|
|
 الصباح في الخرطوم ...لإنعاش ذاكرة المغتربين
|
فتاح يا عليم
رزاق يا كريم
والناس قامت
قامت علي طول
الزول النايم من 11 مساء
الزول المتوسد ايدو
ومتغطي بتوب السماء الازرق
الناس
ما بصحو براهم
الدنيا كلها تصحى
العصافير
البوابير
الباعة
الاطفال
وسواقين العربات
علي شاكلة عربية الجلق وقومة بدري
الناس تصحا..... وتقوم واقفه
لا كسل
لا مشاكل بايته
لاهموم مستقبله
لامنبه يرن ويصحي العماره كلها
لا دا..ولا داك
صبحت والناس قامت
يصبحوا علي بعض كأنهم مطولين من بعض
الشاي
ولازم يكون معاهو حاجه
وأقله رغيف
الايام دي لا زال خبيز العيد به بقيه
الكبايه
والكبايه التانية
اذا كان اللبن مقنن
ولمليم الفرش
وكنس الحوش
والرش
وغرف البلاعات ( لذوي الدخل المحدود)
والناس تمرق
مدارس
مصالح
مزارع
مؤسسات
وهكذا دواليك
وهكذا تصبح الخرطوم
|
|
 
|
|
|
|
علي الكرار هاشم
فيس بوك
تويتر
انستقرام
يوتيوب
بنتيريست