|
ضحيه علي الريحه .....!!!
|
درج الكثير منا نحن السودانيون الموجودون خارج البلاد علي ارسال حق الخروف
" الضحيه" الي اهلنا في السودان .
|
|
|
|
|
|
|
|
Re: ضحيه علي الريحه .....!!! (Re: طارق ميرغني)
|
نسبة للاسعار الخيالية تجرس اهلنا ووصلتنا الجرسة هنا
ولهم الف حق
الخروف خمسه شنكل = واحد مليون
الخروف فور ويل درايف = 580،000
الخروف اربعه بستم = 550،000
اما العادي تلاته بستم او الرقشات ما بين 450،000 الي 550،000
بالقديم
| |
|
|
|
|
|
|
Re: ضحيه علي الريحه .....!!! (Re: طارق ميرغني)
|
تخريمه كبيره
_________________
في منتصف الثمانينيات كنت اعمل في مصنع شركة الحبوب الزيتية بالباقير ولتوفر حطب الفول الناجح جدا كعلف للبهائم درجت ان اذهب في رمضان الي سوق الربع القريب من الجديد الثورة لشراء كمية من الحملان لاطلقها في حوشنا الثمانين فدان وعندما يحل عيد الاضحية تكون " تدوعلت " .ابيع بعضها فتقع ضحيتي مجانا رفضت كل المغريات لبيع احد الخرفان الذي اخترته اضحيتي والذي بلع حجما عظيما
وحتي تاريخه لم ار لي خروف بمثل هذا الحجم الذي اغري حتي مديرنا العام انذاك الاستاذ كمال عبد الحليم ان يسال عن صاحب الخروف ليشتريه فرفضت. يوم الوقفه ذهبت الي منزلنا ببحري وليلا ادخلت عربتي البوكس انذاك وربطنا الخروف في ماسورة بارزه في الحائط وبقرب العربه. ليلا صبت امطار غزيرة فصحي اخوتي لادخال السراير ففوجئوا بالباب مفتوح "ثلاث ضلف" والخروف غير موجود..!!! عملنا مسح سريع ومعي اخوتي لشوارع بحري كلها فلم نجد اثرا لضحيتنا. اكيد الخروف قد تم سرقته ليلا من احد الذين رأوه نهارا جهارا واكيد تابعوه صبحنا تاني يوم "اباطنا والنجم". يومها حردت العيد في الخرطوم وسافرت للعيد في عطبره !!! صديقي المهندس عبد الرحمن يوسف زميلنا في الشركه بعد العيد سالني متهكما :- وانت كنت وين وكت سرقوا الخروف؟ - ما كنت نايم في الاوضه - ليييييييييييييه ؟؟ - ما عشان المطره - خروف زي دا .... انت تنوم في الحوش وترقدوا هو في اوضة النوم!!!
| |
|
|
|
|
|
|
Re: ضحيه علي الريحه .....!!! (Re: طارق ميرغني)
|
كيفك استاذنا طارق امور كثيرة غيرت معني الاضحية من عبادة الي تفاخر وعادات ضارة .. ومهما ذكررت من الاسباب طالما مغترررب فسيك سيك معلق فيك ولا عذر ابدا " هكذا يقول المجتمع السوداني "
| |
|
|
|
|
|
|
Re: ضحيه علي الريحه .....!!! (Re: العوض المسلمي)
|
هسع يا طارق يعني ما نجي الرياض ولا شنو؟؟؟
أنت لازم تضحي هنا وهناك... الحنك ده ما معانا..
خمسة أو ستة شنكل مش مهم ... المهم الشيّة..
أكيد "كناتيش" الشربوت جاهزة...
نان دي يبلعوعها ب "لوزين"...
يا زول هو... خلينا من خروفك بتاع الباقير...
من دربك ده وعلى منطقة "الحائر" عدل...
وجر ليك "حري.. نجدي" وحق الفحم علينا...
قال ضحية على الريحه
أنت عايز تهظر في وكت زي ده كمان؟؟؟؟
| |
|
|
|
|
|
|
Re: ضحيه علي الريحه .....!!! (Re: Kamal Karrar)
|
شيخنا عوض المسلمي
كل سنه وانت طيب
اها السنه دي ما حاج ؟؟
نحن عارفين انها سيك سيك معلق فيك
لكن برضو الظروف هنا برضو بالنسبة لكثيرين ما زي زمان
اها .....طالما ارسلنا الاضحية للسودان الا تسقط عنا التضحيه خارجه
| |
|
|
|
|
|
|
Re: ضحيه علي الريحه .....!!! (Re: العوض المسلمي)
|
Quote: ما كنت نايم في الاوضه - ليييييييييييييه ؟؟ - ما عشان المطره - خروف زي دا .... انت تنوم في الحوش وترقدوا هو في اوضة النوم!!! |
طروقى الخروف دا مفروض تربطو فى رجلك وتنوم وتديه موية سكر زايد شويه منشطات عشان ماينوم لكن شكلك سحرتو براك ماكان تضبحو يوم 9 وتريح نفسك
| |
|
|
|
|
|
|
Re: ضحيه علي الريحه .....!!! (Re: طارق ميرغني)
|
اخي كمال
الرياض ترحب بيك ونحن قدام
وان شاء الله لو مافي سواكني نضبح لي زول عديييييييل
لكن ما سالتني
علي الريحه دي يعني شنو ؟؟
كتار بعملوها بمعني شراء اما لحم ساده
او خروف مبرد
اصلو المره بتكون نايمه الراجل يقوم فجر ويجي راجع شايل كرتونه
هي عارفاها نعيمي ولا سواكني ولا مبرد او مجمد ؟؟؟؟؟
| |
|
|
|
|
|
|
Re: ضحيه علي الريحه .....!!! (Re: طارق ميرغني)
|
الحبيب طارق ميرغني
كل سنة انت والاولاد بالف خير
لكن ياخ الضحية ما غالية ... يعني شنو لو اشتريت خروف بمليون وشبعت منو لغاية الضحية الجاية ؟؟
يعني بمعدل 3 جنيهات في اليوم ...
الناس تاني تشوف اللحم من سنة لي سنة
| |
|
|
|
|
|
|
Re: ضحيه علي الريحه .....!!! (Re: عبدالكريم أحمد الامين)
|
اخي خالد المحرب
بحكم خبرتك الكبيرة في اللحوم عامة" اقصد الحاشي وكده" والخراف بصفة خاصة
قيل ان الخيارات المتاحة الان اما السواكني ان وجد
او حسب التجربه خروف باكستاني الذي يتمتع بنفس الصفات السواكنية السودانيه
ما رايك دام فضلك؟؟
| |
|
|
|
|
|
|
Re: ضحيه علي الريحه .....!!! (Re: خالد المحرب)
|
صديقي علاء الدين حيموره
كل سنه وانت طيب
المليون دي في الخروف العادي ولا السيوبر ؟؟
اذا كان الباكستاني المبرد رخبص وممكن تجيب ليهو اسبيرات
ياباني او تايواني برضو بتعدي
قول لي كيف ؟؟؟
| |
|
|
|
|
|
|
Re: ضحيه علي الريحه .....!!! (Re: طارق ميرغني)
|
اها النجي لي قطع الغيار
بعد ما اشترينا الخروف المبرد سوي اكان سواكني او باكستاني
طبعا بيستوردوه فاضي أي بدون أي مكنه
لتمامة الذبيحه علينا بقطع الغيار وهي عباره عن واحد كبده نعيمي وواحد كرشه وبعض الاحيان الكرشة تكون بقري او عجالي لانها الاجمل والامتن.
يمكن الاستعانه ببعض المصارين لزوم الكمونيه وكده .
| |
|
|
|
|
|
|
|