|
النجيه اول مراه تسوق عربيه فى الخرطوم
|
بالامس فى اذاعة امدرمان فى برنامج مدارات تناولوا حكاية النجية تلك المراه السودانيه وهى كانت اول امراه تسوق عربه فى شوارع الخرطوم فى عشرينيات القرن الماضى ضمن خمس عربات حينها كانت تجوب شوارع الخرطوم عربة الحاكم العام \ وعربة ال الميرغنى \ وعربة ال المهدى \ واسعاف المستشفى \ وعربة والد النجيه التى تعلمت فيها النجيه السواقه وكانت النجيه تعزف البيانو وكانت تعزف مارشالات عسكريه وبعض المقطوعات العالميه وكانت النجيه ايضا اول امراه تنشئ مزرعة دواجن كاستثمار بالشراكه مع امراه اخرى لم احفظ اسمها من البرنامج الاذاعى وكونت النجيه فرقة اكروبات واسست دار الارشاد التى اصبح اسمه دار المرشدات بعدها ذات مره وفى احدى شوارع الخرطوم سبقت مفتش او حاكم على ما اذكر الخرطوم حينها يدعى كارلوس بعربتها فطاردها الى ان وصل معها المنزل واتى بها امام الشرطه وفتح فيها بلاغ لكنها وقفت ببساله ودافعت عن انها امراه هذا لا يمنعها من قيادة العربه امام القاضى دافعت بجراه فقال لها كارلوس كنا دايرين نغرمك خمسين جنيه لكن عشان شجاعتك دى عفيناك لكن مافى مراه تانى يسوق عربيه فمنعت من سواقة العربه لكنها كانت تسوقها فى الضواحى تحدي على قدر المستطاع بعد وفاة والدها انتقلت الى امدرمان وتوفيت النجيه فى العام 1994
|
|
|
|
|
|
|
|
Re: النجيه اول مراه تسوق عربيه فى الخرطوم (Re: مناهل ابراهيم)
|
الأخت مناهل كل عام وأنتي بألف خير ولك التحية وأنتي تنقبين عن كنوز ودرر المجتمع السوداني من رائدات النهضة النسائية في السودان فهن كثر ويستحقن أن نفرد لهن مساحات كبيرة بقدر ما قدمن للمجتمع وبقدر التضحيات التي قمن بها وكما قال الشاعر : إنه صوتي أنا زاده العلم سنه فهل تدري من انا ,, أنا أم اليوم أسباب الهنا .. واصلي فنحن في إنتظار سردك ..
تحياتي : ياسر العيلفون
| |
|
|
|
|
|
|
Re: النجيه اول مراه تسوق عربيه فى الخرطوم (Re: ياسر السر)
|
Nagla Sanad سلامات مناهل وكل سنه وانتي طيبه انا مره حضرت ليها لقاء كانت بتحكي عن انها اول ما ساقت فى مناطق فى وسط الخرطوم كانت لمن تمشيها الاطفال بفلغوها بالحجاره والرجال كانوا بعاينوا ليها باستهزاء والنساء زاتم مستحقرنها وهي اصرت على انها تسوق العربيه وساعدوها على كده الانجليز وفى مره من المرات كانت عاوزه تسافر بالعربيه مدني والسفر كان طبعا فى الوقت داك صعب فقالت فى ظابط انجليزي قال ليها انتي سافري لكن بتحتاجي سلاح ووفر ليها سلاح وسافرت....اما معلومات عن شخصيته ودورها كان شنو دا ما عندي ليهو معلومه جانى الرد ده من نجلاء فى الفيس بوك
| |
|
|
|
|
|
|
Re: النجيه اول مراه تسوق عربيه فى الخرطوم (Re: مناهل ابراهيم)
|
بدون شك النجية ليست أول إمرأة تسوق عربية في الخرطوم...
إن من ساقت أول عربية هي السودانية (بالتجنس )التي أهدى لها الحاكم العام السيارة الرولزرويس الثانية التي وصلت مع سيارة السيد الميرغني ... وهي التي أهديت لها الجنينة الثانية المشابهة لجنينة السيد الميرغني وأصبحت فيما بعد جنينة الحيوانات بعد أن أصبحت من أوقاف السيدة المذكورة ... والتي تسمت بإسم زينب فيما بعد ....كذلك لها أوقاف كثيرة من بينها أرض مستشفى الخرطوم...
ليس كل ما يقال على التلفاز هو الصحيح..
| |
|
|
|
|
|
|
|