|
|
 غناء بمزاااااج كل يوم غنيتين لحدي الأرشفة
|
عبد العزيز المبارك - بتقولي لا - كلمات عثمان خالد
بتقولى لا لقليب عليك يقطر حنان ويذوب وله
بتقولى لا لقليب رهيف ماظنو لالالا بيحمله
بتقولى لا ياغاليه ياست القلوب يامذهله
وحياة شبابك ذبت في عينيك حنان ومغازله
سافرت فى رحلة مشاعر ملهمه ومتامله
شفت الورود من وجنتيك غيرانه جات متوسله
حتى القمر غار من صفاك واصبح يردد فى الصلاه
جاك المساء ادى الفروض داعب شفايفك وغازله
شال لون جميل من وجنتيك مسح خدودك وبلله
اصبح يلملم فى النجوم وينظم عقوده ويغزله
طرز لى جيدك بالحرير وبتقولى لا
انا بيك بدغدغ فى القلوب ياحلوه احرف واشكله
املاها رقه ودندنة وعناق حنان ومبادله
اسقيك حنان ماظنو كان فى الدنيا او كانت صله
انا بيك لو قلبك يحن عالم يجن من الوله
اسقيك حنان ما اظنوا كان دى الدنيا او كانت صله
وازرع هواك بين النجوم روضة حنان وادللة
واحكيك لحون يا غالية لو سالت والعود غازله
واخلى كل الكون اقول فنان ادوب و اغزله
بتقولى لا يا لهفة المشتاق وطعم الحلا
|
|
 
|
|
|
|
|
|
|
 Re: مشتاقين والله يا زول يا كعب (Re: حسبو عكاشة)
|
| Quote: صور التلاجات بالله يا خدوري |
الرجاء من العضو الكريم مناقشة الامور الخاصة من اعمال تجارية وغيرها عن طريق الماسنجر او الايميل حتى لا ينحرف هذا البوست عن المسار المرسوم له ..ويصاب صاحبه بالاحباط ..ويزداد احباطا اكثر ما هو عليه !!
| |
|
|
|
|
|
|
|
|
 خطاب الى بكري ابو بكر (Re: خضر حسين خليل)
|
| Quote: Quote: الاخ مورتا متقمصا شخصية الموصلي |
| Quote: Quote: الاخ مورتا في متقمصا شخصية الموصلي |
الاخ الفاضل بكري ابوبكر
ارجو شاكرا النظر بعين الغضب والشدة تجاه كل من تسول له نفسه العبث بمشاركات الاعضاء الكرام وخاصة من اعضاء قبيلة اليسار بمنبركم العامر ...
والله ولي التوفيق
| |
|
|
|
|
|
|
|
|
|
Re: خطاب الى بكري ابو بكر (Re: خضر حسين خليل)
|
ولى المساء بصوت الفنان عمار السنوسي
ولى المساء - كلمات حسن عوض أبوالعلا لحنها وغناها سيد خليفة
ولى المساء **ولى المساء
الواله المحزون في جوف الضباب
وانا أهيئ زينتي ..و أعد مفتخر الثياب
آملاً لقياك الحبيب و يصدني زهو الشباب
أمسي مضي بين التحسر والانين
ووسادتي بدلتها بالدمع والدمع السخين
مع تباريح الصباح وبسمة الفجر المبين
غنيت مثل الطير فرح في رياض العاشقين
تسري النسايم عذبه ..
وانا اهيم بلا بلاد
وتقودني الآمال
في دنيا المباهج والخيال
وهناك ارقد في الرمال
ولا اري غير الرمال
غداً أذوب مهجتي بحر انفاس الغرام
أرنو اليك وا لوعتي ظمأ تؤجج في الظلام
وابيت أعشق في الدجي
صوتا ينادي في ملام
ابداً اعيش بحبه
أنا غير أحبابي حطام
غداً نكون كما نود
ونلتقي عند الغروب
غداً تعود مباهجي ..
وتزول عن نفسي الكروب
غداً حبيبي قد يعود
غدا حبيبي حتما يعود
| |
|
|
|
|
|
|
|
|
|
Re: خطاب الى بكري ابو بكر (Re: خضر حسين خليل)
|
Quote:
فقط ولكي لا ننسي
اليسار السوداني |
نرجو ان نلفت انتباه العضو الكريم الى ان كلمة اليسار الواردة هنا يقصد بها الثروة والجاه ..لذا لزم التنويه ..ولا حياء في العلم 
| |
|
|
|
|
|
|
|
|
|
مش الغناء دا خليناهو يا بشر ارح ورونا الحنك شنو (Re: البدري عبد الله)
|
شنو يا خضر وين انت الكيماوي بقت حالتو صعبه خالص خالص قالو بيركب بص الوالي النهار كلو من بص لبص واحد يوديهو الكلاكله و واحد يوديهو الحاج يوسف وضارب الكندشه يرجع البيت نظام كان في الشغل هاهاهاهاهاها وطبعا في البص بيلعب إسنك بالموبايل
انتو عمر التوم وين يا جماعه !!؟
| |
|
|
|
|
|
|
|
|
|
Re: خطاب الى بكري ابو بكر (Re: خضر حسين خليل)
|
| Quote: الى ان يكون الناشط خضر صادقا في وعوده |
خمسة و خمسة جوني و من النوم صحوني, يشرب الشاي عند جميلة و يمشي يصرح للجزيرة كناشط حقوقي... هانت اللقيمات
| Quote: والدكتور نوتة ثابتا على مبادئه |
دا مما شاف اشكالنا تاني سلام الله ابا يدينا ليه في المنبر, قال صغار قال
| Quote: وحسبو عكاشة لا يراوغ طلاب الاسكول اوف ماث |
دي نكتها من وين
| Quote: والشبل مورتا واضحا في اسبابه |
زول قال بساهر و صلاة الصبح ما بقدر عليها, دا موش سبب!!
| |
|
|
|
|
|
|
|
|
 Re: حسبو وصل ؟؟ القصة انتهت يادووووووب..... (Re: Amira Elsheikh)
|
| Quote: خمسة و خمسة جوني و من النوم صحوني, يشرب الشاي عند جميلة و يمشي يصرح للجزيرة كناشط حقوقي... هانت اللقيمات |
هاهاهاهاهاهاهاهاهاهاهاها وبعد عودة الناشط الحقوقي من المسيرة طالبته جميله بدفع الديون العليهو فقال لها :
جميلة خمسة حروف .. خضوري خمسه حروف .. إذن فلتُاجل الديون
| |
|
|
|
|
|
|
|
|
|
بوست الأوغاد (Re: حسبو عكاشة)
|
| Quote: ولى المسا دى اوسكاااااااااااااااااااااااااااااااااااااااااار |
ولى المساء منو تاني لبوست دا جاب ليهو صور في التلاجات وحنفتح فيهو ملفات كتيره ملف الناشط الحقوقي خضر ملف الناس رمضان من داخل تلاجات الفواكه وفي مرادمات حتتم هنا الغناء خليتو خلاص ما دام اتلمو الاوغاد ديل هنا
| |
|
|
|
|
|
|
|
|
|
Re: ترقبوا الكيماوي متجولاً بالكرِته في سوق البطيخ (Re: خضر حسين خليل)
|
Quote: الجدير بالذكر انو الكيماوي بعد الصور دي كلها اشتري عدد
(1) ربع دستة برتقال
(2) نصف كيلو موز (علماً انو سعر الكيلو كان عامل جنيه ونص)
(3) كيس تمباك
وضرب لي ناس بيتهم قال ليهم جايب ليكم فواكه . وقيل انهم انتظروه في راس الشارع |
كنت في مهمة لإنجاز بعض المهام و بعد ان قضيت مهامي بنجاح, وجدت نفسي بالقرب من مكان عملة ادرت ظهري للكنداشة التي تنتظرني بالبيت و فضلت عنها سخونة الجو في نهار ذاك اليوم الرمضاني, و إذا بي ادخل في دوامة لا قبل لي بها... و بعد السلام و التراحيب و الجاكات الما ياها
الناشط: اها يا عمك شايف الواطه سخنه, نجيب ليك شنو
الكيماوي: كيف يعني!!
الناشط:عندك خيارين, الاول مطعم اسمو الريان* اوديك تضرب ليك شيه و تشرب موية بااااااااااردة
الخيار التاني: نمشي نتكل في التلاجات لحدي قريب الساعه 5 و نتفكفك
الكيماوي:لا يا اخوي انا صايم اخير لي الموز :) :)
* مطعم أُفتتح اول يوم في رمضان بالقرب من مكان عمل الناشط و سمي تيمنا بالباب الذي يدخل منه الصائمين الجنة
| |
|
|
|
|
|
|
|
|
|
بوست للأوغاد (Re: طارق جبريل)
|
طيفور كل سنة وانت طيب يا عمك اسي عليك الله حسبو دا زول تستثناهو من اللف ياخ خضر حسين لفه بيهو في السوق المركزي في رمضان لمن فطر لمن سمع آذان العصر وقال شنو عامل فيها تلخبطت عليهو الاذاذين (جنس بدع) تقرأ كما قالها حميد بدون ه في ست الدار 
هلا هلا بطارق جبريل كبير ناس الليل الواحد كان عايز يبقى معاكم وعندو اصحاب مساخيت يعمل شنو ؟؟ ديل من اول غنيه انتهو من البوست الغنا بقى الشي الوحيد المافي زول بشوفو
| |
|
|
|
|
|
|
|
|
 Re: بوست للأوغاد (Re: عمر التوم)
|
Quote:
محمد المرتضي
كدي سيبك من جوز اللوز ديل |
| Quote: هارون دياب سلامات وتسلم يا جميل صدق جوز اللوز ديل نسوني الموضوع كان شنو زاتو |
الصفوة هارون دياب عبرك ازجي التحايا لاستاذنا الفنان جدا محمد المرتضى حامد, واحي اللاوعي فيك وهو يماهي خطو صدق احساسك بأنو بوستات زي دي مامكن تترك للمغرضين من شاكلة لابورتا ومن لف لفه لتعليم الناس امور فنهم , ومن هنا اناشد الحقوقي خضر خليل انو يركز لينا على الفيل..... الفيل ياخضر
| |
|
|
|
|
|
|
|
|
|
Re: Re:ود جيرانا .......سلام (Re: الشفيع وراق عبد الرحمن)
|
الشفيع إزيك وكل سنة وإنت طيب والقابله على أمانيك
Quote: ده مرور وسلام علي ناس الوردية التالتة
الفوق ده ما قريتوا ، عارفو كلام فاضي |
والله شكلك قريتو وممغوس انو طلع كلام فاضي ######## وقتك ساي في داعي ياعمر التوم وخضر وحسبو احرجتونا من الناس حكومة على معارضه
لو طلعو مافشين الزول ممكن يرفع ليهو غنيتين ابو سريع
| |
|
|
|
|
|
|
|
|
|
Re: Re:ود جيرانا .......سلام (Re: مرتضى احمد عبد القادر)
|
أبوعركي البخيت - لو كنت ناكر
كلمات /عوض احمد خليفة
لو كنت ناكر للهوى زيك ..كنت غفرت ليك
كل العذاب العشته في حبك وكل حقي العليك
لكني عايش للهوى .. لكني عايش للشقى
وكل يوم بترجى فيك..
وريني كيف اغفر وانت شقاي سببته بيديك ؟؟
حاولت اخدع نفسي يا ظالم ..واهجر حبي اليك
حاولت امنع نفسي منك ..وتاني ما امشي واجيك
ورحلت عنك..!!
وعن دياري..!!!
وهدمت كل امل لديك
وبرضي ..ماقادر اسيبك!!
لما انساك ..بشتهيك
بشتهيك.. مع كل دفقاتي الحنينة
ومع كل دمعة شوق سجينة ..تهاتي بيك روحي الحزينة
واشقى لما تهاتي بيك..واتعذب لما تهاتي بيك
وريني كيف اغفر وانت..
انت اضعت كل آمالي فيك ؟؟
ماكنت فاكر انا يوم ..بلاقي الحب ..ولا بكشف دروبه
ولا قلبي - من شدة اباه - بتقدر الاشواق تذيبه
لكن
لكن غرامك ..حبة حبة ..
ساقني اليك بي ناره ولهيبه
وسرقت قلبي يا حبيبيي ..تاني كيف منك اجيبو ؟؟
وانت يا ناكر غرامه ..قلبي ماااااا بتسمع كلامه
بدون سبب يرضيك خصامه ولوعة العشاق تصيبه !!!
تنساني يا ظالم وقلبي المعاك ..مفتكرك حبيبو ؟؟؟
لو كنت ناكر للهوى زيك..
كنت غفرت ليك
| |
|
|
|
|
|
|
|
|
|
Re: Re:ود جيرانا .......سلام (Re: مرتضى احمد عبد القادر)
|
تباريح الهوي - بصوت الفنان الشاب عمر جعفر
كلمات: التجاني حاج موسى - الحان محمد سراج الدين - غناء محمد ميرغني
دة الجاني منك ومن تباريح الهوى
وصفو بصعب يا جميل
وبعدت عنك ولما طال بي النوى
بقى لي أسيبك مستحيل
تبقى سيرتك هى الكلام
وتبقى صورتك هى الرؤى الحلوة البعيشها
فى صحوتي أو حتي في عز المنام
ويبقى إسمك هو الغنا
هو البخفف لي عذابات الضنى
ما الشفتو منك يا منى الروح يا أنا
وصفو بصعب ياجميل .....
وبعدت عنك ولما طال بى النوى
بقى لي أسيبك مستحيل ........
بشكي ليكم يا مظاليم الهوى
أصلي مجروح مرتين
يمكن ألق الزيى فيكم
ضاق جراح الحب ومتعذب سنين
يمكن ألقى وصفة تنفع ....
ولا يمكن القى حاجة تخفف الجرح القديم
حاجة تنفع
دة الجاني منك ومن تباريح الهوى
وصفو بصعب ياجميل
وبعدت عنك ولما طال بى النوى
بقى لي أسيبك مستحيل،،،
| |
|
|
|
|
|
|
|
|
|
Re: Re:ود جيرانا .......سلام (Re: طارق جبريل)
|
| Quote: والله تنزلي ود التوم تفهمي حاجه |
ود التوم نزل اتوماتيكىىىىىىىىىىىىىىىىىىىىىىىىىىىى ياحسبو
وانا مشيت نمت ....
________________________________
الصور دى بالله اكتيو لينا اسما الناس ضرورى .
| |
|
|
|
|
|
|
|
|
|
Re: Re:ود جيرانا .......سلام (Re: Amira Elsheikh)
|
Quote: بتقولى لا لقليب عليك يقطر حنان ويذوب وله
بتقولى لا لقليب رهيف ماظنو لالالا بيحمله
بتقولى لا ياغاليه ياست القلوب يامذهله
وحياة شبابك ذبت في عينيك حنان ومغازله
سافرت فى رحلة مشاعر ملهمه ومتامله
شفت الورود من وجنتيك غيرانه جات متوسله
حتى القمر غار من صفاك واصبح يردد فى الصلاه
جاك المساء ادى الفروض داعب شفايفك وغازله
شال لون جميل من وجنتيك مسح خدودك وبلله
اصبح يلملم فى النجوم وينظم عقوده ويغزله
طرز لى جيدك بالحرير وبتقولى لا
انا بيك بدغدغ فى القلوب ياحلوه احرف واشكله
املاها رقه ودندنة وعناق حنان ومبادله
اسقيك حنان ماظنو كان فى الدنيا او كانت صله
انا بيك لو قلبك يحن عالم يجن من الوله
اسقيك حنان ما اظنوا كان دى الدنيا او كانت صله
وازرع هواك بين النجوم روضة حنان وادللة
واحكيك لحون يا غالية لو سالت والعود غازله
واخلى كل الكون اقول فنان ادوب و اغزله
بتقولى لا يا لهفة المشتاق وطعم الحلا |
الزول الكتب الكلام ده زول زينا كده والا جاي من كوكب آخر....
عبدالعزيز المبارك لم يقصر تب وسمعتها ايضاَ بصوت سامي المغربي وابدع اتمني ان اسمعها يوماً ما بصوت زيدان .... تبقي هلال مريخ
| |
|
|
|
|
|
|
|
|
|
بوست للأوغاد (Re: omer osman)
|
سلامات يا ولي اسي قول انا ما داير اعرش اواصل كيف مع اميره الشيخ واولاد افكارها (عمر التوم، البدري، حسبو عكاشه) !!!
Quote: يامورتا
صباح الخير
والله بعد أبو عركى حقو تعرش على كده |
جنابو يا زوق والله مرورك عجبنا وسر بالنا بالمناسبه محتاج مساعدتك عايز افتح بلاغ في الجماعه القلبو البوست دا سوق فواكه و خدار وفرحانين كمان برفعو لي في البوست صورهم في تلاجات الموز  والله عالم غريبين اسي عليك الله كان سمعو (بتقولي لا) دي وطلعو من سكات ما كان اخير
| |
|
|
|
|
|
|
|
|
|
Re: بوست للأوغاد (Re: مرتضى احمد عبد القادر)
|
| Quote: محتاج مساعدتك عايز افتح بلاغ في الجماعه القلبو البوست دا سوق فواكه و خدار وفرحانين كمان برفعو لي في البوست صورهم في تلاجات الموز والله عالم غريبين اسي عليك الله كان سمعو (بتقولي لا) دي وطلعو من سكات ما كان اخير |
هو البوليس غير السلبطة عندو شنو ؟
نفتح ليك ليهم :
1- بلاغ تعدي بقصد تحريف البوست عن مساره.
2- بلاغ إزعاج عام (سببوا الازعاج لصاحب البوست والناس الجادين).
3- بلاغ شروع في قتل البوست.
5- بلاغ تحت قانون الصحة شايف الزول داك فارش الفواكه في الواطة.
6- اخيراً وليس اخر كشة من المحلية .............
| |
|
|
|
|
|
|
|
|
|
Re: بوست للأوغاد (Re: omer osman)
|
يا سلااااااااااام عليك يا جنابو والله ريحتني راحه جد ديل ما بنفع فيهم غير الحسم ما الثوري القانوني
Quote: هو البوليس غير السلبطة عندو شنو ؟
نفتح ليك ليهم :
1- بلاغ تعدي بقصد تحريف البوست عن مساره.
2- بلاغ إزعاج عام (سببوا الازعاج لصاحب البوست والناس الجادين).
3- بلاغ شروع في قتل البوست.
5- بلاغ تحت قانون الصحة شايف الزول داك فارش الفواكه في الواطة.
6- اخيراً وليس اخر كشة من المحلية ............. |
ايوا نكشهم كشاهم البلا بس نسيت الجماعه ديل في رمضان كانو مؤجرين تلاجة موز بنومو فيها من بعد الضهر للعصر دي ما بنلقى ليها بلاغ وفي واحد بطلع من بيتهم بيركب بصات الوالي يضرب الكندشه النهار كلو ويلعب اسنك في الموبايل وما بدفع ممثل فيها اطرش دي بلاغها هين مش انتحال شخصية اطرش مش هههههه
| |
|
|
|
|
|
|
|
|
|
Re: بوست للأوغاد (Re: مرتضى احمد عبد القادر)
|
| Quote: بس نسيت الجماعه ديل في رمضان كانو مؤجرين تلاجة موز بنومو فيها من بعد الضهر للعصر دي ما بنلقى ليها بلاغ |
انت تأمر بس .........
1- بلاغ تحت المادة (73) عقوبات التوقف عن العمل الذي يسبب خطراً على الحياة العامة أو ضرراً للجمهور
مقرونة مع المادة (81) إعتياد إرتكاب بعض الجرائم .......
ناس خاله شغله ونايمة في رمضان في تلاجة موز ....... ياخ دي عصابة إجرام منظم
| Quote: وفي واحد بطلع من بيتهم بيركب بصات الوالي يضرب الكندشه النهار كلو ويلعب اسنك في الموبايل وما بدفع ممثل فيها اطرش دي بلاغها هين مش انتحال شخصية اطرش مش هههههه |
1- بلاغ إنتحال شخصية.
2- تبديد المال العام مش بصات الوالي دي بقروش والزول ده بعمل زوغبير وما بدفع اهااااا التبديد كيفنو ؟؟؟؟؟؟
| |
|
|
|
|
|
|
|
|
|
Re: بوست للأوغاد (Re: مرتضى احمد عبد القادر)
|
بت الشيخ خلاص نتفاوض
انتي تديني يوم الليله انزل 6 اغاني بدل اتنين وما تخشي لا انتي لا اولاد افكارك بكره وبعدو البوست حقكم تاني الاحد اجي انزل سته اغاني ومن الاتنين وانتو تشليو البوست لللارشفه قصرته معاكم
| |
|
|
|
|
|
|
|
|
|
حياتك النصها شواكيش دى ؟ قال حياتى قال (Re: حسبو عكاشة)
|
| Quote: وهبة سلامات ياعميق انا يا دوب وقع لي كلامك بتاع انت زول كويس بس باريت الناس الغلط في المنبر دا اميرة الشيخ وخضر حسين والبدري وحسبو ديل اكبر دقسه في حياتي المنبريه |
...ياجماعة البوست فيهو خمسمية مداخلة عايز ارد عليهم بس مافى زمن وكدا
| |
|
|
|
|
|
|
|
|
|
Re: حياتك النصها شواكيش دى ؟ قال حياتى قال (Re: Amira Elsheikh)
|
| Quote: يتوب شنو يا بت الشيخ !! هسه الزول دا علي مراحل استلام شاكوش من خارج الحدود عن طريق البريد :) |
والبريد الدنيا ياما تنجضو تشقيهو ببعد الحبيب وبشاكوش باقى راسو تنشفو ..
الله يسترنا وينجينا ياحسبو ...
_______________________
خضر سددت الاشتراكات ولا بتتفاصح ساى ؟
| |
|
|
|
|
|
|
|
|
|
حلاة لك لك ..تلقاها عند القافل (Re: Amira Elsheikh)
|
Quote: بت الشيخ خلاص نتفاوض
انتي تديني يوم الليله انزل 6 اغاني بدل اتنين وما تخشي لا انتي لا اولاد افكارك بكره وبعدو البوست حقكم تاني الاحد اجي انزل سته اغاني ومن الاتنين وانتو تشليو البوست لللارشفه قصرته معاكم |
______________________________
..جنابو عمر عثمان ياخ الزول دا هلالابى ما تحاول تلقى ليهو مراقات
الللية ووووووووب
هو كان جينا للحق الا انا وانت مريخاب هنا ِ
| |
|
|
|
|
|
|
|
|
|
Re: كرشة كبيرة كفااااااااايه علينا (Re: مرتضى احمد عبد القادر)
|
المدينة - الهادي الجبل
كلمات: حسن السر
طـلـعـــت مــــن جــــوه احــــزانـى الـــعديـــده
نجـمـة تحى بتــضــوى فى دجى الليلات وحيده
فكـرة فـنــانه وجــديـدة نـظــــره لـماحه وفريده
فـتـشـتـــا عـنـهــا فـى الــقــــري النـائية البعيده
وســألــتــا فـى بـــلاد ومـــدن عديده
ابحرتا فى كل الموانئ اكـوس عليها
أهـــــاتــــى بــيـــهـــا وانـــاجى فيها
مـشــتــاق علىّ المهـا احتويها اشمها
بالـحــنـــــان الــعـــنـدي كلو أضمها
وصـــدفــه فى ابعد وفى اجمل مدينه
وإلــتــقـينا والدهشه هى اللى اتكلمت
وقـبــل الأيــادى العيون هى السلمت
مـــن شـــــدة الأفــــــــراح بـكـيــــنا
الـــمـــديـــنــه نـيـله صفاق ليله فتان
والــفــــرح فــــــاض بــيــهــــا دفاق
والــخـــــيــــال والــــوادى فــتــــــان
طارت الأحـلام عـصـافـيــر غناء للعش الغدير
جنـت أوتــار الطنـابـيـر هـزت النشوة المزامير
وانا بين مصدق وما مصدق إنى بلقاها إلا ياها
هـى ذاتـه حـبيبتى ذاته اللحظة نازل فى حماها
وفى ضـراهـا واتـقـاسـم واتقاسم الاحلام معاها
| |
|
|
|
|
|
|
|
|
|
Re: كرشة كبيرة كفااااااااايه علينا (Re: مرتضى احمد عبد القادر)
|
إله فني بالعود - بصوت الفنان المبدع: أحمد ربشه
كلمات والحان: محمد عوض الكريم القرشى - غناء: عثمان الشفيع
يا إله فني .. هاك قول عني
أهدي ليك أسمي .. أسمي الفنون مني
يا إله فني كم نظمتا قصيد
ردد الوادي لحنها كالنشيد
صورت شدوي .. و كان صداها بعيد
بين محب و حبيب كم يتم الريد
هلَّا يوم الحب .. هلَّا يوم العيد
لست يالمحبوب شاعراً عربيد
قصدي بس محصور في الجمال و الغيد
نقول طرف الفن .. لينا فنّه يجيد
و قول طرف الجمال .. في سموه وحيد
و قول طرف الشعور .. دللو لينا يزيد
قولتا قولتا كتير من قديم و جديد
إلا فيك إنت .. قُقتَ كل قصيد
عجِزَ المجيُ أن يتيه و يكيد
يا إله فني إيه جمال الحور
إيه زهور الروض العليها نشور
إنت يالمبرور .. لا يدانيك حور
نور عيونك أخفي مني بدور
و لونك الدهبي غيره صرتا كفور
ذو طفولة .. بريئة باقة شعور
يحفظك مولآك و لينا يبقي غفور
حيث أحللناك ..بين قلوب و صدور
| |
|
|
|
|
|
|
|
|
|
Re: كرشة كبيرة كفااااااااايه علينا (Re: مرتضى احمد عبد القادر)
|
ياسلام عليك يامرتضى يامريح، والله لو تعرف قدر السعادة التي منحتني إياها بهذه الاغنيات الرائعة كنت عرفت قدر إيه الجماعة الناوشوك في البوست دا حرمونا قدر شنو من فرح احتاجه وأنا في هذه البلاد العالية في سما الله دا
ياخ منتهى الإبداع هذا الإختيار
وشكراً كتير ياحبيب ، واصل إبداعاتك وكيد العوازل بمزيد من الروائع
أخوك عبد اللطيف القاعد بعيد في نيويورك ومن اعلى قممها بدعو ليك وبترحم على ربشة ، القرشي، الشفيع
Salam
| |
|
|
|
|
|
|
| |
مرتضى احمد عبد القادر
البدري عبد الله
معتصم محمد صالح
خضر حسين خليل
حسبو عكاشة
عبدالوهاب علي الحاج
haroon diyab
Yassir Tayfour
عمر التوم
طارق جبريل
جمال محمود
الشفيع وراق عبد الرحمن
الوليد الرشيد وراق
omer osman
GamarBoBa
إبراهيم عبد الحليم
فيس بوك
تويتر
انستقرام
يوتيوب
بنتيريست