|
|
|
 Re: تسألني إحدى الأخوات : هل أموال منسوبي المؤتمر الوطني حلال وهل يصح الزواج من أحدهم ؟؟؟ (Re: saif massad ali)
|
شكرا الطيب وسيف
شكرا جزيلا جدا على هذا اللطف منكما
صدقاني يا صديقاي
الأمر ليس بهذه البساطة
فيه تعقيد كثير
الجوانب الشخصية والاجتماعية تتداخل في أمر كهذا أشد التداخل وتتعقد أيما تعقيد
طبعا ، للوهلة الأولى ، ومن جراء الانسياق وراء مقتضيات (العدالة)ومتطلبات (الطهرانية) يكون جوابُ كالذي ساقه النقي الغضوب الأستاذ الطيب بشير ، وقد أوشكت أن أفوه به للبنت ، ولكن ..
وآه من لكن ....
ثمة نسيج اجتماعي صار شديد التمزق شديد البلى
وأخشى أن رتق هذا النسيج قد يتطلب التغاضي عن بعض هذه النزعات الثأرية
....
ثم
.. أفعال القلوب .. (ماذا لو كانت تحب هذا الملوث بالمال الحرام والمغصوب ؟)
و
أزمة عدم وجود(أولاد حلال نظيفين) أصلا ؟؟
و لا أوافقك يا سيف .. سؤالها يعني عندي أنها تقف في (المنتصف) تماماً
....
| |
 
|
|
|
|
|
|
|
|
Re: تسألني إحدى الأخوات : هل أموال منسوبي المؤتمر الوطني حلال وهل يصح الزواج من أحدهم ؟؟؟ (Re: فتحي البحيري)
|
الله يجازيك يافتحي البحيري
عاوز تبقى مفتى في آخر زمنك
قال فتوى قال !!!
كدي خلينا من الممازحة البريئة
ماعارف ليك واحدة مؤتمر وطني تكون غنيانة ؟؟
والله أعرسها بدون تردد
ياخي نحن لسه ماعندنا بيت ولاقطعة ارض ولا اي شيء
وجدودنا الله يطراهم بالخير الواحد سبحته أطول منه
زمان كل ماتجي تهبش ليك حاجة يقول ليك دي حرام
اخيراً طلعنا من الجنة وصقتها
لاورثنا منهم اراضي ياكافي البلاء
ولاقروش
ولادين
بس كتلونا بالصبر
تصدق واحد منهم كان بيربط حماره في عمارة المعاشات بمدني
كانت الزريبة بتاعت الحمار
شوف الحيوان دا في الآخر هداها لي واحد في مدني
هسي كل ما اشوفها أصاب بمغص حاد وآلام في الجهاز التنفسي
عشان كدا الجاهز كويس
ماممكن تعرس ليك واحدة مفلسة وزيتها طالع
وتقعد كل يوم تعاين فيها وتعاين فيك
عليك الله ماتنسى وصيتي
ولاعاوز لي فتوى ولايحزنون
قال تأصيل قال
| |
|
|
|
|
|
|
|
|
|
Re: تسألني إحدى الأخوات : هل أموال منسوبي المؤتمر الوطني حلال وهل يصح الزواج من أحدهم ؟؟؟ (Re: هجو الأقرع)
|
قال داخلية قال
أنا جاهز ياهجو
كمان 00 وزيرة ولائية00 دي حاجة جميلة جداً
ان شاء الله بس تكون في ولاية غنيانة
ماتكون ولاية مافيها الا السمك وشجر القرض
بعدين والله حاتجد مني كل الإحترام
وماعندها اي مشكلة
لو عاوزة أكبر ليها نص الليل والله ماعندك مشكلة
أكثر ليها من تهليل تكبير لحد الجيران مايصحو
ولو صحتني
لصلاة الصبح الساعة 2 صباحاً برضو بقوم اصلي
المهم في النهاية الواحد يضمن يكون عنده بيت وقطعة ارض
وشنطة تتمكنون !! طبعاً دي أهم شيء لزوم { القشرة } والفشخرة
ست النفر زوجة هنية ورضية
وماعندها اي مشكلة ممكن كلنا نعيش في المنشية
بس لكن ماتقول لي الزواج حايكون جماعي على وزن السكوت الجماعي
نحن عاوزين عرسنا يكون برانا
لأنو بصراحة في الزواج الجماعي ماتقدر تتحكم في اي شيء
يعني ممكن تكون رقصة العروس أغنية جهادية
دا طبعا كان ماجاك القيقم
قال هل يصح الزواج قال
كدي لموني فيها
| |
|
|
|
|
|
|
| |
فتحي البحيري
الطيب بشير
saif massad ali
ابوحراز
othman mohmmadien
هجو الأقرع
محمد الامين محمد
ebrahim_ali
محمد عادل
صديق الموج
فيس بوك
تويتر
انستقرام
يوتيوب
بنتيريست