|
|
 كاريكا يا مدرسة ... فن ولعب وهندسة
|
قسوة عليك كتيييير فى هذا المنبر
لانى فقط وكاحد مشجعى سيد البلد > بتمنى دائما ان يكون لاعبى الهلال
فى افضل الصور واجمل حضور وارقى مستوى ..................
اتمنى انك تحافظ على المستوى الرائع الذى ظهرت به فى مباراة
اليوم والتى هزمت به كل توقعاتى ، وارغب منك مزيدا من التركيز
لحظة التسديد نحو المرمى ................................................
وفقك وبقية زملائك اللاعبين الله سبحانه وتعالى لخدمة جمهورية الهلال
وزراعة الفرح فى نفوسنا ونفوس جميع جماهير جمهورية الهلال
لك الف تحية و مليون تعظيم سلام
|
|
 
|
|
|
|
|
|
|
 Re: كاريكا يا مدرسة ... فن ولعب وهندسة (Re: طارق الكوتش)
|
سلامات يا كوتش وألف مبروك
من أثناء ما الماتش شغال وأنا بفكر أنبهك لقسوتك المستمرة على كاريكا وما لاقي بوست مناسب
لكنك بشجاعتك وحساسيتك العالية فتحت البوست دا واعتذرت لكاريكا واختصرت لي الطريق
لو سألت أي خط دفاع لعب ضد الهلال عن أكتر مهاجم أرهقه من غير تردد حيقول ليك (كاريكا)
نعم كاريكا عنده عيوب كتيرة أهمها البطء في رد الفعل قدام التلات خشبات
لكن كاريكا سريع ومراوغ وقوي ولا يهاب الالتحام
الهلال لو استغل سرعة كاريكا في تهيئة الكورة لزملائه داخل الصندوق حا يكسب كتير
المشكلة يا كوتش ما في كاريكا، المشكلة في توظيف إمكانيات كاريكا
كاريكا أحسن وضع ليهو يتلعب ليهو باص طويل خلف المدافعين، على أحد الطرفين (يعني ما في العمق)
لو سألت الناس البتجيب أقوان في الهلال (زي سادومبا) عن أهم لاعب يلعب جمبهم حيقولوا ليك كاريكا
تهانينا مرة تانية يا كوتش ومية مية يا مدثر
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: Ashraf el-Halabi)
|
طارق الكوتش سلامات
كاريكا راجل مليان موهبة...بس كان ناقص جو المباراة...واليوم وجد ما يفقد
الدليل: إصرار جميع المدربين الذين تبادلوا في تدريب الهلال عليه
وكم كنت اتذكر كامبوس..الذي كان يقف علي الخط دائما وحياتييردد: إنت كبير يا كاريكا
اليوم ظهر وجه كاريكا الذي نتمناه دائما
تحياتي
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: khaleel)
|
يظهر فى ناس فهمت البوست ده غلط ارد ليهم وبعداك ارجع ليك يا اشرف يا حلبى
وابدا بالعزيز ود البشرى
| Quote: يلاّ يا كوتش حركة ي دي كمان لمهند ونبقى خالصين |
لو بنفس الفهم نبدأ بيك انت ود البشرى وتعمل بوست ذى ده للبرنس هيثم
وممكن ترجع لارشيف السنه الماضية ومطالبتك بتجهيز بديل بشكل عاجل
للبرنس من السنه الفاتت
+ كاريكا و بشهادة خليل و كتير من الرياضين الذين اتصلوا بى ومنهم نادر ابوكدوك لم يلعب
اى مباراة كما لعب اليوم >>> وتحفظت هنا ايضا على اهم ميزه للمهاجم وهى نهاية الهجمة جوه الشبكة
والتى اعتقد ان كاريكا بعيد كل البعد عنها + برضو لازال عند رائى وهو مشاركة بكرى المدينة
بجوار سادومبا ( بكرى لعب 10 دقائق وفعل اى شئ عدا تسجيل هدف > قلع و صنع و هدف باتقان
اكتر من مرتين و لكن واحده اخرى كانت برعونه )
+ بالنسبة لمهند ممكن تراجع ردى ليك بخصوصه فى بوست عمر بوب
ويا هارون اى لاعب يتقاعس عن اداء دوره بالشكل الجيد سوف ينتقد
والنقد هنا ممكن يكون مرن وممكن يكون قاسى وده على حسب سنوات
وخبرات اللاعب فى الميدان وعاااادى جدا لو اى لاعب هلالى تقاعس
بينتقد ، ام تريدنى ان اكون مثلك اصف لاعبى المريخ بالافضل فى
الساحه على الاطلاق فى سطر و فى السطر البعده اصف تسجيلات المريخ
بالعشوائيه ( الارشيف موجود )
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: طارق الكوتش)
|
سلام يا كوتش والله كاريكا الليله جضم كورة عمرو ما لعب زيها فتح مساحات في الدفاع بسحب المدافعين بطرفين الملعب وراوغ ودافر وفضح بُط الدفاع الإتحادي منذ بداية الماتش وثقتو في نفسو كانت عاليه وكذلك لياقتو البدنية والذهنية ولم ينقصه سوى التوفيق والتسجيل إنشاء الله يواصل كدا نشيلو فوق راسنا
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: مرتضى احمد عبد القادر)
|
شكرا" و مليار مبروك يا كوتش , كاريكا كان أمس نجم المبارة ..
أداء سيد البلد أمس أقنع الجميع ...
أجمل ما في سيد البلد هي وجود بدائل أفضل من الأساسين (في تشكلية خليل أمس, أنا طالبت بسحب كاريكا و وضع بكري المدينة )!!!
يا كوتش رغم الأداء الممتاز لكاريكا أمس , ألا تتفق معي بأن أفضل مقدمة هي ( سادومبا-بكري ) .. ؟؟؟
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: عبدالمجيد المقابل)
|
يا كوتش
اول حاجة ابارك لك ولنفسي ولهلالاب العالم وكل سوداني وغيره شجع هلال الجمهورية الكبير (الكبير الله)
وقبل ان ابارك لك ولكل من ذكرت اعلاه احمد الله واشكر فضله ان شرفنا بهذه الكوكبة الذهبية من اللاعبين
وقبل كل هذا اعطانا برنس الكرة السودانية هيثم مصطفى (كبير يا برنس والله)
كاريكا لعب مباراة لم يبلعبها من قبل واعتقد ان كاريكا شعر بخطر حقيقي من وجود بكري المدينة
لأن بكري المدينة اظهر مهارة فائقة في كل حاجة حتى في القلع والقوة والخطورة امام المرمى وحتى
بعيد من المرمى.
كاريكا عذب دفاع الاتحاد عذاب الله اكبر
مهند الطاهر لعب مباراة كبيرة جداً وعمل كل حاجة بس الكورة ما ساعدتو
ولو واصل الغزال هذا المستوى فسيكون ركيزة كبيرة من ركائز الهلال في الوسط
المعز كان كويس واتحسن وشعر بالمسئولية برضو
لكن لسه بيطلع غلط
الصاد
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: haroon diyab)
|
الخبير طارق الكوتش
Quote:
قسوة عليك كتيييير فى هذا المنبر
لانى فقط وكاحد مشجعى سيد البلد > بتمنى دائما ان يكون لاعبى الهلال
فى افضل الصور واجمل حضور وارقى مستوى ..................
اتمنى انك تحافظ على المستوى الرائع الذى ظهرت به فى مباراة
اليوم والتى هزمت به كل توقعاتى ، وارغب منك مزيدا من التركيز
لحظة التسديد نحو المرمى ................................................
وفقك وبقية زملائك اللاعبين الله سبحانه وتعالى لخدمة جمهورية الهلال
وزراعة الفرح فى نفوسنا ونفوس جميع جماهير جمهورية الهلال
لك الف تحية و مليون تعظيم سلام |
ما قلته عن كاريكا ليس قسوة لانه فعلا كان محتاج لمثل هذا الكلام لكي يكون في تحدي مع نفسة
بل ماقلته ارى انه كلام عاشق ومحب الى فريقة ويعتبر النادي بالنسبة للفرق مثل منزل الاسرة الواحدة
الذي ممكن تنقد فيهو اخوك او اختك عادي وممكن تضربة ويقو ليك شكرا
و هذه وجهة نظري في كلامك عن كاريكا حسب متابعتي ليك مان تو مان في سودانيز .
كاريكا رغم انه عمل على خلخلة الدفاع إلا انه مارس رعونة الفنشنج للهجمه في اكثر من مره
في وقت الهلال محتاج الى الضربة القاضية لكي يخرج الاتحاد الليبي من اللعب .
غايتو ميشو عرف كيف يفك شفرة توليفة فرقة الهلال .
وماذال المعز محجوب يمارس هرجه في حراسة مرمى الهلال
| |
|
|
|
|
|
|
|
|
 Re: كاريكا يا مدرسة ... فن ولعب وهندسة (Re: عبدالمجيد المقابل)
|
| Quote: لكن لو استنيتو يلخلخ ليك دفاع الخصم ما حتتعب |
ياكوتش .. امسك لي في كلام الحلبي دا ..
اولا الف مبروك التيوة حقت امس دي .. ياخ دي كورة انا قريبات دي ما شفتها .. الاولاد ديل امس سمهم فاير بشكل ..
اما كاريكا يا كوتش .. انا ما قاعد اعتمد عليهو يجيب لي قوون بعتمد عليهو يصل لي نهاية الخط ويدخل الصندوق ويعمل الخلخله اياها ويبقى الدفاع مركز معاهو باقي الضرب بيجي من حته تانية .. دي نفس الطريقة الكان بيلعب بيها قودووين وكلتشي في الهلال .. واحد بخلخل والتاني بيبصر ..
امكانيات كاريكا عالية جدا في حتات معينة الجري والتصويب بالقدمين لكن اهم حاجة ما بقدر عليها وهي اللعب بالراس .. احيانا بيفقد التركيز .. لكن امس كان في اعلى حالات التركيز .. عشان كدا لازم كان يمتعك ويمتعنا ويمتع الليبيين .. ويمتع الجماعة اياهم .. مش متعم قبال كدا في استادم برضو ..؟
| |
|
|
|
|
|
|
|
 Re: كاريكا يا مدرسة ... فن ولعب وهندسة (Re: tmbis)
|
| Quote: ما قلته عن كاريكا ليس قسوة لانه فعلا كان محتاج لمثل هذا الكلام لكي يكون في تحدي مع نفسة |
عليكم الله شوفو جنس الكلام ده.....!!!!
وليد....
يازول انت بي صحك.....؟
اللهم افتنهم في بعضهم برضو
ومعاهم الاسمو علاء الدين
واللاقي ليهو طاقية مقاسو يلبسه......
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: haroon diyab)
|
هارون دياب ... سلامات
Quote: عليكم الله شوفو جنس الكلام ده.....!!!!
وليد....
يازول انت بي صحك.....؟
اللهم افتنهم في بعضهم برضو
ومعاهم الاسمو علاء الدين
واللاقي ليهو طاقية مقاسو يلبسه..... |
ياخي انت زول بتفهم كورة بالله كم مره الود دا يلاقي فرصة تسجيل هدف
مشكلته تفكيره بطي جدا جدا داخل الصندوق
برضو دي مشكله بسيطة وممكن علاجها
لكن انا خايف على مشكلتكم ياهارون دياب لو الهلال شال البطولة دي
تاني البطلعكم شنو من خشمهم
هههههههههههههههههههههههه
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: لؤى)
|
ود دياب
Quote: يعني نفهم انو مازال ؟؟؟؟؟؟؟كرويا.....؟
برضو
كااااااااااااكـ ياعمك |
يازول انت كايس للمشاكل بس
ياخي نحن قلنا بطي بس وهذه لها مراحل ومسببات
1- تقدم السن
2- ضعف اللياقة
3- عدم الالمام بفنون اللعبة
وما قاله حبيبنا طارق الكوتش لااختلف معه تماما
انت انزل من البوست دا بس ( نزلت بُري )
بعدين ياخي ديل احرار في لعيبتهم وانا ضيف عليهم هنا
وانتو شوفو مستودع السباكة بتاعكم داك اعملو ليهو جرد وتغيير (توجد مواسير بموصفات عالية )
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: وليد عبد اللطيف)
|
سلامات يا كوتش Quote: لو بنفس الفهم نبدأ بيك انت ود البشرى وتعمل بوست ذى ده للبرنس هيثم
وممكن ترجع لارشيف السنه الماضية ومطالبتك بتجهيز بديل بشكل عاجل
للبرنس من السنه الفاتت |
يا كوتش كم تتوقع للبرنس يستمر في الملعب ؟سنة , سنتين , تلاتة
الواجب تجهيز بديل له في صناعة اللعب و خليفة له في قيادة الفريق و هو نفسو يشرع في تجهيز خليفته
ودا شي عادي بل و مطلوب للحفاظ على الفريق
أي لاعب في الدنيا حيجي عليه وقت و يقل عطاؤه بسبب السن و يعتزل
دي ما زي لما تقول عليه ما نافع مرّة
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: محمد البشرى الخضر)
|
ود البشرى ... سلامات
Quote: الواجب تجهيز بديل له في صناعة اللعب و خليفة له في قيادة الفريق و هو نفسو يشرع في تجهيز خليفته
ودا شي عادي بل و مطلوب للحفاظ على الفريق
أي لاعب في الدنيا حيجي عليه وقت و يقل عطاؤه بسبب السن و يعتزل
دي ما زي لما تقول عليه ما نافع مرّة |
مواصفات البديل موجودة في اللاعب النعيم ( الصحافة )
وسبق وسالت عنه هنا
وشايف الحمد لله رجع بعد علاجة من الاصابة
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: وليد عبد اللطيف)
|
في قيادة الفريق يا وليد خليفة البرنس عمر بخيت و بعدو علاء الدين
أما صناعة اللعب بطريقة ميشو و الطيارات القدام ديل - ما شاء الله - يكفي إنك تجدع الكورة ورا المدافعين
وهم بجيبوها جري و حنك ومحاورة وبصنعوا لعبهم براهم
المعز بالطريقة دي ممكن يبقى صانع لعب
النعيم للاسف ما اتفرّجنا فيه كفاية عشان نقول هو صانع اللعب المستقبلي للهلال
لكن في مهند الأقرب لمركز صانع لعب حقيقي - كان الكوتش يديه رضاه 
ميزة البرنس الحنفتقدها هي جمعو ما بين صانع اللعب و قيادة اللاعبين
أتمنى بعد اعتزالو أن يكون في الجهاز الإداري في مركز قريب من اللاعبين ليواصل بث الروح و خلق الإنسجام في التيم
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: محمد البشرى الخضر)
|
Quote: يعني يبلع مرتين في ليلة واااااحدة
ياخي دي ماسبقو عليها مزمل ابو القاسم....!!!! |
هارون دياب ياصفوة ماعليك من الكوتش دا ..شوفو بيشجع ياتو فريق ..وتعرف انه عاطفي ..
يعني الليلة لو الهلال كان مغلوب وكاريكا دا لعب بنفس مستواه دا كنت شفت العجب (مابتاعنا)..
يازول الفليق دا حق منو؟
ياأخي كاريكا دا زول فنان وانت عارف مكانه وين ياهارون دياب ياصفوة..
والله انا حضرت ليه قون في مبارتنا مع المنتخب التونسي ..شيء عجيب ..
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: محمد عبد الماجد الصايم)
|
الحبيب ود البشرى
Quote: يا كوتش كم تتوقع للبرنس يستمر في الملعب ؟سنة , سنتين , تلاتة
الواجب تجهيز بديل له في صناعة اللعب و خليفة له في قيادة الفريق و هو نفسو يشرع في تجهيز خليفته
ودا شي عادي بل و مطلوب للحفاظ على الفريق
أي لاعب في الدنيا حيجي عليه وقت و يقل عطاؤه بسبب السن و يعتزل
دي ما زي لما تقول عليه ما نافع مرّة |
انت من السنه الفاتت قلت وعلى فكره معك آخرين فى هذا المنبر
فى معناها انو هيثم عجز و بقى غير مفيد ومفروض الهلال يبحث
بشكل عاجل لبديل >>> يعنى بنفس المقياس مفروض هيثم يغيب
من مشاركات هذا الموسم >>> وانا اعتبرته ولا زال وجهة نظر
وانتقاد لادائه وده بحصل عااادى وبكون مفيد للاعب عشان يرفع من مستواه ...
رغم انى كنت ومعى القليل جدا ادافع عنه وارمى اللوم على طرق لعب سيد كامبوس .
اما مهند الطاهر حتى الآن مفروض لا يشارك فى وجود بشة
( وجهة نظر بالرجوع للتاريخ واتمنى ان يخزلنى مهند فى مقبل المباريات )
والفروقات و اكررها تانى وبرضو انتقاد لاداء مهند حسب فهمى فى التيوه ممكن يكون صاح وممكن خطأ >
مهند : عند التهديف من بعيد او قريب لا يرفع راسه ليحدد اين يهدف عشان كده ممكن تصيب وممكن تخيف
يعنى محل ما تقع تقع + احيانا كتيره بيكون افضل بكتيير يمرر بدلا من التهديف من بعيد وده اذا كان المرمى
مغلق وهنالك لاعب فى موقع مريح ( وامس تحديدا كانت كل الامثله التى ذكرتها موجوده ممكن ترجع وتتفرج )
مهند : بيلعب فى مساحات واسعة وبتحرك بشكل جيد بس عيوبه التمرير الخاطئ و القاتل والذى احسب ان
مباراة الامس وخصوصا الشوط الاول لم يمرر خطا لان الهلال كله كان متحرك ولكن خلاف ذلك
ستجد مهند يمرر خطأ ويشكل خصما للهلال والناس ترجع وتتفرج والحكايه ما عواطف او قوون يحرزه
>>>> بالمناسبه مقياس اللاعب الحقيقى عندما يتحرك هو فى غياب الفريق وده عند مهند غير موجوده
>>>>>>>>>>>>>>>>>>>>>>>>>>>>>>> ومقياسنا هنا المباريات الكبيره وما تقول لى
الامل عطبره او المورده التى لعبت بـ 8 لاعبين >>>>>>>>>>>>>>>>>>
بشة : بيرفع راسه وبحدد اين يضع الكره عشان كده وبرغم الدقائق المحدوده التى لعبها سجل 3 اقوان
بشة : بيمتاز بالتهديف بالراس واللعب على الاطراف والاختراق من العمق و تشكيل ساتر دفاعى اول
وممكن ساتر اخير واعتمد عليه ميشو عندما استبدل علاء ببكرى المدينه وبيتحرك بشكل جيد فى الميدان
بالمناسبة يا ود البشرى رايك شنو فى مساوى ومقارنته بسامى و يوسف محمد ومقارنته ببويا ليلة امس ؟
>>> انا لازال اقف مع مشاركات بويا يسار وتحويل خليفة يمين + سحب مساوى ومشاركة سامى >>>
مباراة امس 3 انفرادات واقوان مؤكده بسبب مساوى ويوسف + يوسف مرر اكتر من 80 فى المئه خطأ
وهنالك ناس كتاار فى هذا المنبر ابعدوا بويا لان تمريراته كانت خطأ ومنهم خليل وبوب ولحدى هسه
ما عارف مقياسهم شنو >> يكونوا درسوا هندسة >>> لووووووووووولز
راجعين لبقية المرور الكريم
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: طارق الكوتش)
|
Quote: نعم كاريكا عنده عيوب كتيرة أهمها البطء في رد الفعل قدام التلات خشبات
لكن كاريكا سريع ومراوغ وقوي ولا يهاب الالتحام |
يا اشرف من عيوبه ايضا بالاضافة لما ذكرت > كما ذكر اخونا تمبس عدم استخدام الراس
+ من عندى : عدم الاختراق من العمق > كده ارجع وتامل
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: طارق الكوتش)
|
| Quote: اليوم ظهر وجه كاريكا الذي نتمناه دائما |
نعم يا دكتور وكما ذكر اخونا خليل > مدثر الطيب الشهير بكاريكا
قدم اجمل مبارياته مع الهلال بدون اى مقارنه بينها و بين اى مباراة
لعبها فى الماضى واعتقد وجود بكرى المدينه كان له اثر كبيير
بس بنتمنى انو وبالتمارين يتخلص من عيوبه التى ذكرت اعلاه
من خلال بعض الاخوان
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: طارق الكوتش)
|
خلو يا فرده
Quote: كتاشة
اجمل مباراة لمدثر الطيب منذ تسجيله بالهلال |
ياخ ما تشوف لى طريقة لبكرى المدينه ده
شكلو ميشو حسم امر هجومه بسادومبا و كاريكا
ياخ بكرى ده فى > قلع اخترق من الطرف والعمق
صنع و هدف وخلخل >>> ياخ حرااااام يجلس احتياطى
لا وكمان معاهو بشة >> الكلام ده ماراكب اتصرف يا خلو
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: طارق الكوتش)
|
Quote: سلام يا كوتش والله كاريكا الليله جضم كورة عمرو ما لعب زيها فتح مساحات
في الدفاع بسحب المدافعين بطرفين الملعب وراوغ ودافر وفضح بُط الدفاع الإتحادي منذ بداية
الماتش وثقتو في نفسو كانت عاليه وكذلك لياقتو البدنية والذهنية ولم ينقصه سوى التوفيق
والتسجيل إنشاء الله يواصل كدا نشيلو فوق راسنا |
مرتضى اتفق معك
بس عيوبه المذكوره اعلاه اتمنى ان يعمل على معالجتها ليكتمل الهلال به بدرا
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: طارق الكوتش)
|
| Quote: يا كوتش رغم الأداء الممتاز لكاريكا أمس , ألا تتفق معي بأن أفضل مقدمة هي ( سادومبا-بكري ) .. ؟؟؟ |
اتفق معك 100 الـ 100
لان بكرى لاعب مكتمل ويمتاز على كاريكا بعملية الاختراق من العمق
و استخدام الراس لضرب الكره و رفع الراس واستخدامه عند التهديف
والتهديف القوى والباصات المتقنه وصناعة الاهداف من اى مكان ومساعدة الدفاع بشكل جيد ,,,,
طبعا بالاضافة لميزات كاريكا و المتمثله فى الاجاده من الاطراف وفتح مساحات وخلخله للدفاعات
فقط ينقص بكرى الثقة من الجهاز الفنى
| |
|
|
|
|
|
|
|
|
 Re: كاريكا يا مدرسة ... فن ولعب وهندسة (Re: طارق الكوتش)
|
يا حلاوى
| Quote: الطريف انو المريخابي حمودة حضر المباراة مع نصر الدين هههههههه |
حموده ليهو فتره طوييييييييله بفتش ليهو لمروحة تصنيع جبل على وعنده امل يلقاها
عشان كده هو لافى مثلها و بنمره واحد من نصر الدين للقهوة الشعبية
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: طارق الكوتش)
|
Quote: كاريكا لعب مباراة لم يبلعبها من قبل واعتقد ان كاريكا شعر بخطر حقيقي من وجود بكري المدينة
لأن بكري المدينة اظهر مهارة فائقة في كل حاجة حتى في القلع والقوة والخطورة امام المرمى وحتى
بعيد من المرمى. |
ينصر دينك يا الصادق ياخ >> كلام زول متابع بدقة للاحداث
وطبعا المنافسة بين بكرى و كاريكا و سادومبا لمصلحة الهلال
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: طارق الكوتش)
|
كاريكا مهاجم متميز ومن يقول غير ذلك مجحف
فقط لازمه سوء الحظ في بعض المباريات
لكن كان في الععد الكبر من المبريات نجم بتسجيل
الاهداف وارهاق دفاعات الخصم وصنع الفرص لزملائه
وبالامس كان له دور كبير في الانتصار عندما تكفل بايقاف
تقدم الطرف الايسر للاتحاد ودعمه للهجوم ...
وقام بصنع اكثر من كرة لزملائه واهمها الهدف الاول عندما مرر
بذكاء لهيثم مصطفى ... وكذلك في الشوط الثاني صنع فرصه مضمونة لهيثم عندما لعب له
كره محسنه للخلف فشل هيثم في تهديفها نحو المرمى ... وضاعت له فرصه
مضمونه عندما لعب الكرة من فوق الحارس لحظة خروجه للكن اصدمت بالقائم ..
كاريكا بحق يستحق نجومية المباراة بجانب كل لاعبي الهلال ... وكاريكا لا غنى عنه
في الهلال وهو لاعب يمتلك موهبة فطرية ويجيد الالتحام والمراوغة والتهديف
فله منا كل الاشادة والتقدير
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: طارق الكوتش)
|
| Quote: شوف تـهديفة كاريكا دي كانت حاتكون أذكى وأروع هدف |
يا ابواللول
منو القال ليك الكورة ما قون ؟
كدي عاين لي مسار الكورة لحظة انطلاقها من اسفل القائم
وركز لي على نقطة إلتقاءها مع العارضة بتلقى الكورة جزء منها ما ظاهر
وبعد داك لامست الشباك الداخلية لمسافة .. ودا يعني ان الكورة كانت خلف العارضة واتجاوزت خط المرمى
ولو رجل الخط كان واقف صاح وعندو ذمة الكورة قون ما كلام
____
تحياتي ياكوتش
| |
|
|
|
|
|
|
|
|
 Re: كاريكا يا مدرسة ... فن ولعب وهندسة (Re: عبدالوهاب علي الحاج)
|
Quote:
يا ابواللول
منو القال ليك الكورة ما قون ؟
كدي عاين لي مسار الكورة لحظة انطلاقها من اسفل القائم
وركز لي على نقطة إلتقاءها مع العارضة بتلقى الكورة جزء منها ما ظاهر
وبعد داك لامست الشباك الداخلية لمسافة .. ودا يعني ان الكورة كانت خلف العارضة واتجاوزت خط المرمى
ولو رجل الخط كان واقف صاح وعندو ذمة الكورة قون ما كلام
|
وهبة العزيز
مساء الـخير
والله العظيـم يا وهبة
أنا أُمبارح شفت الكورة قون
وفي شاشة التّلفزيون الضّخمة
لكن كلامي هنا عن لو تـمّ إحتساب الـهدف
دي زي مغصة هدف أمبيلي الباكورد العجيب فـي شباك الـمرّيخ
الله في
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: لؤى)
|
Quote: وبعد داك لامست الشباك الداخلية لمسافة .. ودا يعني ان الكورة كانت خلف العارضة واتجاوزت خط المرمى
ولو رجل الخط كان واقف صاح وعندو ذمة الكورة قون ما كلام
|
فعلاً الكورة لامست الشبكة ...
ولو رجل الخط متابع كويس اكيد كان احتسب الهدف
| |
|
|
|
|
|
|
|
|
|
Re: كاريكا يا مدرسة ... فن ولعب وهندسة (Re: عبدالله السفاح)
|
سلام أيها الكوتش....
وإليك ما جادت به قريحة صديقي المهندس/ عبدالسلام كامل عبد السلام
وهو ليس عضوا في المنبر وقد أرسل قصديته على أيميلي... فإلى
القصيدة علها تثري مقاصد بوستكم...
وقد خبر الهلال الاتحاد
بهذا النصـــر كم مجدٌ يُعادُ وقد خبـــِرَ الهِلالَ الاتِّــحاد
بهذا النصر تــَنْثال القوافـي ويجْــرِي دون أن أدري المِدادُ
ليكتب كيف كـان البدرُ تمـًّا أنار.. وبُدِّدَ اللـــَّونُ السـَّوادُ
ألم يُخرِجْ لحُونًا زاهـــِياتٍ بهــِنَّ تمـِيسُ من زَهْو سُـعاد
وتُوِّج بالفَخار رجالُ صــدقٍ لهُـم في كل مُعتركٍ ســـَداد
بهيثمِــها ويوسُفِها ودِمــْبا وهُم دومًا لدى الجُلَّــى العِمـاد
بحارسِـها المُعِزِّ وقـد أراهُم فنونا في الحِـــراسة تُستفاد
مهنــَّدُها يحقِّـقُ كلَّ حُلـمٍ إذا ما عانــَقَ المَرْمَى السَّـداد
ويقفزُ قفزتينِ.. دليـلَ خرقٍ شِــباكَ الحارِسِيهِ فما أفـادوا
وكارِيكا الذي يفْتَنُّ دومــًا وعُــدَّتُه الجَـــسارةُ والعناد
يصمِّم أن يكون النصرُ وقْفًا لبـــَدرِ التـَّـمّ كلّـله الوداد
شموسٌ أحرقت قلبَ الأعادِي ونســـْمٌ للأحبــّة يُستفاد
بسادُمْــبا يهُــزُّ بكلِّ بأسٍ شِباكًا هزَّها منْه الرشـــاد
ليفعل بالنُّفوس السِّحرَ حِـلاًّ ويجري الانتِـصارُ كما أرادُوا
ويتبعـــَها بقاتلة ٍ بشـِيرٌ فمـــاذا يُرتَجَى إلا الحـِداد؟
لقد حسبَ الضُّيوف النصْر سهْلاً على نفــَرٍ همُ الصُّمُّ الشِّداد
وقد ظنُّّـوا وكان الظنُّ إثمًا بأنَّ هِلالَـــنا هيْــنٌ يقــَاد
وأنَّ النصْرَ قد يأتي اعتباطًا وخاب رجاؤهُــم ضلَّ الرَّشاد
ألاَ فالمَجْد ُ مثلُ الشَّـوكِ مُرٌّ مذاقَتُــه .. وكم فيهِ القَــتاد
وتزأرُ في عرينتِــها أسودٌ أشــاوسُ في الهلالِ لهم وِداد
جرى حُبُّ الهلال بكل عِرْقٍ ونبضُ فـــؤادِهم للحُبِّ زاد
وقد هتفوا جميعاً مِثلَ رعْدٍ : لقد خَبِرَ الهِـــلالَ الاتِّــحاد
| |
|
|
|
|
|
|
| |
Ashraf el-Halabi
اسماء الجنيد
haroon diyab
محمد البشرى الخضر
khaleel
مرتضى احمد عبد القادر
عبدالمجيد المقابل
عبدالرحمن الحلاوي
الصادق صديق سلمان
وليد عبد اللطيف
tmbis
لؤى
Mohammed Ibrahim Othman
Abdlaziz Eisa
محمد عبد الماجد الصايم
شول اشوانق دينق
عبدالله السفاح
عبدالوهاب علي الحاج
Kamal Karrar
فيس بوك
تويتر
انستقرام
يوتيوب
بنتيريست