|
Re: برافووو محمد عثمان مذيع قناة النيل الأزرق (Re: Hassan Bakri Nugud)
|
قناة النيل الأزرق ، وفي ظل هيمنة العنصر النسائي على خارطة تقديم البرامج فيها تمثل بيئة ممتازة للمذيعين الرجال لإثبات ذواتهم.
وعلى الرغم من ذلك ظلت الساحة بقناة النيل الأزرق -ولوقت طويل- خالية من المذيعين الذين يمكن وصفهم بالجيدين فيما عدا المذيع المتمكن سعد الدين حسن ، والذي يمثل محمد عثمان إمتداد له في الأسلوب والحرفية.
| |
|
|
|
|
|
|
Re: برافووو محمد عثمان مذيع قناة النيل الأزرق (Re: Hassan Bakri Nugud)
|
بصراحة .. سعد الدين حسن .. يجلس على مقدرة كفء اذا ما خرج بها من السودانية (بالتدريب الذاتي) الجاد والبحث عن اي فرص تدريب خاجي دقيق ليكون أحد رموز الاعلام البرامجي الفاحص والذي يدرك ما يجب تفكيكه وإستنطاقه في الوقت المناسب له التوفيق وله محمد عثمان
فهذه القناة بدأت غير حكومية وانتهي بها الأمر حكومية أكثر من تلفزيون الحكومة ..
| |
|
|
|
|
|
|
Re: برافووو محمد عثمان مذيع قناة النيل الأزرق (Re: محمد حلا)
|
الأخ / محمد حلا ، صباحك خير..
سعد الدين مذيع مميز بي حضورو الطاغي وثقافتو الواسعة .
الثقافة مطلوبة بشدة في المذيع ومقدّم البرامج عشان يقدر يدير حواراتو بي صورة سلسة وجميلة.
في ظنّي إنو سعد الدين -في الوقت الحالي- أكثر مذيع مؤهل لي أنو ينتقل لي المؤسسات الإعلامية الكبري خارج البلاد ، وبي نفس المستوى محمد عثمان إذا واصل بي نفس الخطى.
Quote: فهذه القناة بدأت غير حكومية وانتهي بها الأمر حكومية أكثر من تلفزيون الحكومة .. |
ما بتفق معاك في النقطة دي ، لأنو قناة النيل الأزرق عندها نكهة برامجية خاصة ومميزة منذ إنشاءها وحتى الآن .. وإعتمادها علي البرامج المنوعة والخفيفة، من خلال مدير برامج متمكن ، وهو أستاذ الشفيع؛ مكنّها من إنها تبقى القناة السودانية الأكثر تفضيلا في نظر الكثيرين.
موّدتي ،
| |
|
|
|
|
|
|
Re: برافووو محمد عثمان مذيع قناة النيل الأزرق (Re: Siham Elmugammar)
|
الفاضلة سهام المجمر، سلامات..
أنا شاهدت الحلقة التمت إستضافتك فيها ، وفعلا محمد عثمان كان أداءه ممتاز.
أهم حاجة بتميز محمد عثمان كمذيع إنو بيعرف متين يستمع للضيف ومتين يقاطعو.المسألة دي بي الجد مهمة وبنفتقدها عند كثير من المذيعين/ات السودانيين ( حتى زوي الخبرة منهم ) ..
يعني تلقى الواحد يسأل الضيف سؤال وما يديهو فرصة يرد كويس أو يعبر عن فكرتو في الموضوع ، طوالي يروح مقاطعو ويسألو سؤال تاني !
حاجة بايخة جدا.
Quote: اتمنى فعلا ان توفر قناة النيل الازرق التدريب لمواهب شابة تمتلك قدرات محمد عشان البداية الصحيحة ما تتعتر فى الامراض المزمنة التى لازمت هذه المهنه |
ونحن كمان بنتمنى نفس أمنيتك ، لأنو مواهب زي دي لازم تصقل بي التدريب المستمر عشان نقدر نمكن الشباب الزي محمد ديل واللي هم أساسا موهوبين بي الفطرة من إنهم يمتلكو تقنيات العمل الإعلامي المحترف. وإلا حيكون مصيرو زي مصير السبقوهو من المذيعين الجيدين.
مودتي،
| |
|
|
|
|
|
|
|