|
لدي ملاحظة في لبس مسئولي الدولة والمعارضة عندما يسافروا للخارج
|
في السودان ممكن تمشي عريان مامشكلة لأن الناس مابتقيمك بملابسك .. أما خارج السودان فهذا الشئ مهم جدا :
- ملابس تناسب طقس البلد . - تناسق الألوان ( البدلة .. القميص ..الكرفته ..الحذاء ........) - اللبس يناسب نوع الدعوة ..زمنها ليلا أم نهارا . - التأكد من ازالة ماركات الشركة المصنعة للبدلة من كم البدلة .
|
|
|
|
|
|
|
|
Re: لدي ملاحظة في لبس مسئولي الدولة والمعارضة عندما يسافروا للخارج (Re: Tragie Mustafa)
|
الأخوات تراجي ...دوما
سلام .. البدلة المخططة ( checker) لابد من لبس قميص سادة وكرفته سادة تتناسق ألوانها مع لون البدلة في ال :( Formal dress ) ولون الجزمة متناسق مع لون القميص والحزام لازم وشرط يكون لون الجزمة ..... في حالات ممكن تستدعي خلع الجاكيت ...فعشان كدا لازم تكون الألوان متناسقة ... حلاقة الرأس مهمه جدا . منديل الجيب لازم يكون ذي لون الكرفتة .
يمنع منعا باتا لبس جزمة التنس مع البدلة وأيضا الشبط .
| |
|
|
|
|
|
|
Re: لدي ملاحظة في لبس مسئولي الدولة والمعارضة عندما يسافروا للخارج (Re: Ridhaa)
|
سلامات يا رضا ..
بوست جميل ومفيد ..
يا ريت يتواصل عشان كل الناس تستفيد منو ويا حبذا لو امتد لجميع الاوتكيت واصبح شاملا يتعدى مسئولي المعارضة والحكومة لان هذا الامر مفقود تماما عندنا.. ويمكن ان يتناول حتى طريقة الاكل وطرق الجلوس في المائدة والجلوس في الاماكن الرسمية وطرق السلام وغيرها ..
قبل 10 سنوات في دبي دخلت الى احد محلات الملابس في التوين تور وهو من المحلات المشهورة هناك وبكل فخر تديره سودانية اسمها عزة وهي بنت صغيرة في عمرها الا انها ماشاء الله تعلم ك صغيرة وكبيرة عن عملها وعن الاوتكيت .. وطبعا انا عامل فيها الود قشير ومقطعا والله طلعتني اشتر وما ناقش حاجة وادتني محاضرة بدأت من لبس السادة مع المنقوش والمخطط وامتدت حتى عدة طرق لربطة العنق..
| |
|
|
|
|
|
|
Re: لدي ملاحظة في لبس مسئولي الدولة والمعارضة عندما يسافروا للخارج (Re: Ridhaa)
|
تحية ...كلام مفيد وجميل ...
حالة عدم الاكتراث ووضع الاشياء في موضعها السليم تبدو سائدة وراجحة في تعاملنا...يحتاج الامر الي تشخيص وتنوير..الامر ايضا يرتبط بالثقافة السائدة...لم يعد المظهر ضمن اولويات التعامل رغم اهميته...اذا رايت الوفود الحكومية في الخارج تري عجبا عجابا من حيث عدم الترتيب والتنظيم . ترك كل شي لقانون الصدفة ..
البرامج تخلو من اي مادة عن الذوق او الاوتوكيت...
كنت علي موعد مع احد الاصدقاء لاحظت انه يلبس العمامة بدون طاقية وحين اشرت له الي ذلك اخرجها من جيبه وحاول ان يثبتها علي الراس من فوق العمامة ..فتامل ...ولكم في جناح ام جكو اسوة حسنة ...
| |
|
|
|
|
|
|
Re: لدي ملاحظة في لبس مسئولي الدولة والمعارضة عندما يسافروا للخارج (Re: شمائل النور)
|
Quote: لدي ملاحظة في لبس مسئولي الدولة والمعارضة عندما يسافروا للخارج |
وملاحظتك فى محلها ..............بس الموضوع بيشمل اغلب السودانيين
يا شباب كدى خلو عندكم اوتوكيت .....براحه عشان المسئولين ديل يقدروا يستفيدوا من البوست.......والغير مسئولين برضو.........رتبو لينا المداخلات والحصص دى خلوها بالترتيب يعنى نقسم اوتيكيت اللبس لاقسام متعدده فيما يخص المناسبات والاوقات والعادات نبدا بالبدل.الصيفيه والشتويه والاستايلات الفرنسيه والانجليزيه والايطاليه وطبعاً ما تنسو الصنيه .......ههه..والماركات المعروفه والمقاسات والانواع زى الاسموكن وتناسق الالوان والاشكال المخططه والساده والبى صديرى وابو ذرارتين وابو تلاته وابو لياقه صاروخ ولياقه عريضه وقسم خاص بالكرافيتات الحريريه والساده والمشكّله او الفيونكات وطريقه الربطه ومشابك الكرفتات وما تنسو الجزم البى رباط والمن غيرو.......... والكعبها عادى والبدون واللونها واحد او اتنين والشرابات والقاشات والمناديل والمحفظه...وما تنسوا الفنايل والملابس الداخليه اكيد مهم ايضاً انواعها واخيرا القمصان وهنا ممكن نقسم الباب ده الى ابواب عديده......بس اهم حاجه تركزوا على اشكال اللياقه والاكمام البى زراير ثابته ولا بى ترابيس
==== بوست خفيف ومهم علشان ترقيه الذوق السودانى فى الملبس..........وفى انتظار المأكل
| |
|
|
|
|
|
|
Re: لدي ملاحظة في لبس مسئولي الدولة والمعارضة عندما يسافروا للخارج (Re: محمد زكريا)
|
يا رضا نديك حل بسيط.. أي مسؤول سوداني يخرج بره البلد يلبس الجلابية والعمة والشال والعباءة .. طبعاً عشان الجماعة ما ينطوا لي في حلقي.. اللبس دا ما بشمل الجماعة التانيين ديك.. ما عاوز مشاكل. الجلابية بتفرز الكيمان .. نحن بنشبه الأفارقة طبعاً ولمن تلبس بدلة زيك وزي الناس التانيين.. عشان تنفرز منهم الأفضل لبس الجلابية والعمامة. رأي بس.
كبـَّـاشي الصــَّافي
| |
|
|
|
|
|
|
Re: لدي ملاحظة في لبس مسئولي الدولة والمعارضة عندما يسافروا للخارج (Re: cantona_1)
|
شكرا لكل الأخوة المتداخلين فردا فردا ...
طول الكرفتة بيكون أعلى من الحزام شوية .......وماتكون قصيرة خالص . ياحبذا عند شراء الكرفته لازم تكون من النوع الطويل وخاصة للناس الطوال .....
البدلة الصوف لاتغسل بالماء لانها بتكش ...يجب أن تكون بالغسيل الجاف .
تجب شراء البدلة المفتوحة من الخلف لأنه موضتها انتهت ...... ولو عندك واحدة من النوع دا ممكن توديها للترزي وقفلها ...
اما العندها فتحات بالجوانب شايف الايطاليين لسع مركزين عليها ....
لكن الأغلب هو اقتناء بدلة مافيها فتحات لأنها عملية ....
تجب أن تفتح جيوب البدلة وحتى لو كانوا فاتحات ماتضع فيهم أي شئ ....لازم تفتح جيب البدلة الأعلى لزوم المنديل ...
ونواصل ....
| |
|
|
|
|
|
|
Re: لدي ملاحظة في لبس مسئولي الدولة والمعارضة عندما يسافروا للخارج (Re: Ridhaa)
|
Quote: يتحدثون كثيراً عن أناقة مبارك زروق، الآن ووبسبب غياب الذوق الجمالي والاهمال الثقافي، تأملوا كيف وماذا يرتدي المسؤولون الحكوميون؟
اشاهد نشرات " الفضائية السودانية" ولا أجد مسؤولاً، حتى حين يكون خارج الوطن يرتدي ربطة عنق بطريقة صحيحة.
هل هذا مظهر، أبداً هذا جوهر.
المتحضرون يقولون إن إناقة الشخص ومظهره الخارجي، يدل على أناقة تفكيره، لذلك يقولون اذا اردت ان تعرف مدى تحضر الشخص، انظر الى حذائه، وأظافره ومدى عنايته بهمان وإذا اردت أن تتأكد أساله متى زار معرضاً تشكيلياً، وما هو آخر عرض مسرحي شاهده، وآخر كتاب قرأه.
شعب بلا ثقافة هو قطعاً شعب بلا روح.
عن"الاحداث" |
| |
|
|
|
|
|
|
|