|
|
|
 Re: بهذا اغضب اوباما الوفد السوداني الرسمي (Re: Mohamed Suleiman)
|
| Quote: حقا طلب العدالة لا يغضِب إلا الظالم ... عدو العدالة .. |
كان الامل لدي الوفد الحكومي ان تساهم واشنطن
في ابطال الجنائية ودعواها باي صورة من الصور
ولكن انفض سامر نيويورك من غير ان يغير شيئا
في الموقف الامريكي خصوصا تجاه هذه القضية
لك شكري اخي محمد سليمان
| |
 
|
|
|
|
|
|
|
|
|
Re: بهذا اغضب اوباما الوفد السوداني الرسمي (Re: عمر عبد الله فضل المولى)
|
| Quote: الصحيح ليس وفد السودان بل وفد حكومة المؤتمر الوطني الشمولية الفاسدة والمستبدة اخذين في الاعتبار ان وفد الحركة الشعبية ايضا سوداني ورسمي ان جاز التعبير |
تحياتي اخ عمر
انا اضفت كلمة رسمي للوفد للتفريق بين الوفدين
فالوفد الذي يقوده علي عثمان يمثل الحكومة السودانية
ووفد سلفاكير يمثل الحركة وجنوب السودان
| |
|
|
|
|
|
|
|
|
|
Re: بهذا اغضب اوباما الوفد السوداني الرسمي (Re: الشامي الحبر عبدالوهاب)
|
يا الشامي هو النائب الاول لا يمثل الحكومة والنائب الطيش يمثل الحكومة ؟؟
طيب كيف عاوزين تكون في وحدة ؟
وكيف تكون في حقوق مواطنة اذا كان قمة السيادة الجنوبية بيدوها مرتبة درجة ثانية ؟!!
كدي يا الشامي خلي المرحلة الانتقالية الجاية تكون كيفية معاملة الانسان الجنوبي في الشمال هل سيعامل كمواطن سوداني وبموجب وثيقة المواطنة التي يحملها ام يعتبر زيو وزي الحبش والتشادين والاريترين !!!
السكرتير ولا الكاتب الاسمو كرتي الشايفو امس دا ما شكلو شكل زول غضبان ياخي دا البنية المعاهم ما مصدقا انها قاعده جنب اوباما وعلي كرتي يشيل ويكتب وهو ما فاهم اي شي
ناس مجتمعة تشيع جثمان وطنك وانت قعودك من عدمو واحد
| |
|
|
|
|
|
|
|
|
|
Re: بهذا اغضب اوباما الوفد السوداني الرسمي (Re: محمد حسن العمدة)
|
لكم التحية جميعاً ؟؟؟
والله أعتقد إنه طلب أوباما ده طلب جميل،، مفروض ناس الحكومة يصفقوا!!!
العدالة مطلب شعبي عند كل السودانيين... وما يضير المؤتمرجية من تحقيق العدالة في دارفور؟؟؟
الكلام ده عشان حقيقة هم عارفين ما في عدالة ولا يحزنون... عشان كده حرقتهم الحقيقة التي تفوه بها أوباما !!
الحق أبلج والباطل لجلج!!!
يعني في زمن زي ده زول يطالب بالعدل يزعلوا منه؟؟؟ والله زمان المهازل أن تطاول علينا الكيزان!!!
ويا مؤتمرجية كلام أوباما ده حقه ما يقع واطة!!!!
| |
|
|
|
|
|
|
|
|
|
Re: بهذا اغضب اوباما الوفد السوداني الرسمي (Re: محمد حسن العمدة)
|
| Quote: ناس مجتمعة تشيع جثمان وطنك Ï |
ياود العمده ده هو الاحساس الذى احسست به بالامس وانا اشاهد مؤتمر امس..
الناس ديل من شدة ماوصلوا الى الحضيض، بيسمسروا فى تحقيق العدالة فى بلدهم..
(ياتدونا قروش ولا بندقهم ليكم، وحنطلع عينهم (بيقصدوا طبعا باقى الشعب السودانى الفضل))
شوف ليك محن....بالله دى مش مصيبه
| |
|
|
|
|
|
|
|
|
|
Re: بهذا اغضب اوباما الوفد السوداني الرسمي (Re: محمد حسن العمدة)
|
Quote: يا الشامي هو النائب الاول لا يمثل الحكومة والنائب الطيش يمثل الحكومة ؟؟
طيب كيف عاوزين تكون في وحدة ؟ |
فعلا ملاحظة جيدة اخ العمدة كان من المفترض ان يمثل رئيس الجمهورية
النائب الاول لكن وصول الوفدين بهذه الطريقة تاكيد لانهما من دارين لن تتلاقيا
| |
|
|
|
|
|
|
|
|
|
Re: بهذا اغضب اوباما الوفد السوداني الرسمي (Re: الشامي الحبر عبدالوهاب)
|
شكرا الاخ الشامي والمداخلون
في البداية اود ان اذكر ملاحظة هامة وظل ملفت للانتباه لدرجة الغبن وامل ان لا يغضبكم انتم ايضا. ولكنها الحقيقة كما نشاهدها دائما واذا كان الحقيقة غير ما ساذكره فارجو ان تصححوني.
فالملاحظ عادة في وفود الحيكومات السودانية او الخرطومية فان وفودهم في الموتمرات الهامة بما فيهم وفودهم في المناوضات لفض نزاعات حروبهم العبثية الطويلة الكثيرة فدايما تجد الوفد حفنة من العابسين وجوها وهم يكادوا يكونوا من عائلة واحدة من الشمال فقط ويزعمون انهم الوفد السوداني الحكومي
الرسمي وما عارف ايه والاعلام يملأ ان الدنيا ضجيج
السؤال هو هل السودان هو الشمال فقط؟
وهل فعلا الشماليون هم في حرب مع الاخرين من بني وطنهم؟
ولماذا الحرب او فيما الحرب؟
ألا يوجد بالسودان اخرين لهم الحق في تحمل المسئولية في وطنهم وصناعة القرار فيه وتمثيل وطنهم على كافة المستويات ؟
هذا ما نشاهده تاريخيا حتى من قبل الانقاذ ايضا؟
وعلى سبيل المثال اين موسي محمد احمد مثلا واخرين من الشرق والغرب ايضا؟ وربما مني قد لا يكون محايدا فيما يتعلق بدارفور في ظل الوضع الراهن مع ان الحياد هنا غير مهم لان الوظيفة هي التي تحدد مهامك والاجهزية الرقابية ضمن مؤسسات الدولة بل في النظم الفيدرالية الحقيقية لا يستطيع اي مسئول قومي ان يتجاوز اهل الاقليم ومسئولينه في امر يتعلق باقليمهم. سواء كانوا الاقليميين او على مستوى السلطة المركزية اللهم إلا ما يسمح به القانون في اطار وظيفته, وايضا بالتعاون وعلم اهل الاقليم. بل الاصل هو ان اهل ذات الاقليم هم من يتصدرون شان اقليمهم في السراء والضراء كبيرة او صغيرة
فلماذا تصنع هذه الوجوه العابسة الفتن وسوء الظن بين ابناء الوطن وتكرسه حتى في حراكهم اليومي ومظهرهم في وسائل الاعلام؟ ألا يكفي ألام الحروب والبلاوي التي اغرقوا بها السودان؟
فهل نحن في جنوب افريقيا جديدة؟
وواضح ان هؤلاء هم انفسهم صناع الحروب ولورداته في السودان ولهذا لا يثقون في احد مهما كان كفاءته وقدراته او حتى مكانته او ظيفته
او نحن امام جنوب افريقية العنصرية او الاثنان معا وهذا هو الارجح وفق حقائق الواقع التاريخي المعاش في السودان
عادة تجد شوية افندية من عائلة واحدة يحضرون القمم والاجتماعات الهامة ومنها المفصلية التي تخص السودان وتجد شلة صغيرة كدا من الشمال عاملين زعيطة بانهم الوفد السوداني وهيلمانة وقومة وقعدة وما ادراك؟
فالوفد الجنوبي هذا معروف لامر بخص اقليم جنوب السودان
اما الوفد الذي يمثل السودان كله فاين البقية من اتباع التابعين والرعاع؟
هؤلاء النفر كارثة على العصر وعلى شعب الشمال نفسه ناهيك عن ضحاياهم في الاقاليم الاخرى؟
فهل اهل الشمال انفسهم راضون بهذا التمثيل الذي ظل معمولا به منذ الاستقلال؟
فالوفد الذي نراهم ما علاقتهم بدارفور مثلا؟
وما يسمى بقضية دارفور هي ببساطة نفس هؤلاء الشلة الوفد يمارسون القتل ضد شعب اعزل في عقر داره مستخدمين جهاز الدولة في القتل العمد لدرجة الابادة على حساب الاخرين ومن جيوبهم كمان؟ فلماذا كل هذا؟
فالوفد في شكله مشكلة ومصدر للغبن وشهادة دامغة على الظلم والتمييز بين ابناء الوطن؟
وعار حقيقي لشعبنا في شمال السودان وافتعال للفتن والغبن وظلم بائن حقيقة.
وبعدين عابسين كدا وبزعلوا كمان قال؟ فالواحد فيهم راكب في ظهر امة من البشر ويقتل فيهم ويشرد فيهم ويسلبهم حقوقهم الطبيعية في مقدمتهم الحياة وحقوقهم السياسية في وطنهم بدليل تشكيلة الوفد وكمان عامل زعلان خالص؟
فهل كان من السهولة بمكان لعلي كرتي مثلا و بقية الشلة ان يمتطي مقعده في الطائرة جوا الى الولايات المتحدة ما بعد سبتمبر ليقضي ثلاث ايام ويعود؟ ليه هو اوباما نفسه لولا الامريكية الفاضلة في الايام الصعبة لما وطأ قدميه ارض الولايات بعد سبتمبر .
طيب اهلي وعشيرتي وشعبنا في معسكرات النزوح واللجؤ متى يغضبوا؟ ولو غضبوا فالى اين يبلغ مدى غضبهم؟ وهل من مجيب؟
بالطبع لا لانهم ليسوا شماليين فما علاقة الوفد الشمالي الذي نراهم بهم اساسا غير قتلهم والاعتداء عليهم ولله في خلقه احكام
شكرا
| |
|
|
|
|
|
|
|
|
|
Re: بهذا اغضب اوباما الوفد السوداني الرسمي (Re: الشامي الحبر عبدالوهاب)
|
| Quote: إلى ذلك، أعرب مسؤول رئاسي في الخرطوم عن خيبة امله ازاء نتائج المؤتمر الدولي الذي عقد في نيويورك في شأن مستقبل السودان واعتبرها متواضعة و «حملة علاقات عامة». وقال لـ «الحياة» إن الرئيس الأميركي باراك أوباما أراد من كلمته امام المؤتمر توجيه رسالة إلى منتقديه في بلاده بعدم الاهتمام بالسودان وبعث برسالة غير مشجعة إلى الخرطوم بوضعه تسوية ازمة دارفور وتحقيق العدالة في الإقليم شرطاً لتطبيع العلاقة بين البلدين وتشجيعه جنوب السودان على الانفصال |
..........
الحياة : اليوم الاحد
| |
|
|
|
|
|
|
|
|
|
Re: بهذا اغضب اوباما الوفد السوداني الرسمي (Re: jini)
|
| Quote: دارفور ليست اولوية عند اوباما على الاقل فى الوقت الحاضر |
ولن تكون اولوية في المستقبل
لان الضرب علي الميت وقتها حرام
فلم تكن دارفور مقصودة لذاتها وانما
لاضعاف النظام وطالما الجنوب قام بالمهمة كفي الله الامريكان شر القتال
| |
|
|
|
|
|
|
|
| |
الشامي الحبر عبدالوهاب
Al-Shaygi
Mohamed Suleiman
فتحي الصديق
ثروت سوار الدهب
Tragie Mustafa
عمر عبد الله فضل المولى
عبد اللطيف عبد الحفيظ حمد
أحمد أمين
Medhat Osman
jini
talha alsayed
فيس بوك
تويتر
انستقرام
يوتيوب
بنتيريست