وردي يصدح في حضرت البشير ( اصبح الصبح ولا السجن ولا السجان باقي)!!!!

Quote: ولا السجان باغي

Quote: يا راجل قول كلام غير ده

Quote: بس فلاحتكم فينا نحن .. حد فيكم يقدر يفتح خشموا ويقول وردي كوز ؟

هذه هي السايكلوجية ... نظام جس نبض ...
تفتكر قام واحد بشر لوردي ؟ ولا صفق ؟
أظن كل واحد قاعد يعاين للتاني من طرف خفي.

دمتم

Quote: الليلة عيد (استغلال) السودان .. بس الاستقلال الاكيد لسه ماجا

Quote: وبصرف النظر عن الأمور السياسة يحق الغناء لوردي في حضرة الرئيس وغيره ويحق للمواطن عمر البشير أن ينطرب .

Quote: هل تذكر عندما خرج وردي أيام نميري من السجن؟ في أول لقاء جماهيري و في حضور نميري غنى ( من ناس ديلا وا أسفاى ) .. و هو يشير إلى الصف الأول من المستمعين بمن فيهم نميري .. فقال نميري لأحد المسئولين الجالسين قربه : البربري دة لسع ما تاب؟ حسع ندخلو تاني ؟

الأستاذ أبو جهينه
لما وردى بيشير إلى الصف الأول مغنياً (من ناس ديل وا أسفاى)
يخيل لى نميرى ما فضل ليهو إلا يقول زى عادل إمام: بس ما تشورش!

الأخ وليد
أيام مايو كانت هنالك مسرحيه تعرض بالمسرح القومى بام درمان
أثارت لغطاً كثيراُ وهى مسرحيه "نبتة حبيبتى" كانت تعتمد على رمزية
حوار ينتقد نظام مايو. ذهب صمويل لوباى (كان وزيراً) لمشاهدة لمسرحيه
عندما سئل هل المسسرحيه تعارض الحكومه أجاب:
لو كنت مع الحكومة تطلع مبسوط خالص
ولو كنت معارضة بتاع رجعية دا برضو تطلع مبسوط خالص!
فغناء وردى للأناشيد الوطنيه الكل بطلع من المسرح مبسوط خالص!

الشاهد أن وردى فنان عظيم صاحب تاريخ، عبر بصدق عن نبض الشعب
تكريمه هو أمر واجب على الدولة بغض النظر من هو الحاكم
لا يعيبه أن يعجب بفنه البشير أو أن يكرمه،
كما لا يعيب الزعيم الأزهرى ورواد الإستقلال
إحتفاء الدولة والبشير بالإستقلال وتكريمهم
بل هو حق وطنى ننادى بان يكون فوق كل الخلافات السياسية الأنيه

تكريم ورعاية المبدعيين الذين أثروا وجدان الإنسان السودانى الأحياء منهم
والأموات هو حق وواجب لا يحتمل التأجيل، وعلى الدولة القيام به
وردى، الكابلى، زيدان وغيرهم من الأحياء، ومن رحلوا عنا مؤخراً
إبراهيم عوض، هاشم ميرغنى، خليل إسماعيل ..

مع تقديرى

Quote: بالنسبة لوردي كرسي فارغ

Quote: بس فلاحتكم فينا نحن .. حد فيكم يقدر يفتح خشموا ويقول وردي كوز ؟

Quote: بعدين كم مرة قلنا ليكم السياسة ما فيها زواج كاثوليكي

Quote: ويحق للمواطن عمر البشير أن ينطرب

Quote: الكلام دا بزعل المواطن عمر البشير زاته

Quote: وردي سقط في بركة المؤتمر الوطني الآسنة ولن يشفع له تأريخه وأغانيه الجميلة فهو إنتهازي وآثر "حسن الخاتمة" وفلوس الشعب السوداني التي نهبتها عصابة المؤتمر الوطني!!!

Quote: الأمي دهـ ما عارف إن حضرة تكتب بالتاء المربوطة

Quote: منافق ودجــال وكضاب ,. وعامل فيها استاذ بلاغـــة ..؟

Quote: الزول ده البنزله من كوم الوهم الراكب فوقه ده شنو

Quote: ياجماعه ماتكون النظرة ضيقه ,, وردى ده جاء وغنى ليس للبشير ولا للموتمر الوطنى الراجل غنى للشعب السودانى فى يوم عيد استقلالوا , ولا انتو عايزين قيقم يجى يغنى لينا ( اليوم نرفع راية استقلالنا ) .

Quote: اريره كبير جدا ..