|
|
|
 Re: هذه الصورة أتحدّي أيي زول شاهدها من قبل .. (Re: حبيب نورة)
|
هذه الصورة النادرة من ألبوم الأخ الحبيب الشاذلي الفنوب
والتي تنشر لاول مرة في عوالم الأسافير هدية لقراء سودانيز أون لاين
وهذه الصورة ألتقطت لأب داؤوود في أوائل الخمسينات في أستديوهات القسم العربي للبي بي سي
وكانت برفقة الموسيقار برعي محمد دفع الله بدعوة من الأستاذ صلاح أحمد محمد صالح رئيس القسم
العربي للبي بي سي في ذلك الوقت .
| |
 
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: حبيب نورة)
|
الفنان عبد العزيز محمد داؤود المولود في بربر سنة 1922 في نفس العام الذي ولدت في
الفنانة عائشة موسي ( الفلاتية) عكس ما يذكر الكثيرين، ودرس عبد العزيز بخلوة الشيخ
عبد الصادق بحي ( مِعينيفة) غرب سوق بربر وحفظ القرآن في عامين وصار بعدها ( عِرّيفاً )
وهذه مهنة من يقوم بمهامِ الشيخِ في حالةِ غيابهِ !
درس بمدرسة بربر الإبتدائية وكان حينها التلاميذ يرتدون جلاليب ( الدبلان) و ينتعلون ( الكبك)
وكان المسئول الأول و الأخير عن التلاوة في طابور المدرسة الصباحي و (الألفة) في الفصل
وملحن كل أناشيد الفصول .
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: حبيب نورة)
|
طرد أبو داؤود من المدرسة
غني عبد العزيز وهو طالب في ( الكُتّاب) في حفلِ ختانِ زميلهِ في المدرسة أغنية غزال البرّي يا راحل
وكان معه في ( الكوراس) (فرح رفّاي ) و( حسين القنّص ) الذين أصبحوا فيما بعد من أشهر فناني بربر
وشي في صباحِ اليومِ التالي أحد تلاميذ المدرسة للسيد الناظر بأن أب داؤود كان يغني ليلة البارحة
في طهور زميلهِ ، مما جعل مدير المدرسة يشتاطُ غضباً ويخرج أب داؤود في طابورِ الصباح ليوبّخهُ
وعندنا خرج من الطابور ليسأله الناظر !
صحيح البارح غنيت في الطهور ؟
فاجابه أب داؤود بنعم !
فقال له ماذا غنيت ؟
غزال البري يا راحل !!
فقال له أين حفظتها ؟
قال من كتيّب أصدرهُ (ديمتري البازار) وهو كان متعهّد جميع الفنانين السودانيين للتسجيل في مصرَ
ويقال أنه إغريقي ولكن الصحيح ان الرجل نمساوي ، فكان من ضمنِ أغاني الكتاب أغنية في الضواحي و غيرها
فطلب الناظر من أب داؤود أن يغنيها لهُ !
فبدأ يغني في الأغنية وطرِب الناظر و بدأ يهتز حتي أنتبه الجميع لطربهِ فما كان منهُ إلا أن أمر
بجلدهِ خمسة وعشرين جلدةً وطردهِ من المدرسة.
| |
|
|
|
|
|
|
|
|
 Re: هذه الصورة أتحدّي أيي زول شاهدها من قبل .. (Re: حبيب نورة)
|
قصة أبو داؤوووود مع ( فضايلو)
حكي أبو داؤوود انهُ كان راقد في بيتهم و الليل هوّد والبلد صانّة جابلو الهِوَي صوت نسوان بغنن
غُني طاعم ، فقامت شعرة جِلدو ( كلّبت) ولبس جلابية دبلانو الما خمج وقال كدي مرق وقعد يباري في الصوت
وهو في الطريق إلي مصدرِ الصوت ، قابل مجموعة كلاب ، شرّطت ليه جلابيته ، ومع ذلك مشي بي كرعينو حتي
وصل محل الغُنا، لكن لقي النسوان خلصن غناهن و دايرات يمرقن ، والكلام دة كان في حي الهجانة
والذي سمي بذلك الإسم لأنها كانت مربط إبل الهجانة في التركية و المهدية !
دخل أب داؤؤود البيت وقابل خالتو ( فضايلو)
سجمي يا ولدي الجابك شنو بالليل دة ؟؟
قال ليها والله جابني ( قوقايكن ) دة وجايي أسمع الغُنا !
فما كان منها إلا أن قالت للنسوان ( صُدَّن غنّن لُو )
فعندما طرب لهذا الغناء أراد أن يكرمهن فلم يكن معه إلا 150 قرش فقط
وأنا هنا أشير لدور ( فضايلو) العظيم في التأثيرِ علي مسيرة أبو داؤود والغناء في بربر عموماً
الجدير بالذكر أن فضايلو دي كانت سِت إنداية وكذلك ( ورانا) وغيرها
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: حبيب نورة)
|
Quote: فبدأ يغني في الأغنية وطرِب الناظر و بدأ يهتز حتي أنتبه الجميع لطربهِ فما كان منهُ إلا أن أمر
بجلدهِ خمسة وعشرين جلدةً وطردهِ من المدرسة. |
بالله يا حبيب نورة الناظر دا مش ظالم؟ تحياتي.
كبـــَّـاشي الصــَّــافي
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: حبيب نورة)
|
العزيز/ حبيب نورة
حياك الله
بالجد صورة رائعة ونادرة...
الزول في صباه وسيم جدا..
Quote: فبدأ يغني في الأغنية وطرِب الناظر و بدأ يهتز حتي أنتبه الجميع لطربهِ فما كان منهُ إلا أن أمر
بجلدهِ خمسة وعشرين جلدةً وطردهِ من المدرسة. |
بالله شوف.. بعد ما طرب جلده!!.. يعني الزول المدير بتاع نظام عام سابق لأوانه..
ببالغ..
الجلدة محرقاني التقول في ضهري..
جزاء سنمار بي ذاته..
تحياتي
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: حبيب نورة)
|
Quote:
طوّلت ما ردّيت بعدين معاك لو جيت
مبالغة وشوفو نقرشة الكبريت دي كيف؟
ولو الكود ما أشتغل ليكم بي طريقتكم
أنا عندي في الكمبيوتر معززة ومكرمة
|
روعـــــــــــة..
الكبريتة كانت تمثل ايقاعا للراحل..
وفي قصص كثيرة حكيت عنها..
وياريت لو تتحفنا منها..
تحياتي
| |
|
|
|
|
|
|
|
|
 Re: هذه الصورة أتحدّي أيي زول شاهدها من قبل .. (Re: حبيب نورة)
|
طبعاً للعلم بأن حركة الكبريتة الشهيرة التي كان يوقع بها الفنان أبو داؤود
كانت هذه طريقة الفنان فضل المولي زنقار .
فقد حدث ان أب داؤود كانت له حفلة خارج الخرطوم فأتي علي المك و أحد أصدقائه
وسألوا عنه فقيل لهم بأنه في حفلة وذلك أيام إضراب الفنانين في الخمسينيات
ليلتفت الرجل الذي كان يرافق علي المك فوجد محمدية وعربي و باقي العازفين
الذي كانوا يرافقون أبو داؤود كانوا موجودين
فسأل المرحوم علي المك عبد الله عربي عازف الكمان المعروف
يا عربي كيف يكون عندو حفلة و إنتو قاعدين هنا؟
فرد عليه كيف ياخي أب داؤود ما معاه الأوركيسترا السحرية !
وكان يقصد الكبريت
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: حبيب نورة)
|
تسلم ياحبيب دايماً رائع
صورة نادرة حقاً.. فهذا الانسان الفنان فقد أطربنا بصوته وأضحكنا بنكاته وابكانابفراقه
رحمه الله رحمة واسعة ..
وهذه نادرة له عندما حضر مع الفنان عبدالله البعيو لاحدمناطق الرباطاب لاحياء حفل
وعند المغربية داير يتمشى ويتفرج على المنطقة ممسكاً بالبعيو بيده .. ومن بعيد شافم ليك
شافع صغير .. وبعد فترة سمع الناس بتسأل وينو أبوداؤد الحفلة قربت فى زول شافو؟؟؟
طوالى الشافع ردٌ ,, أيوه شفتو شايل ليهو أبريق ومشى هناك...
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: ازهرى بدوى)
|
يا سلام يا حبيب نوره
صورة رائعة
وأغنية أروع
سجل ابوداوؤد اغنية طولت ما رديت للاذاعة بالاوركسترا
لكن بالعود تطرب الصخر
هذا التسجيل الرائع أظنه كان في برنامج كتاب الفن الذي قدمه الراحل محمود ابوالعزائم في الاذاعة
في بداية السبعينات وقدم عدة حلقات رائعة مع ابوداوؤد
تسلم يا حبيب
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: ازهرى بدوى)
|
جميل ورائع ابو داؤود وانت يا حبيبنا ..
وجدت رسالتك الرقيقة ايام الحادث وحاولت الاتصال بك مرارا وتكرارا الى ان قال لي احد الاصدقاء الناس ديل ليلهم نهار ونهارهم ليل .... لك حبي وتقديري ...
ارجو ان يكون هذا البوست توثيقا لمسيرة هذا الهرم الفريد ..
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: معتصم محمد صالح)
|
كل عام وانتم بخير
يا زول با سمح
لنك الحفظ ياأخونا؟؟
ورواية الكبريتة كما سمعتها من الأستاذ عبدالله عربي
على لسان على المك رحمه الله
أنه رجل لا يخطئ في أدائه قط ، مرة جاء عبدالله عربي
يبحث عن عبدالعزيز ، كنت جالسا بدار اتحاد الفنانين
سألني عربى قلت له إن عبدالعزيز سافر إلى عطـبرة ،
قال عربى ( لكن أنا شايف برعي موجود و أكرت و خواض
وبشير ، وأنا برضو ماكلمنى، السافر معاه منو؟) قلت له:
(غير ليكم، قال ما عايز عازفين اشترى كروسة كبريت من دكان اليمانى وسافر )
مودتي يا حبيب
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: ازهرى بدوى)
|
Quote: هذه نادرة له عندما حضر مع الفنان عبدالله البعيو لاحدمناطق الرباطاب لاحياء حفل
وعند المغربية داير يتمشى ويتفرج على المنطقة ممسكاً بالبعيو بيده .. ومن بعيد شافم ليك
شافع صغير .. وبعد فترة سمع الناس بتسأل وينو أبوداؤد الحفلة قربت فى زول شافو؟؟؟
طوالى الشافع ردٌ ,, أيوه شفتو شايل ليهو أبريق ومشى هناك...
|
هاهاهاهاها
حلوة ياخ
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: حامد محمد حامد)
|
يا حبيبا،
الصوره دي شِدة ما واضحه ودقيقه وناطقه خُيِّل لي أنها متحركة،
جميله جد،
كنت ، من العقل الباطن، عايز أقول ليك أنها التقطت مع تغنيه ب ( ليلنا بلا راح سُكارى)
لكن هذا الجزء من الأغنية لايتسق مع تعابير الوجه البتصحيك من النوم دي لكنه يتسق مع الدايرو أنا،
مش على كيفي؟
-
عماد قولوا ليهو أي شئ، بس ما تجيبوا ليهو سيرة ( كانت ذراعاك لرأسي مرقدا)
نصيحة أخويه،
ممكن تقولوا ليهو ( الحب شئ طبيعي إلهي)
يا إلهي
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: محمد المرتضى حامد)
|
Quote: طبعاً للعلم بأن حركة الكبريتة الشهيرة التي كان يوقع بها الفنان أبو داؤود
كانت هذه طريقة الفنان فضل المولي زنقار .
فقد حدث ان أب داؤود كانت له حفلة خارج الخرطوم فأتي علي المك و أحد أصدقائه
وسألوا عنه فقيل لهم بأنه في حفلة وذلك أيام إضراب الفنانين في الخمسينيات
ليلتفت الرجل الذي كان يرافق علي المك فوجد محمدية وعربي و باقي العازفين
الذي كانوا يرافقون أبو داؤود كانوا موجودين
فسأل المرحوم علي المك عبد الله عربي عازف الكمان المعروف
يا عربي كيف يكون عندو حفلة و إنتو قاعدين هنا؟
فرد عليه كيف ياخي أب داؤود ما معاه الأوركيسترا السحرية !
وكان يقصد الكبريت |
سلام يا حبيب
الرواية جميلة..
لكن يبدو أن الراحل كان معروف بيها زي ما قال العربي في رده على علي المك..
نواصل.......
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: سفيان بشير نابرى)
|
Quote: Quote: حامد محمد حامد
يا تفتيحه وشائل مفاتحيه
لوووووووووووووووووووول
قال يتحدى قال
لو بيتحدى خليهو يتحدى
شاذلي أو خالد الفانوب . |
الخبير سفيان افتقدناك فى القاهرة وطولت الغيبة ياخى...غايتو قضينا اجازة العيد بهناك وقد كان صديقى حمور خير معين.
وكدى خلى الفانوب تانى يجى يقول ابو داؤود ولا ابو صلاح وهو من ضمن المتحدين
يا حبيب نورة ....عذبتنا...!!
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: حامد محمد حامد)
|
حبيب نورة حبيب الكل
Quote: هذه الصورة النادرة من ألبوم الأخ الحبيب الشاذلي الفنوب
والتي تنشر لاول مرة في عوالم الأسافير هدية لقراء سودانيز أون لاين
وهذه الصورة ألتقطت لأب داؤوود في أوائل الخمسينات في أستديوهات القسم العربي للبي بي سي
وكانت برفقة الموسيقار برعي محمد دفع الله بدعوة من الأستاذ صلاح أحمد محمد صالح رئيس القسم
العربي للبي بي سي في ذلك الوقت . |
شاهدتها من قبل
تخيل هذه الصورة كانت في بروفايل عماد عثمان ( موثق المنبر الكبير )
وطبعا هو صديق ابن الفنان ابوداؤود وحكى لي انها صورة نادرة ولم تشاهد من قبل
يازول حتى ولو نزلت تاني الراحل المقيم ابو داؤود فنان بمعنى الكلمة في كل شيء
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: وليد عبد اللطيف)
|
حبيبنا ..حبيب نورة .سلام
| Quote: هذه الصورة أتحدّي أيي زول شاهدها من قبل .. |
يااخوي وثق من غير ماتتحدى ... الصورة دي اتعرضت في المنبر ده في بوست لا اذكر اسمه كان بخصوص صور قديمة للفنانين وانا حافظ كل الصور الكانت في البوست المعني ومن ضمنها هذه الصورة ...
قال اتحدي كمان ..
ـــــــــــــــ
وبعد ده شكراً للتوثيق الجميل لفنان جميل - عليه رحمة الله -
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: فايزودالقاضي)
|
حبيب نوره ياجميل
شكرا ليك
Quote: هذا التسجيل الرائع أظنه كان في برنامج كتاب الفن الذي قدمه الراحل محمود ابوالعزائم في الاذاعة
في بداية السبعينات وقدم عدة حلقات رائعة مع ابوداوؤد
تسلم يا حبيب |
دكتور احمد القرشي
تحياتي يامعتق
فعلا كلامك سليم وعندي التسجيل دا من ستاشر جزء والجزء ما اكثر من تسعه دقايق
لو البوست دا بستحمل وبوعد انو ينتقل للربع الجاي ممكن بعد اسئذان حبيبنا وحبيب نوره ننزلا ليكم هنا
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: خضر الطيب)
|
Quote: فعلا كلامك سليم وعندي التسجيل دا من ستاشر جزء والجزء ما اكثر من تسعه دقايق
لو البوست دا بستحمل وبوعد انو ينتقل للربع الجاي ممكن بعد اسئذان حبيبنا وحبيب نوره ننزلا ليكم هنا |
خضر الطيب
ياخ البوست بستحمل
ومالو ما يتنقل الربع الجايي؟
أنت أرفعو لي قدام
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: فايزودالقاضي)
|
حبيييييييييييييييب نورا سلامااااااااات
المريخاب غايتو احتسبوا الموسم ده بالهنا و الشفا
............
بوست رغم عنوانو المهزوم لان صاحبه من قبيلة الحمى الصفراء و الكلوركوين الاحمر > لووووووولز
لكن مضمونه خطير لانه يحكى عن الراحل الفنان صاحب الصوت الدافئ ابوداود ................................
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: أحمد الصديق)
|
حبيب نوره العزيز
امتعك الله ..
ورغم ان (البلق إن) لم يفتح عندنا لجهلنا المفجع باستحدام الديجيتالز الا اننا سمعناه بخيال طبلة اذننا
التي يتردد فيها كل ماغني الراحل العزيز عبد العزيز منذ دخوله ساحة الفن ..
سانتظركم عند محطة عطبرة التي التحق فيها ابو داوود بالسكة الحديد ومنازل اصدقائه حسن خليفة
العطبراوي وعمي الطيب حسن وجمعيات عطبرة الادبية والفنية التي اسهمت في صقل عبقريته لتعيدني
الي سن السابعة والي ما غرسته تلك الايام في صدري من حب للفن علي اطلاقه وللخالد عبد العزيز ..
لك الود وواظب علي تحصيل البخرات .
عمر علي حسن
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: خالد المحرب)
|
Quote: والله كلام جميل لكن فضلا ارجو عدم تداخل الاغانى
طبعا انا من المعجبين جدا بعد عثمان حسين كفنان رحلة غرامى
بى صاحب الحنجرة الذهبيه عبد العزيز داؤد فهو طوع الكلمات
وبناها بنيان بى مزاجو وبى امكانياتو الصوتيه
شكرا حبيبنا |
الحبيب خالد المحرب
فهمتك قاصد شنو
وبوعدك إننا نتكلم عن أب داؤود
تسلم يا غالي
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: عمر علي حسن)
|
Quote: امتعك الله ..
ورغم ان (البلق إن) لم يفتح عندنا لجهلنا المفجع باستحدام الديجيتالز الا اننا سمعناه بخيال طبلة اذننا
التي يتردد فيها كل ماغني الراحل العزيز عبد العزيز منذ دخوله ساحة الفن ..
سانتظركم عند محطة عطبرة التي التحق فيها ابو داوود بالسكة الحديد ومنازل اصدقائه حسن خليفة
العطبراوي وعمي الطيب حسن وجمعيات عطبرة الادبية والفنية التي اسهمت في صقل عبقريته لتعيدني
الي سن السابعة والي ما غرسته تلك الايام في صدري من حب للفن علي اطلاقه وللخالد عبد العزيز ..
لك الود وواظب علي تحصيل البخرات |
الجميل عم عمر
تسلم والله
ياخ نحن الغنية نوصلا لحدي عندك والحساب علينا
إنت تأمُر نقول سمح
الليلة ما يوم البخرات الليلة مطالعة ساهي
| |
|
|
|
|
|
|
|
|
 Re: هذه الصورة أتحدّي أيي زول شاهدها من قبل .. (Re: طارق الكوتش)
|
Quote: لمريخاب غايتو احتسبوا الموسم ده بالهنا و الشفا
............
بوست رغم عنوانو المهزوم لان صاحبه من قبيلة الحمى الصفراء و الكلوركوين الاحمر > لووووووولز
لكن مضمونه خطير لانه يحكى عن الراحل الفنان صاحب الصوت الدافئ ابوداود ... |
هاهاهاهاهاها
يا كوتش ياخ لسة في أمل !
لووووول
وبعدين البوست علي اليمين ولا كلمة
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: وليد عبد اللطيف)
|
Quote:
شاهدتها من قبل
تخيل هذه الصورة كانت في بروفايل عماد عثمان ( موثق المنبر الكبير )
وطبعا هو صديق ابن الفنان ابوداؤود وحكى لي انها صورة نادرة ولم تشاهد من قبل
يازول حتى ولو نزلت تاني الراحل المقيم ابو داؤود فنان بمعنى الكلمة في كل شيء |
يا وليد يا وليد
طيب طالما شفتها
أحكي لينا عن رحلة بورداب جدة بنين
ونزل لينا الصور لو سمحت
هاهاهاههاها
ياخ تشكر علي الطلة يا سمح
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: محمد المرتضى حامد)
|
Quote: ا حبيبا،
الصوره دي شِدة ما واضحه ودقيقه وناطقه خُيِّل لي أنها متحركة،
جميله جد،
كنت ، من العقل الباطن، عايز أقول ليك أنها التقطت مع تغنيه ب ( ليلنا بلا راح سُكارى)
لكن هذا الجزء من الأغنية لايتسق مع تعابير الوجه البتصحيك من النوم دي لكنه يتسق مع الدايرو أنا،
مش على كيفي؟
-
عماد قولوا ليهو أي شئ، بس ما تجيبوا ليهو سيرة ( كانت ذراعاك لرأسي مرقدا)
نصيحة أخويه،
ممكن تقولوا ليهو ( الحب شئ طبيعي إلهي)
|
محمد المرتضي
ياخ خليه يتنجض زي ما نجضت أنا
أغنية مجنووووووونة عديل كدة
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: أمين يحيى)
|
Quote:
جميل أنت يا (حبيب) ...
صورة رائعة لأبو داؤود الأروع ،،،
واصل حكيك الحلو ، أنا شكلي كدة ما مارق من هنا
أتقرفصنا ... وإتكرفسنا وإيدينا تحت الحنك واصل النضم
وطلب خاص نزّل لينا (أجراس المعبد) وبالعود طبعاً
|
أمين يحيي
تشكر علي الطلة السمحة
بحاول أنزل الحاجات دي لكنها ما راضية
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: سالم أحمد سالم)
|
Quote: أخر مره شاهدت فيها ابو داوود واستمعت ترتيله الغناء كان في دبي
بدعوه من الاخ السيد كمال حمزه الحسن مدير البلدية آنذاك ..
الجلسه سجلها الاخ كمال .. الذي كعادته احتفظ بالتسجيل لنفسه .. فقط لا غير !!
ويا ناس دبي شوفوا لينا نسخه من السيد كمال .. ولو رفض .. "لوموه بالله" ..! |
أستاذنا الجميل سالم
أنا سعيد جداً بي طلتك البهية دي
وكمان مؤيد العريس القاعد جمبي
ياخي تشكر كتير
لكن زولك دة أنا بعتبرا ليه كعوبية مشروعة
أناهسة عندي شريط لي أب داؤوود بسمعو بالدّس
شفت الحسادة دي
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: أمين يحيى)
|
Quote: تسلم يا خليل على المشاركة ... أنا بفتش على تسجيل أنضف لأجراس المعبد
شفت شغل العود الفيها دة ... مبـــااااااااالغة عديل ،،،
_________
حبيب نورة واصل كلامك ياخ ، إنت ما سيد الحكي .... مودتي لكليكما |
يا حبيب
ياخي تسلم يا عسل
ورأيك شنو في خليل دة لما يكون مزاجو رايق وينسي حكاية الصفاقصي العامل ليه قلق دة
بجيب دُرر يا أمين
تسلم ويديك العافية
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: حبيب نورة)
|
حبيبنا
الأشعة تشوفن فى قباله
ده لو نظرلك بتشيلك نباله
ما أعظم جلال أبو داود
استحل هلاكنا، والغريبة نحن راضين بالهلاك، بالطرب الما عادى
تعرف يا حبيب نوره أنا مهووس الغنا السمح الطروب وبالمزيكا كلها
لكين الوضع مع ابوداود وبرعى شى مختلف تماما
ولما اكون عايز اقعد فى حضرة الإتنين ديل عشان اسمع
اول شى بتهندم واجهز مكان السمع وابخره وأنا اتعطر حتى ادخل لى إيوان الطرب العجيب ده
زى ما برضه قاعد اعمل لما اكون عايز اسمع كرومة
ونبدا فى خشوع ويبدا صوت ابوداود وعود برعى يسرو مع بعض
بكونو فى الأول عاملين زى النيلين، الأزرق والأبيض
وبعد شويه يتلاقو فى المقرن ويبدا نيل الغنا الما خمج
وابوداود يغنى اجرى يا نيل الحياة
وهو ما عارف انه هو ياهو نيل الحياة
تعرف يا حبيب نورة
من ضمن مشاريعى فى الجنة
انه يكون عندى "حلقة طرب" اسبوعى بى ابوداود وبرعى
قول لى ليه اسبوعى
لأنه ابوداود ده كان سمعته كل يوم احتمال تجن عديل
يا زول ما مشكلة، كدى لى بعدين
بنتصرف
بتجينا هناك يا ياسين ؟
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: أبوذر بابكر)
|
حبيب نورة ،
ياحبيبنا، لك التحية على هذا لإبداع والتوثيق،
بس ما قدرنا نفتح الأغاني ،
الحكاية دي بيعملوها كيف؟
Quote: عماد قولوا ليهو أي شئ، بس ما تجيبوا ليهو سيرة ( كانت ذراعاك لرأسي مرقدا)
نصيحة أخويه،
ممكن تقولوا ليهو ( الحب شئ طبيعي إلهي)
|
مولانا ،
دي ، صدقني ،
ما ممكن تكون إلا
سكر السمار والخمار في حان الغرام
وأنا الصاحي........
ترم ترم ترررا....
يا إلاهي!!!!
تحياتي
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: dardiri satti)
|
Quote: مولانا ،
دي ، صدقني ،
ما ممكن تكون إلا
سكر السمار والخمار في حان الغرام
وأنا الصاحي........
ترم ترم ترررا....
يا إلاهي!!!! |
الحبيب درديري
ياخ مرحب بيك و بركة الجيت
شفت الحسادة دي! الأغاني حلفت كان تشتغل ليكم
ذكرتني أيام كان عندي شريط عاجبني لي أبوداؤوود
كنت بسمعو بالدّس
حسادة بس
ياخ عليك الله شوف سكِر السّمار دي
مبالغة ياخ
| |
|
|
|
|
|
|
|
|
|
Re: هذه الصورة أتحدّي أيي زول شاهدها من قبل .. (Re: أبوذر بابكر)
|
Quote: حبيبنا
الأشعة تشوفن فى قباله
ده لو نظرلك بتشيلك نباله
ما أعظم جلال أبو داود
استحل هلاكنا، والغريبة نحن راضين بالهلاك، بالطرب الما عادى
تعرف يا حبيب نوره أنا مهووس الغنا السمح الطروب وبالمزيكا كلها
لكين الوضع مع ابوداود وبرعى شى مختلف تماما
ولما اكون عايز اقعد فى حضرة الإتنين ديل عشان اسمع
اول شى بتهندم واجهز مكان السمع وابخره وأنا اتعطر حتى ادخل لى إيوان الطرب العجيب ده
زى ما برضه قاعد اعمل لما اكون عايز اسمع كرومة
ونبدا فى خشوع ويبدا صوت ابوداود وعود برعى يسرو مع بعض
بكونو فى الأول عاملين زى النيلين، الأزرق والأبيض
وبعد شويه يتلاقو فى المقرن ويبدا نيل الغنا الما خمج
وابوداود يغنى اجرى يا نيل الحياة
وهو ما عارف انه هو ياهو نيل الحياة
تعرف يا حبيب نورة
من ضمن مشاريعى فى الجنة
انه يكون عندى "حلقة طرب" اسبوعى بى ابوداود وبرعى
قول لى ليه اسبوعى
لأنه ابوداود ده كان سمعته كل يوم احتمال تجن عديل
يا زول ما مشكلة، كدى لى بعدين
بنتصرف
بتجينا هناك يا ياسين ؟ |
هسة يا مطر يردوا عليك بي شنو؟
أقول ليك شنو و إنت بتتسامي بي طقس إحتفالك بي الغُني
و بتشيد جواي زمن كرنفالي
ذكرتني ذات الطقوس المبجّلة التي أقيمها عند الهطول
أبو داؤود ما بتسمع حاف كدة
عشان صوتو ممكن يدخلك ما يمرقك
تخيل نفسك بتسمع في لوموهو اللاهي في الغرام بالله
حاف كدة
ياخ أقل حاجة ممكن تشوطن بيك
ياخ تسلم يا مطر
ودة ما كلامي ليك كلو
برجع بي أب داؤوود فقط
كن بخير و أنتظرني في الجنة
| |
|
|
|
|
|
|
| |
حبيب نورة
cantona_1
معاوية عبيد الصائم
Abdlaziz Eisa
ازهرى بدوى
Ahmed al Qurashi
معتصم محمد صالح
سفيان بشير نابرى
أحمد الصديق
أمين يحيى
هواري نمر
حامد محمد حامد
محمد المرتضى حامد
الفاتح الجنيد
وليد عبد اللطيف
فايزودالقاضي
خضر الطيب
أسامة البلال
Osman Musa
khaleel
معاوية المدير
سالم أحمد سالم
سلمى الشيخ سلامة
أبوذر بابكر
فيس بوك
تويتر
انستقرام
يوتيوب
بنتيريست