يتعامل حكام السودان الانقاذيين مع الشعب السوداني بانه احد خوارق الشعوب على الارض ومنفوخين بانهم يحكمون اخرق شعب في التاريخ خلينا من وزير رزق اليوم باليوم طبعا دي مقولة نبي الله في ارضه وزير مالية سابق قال للحكومة انا بجيب الديب من ديلو ولما مسكها جاب الدين من ديلو يعني ماشي جديد اما وزير ماليتنا الجديد بعد انتخابات ذات الخجة في الربع الاخير للميزانية الحالية فجأة اكتشف انها خالية وخالي قلبك خالي طوالي قرر انو يملاها بسرعة وهاك يا رفع اسعار طيب ما مشكلة وقال ما عايزين عربات قديمة ( لانو جمارك العربات الجديدة اعلى) طيب والناس الاستوردو عربات قبل القرار الصاعقة وشغالين اجراءات تخليص جمركي وترخيص قام لما شعر بانو قرارو ده زي حقنة عبيد للحنوبيين بعد الانفصال قرر يبلعو باللفة وقال اول امس انو اخر يوم لترخيص العربات الاول من اكتوبر عليكم الله الشعب السوداني ده ما حاوي؟ حيفرغ ميناء بورسودان وسواكن في 4 يوم ياخ نحن شعب شمشون الجبار زاتو ايها الشعب السوداني الفضل
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة