|
|
|
 Re: قووووووووووووون ...الخرطوم 1 الهليل 0 (Re: معتصم محمد صالح)
|
قلت لي يا معتصم يا إبني كنت عسكري كديت؟ ومال القناة من غير تردد أوديها وين؟
1- أعرفها لي في نايل سات ولا عرب سات؟
2- في الريموت الفي إيدك في زر بوريك التردد كم وهل فيرتكال ولا هوريزينتال؟
وإن شاء الله الجمعة يتغلبوا؟
كبـَّـاشي الصــَّافي
| |
 
|
|
|
|
|
|
|
 Re: قووووووووووووون ...الخرطوم 1 الهليل 0 (Re: محمد حيدر المشرف)
|
Quote: حسب الاتفاق ..
( بس ما متأكد ) |
هنيئاً للمريخ* بكـ ..
_
لصاحب البوست بإمكاننا أن نكتب (المريريخ) .. لكن الدركـ الأسفل ده ما جميل ..
إرتقو و إبعدو عن مهاترات منتديات هلال مريخ .. خليكم رياضيين أصحاء .. حلو إصحاء دي
لوووووووووووووووووووووووووووووووووووووووووووووووووووول
| |
|
|
|
|
|
|
|
|
|
Re: قووووووووووووون ...الخرطوم 1 الهليل 0 (Re: محمد حيدر المشرف)
|
حبيبنا \ دكتور المشرف ,, سلامات وحبابك الف.
البركة بالشوفة ,,, والله الهلال مو هين فعلا
سيد البلد وبا قي لي يا دكتور انت هلالابي لكن
زعلان شديد,,, الهلال مفلس وماعندو قروش عشان
يعمل العملة ده,,, الحصل انه الاولاد بقوا شفوت
وعرفوا مكان الداء ولفحوه بالدواء.
تسلم يا عزيزي
| |
|
|
|
|
|
|
|
|
|
Re: قووووووووووووون ...الخرطوم 1 الهليل 0 (Re: معتصم محمد صالح)
|
والله يا دكتور رجعت للاقوان لقيت كلامك 100%
ناس يشيلو ويحشروا لنفسهم .. ده واحد ..
واتنين بلنتيات ( قطع شك ما صحيحات )
والبلنتيات ذاتا والله في المعز ما تخش ..
اها كده كم ..
هسه في ذمتك قون هوبا البره الخط ده بخش .. ياخ مذيع قون ذاتو ما صدق ( ارجع للشريط ) ..
اها بي كده الهليل مغلوب لولا ......
باااااع
| |
|
|
|
|
|
|
|
|
|
Re: قووووووووووووون ...الخرطوم 1 الهليل 0 (Re: معتصم محمد صالح)
|
Quote: ya Mutasim
if you know the match has been sold
why u open this post
u contradict urselve |
دي زي قون مهند
_
بوست نستا ده زي أوشيكـ الشاحن دوم*
أدروب وقفوهو في نقطة الجباية شاحن لالوب
الضابط قال ليهو وين ورق الجباية ؟
قال ما عندو ..
قال ليهو اللالوب ده الليلة يبلعو بطريقة ( زوووووط) المذكورة أعلاه ..
كل ما يبلع لالوبة يضحكـ
الضابط سألو بتضحكـ مالكـ ؟
قال ليهو انا هين شايل لالوب كعب أوشيكـ شاحن دوم.
| |
|
|
|
|
|
|
|
|
 Re: قووووووووووووون ...الخرطوم 1 الهليل 0 (Re: محمد عبد الماجد الصايم)
|
| Quote: غايتو يوم التيحا دا يا هاجرتو من البورض .. يا هاجرتو! |
يا ود الصايم .. عليك الله البوست دا احفظو في الكشك بتاع الليمون حقك داك .. واعمل ليهو زيادة سكـر ..
الحساب ولد .. إن شاء الله ..
لانو نيستا دا لازم .. يطلع دخــان زيو وزي وليد الشفت واحد .. وزي صاحبك المسكين القال ما يرسلو ليهو تاني دا
مع إنو أغرب حاجة الشوط الأول مرسل ليهو رسائل قصيرة كان مطوها بتجي من هنا لي بــري 
| |
|
|
|
|
|
|
|
|
|
Re: قووووووووووووون ...الخرطوم 1 الهليل 0 (Re: محمد البشرى الخضر)
|
العزيز سيف الدوله ..
مبروك النتيجه , الا ما عا########ا
تعرف , قصة هلالابى زعلان اصلو مافيشه
عندى صاحبى خلى الهلال , بقى يشجع المورده
وكذلك هو زعل الهلالاب ..
ميزان انك هلالابى هو كراهيتك للمريخ .. لا أكثر ولا أقل
اعرف هذا الموضوع جيدا , انا من اسره امدرمانيه يشكل الهلالاب 95% منها ..
امكن بحكم السكن فى حى البوسطه والعرضه شمال ..
مش الاسره والاهل .. حتى المحيط .. بيوت وناس واصحاب
لا شئ يجمعهم اقوى من كراهية المريخ , وقد يأتى حب الهلال لاحقا
معتصم ..
شكرا لاولاد ثلاثه على ال 45 دقيقه الوقفوها ضد السلطه اللاوعى ..
وكانت وقفه مشهوده , وقفه زى وقفة شوكة الحوت فى الحلق
شفت الجماعه لبدو كيف ؟..
شابكين الناس ابلعوا ابلعوا .. وبلع ثلاثى وخماسى
لا يعلمون ان السكات الاجبارى - كبلع كلام - هو اسوأ انواع البلع على الاطلاق
زمان مش كان فى حمار طلب من الاسد بوسه ؟!
فى قصه زى دى ..
أهااا العلاقه شنو ..
( ما متأكد )
ويا نوبى .. مبروك الحلاكم بالسلامه
وهنيئا للمريخ بى ومنذ الازل ..
دى علاقات موغله فى تفاصيل للدهشه تاتى من فج عميق ..
...
لكن انتو ما اديتو الحمار بوسه ليه
ما البوست ده دور ساعه كامله..
ولا كنتو ساين آوت وكذلك ..
| |
|
|
|
|
|
|
|
|
|
Re: قووووووووووووون ...الخرطوم 1 الهليل 0 (Re: محمد البشرى الخضر)
|
ود البشري
يا صاحب ..
ياهو ده فهمى للهلال .. من الله خلقنى وكرهت اللزوجه ورواج الكاسد وغياب المنهج ..
وأهم من ده كلو غياب المعقول فى البلد الهامله ..
( عندى صاحبى نزل اجازه السودان ..
كان عندو 3 اهداف من الاجازه ... يشوف اهلو ويطلع شهادة ميلاد
بالاضافه لاجراءات العوده , الزكاة والضرائب والخدمه الوطنيه والتأشيره والخدمات كهدف اضافى
ربنا وفقو فى اتنين .. شاف اهلو و رجع ( رجع دى الهدف التانى الحققو )
سألتو ليه ما طلع شهادة الميلاد
- ملفات 72 أكلها الفار
- فار شنو يا زول ؟
- ده نفس السؤال القلتو للموظف فى الاحصاء .. والموضوع طويل
- انتهى على شنو
- الموظف طلع ما بهظر ..
- يعنى شنو
- ما قلت ليك أكلها الفار .. ملفات مواليد 72 اكلها الفاااااار )
تعرف يا ودالبشري ..
الاحصاء دى امكن تكون اول جهه بعد جامعة الخرطوم عرفت الكمبيوتر ..
اشتروها وفيلوها مع الملفات .. و
يا اتسرقت , يا اكلها الفار
| |
|
|
|
|
|
|
|
|
|
Re: قووووووووووووون ...الخرطوم 1 الهليل 0 (Re: معتصم محمد صالح)
|
هسع البخلى ايداهوور يموت شنو ..
ووارغو يزهلل .. وكلتشى والسعودى والعجب وطمبل يتعوقوا
والنفطى تجيهو نفسيات ..
وده كلو ما مشكله ومعقول ..
انا معاكم هندرد بيرسنت , بس
المامعقول ابدا انو ده كلو يكون بى سبب فكى ######## جدا ..
اهو دى الحاجات البتزعل يا ود البشرى ..
| |
|
|
|
|
|
|
|
|
|
Re: قووووووووووووون ...الخرطوم 1 الهليل 0 (Re: محمد حيدر المشرف)
|
Quote: انا بتكلم عن تصور عام ..
عن رواج الكاسد |
للامانة يا دكتور
سطّحت بي وقطع شك ود الصايم كذلك وآخرين
كلام الكورة هيّن ولذيذ ومباشر
رشّيناكم زوووووط ثم كااااااكـ أو نحوهن
لكن ناس المُطلق و البنيوية و العصف الذهني ديل ما بناكل معاهن عيش
ميتافيزكس بالنسبة لينا
| |
|
|
|
|
|
|
|
|
 Re: قووووووووووووون ...الخرطوم 1 الهليل 0 (Re: محمد البشرى الخضر)
|
بمان الهلال هو بطل الممتاز لاغلبية المواسم السابقة والموسم السابق و الموسم الحالى حتى الآن
و بما ان فريق الهلال غلب التى حا جوووه بلده
اذن المباراة القادمة بتكون واحد من تلاته
الهلال غالب اذن الهلال هو سيد البلد و البلاد الليبية المجاوره
الهلال متعادل اذن الهلال هو سيد البلد ومتفوق على البلاد الليبية المتجاوره
الهلال مغلوب اذن الهلال هو سيد البلد ومتعادل مع البلاد الليبية المتجاوره
>>>>
وبمان ترتيب الفريق الذى اخرج المريخ من هذه البطولة هو الطيش على مستوى جميع المجموعات الافريقية
وبمان هذا الفريق والذى يعرف بالجيش و الجيش نقلو فتاشه آخر انتصار حققه كان على فريق المريخ
وبمان المريخ هو وصيف البلد لاغلب المواسم السابقة و الموسم السابق و الموسم الحالى حتى الآن
اذن المريخ هو وصيف البلد وطيش البلاد المتجاوره
| |
|
|
|
|
|
|
|
|
|
Re: قووووووووووووون ...الخرطوم 1 الهليل 0 (Re: osman righeem)
|
الزعيم عثمان ..
لك التحايا ..
تامبا ...
طبعا لو البوست ده ما اتارشف ما ح يلحق فضيحة التيحة .. (أشان) كده اتوسط لينا عند بكري لانو انا الكوتة بتاعتي كملت .. غايتو ارشفتوه ارشفتوه ما ارشفتوه ح افتح واحد جديد يمكن يمشي سنتين تلاتة .. ح يكون عنوانو ( فضيحة التيحة )... وقدامو علامة خبر عاااااجل .. ونجمتين ..
| |
|
|
|
|
|
|
|
|
|
Re: قووووووووووووون ...الخرطوم 1 الهليل 0 (Re: معتصم محمد صالح)
|
| Quote: ح يكون عنوانو ( فضيحة التيحة )... وقدامو علامة خبر عاااااجل .. ونجمتين .. |
انا معاك في فضيحـة التيحة دي .. الايامات دي في موضة بتاعت تحويل رصيد .. بصورة أوضح:
كل الهـــلالاب الزعلانيين .. بقو يقدمو في فروض الطاعـة .. ورجعو لي وضعهم الطبيعي .. وتحولو من ناس بتطقع بالحجار لي ناس تهتف .. سيدا .. المهندس سيدا .. البرنس مهند ...
آخر تقليعة قالو كانو بيهتفوا .. المعز .. المعز ..
غايتو .. البشوفك فتحت بوست فضيحة التيحة ما كضــب .. وطبعا زي ما عارف نحن ما قاعدين نضغط عليكم .. براكم تضغطون على انفسكم
حسع عليك الله لو اهتميتو لي احداثيات النيل الحصاحيصا .. والأمل عطبرة .. والاهلي مدني .. مش كويس معاكم .. على الاقل يا نيستا تعرفو مستويات الفرق دي كيف عشان تقدرو تنازلوها .. وما تفتحو ليها زي ما الخرطوم فتحت لينـا ..
ملحوظـة:
البوست المقترح .. اقترح تفتحو يوم الكورة وقبال ما تبتدي .. وتعال عبر لينا فوقو عن شعورك .. وانو كيف ممكن هزيمة الهلال تهيج اشجانك وكـــدا.. 
لكن بس اعمل حساب انك بعد نهاية الكورة .. تطلع دخان ..
زيك وزي وليد الشفت واحد .. غايتو من هنـا ولي قدام .. تاني الواحد فيكم كان ما طلــع دخـان والله ما نفكو ولا نخليهو ..
| |
|
|
|
|
|
|
| |
معتصم محمد صالح
cantona_1
omer osman
عطية المحسي
منتصرمحمد زكى
محمد حيدر المشرف
Yasir Mansour Idris
mohmed khalail
سيف الدولة كامل
مرتضى احمد عبد القادر
فيصل نوبي
حاتم كاهن
saif massad ali
معاوية المدير
Mohamed Foto7li
عبدالوهاب علي الحاج
هشام المجمر
محمد البشرى الخضر
الصادق يحيى عبدالله
بكري عباس علي
Safia Mohamed
رغيم عثمان رغيم الحسن
الحاج احمد مصطفي
محمد عبد الماجد الصايم
tmbis
طارق جبريل
haroon diyab
osman righeem
EMU إيمو
فيس بوك
تويتر
انستقرام
يوتيوب
بنتيريست