|
Re: الحبيب عبد المجيد الكونت (Re: اكرام الصادق الحسن)
|
الي صاحب البوست
يا حالبة من عينِي الدموع .. يا صالبة فوق وتري الرنين.. لا ليكي متمنّي الرجـــوع .. لا تاني عاودني الحنين.. ** مهما يكون ريــــدك قدر ما بتبقى مأساة عمري فيك لا بين إيدَيْ قلبي انكسر لا سايبو مرهون بين إيديك ما بشقى بعدك بي سهر دي الدنيــــا ما وقفت عليك ** أدّيتك الريد الهطـــــول زيّــنـتو بي زخَّات مطــر طول المواسم والفصول في سكَّتِك رفقة سفــــــــر لكن قطارك فات عجُول وانا ريدي ليك مدُّو انحسر ** لو إنت يا مفارقاني ريح .. ما ليك سكون لا مُسْتَـقَـر أنا نسمة في الزمن الجريح .. حضَنَتْ ندى الصبح الأغر بالصدق بالبوح الصريــح .. بهزم فواجع المُسْــتَــتَـــر بنساك وبعدِك بستريــــــح مابفني عمري وراك هَدَر لا الآهة بكّمت الفصيـــــــح لا الدمعة ذوَّبت الحجـــــر لا من حشاك طلع المسيــــح لا كنتِ مريم في البشــر....
| |
|
|
|
|
|
|
Re: الحبيب عبد المجيد الكونت (Re: عمر عبد الله فضل المولى)
|
وينك ياكونت عهدناك صنديد ومايهزك ريح لاكين باين الريح المره دي كان اقوي منك لى متين يلازمك في هواك مر الشجن
لى متين يلازمك في ... هواك مر الشجن ويطول بايامك سهر ... ويطول عذاب يا قلبـــى لوكانت ... محبتــــه .. الثمن يكفيك هدرت عمر ... حرقت عليه شباب لكن هواه أكبر ... وما كــــان ليه ثمن والحسرة ما بتنفع ... ومــــا بجدى العتــــاب أحســـــن .. تخليـــه ... لـــى الليالى والزمن يمكن يحس ضميره ... ويهديه لــــى الصواب لكنى اخشى عليه ... مــــن غـــدر الليــــالى وأخشى الامانى تشيب ... وعشّنا يبقى خالى وهو لسع في نضارة ... حسنه فى عمر الدوالى ما حصل فارق عيونى ... لحظة او بارح خيالى اغفـــر لــه يا حنيــِّن ... وجــاوز لـــو ظلم ما اصلها الأيام مظالم والعمــر غمضة ثواني واصبر على جرحك ... وإن طــــال الألم بى جراحنا بى أشواقنا ... بنضوى الزمن انا عارفه بكره بيعود ... فى رعشـــة ندم ننسى الحصل بيناتنا ... والسهر اللى كان تصبح حياتنا نغم ... وعشنــــا يبتســــم وتعود مراكب ريدنا ... لـــــى بر الأمان
| |
|
|
|
|
|
|
Re: الحبيب عبد المجيد الكونت (Re: عبدالمجيد الكونت)
|
Quote: اما مسألة الشواكيش والدنيا عيد فسوف نقوم بمناقشتها داخل الحوش الصغير أو كما قال الحبيب عمر فان امر الشاكوش غير مطروق بهذا الاسفير |
والله ياحبيب المسالة اكبر من حوشنا وحوش بكري الله يستر مايكون قدر حوش التجاني الماحي والدنيا عيد زي ماقلته ياحبيب عايزين نطرح القضيه يكون قضية راي عام وبيني وبينك الحبيب الهادي وطني حصل حوش التجاني الماحي يعني لاينفع السكوت بعد كده ياكونت
يجب مناقشة الشواكش اسبابه وتداعياته
| |
|
|
|
|
|
|
Re: الحبيب عبد المجيد الكونت (Re: عبدالمجيد الكونت)
|
ياخوي انت قاعد على هبشة ولا شنو ؟ ياخي البوست دا لو ما عمل صفحتين تلاتة وحفر في الاعماق حتن بعد داك تجي تتمايل
طواااااااالي من اول كلمتين تجي منكشح ؟ مافي دلع اصلو ؟
كل سنة وانتو طيبين يا شباب ويا شابة
| |
|
|
|
|
|
|
Re: الحبيب عبد المجيد الكونت (Re: محمد حسن العمدة)
|
منــــــــــك لله انا زول مسكين طول عمري مسالم وقلبي حنين منـــــــــــك لله انا زول مسكين ***** تاتيتو هــــــــواك فوق الايدين من عهد صباك من عهد اللين خـــــلاني وطار ربى الجنحين الخـــــــان الريد جد خان الدين ***** فى حقي الراح انا عندي يقين واثق فى الله لابـــــــــــد يبين حــــق المظلوم مابرجي متين سبحان القادر يظهر فى الحين ***** ياقاف ياواو و ياراء وياشين ياحبي المات فى مهدو دفين قـــــــادر انساك وابعد لاكين من بعــــــدك تاني اقبل وين ***** مبدائي عارفهو الزين بالزين والسن بالسن والعــــين بالعين مظـــــــــلوم منك تلقيني حزين اقطع من جلدي واطاري الشين ***** ســــــــرك فى بئر جواي دفين عارفني عـــليهو حريص وامين مــــــــابنسى العشر البينا سنين لابقسي عـــــــــليك لاتاني بلين ***** لســــــــع بهواك وقلبي سجين مـــن اسري هواك تفيكي متين شــــــلاني شمال ضيعني يمين انا مـــــــــت خلاص فاقد تابين ***** منــــــــــك لله انا زول مسكين منـــــــــك لله انا زول مسكين
الكونت محمد سفلة بسلم عليك قال ليك الدور عندك ولاشنو
| |
|
|
|
|
|
|
Re: الحبيب عبد المجيد الكونت (Re: اكرام الصادق الحسن)
|
جرح الريدة
ســــافـر يــــا جــــرح جـــواي فـــــوق جناح السرعة الموج يوم يضارب الشـاطئ والريح لما تطفئ الشمعة والـمـحـبـوب وقـت يجرحني لو ضمير يحس أو يوعا جـرح الـريــدة كـان يـتـعـد مـن ضمن العجائب السبعة
الـضــايــق عــقــارب الــريـــدة يـرميهو الأثر بالخلعة بـنـوت حــواء مـا لاتــنــو بـالـخـوف والشجن واللوعة بـالـلـيـل والـجـراح نـتــاحـة والـنــاس ناموا بعد الهجة شـفـت بـنـات نـعـش فـي دمـي يـتـهـادن بـهـيات طلعة
يا قلبي الحزين اسمعني خت قرض الصبر في الوجعة قـول لـي كـيـف تـفيدك عترة وانت وقعت كم من وقعة اشــهـدت واسـتـغـفـــرت وغـســلـت الـعـلـيــــك بدمعة اتـيـقــنـت قـلـت بـراك مـا لـيـك تـب عـشـم فـي رجعة
مـالـك قـلـبـي مـن تـطـراهـا بـالبيك لا بتحس لا بتوعى مـنـحــوس انـت مـن مـا قـمـت اصـلك ما بتفوز بقرعة سـعــدك لـو تـجـيـبــو كـرامـة كان مديت زمان القرعة فـي الـمـر مـا عـلـيـك مـلامـة أشـرب ما تفضل جرعة
الــنـــاس قـــالــوا لـي انــســاهـا لو داير تطيب بسرعة حـاولــت وغـلـبـنـي انـسـاهـا ذكـرت صبحت لي طبعة طـلــعـتــا فـي صـبـاح ايـامي لا غابت خميس لا جمعة ســرقــت بــالــي مــا فـضــل لـي مـنـو قدر اعد لسعبة
يـا ســت الـحـســان احـلامـنـا مـا بنلقاها عن ست ودع فـي دنـيــا الــغـــرام والــريـــدة الـبـكا والنواح ما بدعة زول كانت مشاعرو عليك جاري زي الحجر في الفلعة محـتـار نــارو كـيـــف يـطـفـيـها مادام النفس بقى ولعة
الكونت جعفر السقيد بيقول ليك تعيش وتاخد غيرو
| |
|
|
|
|
|
|
Re: الحبيب عبد المجيد الكونت (Re: اكرام الصادق الحسن)
|
ياسلام ياخ ..
كفارة ياحبيب ..وعادى الاول ..تاكلو (وانت ساكت) .. بس المشكلة مايكون الاول ..اها فى الحالة دى المسالة بتبقى صعبة ...ولاتنفع عبارات المواساة ...
يااخوانا عندنا تسجيل جيد لهاشم ميرغنى عايزين ليهو مناسبة ..نجيبو ليكم ولا تكتفوا بالمشاركات اعلاه ...
| |
|
|
|
|
|
|
Re: الحبيب عبد المجيد الكونت (Re: محمد عبدالرحمن)
|
Quote: يااخوانا عندنا تسجيل جيد لهاشم ميرغنى عايزين ليهو مناسبة ..نجيبو ليكم ولا تكتفوا بالمشاركات اعلاه ... |
كل عام وانت بالف خير ياحبيب محمد عبرالرحمن المشاركة لاتكفي في انتظار التسجيل يمكن تخفف عليهو شوية
| |
|
|
|
|
|
|
Re: الحبيب عبد المجيد الكونت (Re: محمد حسن العمدة)
|
Quote: ياخوي انت قاعد على هبشة ولا شنو ؟ ياخي البوست دا لو ما عمل صفحتين تلاتة وحفر في الاعماق حتن بعد داك تجي تتمايل
طواااااااالي من اول كلمتين تجي منكشح ؟ مافي دلع اصلو ؟
كل سنة وانتو طيبين يا شباب ويا شابة |
LOOL ... ياخوي انا كنت حايم بي هني بلا لقيت البوست المجنون ده وعارف الاتنين ديل وقت يتلموا بلخبطوا الدنيا قلت اخير الحق سريع ابارك لهم العيد قبل يصوطوها
كل سنة وات طيب يازعيم
| |
|
|
|
|
|
|
|