة سهير احمد مديرة ادارة الفروع..
حبيبنا قمر سلام
Quote: بنك الخرطوم يا مزمل بنك مقرف جدا جدا فرعهم في نمرة اتنين ده آخر مرة انا عشان اصرف شيك ومستعجل لمسألة عاجلة زي مسألتك دي انا قعدت ساعتين ونصف بالتمام والكمال الصالة دائما مليانة الصرافين ببحلقوا في الشاشات كانه قدامهم في فيلم رعب وليس نظام بنكي السيستم كالعادة بطئ...ده غير تجي واحدة قاطعة خاتة ليها نضارة شمس ورامية خصلتين بالجنبة وشايلة مفتاح اتوز تجي تسحب التذكرة بعديك بعشرة اشخاص شوية وتأفف كدة وتخش جوا وتجي مارقة بحزمة القروش تكون دستهم في الشنطة او لو ما مشت للصراف عينك يا تاجر والصراف يخت ليك صاحب التذكرة اون هولد عادي ويمشيها...ودي حصلت قدامي اكتر من تلاتة مرات ونحن عاملين صلعنا وقاعدين وفي غيري مادي كرشته ومرخم في التكييف.
آخر موظف تحدثت اليه قال انو انتو لازم توصلوا شكواكم للرئاسة...رئاسة بتاعة فنيلتك مالي انا والرئاسة والتاني جاوب قال المديرة رسلت ايميل...رسلت ايميل لمنو يعني ...وشغلتي شنو بالمديرة ترسل ايميل ولا ترسل مصاريف
|
بطء الشبكة هذا قد تكون له اسباب كثيرة لا علاقة لها بسستم البنك انما بالوسيط المستخدم مع العلم ان بنك الخرطوم له اكبر شبكة فروع في السودان على ما اعتقد 51 فرعا في اكل انحاء السودان - السؤال هل هناك شركة اتصالات في السودان لها القابلية لتشغيل شبكة معقدة كشبكة بنك الخرطوم بالفاعلية المطلوبة.. هذا من ناحية بطء الشبكة وكثرة "سقوطها" اما ماذكرت من سوء الخدمة فما نصحك به الموظف هو عين العقل - نعم يجب ان توصل شكواك للرئاسة اذا كنت غير راضي عن مستوى الخدمة واذا كنت ترغب فى ان تستمر كعميل لهذا البنك.. تذكر ان Evil exist because good people do nothing about it
حسب معلوماتي ان ادارة بنك الخرطوم تولي اهتماما بالغا بخدمة الزبائن وقد خصصوا مدة عشرة دقائق كحد اقصي لمناداة الزبون .. ولكن يبدوا ان هناك واقع مختلف على الارض بعد ان قرات كمية السخط والاستياء في هذا البوست.. وانا كنت قد استبشرت خيرا بالادارة الجديدة لقطاع الفروع وخدمة الافراد وما تملكه من خبرة طويلة في خدمة الزبائن..
مع العلم ان احدى المصاعب التى تواجه البنوك السودانية هي صعوبة تبني المدراء القدامى للنظام الخدمي الجديد وما يستصحبه من تنازل واجتهاد لخدمةالعميل - في حين ان العرف الخدمي السوداني ظل معكوسا منذ الازل بان العميل هو من يسعى لا رضاء موظف البنك وليس العكس...
ما كتبه الاخ شاموق كفيل بان يدفع السيدين فادي سليم وفيصل عباس لاعادة دراسة اوضاع خدمة بعض فروع بنك الخرطوم..
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: ود شاموق)
|
ود شاموق
Quote: هذا البنك هو نموذج للفشل المصرفي وقلة الحياء وعدم المهنية، موظفين في غاية السبهللية وعدم الكفاءة وقلة الذوق، مدراء يعانون من نقص اليود وانخفاض معدل الذكاء وتخانة المخ، صرافين معاقين ذهنياً وحركياً ولديهم مشاكل نفسية؛ منذ أن فتحت حسابي لديهم في العام 2007 لم يحصل على الإطلاق (وأكررها مرةً أخرى: على الإطلاق) ان خرجت من هذا البنك راضياً، هل من الممكن أن يكون هذا صدفةً؟
|
شكراً على المرور والمداخلة الثرة.. وهذا يدل على فشل السيد فادى الفقية اللبنانى الجنسية فى اصلاح حال البنك ..
Quote: بنك الخرطوم بنك قديم ، عدو جديد
|
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: مزمل خيرى)
|
ابو جوان اول شي حمدا لله علي سلامة جوان
ياخي الجماعة ديل قبل كدة مش قلت كانوا بياخدوا منكم رسوم شبكة يعني مفروض ما يكون في اي خلل او بطء
مريت بتجربة محبطة معاهم قبل كم سنة واحد اداني شيك من حسابه الحر بالدولار عشان اصرفه والمبلغ كان بسيط 300 دولار فلما قدمت الشيك اخبرتني الصرافة بانه لاتوجد دولارات فقط يمكنني الصرف بالجنيه وطبعا انا عارف انه في فرق بين سعرهم وسعر السوق فرفضت وطلبت منها مقابلة المدير فقالت غير موجود عشان تكسر اجنحتي لكن اصريت وقلت ليها بنتظره ولما شافت اني مصر علي الصرف بالدولار نادتني وصرفتني لي المبلغ متعللة بانه الدولارات جاتهم اسي
حاولت اوصل شكواي لنائب المدير لكن حسيت انه مافي فائدة وانهم شركاء في التكتيك
غايتو عندي تجربة ما بطالة مع ناس ام درمان الوطني كدي جرب
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: Salahaldeen Nadir)
|
Quote: القريشات أديها البكما ( الواطة ) مما خلينا دفن القروش فى الواطة حالنا ما مشى ليقدام , سموها البكما يا مزمل عشان ما بتطلع سرك ودى بتعادل سرية الحسابات فى البنوك , |
يا فيصل دا كلام شنو دا
هسع كان جوهو ضيوف وعاوز يشيل قروش يبحت قدامهم في الواطة والا شنو ؟
خصوصاً الناس كلها الساكن واسع ساكن في 300 متر مربع !
بنكـ الخرطوم هو مصدر الموظفين للبنوك الأخرى !
بس زمان الكلام دا ! الواحد لمن يقول ليكـ شغال والا كُنت
شغال في بنك الخرطوم يكفيهو سيره !
الفقيه ) هلا هلا يا السودان مدراء البنوك لبنانيين !!
سبحان مُغير الأحوال !!
________________ هي نسيت ،،،
سلامة الأمورة يا مزمل وتاني ما تتكل على البنك
والصراف كتير بتودر ناسك ديل !!
هشام
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: بكري عباس علي)
|
اخونا بكرى
Quote: اول شي حمدا لله علي سلامة جوان |
تسلم من كل شر ..
Quote: ياخي الجماعة ديل قبل كدة مش قلت كانوا بياخدوا منكم رسوم شبكة يعني مفروض ما يكون في اي خلل او بطء |
تصدق فتشت البوست داك ما لميت فيهو يكون مشى ايام الهكرز الاخيرة دى ولسـع طبعاً بيخصموا الرسوم دى ..!! وسألت موظف فى فرع بحرى فى يوم قال لى بالحرف الواحد نحن زاتنا مستغربين للرسوم دى !!!! بس دى توجيهات الادارة فى الرئاسة .!!!
Quote: مريت بتجربة محبطة معاهم قبل كم سنة واحد اداني شيك من حسابه الحر بالدولار عشان اصرفه والمبلغ كان بسيط 300 دولار فلما قدمت الشيك اخبرتني الصرافة بانه لاتوجد دولارات فقط يمكنني الصرف بالجنيه وطبعا انا عارف انه في فرق بين سعرهم وسعر السوق فرفضت وطلبت منها مقابلة المدير فقالت غير موجود عشان تكسر اجنحتي لكن اصريت وقلت ليها بنتظره ولما شافت اني مصر علي الصرف بالدولار نادتني وصرفتني لي المبلغ متعللة بانه الدولارات جاتهم اسي
|
يعنى لو ما اصريت كان ادوك بالسودانى واستفادوا هم بالفرق !!
Quote: حاولت اوصل شكواي لنائب المدير لكن حسيت انه مافي فائدة وانهم شركاء في التكتيك
|
والله تشتكى مافى زووووول يهبب ليك ، تضيع زمنك وتوجع راسك ساى ..
تحياتى ياعزيز ..
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: ود شاموق)
|
حسين نوباتيا عساك طيب مداخلتك قيمة واذا حضر بطل التيمم بجي بفكفك معاك بعض المسائل في حدود العرفة
__ في بنك صغير بنك المزارع : لا عندهم زحمة،لا عندهم مشاكل سمعنا بيه بأي نوع يعني شغلهم مرتب في بنوك تانية شغالة والناس ما بتعاني المعاناة الشايفنها من بنك الخرطوم يعني لو قلنا جدلا انو التطوير والتحديث ممكن يكونوا سبب ، ما اعتقد انو التحديث شغال سنة كاملة
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: GamarBoBa)
|
الف سلامة لجوان يامزمل
طيب جرب فكرة يكون حساب توفير في بنك تاني يكون فيهو مبلغ يكفي للطوارئ ويكون استخدام البطاقة التانية للطوارئ فقط
انا عاملة كدا بطاقتين واحدة فيها مبلغ وهي للطوارئ بس في حالة السستم داون ولي البطاقة ما اشتغلت ولي لاي سبب ممكن يكون مرات المكنة زاتها ممكن تكون ما شغالة كويس تسحب بطاقتك وانت في اشد الحوجة ليها
الاحتياطي واجب
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: SHIBKA)
|
Quote: الف سلامة لجوان يامزمل طيب جرب فكرة يكون حساب توفير في بنك تاني يكون فيهو مبلغ يكفي للطوارئ ويكون استخدام البطاقة التانية للطوارئ فقط انا عاملة كدابطاقتين واحدة فيها مبلغ وهي للطوارئ بس في حالة السستم داون ولي البطاقة ما اشتغلت ولي لاي سبب ممكن يكون مرات المكنة زاتها ممكن تكون ما شغالة كويس تسحب بطاقتك وانت في اشد الحوجة ليها الاحتياطي واجب |
شبكة .. انا فعلاً عندى بطاقة تانية من البنك العقارى بس ليهو فترة ما مفعل بعد الموقف البايخ بتاع بنك الخرطوم دا حأسعى انى افعل البطاقة تانى .. ودى فكرة ما كانت ع البال .. تحياتى
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: احمد محمد احمد عتيق)
|
ســـلامات أبو جوان وكفّارة للأمورة...
Quote: في بنك صغير بنك المزارع : لا عندهم زحمة،لا عندهم مشاكل سمعنا بيه بأي نوع يعني شغلهم مرتب
|
القمر بوبا لا تشكِّر الراكوبة فى الخريف .... والله العظيم مرة كنت جائى مرور برِّى وناس الجمارك قاموا حجزوا السيارة لأنهم يفترضوا إنك
لازم تكون كحيان وسايق عربية قديمة .. السيارة كانت موديل السنة وما كمّلت (عشرة ألف كم) ... المهم حسبت الفى جيبى وذهبت لبورتسودان
- من سواكن - بغرض سحب باقى المبلغ من حسابى لدى بنك المزارع ... وكانت الطّامة الكبرى .... اكتشفت أن فرع بورتسودان غير مفطّى
بشبكة البنك ولا يمكن السحب من الحساب .... سألت عن الحل:
قالوا تقدِّم طلب بالمبلغ المطلوب سحبه ... صورة جوازك وتقوم بالتوقيع عليه ونرسله بالفاكس وننتظر بعد ذلك تحويل المبلغ كحوالة
حتى أستطيع أنا صاحب الحساب صرف المبلغ ... والله من الساعة (9) صباحاً وحتى الساعة الواحدة بعد الظهر لم يتم إجراء اللازم ... وفى
النهاية لجأت لالمعارف .. وهاك يا إتصالات مع بعض المدراء فى الرئاسة حتى استطعت إستلام الحوالة بعد الساعة إثنين ... وطبعاً ضاع
علىّ يوم ثانى عشان ترجع سواكن (65 كم) ووين تضع المبلغ للصباح عشان تستكمل الإجراءات ....
وعاشت التكنلوجيا.... والتعامل معها .
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: Al-Shaygi)
|
Quote: و السبب شنو يا مزمل إنو بنك الخرطوم مديرو ما يكون سوداني ؟ هل البنك مملوك لجهه لبنانيه ؟!! |
امين ومزمل سلامات..
البنك مملوك لمستثمرين اجانب بنسة تفوق الـ80% معظمهم من دولة الامارات العربية..
السيد فادي سليم عمل سنين طويلة في Citibank بدولة الامارات وحقيقة هو يتمتع بكفاءة عالية وحقق انجازات
كبيرة كانت سببا في اختياره لقيادة بنك الخرطوم - فاصحاب رؤوس الاموال لا ينظرون للجنسية بل للشخص القادر على
مضاعفة رؤوس اموالهم.
نائب المدير العام هو السيد فيصل عباس وهو من اميز الادمقة السودانية الكانت مهاجرة في كندا وهو رجل نابغة بكل ما
تحمل الكلمة من معنى - تم استدعاءه ليكون الـ CFO وسريعا صار الـ Deputy General Manager.
استطاع هذين الرجلين تحقيق مكاسب كبيرة لبنك الخرطوم واحداث نوع من التوسع النوعي والكمي في فترة وجيزة ..
استعان السيد فادي بطاقم خبراء معظمهم من الباكستانيين الذين كانوا يعملوا معه في الـCITIBANK لادارة الـ Retail
وحسب فهمي انهم استطاعوا ان يرتقوا بمسوتى الخدمات وتطوير نوعية الحسابات المقدمة للعملاء ولكن يبدوا ان هناك
big disconnect بين تصورات الادارة وحقيقة ما يجرى على الارض - وانصح الادراة بانشاء وحدة لخدمة الزبائن من مهامها
مراقبة الافرع وعمل ما يعرف بالـ Mystery Shops لمدراء البنوك والموظفين والصرافين وعمل اتصالات دورية للزبائن للتاكد
من مستوى رضاءهم بالخدمة المقدمة - ومن ثم معالجة اي خلل اذا وجد..
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: حسين نوباتيا)
|
الاخ حسن
Quote: وانصح الادراة بانشاء وحدة لخدمة الزبائن من مهامها مراقبة الافرع وعمل ما يعرف بالـ Mystery Shops لمدراء البنوك والموظفين والصرافين وعمل اتصالات دورية للزبائن للتاكد من مستوى رضاءهم بالخدمة المقدمة - ومن ثم معالجة اي خلل اذا وجد.. |
اتمنى من الاخ عباس انو يعملوا بكلامك دا ويحاولوا يرتقوا باداء بنك الخرطوم احسن من كدا .!! وشكرا على تعليقك تانى واهتمامك بالامر ..
تحياتى ...
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: Al-Shaygi)
|
Al-Shaygi
Quote: ألف سلامة للصغيرة أخي مزمل خير والجاتك في بنك الخرطوم سامحتك... تعرف المشكلة دي إنعكست على تحويلاتنا من التلي مني في السعودية على حسابات بنك السجم والناس ليها قريب أسبوع محوله مصاريف عيالها وما وصلت وما قادرين يسحبوها عشان يشوفوا ليهم صرفه تانية، فحالكم أخوي أهون تلفون لصديق يجي من أركويت ولا الكلاكلة يحل المشكلة لكن المساكين المغتربين الموطين يعملوا شنو؟؟ وبعد ده يجيبوا فادي مدير للبنك؟؟؟
|
شكرا ليك على المداخلة دى اولاً .. ياخ حكاية التحويلات دى كمان قصة تانية .. قبل سنوات كنت بستلم تحويلات من فرع البرلمان .. عييييك .. عذاب شديد وزحمة مبالغة بالله تدخل الصالة تلقى الناس دى قاعدة مستاءة ومتضايقة جداً من التأخير البصاحب التحويل .. حاجة صعبة .. ربنا يكون فى العون غايتو ..
Quote: أمين يا أخوي الأرحام السودانية ما عمقت لكن وؤدوا ما تلد.. ياخ أولادنا مديري بنوك في أمريكا زاته خليك من الخليج وغيره...
|
امريكا بس .. كفاءات وعقول سودانية كتيرة جدا برة البلد فى كل بقاع الارض ما لقوا فرصة عمل جيدة وهاجرت لان العروض احسن من هنا بى كتير ..! عندى واحد صاحبى اسمو الصادق من اولاد القضارف اخوهو الكبير شغال نائب مدير البنك المركزى فى كندا .. معقولة ناس زى ديل ماقادرين يمشوا بنك فى السودان .؟ وخير مثال ليك زميلنا حسن نوباتيا القدامك دا .. مدير فرع فى امريكيا ..!
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: مزمل خيرى)
|
الشايقي يا حبيبنا ، سلام Quote: أمين يا أخوي الأرحام السودانية ما عمقت لكن وؤدوا ما تلد.. ياخ أولادنا مديري بنوك في أمريكا زاته خليك من الخليج وغيره... |
أنا فهمي إنو لو في وظيفه كبيره في حجم مدير بنك زي بنك الخرطوم ده مثلا و في سودانيين مؤهلين لشغلها ، كونو يكون فيها شخص أجنبي تبقي جريمه مكتملة الأركان . والله يا الشايقي أنا بعرف ناس في غربتنا أم تلج دي مش يديرو بنك ، يديرو السودان كلو ، لا في زول سامع بيهم و لا عارفهم ، عشان كده متفق معاك تماما إنو الكفاءت السودانيه في الداخل و الخارج مؤهله لكن مؤوده كما تفضلت . --------- حسين يا حبيبنا ، سلام مصداقا لكلامك عن ملكية البنك ، تلقيت الايميل التالي من أحد القراء الكرام عن الموضوع :
Quote: Dear Mr, Amin sorry to intrude on your e-mail , but since I am not a member of sudaneseonline you are the last one who made a commitment on the topic related to BANK AL-KHARTOUM , I just want to remind all of you that bank is not any more purely administrating by Sudanese , because more than its fifty percent shares sold to U.A.E investor's , and I beleive that is why GM is not a Sudanese.
thanks and regards hussain |
| |
|
|
|
|
|
|
Re: رسالة الى السيد فادى سليم الفقية مدير عام بنك الخرطوم ...! (Re: ذواليد سليمان مصطفى)
|
رسالة وصلتنى بالايميل من القارئ خالد السودانى انشرها كما هى دون حذف او تعديل ..
Quote: dear herewith, u will find an ample of information please upload it on the sudanese online at least the sudanese will understand what's going on around them and how they are fooled by arab businessmen. I am sure no one will be held countable on the messes going on in the country but i am sure too there are good people in this country............ brother plsease take the matter very serious and try to publish it today to sudanese online... pls..pls..pls regards, Khalid
إخوانى وأخواتى الأعزاء شفافيتكم ووطنيتكم المنعكسه فى قلمكم الشجاع الذى لا يخاف فى الحق لومة لائم دفعتنى لاشارككم الهم الوطنى وكل ما اردته هنا أن اضف لكم عن بنك الخرطوم قصة تعيين زوجة وزير الدولة التى لا تتمتع بأدنى خبره تؤهلها لتعتلى منصب مديرة لفرع البنك الملقب بفرع الصفوه بارقى احياء العاصمه المثلثه وقصص اخرى مثيره. تعتبر هذه الحادثه غيض من فيض لأن السيد مدير عام بنك الخرطوم بجلالته يمثل أدنى حد من الخبرات فى تاريخ مدراء عموم المصارف بالسودان حيث أنه لم يتجاوز العشره سنوات من الخبره المصرفيه حين تعيينه كمدير عام بنك الخرطوم وهذا التعيين اشبه بأن يكون إستثنائى. وكما كان متوقع لقد إستعان مدير عام بنك الخرطوم بطاقم إداره عليا للبنك متمثله فى إبن عمته مدير لإدارة الخزينه وزميله فى السابق مدير لإدارة العمليات، وآخر مدير للإدارة الماليه وشقيق زوجته مدير لأحدى شركات البنك وهكذا حتى تجاوز عدد مدراء الإدارات العليا بالبنك سبعه من المملكه الاردنيه الهاشميه التى يحمل جنسيتها سعادة المدير العام هذا بالاضافه الى مجموعه من الاخوه الباكستانيين. ومن المفترض أن تحدث هذه النخبه من الأجانب نقله نوعيه فى العمل المصرفى ببنك الخرطوم وأن تكون مثالاً يحتذى به فى القطاع المصرفى بالبلاد الا أن الرياح أتت بما لا تشتهى السفن حيث تدهورت الأرباح الى أدنى مستويات شهدها بنك الخرطوم منذ تأسيسه ووصل سعر سهم بنك الخرطوم الى اقل من الواحد جنيه سودانى وادمجت بعض الفروع فى بعضها البعض واقفلت فروع وبيعت أخرى بثمن بخس وشّرد عدد مقدر من الكوادر المصرفيه. وذلك بسبب عدم إلمام الإدارة الأجنبيه بماهية العمل المصرفى بالسودان والتى لم تعترف حتى الان بأن هنالك كوادر سودانيه يمكن أن تدير دفة البنك أو تساعدها فى الإداره. وهذه الإداره الأجنبيه بالبنك لا تريد الإعتراف بأى كادر سودانى وقد صرح فى العام 2008 مدير عام بنك الخرطوم فى لقاء صحفى بأن الكادر السودانى ضعيف وغير مؤهل. لا تندهش أخى إذا علمت بأن مجموع مرتبات و مخصصات هؤلاء الأجانب الذى لا يتجاوز عددهم الخمسة عشر يفوق مجموع مرتبات و مخصصات الف ومائة موظف سودانى بهذا البنك فهل تدنى مستوى الكادر السودانى الى هذا الوضع؟. هذا بالإضافه الى الفوارق فى الهيكلين الراتبى والوظيفى الذى احدثته إدارة النخبه بالنسبه للموظفين السودانيين والذى إستفدن منه خريجات الزراعه والتغذيه ورياض الاطفال وتضرر منه أصحاب الخبرات والشهادات العليا والخدمه الطويله المتميزه . فهنا اقول قوودلكن ذوات الواستات وهاردلكم ذوى الخبرات والشهادات. أما اذا ما نظرنا لمحفظة الإستثمار بهذا البنك الذى كان يشكل احدى دعامات الإقتصاد بالسودان نجد أن نسب تمويل العقارات والسيارات الخاصه هى سيدة الموقف بالمحفظه لأنها احدى ضروب الإستثمار ال######## الذى يعتمد على مرتبات الموظفين بالدوله كضمان للتمويل بينما تشكل القطاعات ذات الأولويه كالصناعه والزراعه وصغار المنتجين نسب اقل من التمويل العقارى وتمويل السيارات بينما يساوى القطاع الرعوى صفر. فهل تعلم أخى أن تمويل عماره سكنيه ملياريه باحد احياء الخرطوم الارستقراطيه لاحد اصحاب النفوذ كالمستشارين على سبيل المثال وليس الحصر يعنى تشريد حوالى سبعين عامل من احد المصانع وطبعاً الله لا يريك جرسة طالبى تمويل القطاعات ذات الأولويه "هنا أعنى من ليس لديه واسطه بالبنك" فستحسبهم يطلبون الصدقات وليس تمويل واجب السداد. أخى هل عرفت أن آخر الشمارات عن بنك الخرطوم هى إستحداث نظام تقنية معلومات كبديل للنظام السابق الذى وصف من قبل إدارة النخبه الأجنبيه بالتخلف وعدم المواكبه منذ مطلع مايو 2010 حتى قبل التأكد من فاعليتة. فهل تعلم بأنه حتى الآن لم يستطيع البنك ضبط دولاب العمل اليومى بسبب المشاكل التى واجهها البنك فى نظام التقنية البديل مما نتج عنه خروج عدد مقدر من العملاء عن طور اللياقه وتمزيقهم للشيكات وتكسير بطاقات الصراف الآلى وقفل الحسابات وتسييل الودائع والإشتباك مع الموظفين بالايدى احياناً. هذا بالإضافه الى خروج البنك عن المقاصه الإلكترونيه لفترات طويله والتاخير فى التقارير الى جهات الإختصاص. وقد أدى ذلك الى التسبب فى إرتفاع أسعار الدولار لأن العملاء صارو يبحثون عن بدائل مستعجله لإتمام معاملاتهم التجاريه وكذلك تعطلت جميع التحاويل فى الداخل والخارج مما أدى الى نشاط التحويلات فى السوق الأسود ولا يفوتك فى هذا الخضم عدد الشائعات التى اطلقت عن البنك وإدارته الأجنبيه. وهنا كنت اتوقع أن تقدم إداره البنك الى محاسبه قانونيه ليس بسبب الشائعات او أطلاق تهمة الفساد بل على الاقل لحجم الضرر الذى وقع على البنك وعملائه ولكن تسمع اذ ناديت حياً. هل تعلم اخى العزيز منذ العام 2005 قد تحول بنك الخرطوم الى شركة مساهمه عامه بعد بيع جزء مقدر من اسهم البنك الى بنك دبى الإسلامى (البيع كان بالاقساط لمدة ثلاث سنوات) بقيادة محمد بن خرباش الذى يقبع الآن قيد الإقامه الجبريه بدولة الأمارات العربيه على خلفية تهم بالفساد المالى وهذه الشخصيه المثيره للجدل تمتع بدوره فى مجلس إدارة البنك إنتهت فى مارس 2008. ما أضفته لكم عن بنك الخرطوم لا يعتبر لغز او سر وانما هى حقائق متاحه للجميع ومتداوله فى جميع المجالس الإقتصاديه والسياسيه والثقافيه وجميع الاسواق بالعاصمه والولايات ولكن ما أدهشنى اننى لم اسمع عن صداها البته عند جهات الإختصاص او حتى ضمن برامج مكافحة الفساد والمحسوبيه فلذلك يجب علينا الآ نستهجن او نستنكر او نشجب او ندين تعيين زوجة وزير الدوله شقيق المستشار الذى كان والى سابق وصاحب تمويل عقارى من بنك الخرطوم كمديره من غير خبرات واعباء كمان لأنه سبق أن تم تعيين وزراء من غير وزارات لكن فى زمن نميرى.
|
| |
|
|
|
|
|
|
|