|
|
 ولاية نيويورك تطبق قوانين هجرة أصعب من قوانين ولاية أريزونا!!
|
نشرت جريدة نيويورك تايمز في عددها رقم 55148 خبرا في صفحة كاملة عن قوانين هجرة تطبقها ولاية نيويورك تعتبر أصعب وأشد
من قوانين ولاية أريزونا التي أثارت الجدل وسط المهاجرين المكسيك غير الشرعيين وكذلك وسط منظمات حقوق الانسان..
من المعروف ان ضباط الهجرو يقابلون المسافرين في المطارات والموانئ ونقاط التفتيش المنتشرة على الحدود الكندية والحدود المكسيكية كي يمنعوا لمسافرين
الذين ليس لديهم تأشيرات دخول أو أوراق ثبوتية تثبت وضعهم القانوني من الدخول للأراضي الأمريكية,, وهناك قانون لم يسمع معظم المهاجرين غير الشرعيين
وهو أن لضباط الهجرة الحق في تفتيش المسافرين على البصات والقطارات المحلية داخل الأراضي الأمريكية ولكن بشرط أن يكون ذلك على بعد 100 ميل
من الحدود الدولية, إلا أن ولاية نيويورك تطبق قانونا مثيرا للجدل وقانونا متعسفا ضد الأجانب أشد وأقسى من قوانين أريزونا لأن قانون ولاية أريزونا
تسمح لرجال الشرطة العاديين, وليس ضباط الهجرة فقط, بإيقاف أي شخص يرتكب مخالفة, حتى ولو مخالفة مرور, أو يرتكب أي جريمة ويسألونه عن
وضعه القانوني في الولايات المتحدة، واذا ثبت أنه مقيم إقامة غير شرعية يتم ترحيله فورا من البلاد,, ولكن فوجئ ركاب البصات والقطارات المحلية المتجهة
إلى نيويورك بضباط الهجرة يصعدون إلى البص أو القطار قبل دخولهم إلى مدينة نيويورك ويسألونه عن أوراقهم الثبوتية ومن لم يستطع اثبات انه مقيم إقامة
شرعية يتم اعتقاله فورا ويسجن في مراكز الاعتقال حتى يتم عرضه على قاضي الهجرة ومن ثم ترحيله فورا إلى بلده الأصلي الذي جاء منه..
وقد ارتكب ضباط الهجرة أخطاء كثيرة , إذ يتم اعتقال شخص وبعد أن يمضي في مركز الاعتقال اسبوع أو اسبوعين يتضح أنه مقيم إقامة شرعية
, فبعض الذين لا يتقنون اللغة الانجليزية يعجزون عن اقناع ضباط الهجرة انهم يقيمون إقامة شرعية ولكنهم لا يحملون جوازات السفر أو القرين كارت معهم
لأنهم مسافرون داخل الأراضي الأمريكية ولم يأتوا من الخارج الآن,, وطبعا ضباط الهجرة لا يعتمدون رخص القيادة التي ربما تكون مزورة..ومن أمثلة هذه
الأخطاء، تم ايقاف طالب من تايوان من طلبة الدراسات العليا ويُحضَر للدكتوراة في جامعة في نيويورك وذهب إلى شيكاغو للمشاركة في مؤتمر حيث ألقى
محاضرة وعند عودته تم إنزاله من القطار لأن سحنته آسيوية وتم تفتيشه واعتقاله وسجنه في مركز باتافيا للإعتقال في مدينة نيويورك تمهيدا لترحيله إلى تايوان
بعد أن اكتشف ضباط الهجرة أنه أتى للولايات المتحدة مع والديه وعمره 11 سنة فقط ودرس في المدارس العامة في نيويورك حتى أكمل الجامعة وبدأ في التحضير
للدكتوراة ولكن تأشيرة دخوله للبلاد كانت قد انتهت من مدة طويلة,, والذي انقذه من الترحيل قانون سنه الرئيس اوباما بعدم ترحيل الطلاب والتلاميذ الذين حضروا
للولايات المتحدة وهم صغار ودرسوا هنا وعلى أن يتم تصحيح وضعهم ومنحهم الإقامة الدائمة....
ونواصل,,, تابعونا
|
|
 
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: اميرة السيد)
|
ويقول العديد من المسافرين الذين تعرضوا للتفتيش من قبل ضباط الهجرة أن هؤلاء الضباط يركزون التفتيش على المسافرين من ذوي السحنة الآسيوية أو المكسيكية أو أي دولة أخرى.. يعني الما بيكون عيونه زرق.. زي لون كتابتي دي... ويقولون أن هذا التصرف من قبل ضباط الهجرة
أقسى وأشد من قوانين ولاية أريزونا لأنه على الأقل هناك في أريزونا لا يتم تفتيشك وسؤالك عن وضعك القانوني اذا لم ترتكب مخالفة .. ولكن هنا في نيويورك يوقظك ضابط الهجرة وانت مشتغرق في النوم في البص أو القطار ليسألك سؤالا سخيفا وهو:" اين ولدت" واين اوراقك الثبوتية ويتم اعتقالك لأنك لم تحمل معك جواز سفر وكأننا في دولة من الدول الدكتاتورية" يا عالم أمريكا بقت دولة عسكرية ولا إيه؟؟"
وعندما سأل صحفي رئيس مكتب الهجرة في نيويورك اذا كان يمكن تطبيق قانون القانون الذي يسمح لكم بسؤال المسافرين عن وضعهم القانوني على بعد 100 ميل من الحدود الدولية, فهل يمكنكم تطبيق هذا القانون في ميدان تايمز سكواير Times Squire في قلب منهاتن لأن هذا الميدان على بعد اقل من 100 ميل من المياه لدولية؟ فرد بأنه يمكن أن نفعل ذلك ولكننا لا نريد أن نفعل ذلك ,,,
يعني بالعربي الواضح يا من تقرأون هذا من سكان نيويورك والولايات المجاورة، زي حالاتنا، ويسافرون ببصات Greyhound أو بقطارات الركاب الا يتفاجأوا اذا دخل عليهم ضباط الهجرة يسألونهم عن وضعهم القانوني... يعني ما تنسى تشيل معاك جواز السفر أو القرين كارد أو اذن العمل( وبالمناسبة رخصة القيادة غير معتمدة لدى ضباط الهجرة لأن معظمها مزورة.. وبيزوروها المصريين هنا في نيويورك..( وممكن كمان يزوروا ليك شهادة جامعية أو شهادة دكتوراة )
وهذه هي البداية ولا ندري ماهي الخطوات التي ستتبع ذلك لأن هناك مشاريع قوانين كثيرة موضوعة أمام الكونجرس لمناقشتها واعتمادها لتصبح قوانين سارية المفعول ومنها قوانين ستزعج المهاجرين الذين تجنسوا بالجنسية الأمريكية كثيرا,, مثل أن ينزعوا منك الجنسية الأمريكية اذا ارتكبت جريمة جنائية أو اذا اكتشفوا ان لديك سابقة جنائية حتى ولو كانت السابقة الجنائية تمت خارج الولايات المتحدة وقبل دخوله للأراضي الأمريكية, هذا اذا لم تكن
مولودا في الولايات المتحدة الأمريكية.. ولكن الكونجرس لا يود بدء المناقشات حول هذه القوانين الصارمة لأنهم يعلمون أن الرئيس أوباما , والمعروف بأنه يتعاطف مع المهالجرين, يمكنه أن يستخدم حق الفيتو , كرئيس للولايات المتحدة, سيقف ضد هذه القوانين ويبطلها.. وهذه القوانين قدمها الحزب الجمهوري.
وبعد ذهاب أوباما , الذي اقترح قوانين لمعالجة اوضاع 11 مليون مهاجر غير شرعي ومنحهم الإقامة الدائمة,، واذا أتى أي رئيس آخر من الحزب الجمهوري فسينقلب أحوال المهاجرين، سواء كانوا قانونيين أو غير قانونيين، إلى جحيم لا يُطاق.. يعنى ندعو الله أن يفوز أوباما لولاية ثانية , وثالثة ورابعة كمان اذا كان الدستور الأمريكي يسمح بذلك,,, بالمناسبة في رئيس أمريكي حكم لثلاثة فترات.. بتعرفوه؟؟؟
والله يديكم العافية.. وآسفة للإطالة...
(عدل بواسطة اميرة السيد on 09-28-2010, 01:54 PM)
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: اميرة السيد)
|
| Quote: بالمناسبة في رئيس أمريكي حكم لثلاثة فترات.. بتعرفوه؟؟؟ |
سلام يا أميرة، رئيسان حكما أمريكا لمدة ثلاث دورات أحدهما روزفيلد
إبان الحرب العالمية الثانية، والآخر لا أستحضر اسمه الآن، ولكنه حكم
إبان الحرب العالمية الأولى، يعني في الدستور الأمريكي يحق للرئيس
الحكم لمدة ثلاث دورات في حالة الحروب العالمية.
يا أميرة أنا بقول ليك هاجري إلى ولاية نورث كارولاينا علشان تستمتعي
بأمريكا، وتعرف كرم الأمريكان.
تحياتي
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: cantona_1)
|
الحمدلله وضعنا قانوني لكن برضه ما ممكن كمان تشيل معاك جواز السفر والبطاقات محل ما تمشي...
وبعدين انا عندي ضهر قوي لان شقيقتي قاضية أمريكية في ولاية كاليفورنيا( بس عيونها ما زرق) وممكن تنجدنا
عند الضرورة... طبعا في ناس حيقولوا في امريكا ما في وساطات لأن القانون يسري على الجميع .. لكن بأكد ليك
يا الكباشي ود الصافي أنه ممكن..وان شاء عندكم في بريطانيا مافي قوانين زي دي؟
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: اميرة السيد)
|
| Quote: ( بس عيونها ما زرق) |
| Quote: وان شاء عندكم في بريطانيا مافي قوانين زي دي؟ |
نمرة واحد بت أخوي دي ركِّبوا ليها عدسات عشان تبقى بعد دا حلا وحَمَار.
نحن في بريطانيا عندنا حق الإستعمار القديم .. ديل قعدوا في الهند وباكستان أكتر من 100 سنة وفي السودان أكتر من خمسين سنة .. عشان كدا نحن قاعدين لحد ما نتم المدة القعدوها في بلدنا بعدين نشوف آخرتا. هنا القانون فوق الجميع لأن الأقليات عاملة لوبي قوي وبقى عندهم صوت كبير في الإنتخابات عشان كدا ما بغلطوا عليهم كتير. نتمنى ربنا يسترها مع الناس في أم ريكة.
كبـَّـاشي الصــَّافي
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: cantona_1)
|
لووووووووول @ عم كانتونا
يا أميرة قوانين الهجرة ليست قوانين
فدرالية، بل قوانين ولائية، ونورث كارولينا
قوانينها جميلة بجمال ناسها ورقيهم
وبشدد ليك يا أميرة تمشي نورث كارولينا
علشان شايفك في البروفايل بتاعك كاتبة
سنغل، وفي نورث كارولاينا ما في واحدة
بتقعد سنغل، يعني تمشي نورث كاولاينا عُمرة
وعَمرة  ، إنتي ما عايزة تعرسي وتعملي
أولاد وللأ شنو؟!
تحياتي
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: cantona_1)
|
Quote: يا النذير أقيف بعيد وارسم شخيت... بت أخوي دي خطابها يتخابتوا .. بس لسع ربنا ما بنى البيت.. الصبر طيب.
|
عزيزنا عمنا كانتونا
تحياتي يا ملك
أنا فاهم أميرة دي مليون من يتمناها
بس نيويورك دي ما فيها شباب، واغلبهم
ما عندهم ورق، يعني ما ناس زواج
وفي نورث كارولاينا كل الشباب حاصلين
على الجنسية أو القرين كارد (ناس اللوتري)
وأوضاعهم كويسة جداً، بس مشكلتهم
عددية كبيرة من الشباب العزاب
وما فيها بنات يعني 3،000 شاب مقابل فتاة واحدة
تصدق حاجة زي دي؟! علشان كدا الكلام
دا أنا ما بقولوا بالتحديد لأميرة
بقولوا لكل واحدة سنغل عايشة في أمريكا
وأمريكا بدون زواج صعبة.
تحياتي ليك وللعزيزة أميرة
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: النذير حجازي)
|
كتر خيرك يا عمي الكباشي ود الصافي لحسن الظن،،،، وزي ما قلت انت انصيب ما وصل لسع..
ويا النذير انا بأكد ليك أن أي فتاة في العالم , وحتى لو كتنت عالمة فضاء في وكالة ناسا, امنيتها أن
تتزوج وان تربي اسرة وتربي أجيال لأن هذه هي الخاصية التي خصها بها الله سبحانه وتعالى
لكن التردد ناتج من الحلم الذي يرواد كل فتاة أن تتزوج كي تعيش في سعادة وهناء مع زوج لا يجعل
حياتها حجيما لا يطاق بنفس القدر الذي يتأنى فيه الرجال من التردد الناتج من تفادي حياة الجحيم الذي يمكن
أن تسببه زوجة ما... وفي النهاية لا يصح إلا الصحيح... واذا انت يا النذير عندك لي عريس من ولايتكم
الما فيها سنغل أدينا خبر
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: اميرة السيد)
|
| Quote: واذا انت يا النذير عندك لي عريس من ولايتكم الما فيها سنغل أدينا خبر |
أها يا النذير يا ولدي الكلام دخل الحوش.. قلت ليك أميرة دي بت رجال.. وكلامها دا البنات ما بقولَنُّ بخافن الواحدة تتفهم غلط.. لكن هي ضامنة روحها وعندها ثقة في نفسها وأصلها طيب وفرعها في السماء.. يعني دي البقولوها.. فأظفر بذات الدين تربت يداك. هي ذات دين وحسب ونسب والمال ما مهم إن كتر وإن راح.. المال ضُل ضحى .. فالزول صاحب المهنة لا يخاف الفقر .. الفقر يخافه العاطل والسفيه.. دعواتي للجميع بالتوفيق.
كبـَّـاشي الصــَّافي
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: cantona_1)
|
سلامات يا اميرة و كونتا و النذير...
اميرة....انا كنت فاكرة انو اى زول عندوا قرين كارد مفروض يكون شايله معاه طوالى. و الكلام ده ما جديد.و اظن ان الكلام ده مكتوب فى الكرت زاتوا. ده موضوع قديم جدا. و انا ـ صراحةـ ما شايفه فيه مشكلة. ختى الكرت مع الرخصة فى المحفظة و خلاص.
المشكلة حقيقى فى اولادنا. اولادى امركان بالميلاد. و طبعا ما عندهم قرين كارد. اها اعمل شنو? اشيلهم شهادات ميلادهم معاهم طوال الوقت?
برضو مفروض اقول انى ما حصل لاقيت بوليس طلب اوراق اقامتى.حتى للمرة الوحيدة اللى ادونى فيها اسبيدن تكت ....البوليس سالنى جاية من وين ? و ماشه وين? (المخالفة كانت فى طريق سريع). ادانى التكت و مشى. بس. لكن لما كنت طالبه وبسافر كتير كنت بشيل كل اوراقى معاى فى السفر. الان قلبى مات. خليهم يقبضونى و يرجعونى السودان. على الاقل التزكرة تكون على حسابهم و يكون عندى عزر اخد احازة طويلة من الشغل.
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: cantona_1)
|
Quote: سلامات يا اميرة و كونتا و النذير...
اميرة....انا كنت فاكرة انو اى زول عندوا قرين كارد مفروض يكون شايله معاه طوالى. و الكلام ده ما جديد.و اظن ان الكلام ده مكتوب فى الكرت زاتوا. ده موضوع قديم جدا. و انا ـ صراحةـ ما شايفه فيه مشكلة. ختى الكرت مع الرخصة فى المحفظة و خلاص.
المشكلة حقيقى فى اولادنا. اولادى امركان بالميلاد. و طبعا ما عندهم قرين كارد. اها اعمل شنو? اشيلهم شهادات ميلادهم معاهم طوال الوقت?
برضو مفروض اقول انى ما حصل لاقيت بوليس طلب اوراق اقامتى.حتى للمرة الوحيدة اللى ادونى فيها اسبيدن تكت ....البوليس سالنى جاية من وين ? و ماشه وين? (المخالفة كانت فى طريق سريع). ادانى التكت و مشى. بس. لكن لما كنت طالبه وبسافر كتير كنت بشيل كل اوراقى معاى فى السفر. الان قلبى مات. خليهم يقبضونى و يرجعونى السودان. على الاقل التزكرة تكون على حسابهم و يكون عندى عزر اخد احازة طويلة من الشغل.
[Yahoo] [URL] [Email] [Profile] [Edit] سود |
<<<<<<<<<<<<<<<<<<<<<<<<<<<<<<<<<<
اسمارت .. عزيزتي
ما دام انتي عندك عربية خاصة تأكدي بأنه ما حيوقفوك ناس الهجرة.. هم بيقفوا ركاب البصات والقطارات فقط..
والله يديكي العافية.. وبعدين الأطفال الصغار ما بيسألوهم.. اقعدي بعافية وانتي مطمئنة القلب
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: اميرة السيد)
|
Quote: قوانين الهجرة في امريكا قوانين فدرالية وليست ولائية .
ولكم كل الود |
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
طيب يا مجدي اذا القوانين فدرالية ,, المافاهمنها أن حاكمة ولاية أريزونا عندما سنت قانون لمساءلة المهاجرين الذين يرتكبون مخالفا
ليه قامت عليه القيامة وحتى ان الرئيس اوباما انتقدها وقال ان هذا القرار غير مناسب..
ولعلي اظن أن حاكم الولاية له الحق في حدود معينة اتخاذ اجراءات لجماية ولايته ولكن السياسة العامة للهجرة يتخذها الكونجرس
والكونجرس يتعامل فقط بالقوانين الفدرالية اذا انا ما غلطانة... ولكن يبدو ان الحكاية فيها لخبطة وما مفهومة تمام
(عدل بواسطة اميرة السيد on 09-28-2010, 09:54 PM)
| |
|
|
|
|
|
|
|
|
 Re: ولاية نيويورك تطبق قوانين هجرة أصعب من قوانين ولاية أريزونا!! (Re: Magdi Algorashi)
|
الأخت أميرة
| Quote: فهل يمكنكم تطبيق هذا القانون في ميدان تايمز سكواير Times Squire في قلب منهاتن لأن هذا الميدان على بعد اقل من 100 ميل من المياه لدولية؟ فرد بأنه يمكن أن نفعل ذلك ولكننا لا نريد أن نفعل ذلك , |
عارفة يا أميرة ما عارف أقول مالك علينا خوفتينا ولا كتر خيرك نبهتينا !
يعنى الواحد كان ما مجبور يقطع الأطلنطي الإسبوع الجاي و يعمل ستوب أوفر في حلتكم NY ثلاثة أيام،
يعني ما يطلع الشارع بدون مايكون جوازو في قلبو ولا في يدو ما عارف.. ده غير الذلة في المطار!!
غايتو حالة أخير منها العرس 
| |
|
|
|
|
|
|
|
|
|
Re: ولاية نيويورك تطبق قوانين هجرة أصعب من قوانين ولاية أريزونا!! (Re: cantona_1)
|
Quote: يعنى الواحد كان ما مجبور يقطع الأطلنطي الإسبوع الجاي و يعمل ستوب أوفر في حلتكم NY ثلاثة أيام،
يعني ما يطلع الشارع بدون مايكون جوازو في قلبو ولا في يدو ما عارف.. ده غير الذلة في المطار!!
غايتو حالة أخير منها العرس |
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
امام الحسن
انت المفروض تخاف اكثر من الباقين المقيمين بدون اوراق في امريكا لأنك جاي من بره.. وعذابك كله حيكون في المطار , وخصوصا في مطار
جون كندي لأن ضباط الهجرة بيعتقدوا ان أي واحد جاي بهذا المطار ارهابي وعشان كده اتوقع سؤال منكر ونكير إلا يكون حظك يكون كويس وتقابل
ضابط الهجرة العربي الشغال في هذا المطار... ويمررك بدون وضعك في الكرسي الساخن..
ومرحب بيك في المدينة التي لا تنام - نيويورك-
| |
|
|
|
|
|
|
| |
النذير حجازي
cantona_1
smart_ana2001
Emam Hassan
د.محمد بابكر
احمد محمد بشير
فيس بوك
تويتر
انستقرام
يوتيوب
بنتيريست