|
|
 مصنع البان بربر فساد سائل ومجفف
|
كنت قبل رمضان ب15 يوم فى السودان وزرت اهلى فى مدينة بربر
فى ذات يوم من الايام العجيبة التى قضيتها هنالك مررت بالقرب من ميدان ناصر حيث مكتبة بربر العامة
وللاسف لم اجد لافتة المكتبة ووجدت مكانها لافتة مكتوب عليها مصنع البان بربر ودهشت من هذا العنوان الغريب الذى هو فى غير مكانه شكلا وموضوعا.
ذهبت الى احد المتنفذين فى المؤتمر الوطنى وهو من اقربائى وسألته عن هذا الامر فقال لى انت لاتعلم عن هذه القصة . فقلت له لا والله فقال لى اقعد نحجكيها ليك والله ديل خجلونا ودخولنا فى ضفورنا بحكاية المصنع ده . قلت ليه هم منو ديل قال لى ناس الحكومة وديوان الزكاة .
قلت ليه عليك الله خش فى الموضوع قام قال فى يوم من الايام ونحن موجودين فى المحلية ضربت وزيرة كانت فى الحكومة وماسكة وزراة مركزية ( من بربر ) وقالت جهزو لى محل بسرعة فى خلال يومين لمصنع لبن قلعتو ليكم بالقوة وعاوزة ابر بيه اهلى فى بربر . وقام الجماعة بخلع لافتة مكتبة بربر ووضع مكانها لافتة مصنع بربر للالبان .
وفعلا اوفت الوزيرة المذكورة وجابت المكن ( تقريبا 3 او 4 مكنات ) وتقول تكلفتها 1 مليار وهى من تمويل ديوان الذكاة بالتعاون مع منظمة هولندية . وجابت مع المكن 10 بقرات وقالو البقر يملك ل10 اسر ضعيفة تقوم بتغذية البقر وتدى اللبن للمصنع مقابل سعر متفق عليه لكى تستفيد الاسر والمصنع سواء .ولكن للاسف الشديد فشل المصنع منذ الاسبوع الاول وذلك لان البقر المفترض ان يحلب 50 رطل لبن فى اليوم حتى يغطى تكلفة الغذاء والرعاية طلع مضروب واصبح يحلب 5 ارطال فقط فى اليوم مما حدى بال10 اسر ان ترجع البقر الذى لم يخارج معها والبقر الان فى معية ديوان الذكاة يصرف عليه من مال الذكاة وهم فى حيرة شديدة لا يعرفون كيف يتصرفون فيه هل يذبحوه ام هل يبيعوه ام هل يرجعوه ام ما ذا يفعلون فيه بالضبط كده . اما المكن ابو 1 مليار فقد تمت تغطيته بقماش مشمع واصبح يغط فى نوم عميق وانتهى امر المصنع .
فاى سؤ تخطيط واى فساد ذلك الذى فى بلادى ؟؟؟؟
|
|
 
|
|
|
|
|
|
|
|
Re: مصنع البان بربر فساد سائل ومجفف (Re: عادل عبدالعزيز عبد الرحيم)
|
عرفت اخير من احد الاخوة ان موقع المكتبة اصلا لايتبع للحكومة فكيف تمت مصادرته وتحويله الى ذلك المصنع العجيب
على فكرة المكتبة كانت فى ملك العالم الجليل عبد الله الدثر الحجاز عليه الف رحمة ونور وقد تم منحها هى والمبنى الخلفى كوقف تقام فيه مصالح ذات طابع ثقافى وتعليمى فقد تم فى المبنى الغربى دداخلية البنات زمان ثم تحولت الى مكتب التعليم فى بربر حتى الان
| |
|
|
|
|
|
|
|
|
|
Re: مصنع البان بربر فساد سائل ومجفف (Re: عادل عبدالعزيز عبد الرحيم)
|
ابو الزفت ، لا تعليق ، تعرف يا عادل اخوى يمة انا حلمان او انت مهكر هذه الليله ، معقولة عشرة بقرات لمصنع البان .
البقرات ديل عاوزات تفسير زى بقر سيدنا يوسف عليه السلام . يا اخى عنز حاجة السرة بتجيب الكميه دى ، حسبى الله ونعم الوكيل ، معليش سوف انقل كلامك ده لبوستى بتاع المستشفى مغصة ساكت .
| |
|
|
|
|
|
|
|
|
|
Re: مصنع البان بربر فساد سائل ومجفف (Re: عادل عبدالعزيز عبد الرحيم)
|
يا عادل خلينا في المهم.. أنا عندي أهل في الدِّكّة، يعني من الدِّكّة بالنسب .. بنفع أجي أشيل المكن دا وأوديهو أبو جبيهة عشان اللبن هناك راقد وما داير ليهو بقر فريزيان... قول لي قريبك (نسيبنا) نجيهو لاّ كو؟ تحياتي.
كبـــّـاشي الصـــّافي
| |
|
|
|
|
|
|
|
|
|
Re: مصنع البان بربر فساد سائل ومجفف (Re: عادل عبدالعزيز عبد الرحيم)
|
| Quote: بنفع أجي أشيل المكن دا وأوديهو أبو جبيهة عشان اللبن هناك راقد |
يا ناس بربر والله كان ما اديتو كنتونا ده يجرب المصنع بتكونا قصرتوا معاه
امش شيله يا كنتونا ولو ما نفع رجعه ليهم
وده بالمناسبة تفويض من مواطن..فإن لنا في ذلك الديوان اموالا حالت عليها الحول
| |
|
|
|
|
|
|
|
|
|
Re: مصنع البان بربر فساد سائل ومجفف (Re: GamarBoBa)
|
الاخ عادل وبقية الاخوان
يمكن الرجوع الى موقع صحيفة بربر وقراءة هذه المادة وغيرها على سيرة المصنع المذكور
تجار في سوق بربر :
الإنتاج الحالي لمصنع الألبان
لا يبشر باستمراره
تحفظات على جودة التغليف
صناعة الألبان تتوقف على توفر اللبن وجودة الإنتاج
بعد مرور شهر على تشغيل مصنع الرحمة للالبان في بربر، والذي يتبع لصندوق الزكاة، أبدى مراقبون تشاؤما بخصوص استمراره في الإنتاج.
وقال تجار من سوق بربر تحدثوا لصحيفة بربر إن العيب لا يتعلق بجودة المنتجات ولكن بمسائل ذات علاقة بإخراج المنتج وتغليفه بالشكل الجيد.
مشيرين على سبيل المثال إلى أن علب الزبادي غير محكمة الإغلاق وتنفتح قبل وصولوها إلى المستهلك.
مؤكدين أن هذه أمور مهمة ويجب الانتباه لها إذا ما أراد المصنع أن ينافس وأن يستمر.
وفي الوقت نفسه أكدت مصادر للصحيفة أن المصنع يواجه مشكلة في الحصول على الألبان بالشكل الكافي الذي يضمن الوفاء بمعدل الإنتاج المتوقع.
يشار إلى أن المصنع كلف 522 مليون جنيه سوداني، وتم على أيدي خبرات تركية.
وكان قد تم افتتاحه مطلع الشهر الماضي في حفل رسمي شهده والي ولاية نهر النيل الفريق الركن الهادي عبد الله محمد العوض وعدد من القيادات الاتحادية والولائية وقيادات محلية بربر.
وبحسب المسؤولين فإن المصنع وباعتبار تبعيته للزكاة من المفترض أن يخدم الأسر الفقيرة.
وهناك 16 مصنعا على شاكلته أنشئت في البلاد بواسطة الخبراء الأتراك.
تاريخ النشر: 3 يوليو 2010
خاص - صحيفة بربر
على الوصلة:
http://www.berberpaper.com/news/83.htm
ومواد أخرى ذات صلة:
افتتاح مصنع الرحمة للألبان بمحلية بربر بتكلفة 552 مليون جنيه بخبرة تركية .. وتوجه لإنشاء مصنعين للشمار والتمور
http://www.berberpaper.com/news/45.htm
الأهالي يطالبون بأن يلعب الاستثمار الأجنبي بالمنطقة دورا في استيعاب الخريجين
http://www.berberpaper.com/reports/16.htm
| |
|
|
|
|
|
|
|
|
 Re: مصنع البان بربر فساد سائل ومجفف (Re: GamarBoBa)
|
الاخ عادل عبد العزيز
ما اقل الصادقين في وطني, ولكن الحمد لله انك لست منهم!!
تصدق انه في ايام ضاقت بي الوطن ولم اجد اي شغل في كل انحاء السودان
قررت انا وصديقي وليم الذهاب الي حلفا لان خاله يعمل هناك في شرطة الجمارك
وكنا طاكعين في العمل في ميناء الشهيد الزبير.
لم يكن وليم يملك نقودا وكان بمعيتنا ثمن تذكرة لشخص واحد فقط, قمت بدفع ثمن
تذكرة صديقي بينما توليت وظيفة الهروب من الكمساري لا سيما اني من منطقة جنوبية يمتد
اليها خط السكة حديد التي لم يكن صديقي منها.
علي كل حال في رحلتنا الي حلفا رايت ابقارا في حوش بانقا كمار رايت ترع ومذارع وخضرة
وبعدن اجتزت الحوش لم اري سوي هياكل عظمية للابقار من شندي الي ابو حمد. ورايت نفس الشئ عند
عودتنا من حلفا علي متن (بوكسي).
الولاءات عزيزي تلعب دورا لا يخفي علي احد!!
فقيام طريق التحدي واسم الطريق دليلا علي هذه الولاءات
والا فكان شريان الشمال قد انجز قبل التحدي.
ثم قيام المصفي في الجيلي وتطور حوش بانقا الذي لم يكن شيئا قبل مجئ الانقاذ.
الولاءات ومنفعة الاهل من اهم انجازات الانقاذ رغم ان بعض المشاريع فشلت وما
بقي منها سيفشل اجلا ام عاجلا عند ضياع منابع هذه المشاريع !!
| |
|
|
|
|
|
|
|
|
|
Re: مصنع البان بربر فساد سائل ومجفف (Re: GamarBoBa)
|
يا قمر بوبا
كانتونا ده عنده مصنع بابنوسة
تكلة منه جاى يكابسنا نحن فى مصنعنا الفاشل ده مالو
يمكن الله يجود علينا بعد 200 سنة بعد التغيير المناخى المرتقب
حيث قيل ان الصحراء ستتحول الى جنة
شفت الناس بتاعين المؤتمر ديل بخططوا ليبعيد كيف
نحن ساكت مستعجلين
| |
|
|
|
|
|
|
|
|
|
Re: مصنع البان بربر فساد سائل ومجفف (Re: عادل عبدالعزيز عبد الرحيم)
|
Quote:
كانتونا ده عنده مصنع بابنوسة
تكلة منه جاى يكابسنا نحن فى مصنعنا الفاشل ده مالو
|
مصنع بابنوسة يا عادل تعيش إنت. دا مرق من الخرطة الإنتاجية فهو من سنة 1962 تقريباً وعمره الإفتراضي إنتهى مرتين بدل مرة واحدة.
ثانياً بربر أقرب من بابنوسة لأبو جبيهة لأنو بين بابنوسة وأبو جبيهة مافي طريق ذاتو. هل تصدِّق أن سعر لتر اللبن في قُرى وفرقان قبيلتنا أولاد حِميد في الصيف نصف جنيه بالجديد. وممكن تملأ تنكر لو عاوز. لكن الله غالب.
كبـــّـاشي الصــّـافي
| |
|
|
|
|
|
|
|
|
|
Re: مصنع البان بربر فساد سائل ومجفف (Re: عادل عبدالعزيز عبد الرحيم)
|
الوزيرة قلعت ليكم عود من راكوبه ديوان الزكاه طلع منخور يا عادل الله يكون في عون احلام المساكين اللي رجعوا قزازة السمن ..... بلد قاعده انفكو اي خشم رغاي باسم الدين والوطن يرضع فيها من الجنب البريحو ...... مافي زمن لـ دراسة امسك واقلع لافته وركب لافته
--------------------------------
يا طالع الشجره جيب لي معاك مكنه تنتج حليب مسكوب من ضرع بقر مضروب
| |
|
|
|
|
|
|
|
|
|
Re: مصنع البان بربر فساد سائل ومجفف (Re: عادل عبدالعزيز عبد الرحيم)
|
Quote: هى يا خى كلامكو ده ككيف
بتدور تغنى مؤتمرجية ابوجبيهة زى ما غنوا جماعتنا ولا كيف
دوت ما بننطيك ليه
كية فى المؤتمرجية
ولا فيك انت
بتا بالنبى |
أولاً بالتبادي يا اللحدب إتّا منينك؟ ولكن كلامك دا يضعك ضمن مجموعة المثقفين أمثال كبر وبريمة وعزّاز... وممكن بعدين تستفيد من ال Vocabulary بتاعك دا عندما تتقدم للحصول على الجنسية من جمهورية البقارة. الشايفاهو عيني دا الله يستر ما نكون يوغسلافية أفريقيا. بعدين إتّا القال ليك أنا بديهو للمؤتمرجية منو؟ دا بسدِّد فوقا أنا وحيدي. عميان نام. تحياتي.
كبـــّـاشي الصــّـافي
| |
|
|
|
|
|
|
|
|
|
Re: مصنع البان بربر فساد سائل ومجفف (Re: cantona_1)
|
شيف ليك يا كانتونا يا ولد امى
كلامك ده اعوج طب
ككيف ابتختنى مع كبر الما كبر
عزاز وبريمة ما بنضاير منهم
ما داير اقوليك ام بال... ا التعيس
كركبة
-------
انا من بربر لكن عشت فى بابنوسة ولدى العديد من الاصدقاء الاعزاء من البقارة
التحية لك ولهم
| |
|
|
|
|
|
|
| |
عادل عبدالعزيز عبد الرحيم
هجو الأقرع
cantona_1
GamarBoBa
عماد البليك
Albino Akoon Ibrahim Akoon
محمد علي شقدي
أحمد الصديق
فيس بوك
تويتر
انستقرام
يوتيوب
بنتيريست