|
أوربا ترتجف أمام ألبشير ! دا كلام يا فتحي شيلا??
|
أوربا ترتجف أمام ألبشير ! دا كلام يا فتحي شيلا??
أخونا ألـمعارض زمان فتحي شيلا وقف أمام كاميرا ألتلفزيون كناطق رسمي بإسم ألـمؤتـمر الوطني وقال لا فض فوه:-
ألإتحاد ألأوربي عارض مجئ ألبشير لطرابلس لأنه يخاف ويرتجف لا من يشوف ألبشير!!
تكتك يافتحي!! علي قول أستاذ {ألجمرات} محمد توفيق أحمد
|
|
|
|
|
|
|
|
Re: أوربا ترتجف أمام ألبشير ! دا كلام يا فتحي شيلا?? (Re: abdalla elshaikh)
|
فيا فتحي شيلا
رئيسكم دا بيذكرني بحرب {ألحراز للـمطر!!} إذ يقال أن ألحرازة أقامت وليمة كبيره لزوم ختان أولادها فدعت كل ألخلوق ما عدا ألـمطره!! فإنتظم الحضور من سمبر ونعام وقضيم وهشاب وحمير وثعالي وبغال!! ولكن حدث ما لايحمد عقباه!! إذ هطلت عليهم مطرة هتون فتفرق شملهم في ألديار وأضحت الحرازة تبكي حظها وقالت للـمطره:- ( أها يا ألـمطرة شوفيني لو خدرت في ألخريف!! محارباك يا الـمطره!! تنزلي علي أنشف من ورق ألدنيا} فصارت هذه ألحكاية مثلا:- حرب الحراز للـمطر!!
لكن ما قلت لي يا فتحي!! لامن أوربا رجفت من عين ألبشير!! ألـمعني ما بالت في كرعيها???
| |
|
|
|
|
|
|
Re: أوربا ترتجف أمام ألبشير ! دا كلام يا فتحي شيلا?? (Re: نيازي مصطفى)
|
تحياتي يا عبد الله الشيخ
خلي بالك الزول دا قرب قريب من البشير وعرف حاجة الأوربيين لسع مع عرفوها . عشان كدا قال كلامة دا . بس إنشاء الله لمن نتكلم البعرفونا ما يحضرونا . بالله دا منطق ناطق رسمي بإسم المؤتمر الوطني .. الزول إمكن بخاطب في ناس حلة من الأهالي !!!
بحيراوي
| |
|
|
|
|
|
|
Re: أوربا ترتجف أمام ألبشير ! دا كلام يا فتحي شيلا?? (Re: ود الباوقة)
|
اخوى عبدالله سلام والله فتحى شيلا دة خطير! يمكن هو كمان شاف الملايكة حارسة البشير والجن المسلم بيحمر للأوربيين وبيوريهم ضنبو المشرشر!!! مين عارف!!! دة شلاشيلو ... شخارم بخارم... والاوروبيين يرجفوا لأنو البشير عندو شيلا ...وشليل وين راح يا شيلا؟ ... ختفوا التمساح يا شيلا...
نورالدين منان
| |
|
|
|
|
|
|
Re: أوربا ترتجف أمام ألبشير ! دا كلام يا فتحي شيلا?? (Re: قلقو)
|
الأخ عبدالله الشيخQuote: تكتك يافتحى!! على قول استاذ (الجمرات) محمد توفيق احمد |
Quote: لكن ما قلت لي يا فتحي!! لامن أوربا رجفت من عين ألبشير!! ألـمعني ما بالت في كرعيها??? |
من اجمل ماقرأت مؤخرا . ففتحى شيلا كان معروفا للجميع بأنتهازيته ممنذ ايام التجمع بالقاهرة , والآن صار ملكيا اكتر من الملك . ولاندرى كيف سيكون حاله غدا عندما تغور الأنقاذ فى ستين الف داهية . شكرا اخى عبدالله ورحم الله الأستاذ محمد توفيق احمد صاحب الجمرات الحارقة .
| |
|
|
|
|
|
|
Re: أوربا ترتجف أمام ألبشير ! دا كلام يا فتحي شيلا?? (Re: قلقو)
|
ألإخوان;- عثمان رغيم ونيازي والبحيري والـمشاتر ود الباوقه ومنان وقلـقـو
سلام يغشاكم!
فتحي شيلا كان لاعب النص وحارس الـمرمي ورأس الحربه في الحزب ألإتحادي ألديـمقراطي ألأمر ألذي أزعج أعمامنا ناس محمد توفيق أحمد ومحمد الحسن عبدالله يسن والشريف الهندي وأحمد السيد حمد.. فكتب أستاذنا محمد توفيق واحدة من{جمراته} بعنوان{تكتك يا فتحي} علي خلفية إشتراك فتحي شيلا في إجتماع لتنظيم مشبوه بالسعوديه إسمه ألصحوة ألإسلامية أمطرته الـمخابرات ألسعوديه بـمئات ألإلوف من ألريالات !! فإستفسرت هذه ألقيادات مولانا الـميرغني عن سر إشتراك فتحي شيلا في هذا ألإجتماع?? فرد عليهم مولانا قائلا:- {فتحي قاعد يتكتك!!!}
| |
|
|
|
|
|
|
Re: أوربا ترتجف أمام ألبشير ! دا كلام يا فتحي شيلا?? (Re: abdalla elshaikh)
|
الرئيس البشير ألغي زيارته لجمهورية أفريقيا الوسطى والتي كانت مقررة ان تبدأ صباح اليوم الأربعاء لحضور اعياد الأستقلال الخمسين بعد ان ابدت الحكومة هناك عدم رغبتها في استقباله والدخول في حرج دولي يغطي على زخم الأحتفالات رغم اصرار الجانب السوداني على القيام بالزيارة
أهـا يا فتحي شيلا!! شن قولك في ألحاصل دا??.. فتحي يا أخوي رئيسكم دا زي ألجمل ألأجرب !! فإما أن تعالجوه!! أو تربطوا علي وتد داخل القصر !!
| |
|
|
|
|
|
|
Re: أوربا ترتجف أمام ألبشير ! دا كلام يا فتحي شيلا?? (Re: abdalla elshaikh)
|
الخرطوم فى 3/12( سونا) منح المشبر عمر البشير رئيس الجمهورية رئيس المؤتمر الوطنى ولاة الولايات تفويضا شاملا بطرد اى منظمة اجنبية او أي شخص لايحترم سيادة السودان
عفيت منك يا ألأسد ألنتر !! لكن ما قلت لي يا ألأسد راجالتك دي وين لامن إسرائيل قصفت حدودك ألشرقيه?? وما قلت بغم لا من مصر وضعت يدها علي حلايب وقتلت مواطنيك ??
والله يا ألأسد طلعت ماسورة كبيره!!
| |
|
|
|
|
|
|
Re: أوربا ترتجف أمام ألبشير ! دا كلام يا فتحي شيلا?? (Re: abdalla elshaikh)
|
إنتو يا جماعه ألزول دا ما عندو مستشارين ?? هذه ألـمنظمات ألإنسانيه هي التي تحرك ألكومة ألأمريكيه والحكومات ألأوربيه وذلك لأنها تتحرك في مساحة ماليه مقدارها مائتين بليون دولار.. وهذه ألأموال لا تدفعها الحكومات وإنـما تدفعها ألشعوب التي تأتي بالحكومات.. ومعظم ألقائمين علي أمر هذه ألـمنظمات كانوا يشغلون مناصب دستورية أو سيشغلون مناصب دستورية في وقت لاحق كحالة ألرئيس أوباما ومستشارته للأمن ألقومي والـمشرفة علي ملف السودان {سيمانتا باور } فيا مستشاري ألرئيس هذه حقائق بدهية كان من الـممكن أن تعرضوها علي الرئيس قبل وقوع الفأس في ألرأس!! وهل تعلموا يا أباطره أن أوكامبو عزز حجته بأن ألبشير إرتكب جرائـم ضد ألإنسانية بسبب أن البشير طرد الـمنظمات ألإنسانية من دارفور ليـموت أهلها جوعا
| |
|
|
|
|
|
|
|