أبوى قسم الله

مرحبا Guest
اخر زيارك لك: 03-30-2024, 02:21 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة شاذلى جعفر شقَّاق(shazaly gafar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-06-2009, 03:08 PM

shazaly gafar
<ashazaly gafar
تاريخ التسجيل: 12-12-2004
مجموع المشاركات: 1604

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
أبوى قسم الله

    أبوى قسم الله

    شاذلى جعفر شقَّاق



    أبوى قسم الله

    الـ صلَّ صلاتو

    وقام مِنْدَلِّى

    على واطاتو

    * * *

    حَسَّسْ شُفَّعو

    نقْرِ عصاتو

    وينا صلاتكم؟

    وينا فلاتكم؟

    ها جنَّون الصٌّبُح ألفوهو

    الرزق الرزق

    الـ فات قِدَّامكم

    النايمين الـ مابْشوفوهو

    ديل اسياد

    الربطة النَّيَّة

    أبوى قسم الله

    * * *

    صباح خيراتو

    على التِّنْقير

    الـ فرهد نادى

    الغصن الشادى

    النَّخَل الهايم

    فى الملكوت

    حيران تتراقص

    فى حوليَّة

    أبوى قسم الله

    * * *
    صباح خيراتو

    على الشُّمَّارة

    على ضِرْعاتو

    هميم ونشيط

    خطواتو فتيَّة

    أبوى قسم الله

    * * *

    صباح خيراتو

    على دَرْواتو

    على العتَّارة

    على الفاسقيَّة

    على السلَّوكه

    على النجَّامه

    على الطوريَّة

    أبوى قسم الله

    * * *

    صباح خيراتو

    على تيرابو

    الوارثو وراثه

    على واسقو

    على ماروقو

    شتيت همساتو

    الماسك روقو

    على دعواتو

    العيشة حلال

    والزاملة النيَّة

    أبوى قسم الله

    * * *


    هوى يا الله

    تبارك فيهو

    تكيَّة وخير

    للغير والطير

    للغاشى وماشى

    وللأخون وللجيران

    للمحتاج وللعشمان

    وللعدمان وللصرمان

    كيمان كيمان

    ايديهو سخيَّة

    أبوى قسم الله

    * * *

    صباح خيراتو

    على الراتعات

    الـ كَرَفَنْ سيدِن

    وشَرَفَن فجأة

    يناغِن فيهو

    ضروعِن تمْلى

    صباح وعشيَّه

    أبوى قسم الله

    * * *

    صباح خيراتو

    على الراتعات

    فى اللوبا التابِر

    جرْفاً عامـر

    عجولِن تَخَرِتْ

    تالا ضروعِن

    الكبروس الرغوة

    الطامحة ..اللبن

    التَّشْربو بالمَحَويت

    ح تشربو داير

    والاَّ ابيـت

    أشرب أشرب

    يـا عفريت

    أشرب تكْبر

    يا عفريت

    تكبر تركب

    رحتَ وجيت

    دوباى ختْراتَك

    والدوبيت

    سواق ختواتك

    إبرة وخيت

    قطَّاع عَقَباتك

    يا المبروك

    حرَّاس واطاتك

    يا المبروك

    مشهاد اخواتك

    يا المبروك

    إنْ مٌتَّ أنا

    ما ياكَ أبوك !

    إنْ فُتَّ

    وراىْ الضُّلَّ

    الـ خَتَّ

    ملاذ اخوانو

    ركيزة قويَّه

    أبوى قسم الله

    * * *

    أبوى قسم الله

    صديق أولادو

    حبيب احفادو

    الضحكتو تشرب

    مِنَّ النيـل

    الـ هيـلو

    سبيـل

    الـ دربو

    عديــل

    ومكان ما

    يلقى الخَمَج

    امْحــاهو

    يفرزع بيتو

    شَليَّة شليَّة

    أبوى قسم الله
    أبوى قسم الله
                  

04-07-2009, 02:46 PM

Seif Elyazal Burae

تاريخ التسجيل: 01-14-2008
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أبوى قسم الله (Re: shazaly gafar)

    good poems dear jafar
                  

04-07-2009, 03:39 PM

shazaly gafar
<ashazaly gafar
تاريخ التسجيل: 12-12-2004
مجموع المشاركات: 1604

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أبوى قسم الله (Re: Seif Elyazal Burae)

    أشكرك سيف

    وانت تدفعنى لمعاقرة الكتابة ..

    بالمناسبة ، حصل دقّوك بـ (المحويت) عشان تشرب أكبر كمية من اللبن

    الطازج (مِن ضرْع امّو) ؟ المحويت دى ولا بشرحها للحناكيش ! حساده ساكت!(وجه عندو شنب من الرغوه)
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de