|
Re: مرتضي احمد عبدالقادر (مورتا) ....! (Re: خضر حسين خليل)
|
يا خضر حافترض إنك ما داخل في المؤامره دي مع حسبو بس حسبو القال بعد عشره بيضرب وبيلقاني ملطط بخمر الهوى تصدقو كيف إذا كان من الساعه 9 مساء يومي لافين سوا وبرجعو بيتهم الساعه 1 صباحا بعد تحانيس عشان انا شغال تاني يوم !!؟
يا ود الصايم انتو في السعودية الإجازات عندكم كم شهر أصلو !!؟ حسبو دا إجازتو ابت تخلص كلو كلو !!
| |
|
|
|
|
|
|
Re: مرتضي احمد عبدالقادر (مورتا) ....! (Re: خضر حسين خليل)
|
السلام عليكم ورحمة الله
اولا نبارك للسيد مورتا الخطوة العملاقة وامنياتنا بدوام التقدم والازدهار.... . . ثانيا:-
بمناسبة رجعتوا والمقصودين هنا (مورتا+خضر ) هنالك سؤال يطرح نفسه :-هو انتوا وقفتوا متين عشان ترجعوا ؟!! . . .
قصة غريبة ياخ ..قال رجعنا قال
| |
|
|
|
|
|
|
Re: مرتضي احمد عبدالقادر (مورتا) ....! (Re: حسبو عكاشة)
|
مواصلة للمرادمات :
ومورتا ياناس جانا مارق قال مواعد وقال مربط مرة طالع ومرة نازل والبنية سميحة زينة حالمة بي عالم مثالي ومورتا شغال بالتثاقف مرة يحكي ومرة يضحك ومرة يسرح في القضية مورتا يحكي عن النضال ومرة مرة عن الهوية
ــ والساقية لساااااااااااااا مدورة
| |
|
|
|
|
|
|
Re: مرتضي احمد عبدالقادر (مورتا) ....! (Re: خضر حسين خليل)
|
انا بقترح بما انو البوست طلع ماسوره سلمه حسبو لخضر انو تتمى المرادمه البينهم الاتنين ويتلغي صحلح تلاجة الموز
يا البدري ياخ مشتاقين والله انشا الله الامور رايقه وعال العال
حافظ بشير او هدير كما قراءها خضر يوما ما :) يعني ما تظهر الا الليله !!
| |
|
|
|
|
|
|
Re: مرتضي احمد عبدالقادر (مورتا) ....! (Re: مرتضى احمد عبد القادر)
|
مرادمه - الكيماوي
حسبو قاعد في رِياضو وغربتو ضاربه الهبوب والكندشه كبسه وجداد كنتاكي صلحو صحتو فاتح الجهاز والنت كمان لوغ إن المواقع الغشتو أدينا رأيك يا شفيف يكتب يوزع بسمتو لخص حلول حرب الجنوب وضح ركايز رؤيتو يكتب عن الأم والنخيل وفي قعدتو ومن حتتو طاف الدروب العمرها ما شافتو وحسبنا صار كاتب كبير يكتب وتختمه إمضتو ويسرح كتير في إمضتو ويفرح فرح وفي حين إجازة لا يعلم نهايتها إلا الله :) عاد لي قواعدو الجابتو القعده في الخور الكبير وأب عمه جاي بي حلتو وكباكا حارساو هيبتو إصطاف خبير والكل بيشهد لي خبرتو اسو الامير فرح المكان بي طلتو وسمنه سابح في عوالم بهجتو وهيثمكا شاعرنا الجميل والونسه تحلا بي كلمتو مونتي دوزن عودو وزبطو نفس الأغاني الياما كانت تطربو تاح تاح تراح طق طق طرق البنسلين والسسترات وحسبنا قال معقوله بس !! سيبو الهبوط وأنسو اللِفات سجمي القرد والجنغلا خلوها وأسمعو من سكات الحصه عنوانه النضال كلك وراي ،، الحصيه أيه؟؟ الحصه عنوانه النضال وحسبنا قام فارس همام حدثنا عن جيفارا هام وسوسنا نحنا تحت تحت جيفارا دا بيلعب وين يا عمك نهرنا خلينا السؤال وساب النضال قال لينا انتو عارفين يا بشر كباكا يصلح أن يكون سقراط جديد حرقتنا جد سقراط عديل !!! صعبتها حسبو إبتسم .. هوي ياوهم سقراط دا فيلسوووف وحسبنا صار موهوم كبير يملانا بالبري والشخير واقع الوطن مضني ومرير النيل حرد ساب الهدير وجنس لغه وكلام كبير !! عن دان بروان وشكيسبير ويحكيلنا عن حلمو العضير والورده ما عاد فيها العبير ونقنق نقق وكلام كتيييير وإذا بنا وإذا به واذا حضر حسبو تفرق الناس افرادا وابو خليل كبس ياعمك حسبو فرتاق المجالس في النهارات والمسا وبسرعه انتشر النبأ وسموهو (الكيماوي) واسم حسبو إختبأ كلو منك يا غُربة الجن والكلح نديك ولد زي قوس قزح يملاك جمال يملاك فرح تعيدي لينا كيماوي وترح!!
قريبا مرادمة بعنوان (الناشط الحقوقي)
| |
|
|
|
|
|
|
Re: مرتضي احمد عبدالقادر (مورتا) ....! (Re: ممدوح أبارو)
|
خدوري Quote: مواصلة للمرادمات :
ومورتا ياناس جانا مارق قال مواعد وقال مربط مرة طالع ومرة نازل والبنية سميحة زينة حالمة بي عالم مثالي ومورتا شغال بالتثاقف مرة يحكي ومرة يضحك ومرة يسرح في القضية مورتا يحكي عن النضال ومرة مرة عن الهوية
ــ والساقية لساااااااااااااا مدورة |
خليك ماسك الساقيه دي لحدي بعد الدافوري و بجي بدوره انا
ممدوح ابارو تحياتي ليك كمان يا ملك و مشكور علي حضور هذه الاحتفائية علي شرف تربيطة مورتا السحرية :)
| |
|
|
|
|
|
|
Re: تايتنك وكدة (Re: GamarBoBa)
|
التحية للأخ خضر و البدري و حسبو و كل الذين شاركونا الأفراح و الأعراس
Quote: يعني ما تظهر الا الليله !! |
يا مورتا ياخ قلت ليك إن شاء الله تملاها بالمال و تملاك بالعيال لو كلامي ما عجبك يا زول إن شاء الله تملاك مال و عيال
حد دافع من جيبو!!
| |
|
|
|
|
|
|
Re: تايتنك وكدة (Re: محمد البشرى الخضر)
|
مبارك إن شاء الله يا مرتضى و ربنا يتم ليك على خير. و شكرا ليك يا خضر على الأخبار الجميلة. غايتو أول مرة نبارك لي زول و نقول ليه عقبال الخطوبة. بعد شوية نقول مبروك و عقبال ربنا يلمك في بت الحلال.
| |
|
|
|
|
|
|
Re: تايتنك وكدة (Re: Elawad)
|
Quote: يا زول للضمان كدا مبروك لأي حاجة إن شا الله قون المعز امس |
ود البشري ده قاعد يبالغ
Quote: بعد شوية نقول مبروك و عقبال ربنا يلمك في بت الحلال. |
أما اخونا العوض فبالغ شديد
ــــــــــــ غايتو التعليقين ديل أنا كصاحب بوست كده بديهم جائزة البوست
| |
|
|
|
|
|
|
Re: تايتنك وكدة (Re: خضر حسين خليل)
|
هدير بشير
Quote: إن شاء الله تملاك مال و عيال |
دا الكلام :)
قمر بوبا ياخ لو في واحده بتشبه كيت وينسلت اخوك بكره بسوقك وحسبو وخضر نخش لينا في جلاليب ونمشي عليهم
ود البشرى والعوض
Quote: يا زول للضمان كدا مبروك لأي حاجة إن شا الله قون المعز امس |
Quote: بعد شوية نقول مبروك و عقبال ربنا يلمك في بت الحلال. |
| |
|
|
|
|
|
|
Re: تايتنك وكدة (Re: خضر حسين خليل)
|
Quote: انت يا مورتا دافوري ناس حسبو ده بخلص كم بتوقيت الخرطوم لانو انا عايز امرق |
انتهي قبييل يا خضر لكن مورتا شغال فيني تحانيس بالتلفون عشان ما استرسل اكتر, قال كدا حننجهو, و انت عارفني زول حنين و عايز السمح لي حبيبي مورتا
عليك الله يا مورتا خليني اهدي ليك غنية... خلاص !, طيب بنحب من بلدنا ما برا البلد سودانية تهوي عاشق ود بلد
| |
|
|
|
|
|
|
|