|
Re: يالله درون .... هل يفعلها الهلال .. (Re: وليد عبد اللطيف)
|
سلام يا وليد ..
يا اخي الهلال دا درن مع غانا في بلدها , غانا الدوله الواحده دي بتاعت الكاس العالم بتعرفها؟؟
خليك من فريق صغيروني زي الصفاقص ..
نحن حلمنا اكبر بان نضربهم في عقر دارهم وليبيا ليست ببعيده من تونس ..
والمقبره في جيبنا باذن الله .... الهلال دا يا وليد فريق عظيم وكبير ..
| |
|
|
|
|
|
|
Re: يالله درون .... هل يفعلها الهلال .. (Re: اسامه خليفه)
|
Quote: سلام يا وليد ..
يا اخي الهلال دا درن مع غانا في بلدها , غانا الدوله الواحده دي بتاعت الكاس العالم بتعرفها؟؟
خليك من فريق صغيروني زي الصفاقص ..
نحن حلمنا اكبر بان نضربهم في عقر دارهم وليبيا ليست ببعيده من تونس ..
والمقبره في جيبنا باذن الله .... الهلال دا يا وليد فريق عظيم وكبير .. |
عشان درنوا مع غانا زي مابتقول ودا بس يكفى للهلال ولانريد غير دلك لان في حالة التقدم وفتح اللعب لاحراز هدف سوف تحدث فجوات في الفريق وطبيعة فرق شمال افريقيا هستريا الجمههور تجل الفريق كله يهاجم ومن السهل ممكن تخطف فيهم هدف ولكن على حساب اشياء اخرى كثيرة يازول عايزنهم يموتوا بس في الدرون والباقي يتموه رقيص في الخرطوم بنشوة الفوز
| |
|
|
|
|
|
|
Re: يالله درون .... هل يفعلها الهلال .. (Re: الفاتح شلبي)
|
Quote: يالله درون .... هل يفعلها الهلال .. |
والله اليقرا كلامك ده يقول الهلال في ايدو حاجة ...يارشاشة الموضوع في إيد من لايرحم ...صفصف هو الذي يحدد النتيجة ..
ــــــــــــــــ ياخي انا والله الرعب العايشنو ده مريحني اكتر من الكاس ذاتو .هههههههه
| |
|
|
|
|
|
|
Re: يالله درون .... هل يفعلها الهلال .. (Re: الفاتح شلبي)
|
اطمئنوا يا شباب...لن يخذلكم الهلال...
وانتظروا باص هيثم...لي سادومبا في الدقيقة 17
والكروت الصفراء للصفاقصي...وانفعالاتهم وهدوء الهلال...
الهلال...باذن الله سيلعب مباراة كبيرة...ودي المشكلة يقوموا ينسوا باقي المباريات...مجرد ما يصلوا مطار الخرطوم...وينتظروهم بي النوبة والنحاس...والزول اللابس شعر ملون ابيض وازرق داك...
| |
|
|
|
|
|
|
Re: يالله درون .... هل يفعلها الهلال .. (Re: nazar hussien)
|
Quote: لانريد شيء للهلال غير الدرون سلبي او ايجابي والباقي يتموه في امدرمان كل المعطيات تقول دلك . |
الحبيب وليد
يحدثني قلبي بأن مباراة اليوم سوف تشهد تفوق
هلالي لا مثيل له من حيث الأداء والنتيجة وذلك
من واقع خبرة لاعبي الهلال وتصريحات المدرب الواعي ميشو
كل التوفيق للهلال اليوم للخروج بنتيجة ايجابية تؤمن له
وضع قدم في النهائي كما فعل الفتح الرباطي المغربي
| |
|
|
|
|
|
|
Re: يالله درون .... هل يفعلها الهلال .. (Re: عبدالكريم أحمد الامين)
|
الهلال فريق كبير...وخشية التوانسة من مباراة الخرطوم جعلتهم يدفعون بكل ما عندهم من قوة...واستفزاز وتمثيل واستماتوا لزيادة الاهداف لذات الخوف...ولو لا الهدف المسييييييييييييييييييييييييييييييخ دا...كان جمهور الصفاقصي نزل الملعب... معليش...القون من خطأ واضح في التغطية...
زمع ذلك
فالجولة الثانية في المقبرة...ووسط جمهور الهلال
| |
|
|
|
|
|
|
Re: يالله درون .... هل يفعلها الهلال .. (Re: Hassan Senada)
|
الحمد لله النتيجة خرجت كما نريد وفي المقبرة عنف الرد هل يفعلها هلال السد ... (المؤتمرجية ) هه هه هه . . بجيكم واحد واحد للرد . . توهان لاعبي الهلال بقيادة البرنس هيثم مصطفى له مبرراته
------------------------ الخسارة بهدف للهلال خارج ارضة تعتبر مكسب له
| |
|
|
|
|
|
|
Re: يالله درون .... هل يفعلها الهلال .. (Re: وليد عبد اللطيف)
|
Quote: ياربى الخمسة تبع مازيمبى كان فى الرد كاسل كككككككككككككاك |
الصفاقصي دا لو لعب في الرد كاسل...ممكن يغلب 4 قبل الدقيقة 20 من الشوط الأول...فالرد كاسل بتذكرهم بالترجي...اصفر واحمر وازج مقرون حواجب...
يا زول انت ما شفت...فرحة لاعبي الهلال بعد انتهاء المباراة فرحة الواثق والمنتصر باذن الله...ناس عرفوا بلعبوا ضد مين.. مش حمام ميت...يتسكع الي ان تلج شباكه 4 اهداف قبل ان يستعد الجمهور لدخول الملعب...
(اجيب ليك مباراة الوحدات وتعليق مصطفي الأغا...(ودخول موسوعة جينيس) اسرع هدف...واغرب هدف...وهدف من نصف الملعب
الهلال دا اختوه...بعوقكم...شفت الاسود دي امبارح بتنط كيف؟؟ نحن تعدينا عقد التوانسة الدور والباقي عليكم يا مريخاب
| |
|
|
|
|
|
|
Re: يالله درون .... هل يفعلها الهلال .. (Re: nazar hussien)
|
Mohamed Foto7li .. سلام
Quote: سلام
والله يا وليد انا خايف عديل كدا ربنا يسهل |
الحمد لله الخوفه فكت ... بت الكـــــــلـــــــــــــب
ود الصايم ... حبيبنا
Quote: بالمناسبة يا وليد خسارة الهلال حتى ثلاثة أهداف مع إحراز هدف (1/3) أفضل من التعادل السلبي!! |
اكيد غلط كلامك ياود الصايم يازول الهدف الواحد بفرتق معسكر تقول 3 اهداف يازول مره لاعب في المعسكر كسر لينا كل الصحون ما عرفنا محل ما ناكل كله عشان اتجمجرنا وات(.........)نا فيهو .. تقول 3 اهداف كمان .. النفسيات النفسيات ياعمك
| |
|
|
|
|
|
|
Re: يالله درون .... هل يفعلها الهلال .. (Re: وليد عبد اللطيف)
|
مبروك للهلال ... نتيجة 1/0 فى أرض خصم مثل الصفاقسي المتعود يهزم بجملة أهداف, تعتبر نتيجة إيجابية ويكفي أن شبابنا لعبوا مباراة جميلة وضاغطة خاصة فى النصف ساعة الاولى من المباراة عكس ما كان متوقع
فى جماعة كدهـ بقيادة ود القاضي قاعدين يصفصفوا سايي ... سمعتوا بنبتة إسمها الصفصاف ؟ نحن بنعلف بيها البهائم
| |
|
|
|
|
|
|
Re: يالله درون .... هل يفعلها الهلال .. (Re: الفاتح شلبي)
|
الفاتح شلبي ... سلامات
Quote: درون شنو يا فردة
نحن طموحاتنا أكبر من كدي
أتوقع 1 صفر لصالح الهلال ... بس لو صدقت توقعاتي ... أنا عايز هدية معتبرة تجيبها لي فى العيد (ما عايز حلاوة كوجاك) ... إتفقنا ؟ |
يازول لو حلمك تحقق كان تستاهل خروف والدنيا قبايل عيد حلاوة حربة شنو ياباشا هههههههههه احكي ليك بمناسبة الخروف في يوم مشينا مع النجوم الدوليين الى منطقة العليفون لاداء مباراة ودية تكريم . نحن وناس عاطف القوز ومرتضى قله وعيسى صباح الخير ومبارك سليمان وياسر السمينه يازول شله كبيرة من اللاعبين . الجماعة اكرمونا ليك كرم شديد الخرفان يضبحوها ليك متل الحمام يازول جماعتك ناس عاطف القوز انبسطوا جدا قالو ليهم بس بعد المباراه ادونا خرفان يازول مارسلوها ليهم في الخرطوم .
Quote: فى جماعة كدهـ بقيادة ود القاضي قاعدين يصفصفوا سايي ... سمعتوا بنبتة إسمها الصفصاف ؟ نحن بنعلف بيها البهائم |
ههههههههههه الصفصاف بعرفوا بالحيل يازول ناس ود القاضي ديل ناس اصحابي وماعندهم وطنية وفي الحلقة الاخير اكتشفنا انهم طابور خامس وامدوا الصفاقصي بمعلومات عن الهلال انت ما سمعت بالشمار دا ولا شنو
| |
|
|
|
|
|
|
Re: يالله درون .... هل يفعلها الهلال .. (Re: Abdlaziz Eisa)
|
Quote: وفي الحلقة الاخير اكتشفنا انهم طابور خامس وامدوا الصفاقصي بمعلومات عن الهلال انت ما سمعت بالشمار دا ولا شنو |
يا وليد, فعلاً سمعت بالشمار دهـ ... وإيه كمان الواد النفطي ما ناكر وفرحان بمدهـ للصفاقس بمعلومات
--------------
لكن فى موضوع الهدية عملتها ظاهرة ... كان تقول كلامك دهـ قبل نتيجة المباراة --------------
| |
|
|
|
|
|
|
Re: يالله درون .... هل يفعلها الهلال .. (Re: الفاتح شلبي)
|
Quote: لكن فى موضوع الهدية عملتها ظاهرة ... كان تقول كلامك دهـ قبل نتيجة المباراة |
ولا يهمك يالفاتح شلبي بـ ( D H L ) سوف يصلك خروف 42 بوصة اسود بقرنين ومعاهو ضباح في فمو ودعه . لكن ناس هارون دياب والجماعة العاملين فيها صفوه ديل ما ياكلوا معاك حتى ام فتفت .
| |
|
|
|
|
|
|
Re: يالله درون .... هل يفعلها الهلال .. (Re: وليد عبد اللطيف)
|
Quote: ولا يهمك يالفاتح شلبي بـ ( D H L ) سوف يصلك خروف 42 بوصة اسود بقرنين ومعاهو ضباح في فمو ودعه . لكن ناس هارون دياب والجماعة العاملين فيها صفوه ديل ما ياكلوا معاك حتى ام فتفت . |
على قول واحد اخونا ... بس رسل لينا صورة الخروف بالفاكس
الجماعة العاملين فيها صفوة ديل أنا بدس منهم الصورة ناهيك من ياكلوا معاي
اللى عايز ياكل منهم يعترف لسيد البلد بعد داك يخمجوا معانا
اها يا وليد ما كفرت لناس الترجي فى منتداهم ؟
قالوا فى جماعة اياهم مشوا منتداهم عشان يباركوا شافوا الخمسة جوا راجعين بخفي حنين
| |
|
|
|
|
|
|
Re: يالله درون .... هل يفعلها الهلال .. (Re: الفاتح شلبي)
|
Quote: وليد ياعثل
سلام
قلته لي درون....؟
ياخي ...
خليها الضبيحة في المقبرة
وبي سكين سنيييييييييييين....!! |
والله ياهارون ضحكتني وذكرتني كركتير جميل جدا يوم يازول الدنيا قبايل عيد الاضحى المريخ يرش ليك الهلال اجمل كاركتير كان جايبين ليك في احدى الصحف خروف كحلي وفي وسطه هلال وجارنو ليك من كراعه ياخي مناكفات هلال مريخ ممتعة اخوك طبعا حاجات زي دي طوالي بخزنها في الارشيف وامتع كراكتير جابين صاحبنا هيثم مصطفى راكب حمار ومدلل الرجلين وتمنتين معلقات في ضهر الحمار وهيثم لابس سيدري وكاتبين عليهو ( سيد اللبن ) هههههههههه
Quote: انا مناوب لوليدالى حين حضورهـ |
انا جيت وعندي حبايب فوق عايز ارد عليهم
طارق ميرغني (ابو الفن ) من الارشيف صورتك دي ابلغ رد
Quote: درون شنو يا وليد؟؟
نحن درنا مع غانا في بلدا
تقول لي درون زي ما قال اسامه..!!
النتيجه يا عزيزي اثنين واحد للهلال باذن الله |
درون شنو ياخ ناس غانا طلعوا زي ناس فريق ( شقر ) بحي الدناقله
| |
|
|
|
|
|
|
Re: يالله درون .... هل يفعلها الهلال .. (Re: وليد عبد اللطيف)
|
Quote: سلام
لا لا يا حسن سنادة
ياخي خليها درون بس حسب نية عنوان البوست..
تحياتي |
دي ما ياها حقنة الموت زاتها يا احلى صفوة لكن حقدك عينه وبفهم عندنا واحد في الحلة (ود الشايقية ) مرخابي متعصب في لحظات زي دي يقول ليك ياحاقد ياشين يامُر
-------------------------- والله الناس دي تحلق تشيل الكاس دا تاني تسجلوا غياب سنه في المنبر
| |
|
|
|
|
|
|
Re: يالله درون .... هل يفعلها الهلال .. (Re: امير عوض الجمري)
|
Quote: Quote: الحمد لله النتيجة خرجت كما نريد
أجي يا وليد !! يعني انتو كنتو دايرنها درون (واحد صفر)!!!!هههههههههههههههاي (يا مهضربين)
|
لا ماتجي .... يازول نتيجة لاتفرق مثلها مثل الدرون واحد لان فتية الهلال الاشاوس يمكنهم تحقيقها في الخرطوم
Quote: غايتو الشوط التاني الهلال طمّني خاااااااااااالث خالث |
انا الشوط التاني ضحكني يحاوروا يوسف محمد يقع علاء الدين يوسف ( مسرحية بث ) . . شايف ناس جمال السنوسي بقولوا برانا بناخد تارنا غايتو مصنغرين كان الله امد في الاجال وبنشوف
| |
|
|
|
|
|
|
|