أولا آسفة على العنوان المثير والذي ربما يُساء فهمه قبل الدخول للبوست لأن قصدي هو قلة الأدب الرفيع والشعر الرصين والنثر المموسق الذي يعبر عن الأحاسيس والمشاعر في المنبر العام بسودانيز أون لاين.. وقد قصدت أن أكتب العنوان هكذا لأنني اكتشفت أن العناوين المثيرة هي التي تجذب القراء لفتح البوست لاستكشاف ما بداخله والاحصاءات تدل على ذلك.. فقد قرأت من قبل في الاسبوع الماضي بوست كتبه أحد أعضاء المنبر العام يتساءل فيه عن قلة الشعر والأدب الرفيع في بوستات المنبر العام وبحثت اليوم عن هذا البوست كي أعلق بدوري برأيي ولكن لم أجد البوست الذي اختفى في الصفحات الداخلية نسبة للوتيرة السريعة التي يكتب بها الأعضاء فيختفي البوست الذي تقرأه في نفس اليوم داخل الصفحات الداخلية..
وفي الحقيقة نجد أن المواضيع السياسية هي الغالبة في بوستات المنبر العام ولا غبار على ذلك لأن السياسة تأخذ منا كل الوقت وكل الاهتمام نسبة لأن معظم الذين يكتبون في المنبر العام من المهاجرين والمغتربين الذين يجدون سلواهم وعزاءهم في المناكفات السياسية والمناقشات التي غالبا ما تكون هادفة ومفيدة سعيا وراء سودان أفضل وحكم أرشد وحياة رغيدة لأهل السودان وللسواد الأغلب من الشعب المطحون..
ولكن أين أحاسيسكم ومشاعركم لما تعانوه من رمضاء الغربة والهجرة ولماذا لا تسطرونها في كلمات معبرة تصبونها هنا في المنبر العام ,, وكذلك الكتاب والأدباء من داخل السودان : أين مشاعركم وأحاسيسكم ولماذا لا نقرأ بديع الكلمات وروائع الشعر المعروض وغير المعروض لنخرج من حين إلى حين من صحارى السياسة وجفاف الاقتصاد والفلسفة إلى منابع المشاعر والأحاسيس والأدب الرفيع,, فهل من مستجيب... أين شعراء وشاعرات المنبر.. فهل من مستجيب؟؟؟ والله يديكم العافية
Quote: الشعرا والادباء والكتاب انحصر دورهم في الانزواء في ظل ضوضاء سودانيز أونلاين المجوهرات لاتباع في سوق الخضار
,,,,,,,,,,,,,,,,,,,,,,,,,,,, والله يا محمد ردك رد مبالغة!!! في خمسة كلمات فقط ( المجوهرات لا تباع في سوق الخضار) عبرت عن ما يمكن كتايته في مقال من 10 صفحات.. ,اظنك تكون قاري فلسفة!! والله يديك العافية... وشكرا على المرور والتعليق... بصراحة كتبت هذا التعليق في ورقة عشان استخدمها في مجالات أخرى ذات اختصاص
شُكراً اميرة لإفتراع الخط ........... ,,,,,,,,,,,,,,,,,,,,,,,,,,,,,,,,, يا احمد ما فهمت كلمة افتراع الخط يعني شنو؟؟ ما تقول لي انت كمان قاري فلسفة؟؟ وشكرا على المرور والتعليق وكل سنة وانت طيب والله يديك العافية
إتخيلوا معاي لو عنوان البوست ده كاتبو عبد الرازق الطالب وبعد داك تعالوا اكتبو ردودكم بناء على الخيال ده .. صدقوني البوست في اقل من ساعة ح يصل لي 97 مداخلة و1476 للقراءة .. ارجو من المتداخلين وضع توقعاتهم واكون من الشاكرين
09-16-2010, 02:29 PM
عاصم ابوبكر حامد عاصم ابوبكر حامد
تاريخ التسجيل: 03-03-2006
مجموع المشاركات: 3017
Quote: إتخيلوا معاي لو عنوان البوست ده كاتبو عبد الرازق الطالب وبعد داك تعالوا اكتبو ردودكم بناء على الخيال ده .. صدقوني البوست في اقل من ساعة ح يصل لي 97 مداخلة و1476 للقراءة .. ارجو من المتداخلين وضع توقعاتهم واكون من الشاكرين
ود الفاروق كل عام وانت بالف خير ...
هو الزول دا عايش بس بتاع البرنامج الصهيونى ...
لكن انت ذاتك خطير ...
المقارنة فى الموضوع دا ممنوع ...
09-16-2010, 02:19 PM
عاصم ابوبكر حامد عاصم ابوبكر حامد
تاريخ التسجيل: 03-03-2006
مجموع المشاركات: 3017
Quote: لكن أين أحاسيسكم ومشاعركم لما تعانوه من رمضاء الغربة والهجرة ولماذا لا تسطرونها في كلمات معبرة تصبونها هنا في المنبر العام ,, وكذلك الكتاب والأدباء من داخل السودان : أين مشاعركم وأحاسيسكم ولماذا لا نقرأ بديع الكلمات وروائع الشعر المعروض وغير المعروض لنخرج من حين إلى حين من صحارى السياسة وجفاف الاقتصاد والفلسفة إلى منابع المشاعر والأحاسيس والأدب الرفيع
يا شيخة اميرة كل عام وانتى بالف خير ...
المنبر فيه كل انواع البشر السودانى من الشاعر والمثقف والطويل والقصير والواطى والجزمة والحقير والعفن ,, وقلليين الادب والمتغربيين والمطروديين والمشرديين واللاجئييين والمنتظريين والمعتقليين والباقى كلهم ...
Quote: إتخيلوا معاي لو عنوان البوست ده كاتبو عبد الرازق الطالب وبعد داك تعالوا اكتبو ردودكم بناء على الخيال ده ..
<<<<<<<<<<<<<<<<<<< عمر الفاروق واشمعنى عبد الرازق الطالب؟؟؟ اشرح لينا شوية عشان ما نكون زي الأطرش في الزفة... مش كمان عندنا حق نفهم الحاصل شنو؟؟ والله يديك العافية
Quote: المنبر فيه كل انواع البشر السودانى من الشاعر والمثقف والطويل والقصير والواطى والجزمة والحقير والعفن ,, وقلليين الادب والمتغربيين والمطروديين والمشرديين واللاجئييين والمنتظريين والمعتقليين والباقى كلهم ...
بس انتى اختارى البوستات وادخلى عليها ....
,,,,,,,,,,,,,,,,,,,,,,,,,,,,,,,,,,,.................. وكيف يا عاصم نفرق بينهم من مجرد قراءة العنوان؟؟ ممكن تدينا قائمة بأسماء الشعراء والأدباء في المنبر العام عشان أول ما نقرأ الاسم نفتح البوست انا عارفة ثلاثة فقط من الشعراء والأدباء
Quote: ولكن أين أحاسيسكم ومشاعركم لما تعانوه من رمضاء الغربة والهجرة ولماذا لا تسطرونها في كلمات معبرة تصبونها هنا في المنبر العام ,, وكذلك الكتاب والأدباء من داخل السودان : أين مشاعركم وأحاسيسكم ولماذا لا نقرأ بديع الكلمات وروائع الشعر المعروض وغير المعروض لنخرج من حين إلى حين من صحارى السياسة وجفاف الاقتصاد والفلسفة إلى منابع المشاعر والأحاسيس والأدب الرفيع,, فهل من مستجيب... أين شعراء وشاعرات المنبر.. فهل من مستجيب؟؟؟ والله يديكم العافية
الأخت اميرة العيد مبارك عليك سؤال محتاج اجابة فعلا ولكن الغالب الأعم هم طلاب سياسة ولكن دعينا نحاول كتابة هذا ان وجد مجالا للقراءة قرأت اليوم ما اعتبره جميلا جدا بعنوان( بثينة ارضعيني) وفيها من التوصيف والحبكة ما اعجبني لك التحية ونحاول نكتب البنحسوا غايتو تحياتي
09-16-2010, 02:51 PM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
Quote: الشعرا والادباء والكتاب انحصر دورهم في الانزواء في ظل ضوضاء سودانيز أونلاين المجوهرات لاتباع في سوق الخضار
كلام يا عوض دكام !!؟!!
محمد الطيب يا عزيزي كلامك دا بنيتو على ياتو حيثيات ؟ سوق الدهب بي وين بالله ؟
للتبسيط بس . . .
انا اعتقد انك من الفئة القلت عليهم " انحصر دورهم في الانزواء في ظل ضوضاء سودانيز أونلاين " و كمان الزول الصورتو في بروفايلك دا الملك راسو عديل و هو بكل الحب و التواضع قاااااااااعد ما دوامة – فصل السلم و الثعبان
اها كيف ترفع لينا التناقض دا ؟
كان عندك قول فيما قلت به انا !؟ . . كمان ورينا بتبيع شنو انت في ملجتنا المنزوين عنها دي و ابعد من البطيخ . . البطيخ حاجزو انا دا
---------
استاذة / اميرة العنوان مثير اكتر من اللازم اها النحدثك ضحى . . . الشغلة دي سلاح ذو حدين . . اتكلمتي عن حد واحد بس . . . صاح الشمار جابنا . . . لكن فات عليك التنميط و القولبة الحاصلة هنا برضو اها عاوزنا نعرش على كدا ؟
09-16-2010, 03:33 PM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
الاخت أميرة السيد تحياتي وعيد سعيد بالتأكيد كلامك حقيقة بس يأميرة دا مجتمع المنبر قلة قليلة ليها أهتمامات جادة ليكن ياله نبدأ عندي أقتراح صغيرة هو نعمل مسابقة لاحلي أقصوصة كتبت علي المنبر يعني قصة قصيرة أوقصيدة عامية ولا بلغة الاحاجي المهم أمكن كدا نعيد بعض بريق المنبر ونرجع الاعضاء للكتابة الجادة
عمر محمد ابراهيم شكرا على المرور والتعليق ورجعت وقرات القطعة الأدبية الرائعة التي كتبها حافظ حسن ابراهيم بعنوان" ارضعيني يا بثينة" وبالفعل وجدت قصة معبرة وبها لمحات أدبية واضحة واسلوب مميز في الكتابة... وقمت بإضافة اسم الاستاذ حافظ حسن ابراهيم ضمن أدباء وشعراء المنبر العام والله يديك العافية
مصطفى محمود أولا شكرا على المرور والتعليق... واسمك له واقع خاص في النفس لأنه يذكرنا باسم الراحل العالم العلامة الدكتور مصطفى محمود ورحلته من الشك إلى الايمان.. وشكرا على الكلمات الرائعة وهذا ما نبحث عنه في المنبر إلى جانب السياسة والاجتماع والاقتصاد والله يديك العافية
يا بت السيد عنوانك في محلو.. بس الناس الما عندهم أدب (الأدب البتقصُديهو) إستعاضوا عنه بقلة الأدب الما بعرفوها الناس الزيك. وكل إناء بما فيه ينضح. يعني قالوا: وكت ما لقينا نسوي الأدب الدايراهو بت السيد .. نقوم نجيب بدله قلة أدب وآهو كلو قلّة أدب.. يعني المدردم كلو ليمون. الله يكملك بعقلك يا مؤدبة. تحياتي.
العم الفاضل كباشي الصافي شكرا لكلماتك الطيبة والله يديك العافية.. وبس أنا مستغربة انت قاعد في مدينة لندن البيقولو عنها أنهها مدينة كئيبة وغامقة ومدينة ميتة كيف؟؟؟ أنا ما زرت لندن قبل كده .. اللهم إلا ترانزيت في مطار هيثرو والمطار الثاني المحلي الداخل البلد واسمه صعب شوية ما مذكراه) وبسمع الناس البيزورو لندن بيقولوا ان مدينة لندن مشهورة بالاسم فقط لكن الاقامة فيها مملة... صحي الكلام ده؟؟ وشايفاك في نكات عبدالله كع بكيت لمن دموعك نزلت.. وانا علقت على نكتة وقلت دموعي نزلت اكثر من دموع الصافي وكل سنة وانت طيب والله يديك العافية
09-16-2010, 03:59 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
يعني نعرش القبة برا فكي و لّ كيف ؟ يا اميرة ياخ اهلنا بقولوا : " الصابرات روابح كان يجن قماح " ما تستعجلي على رزقك . . القاسما الله في الجبل بتقوم . . شايف كلام اديبنا محمد الطيب يوسف عجبك لمّا كتبتيهو في ورقة !! . . ما سمعتي قول المغني : ناس تغوص عمق البحار لا تلقى لؤلؤ لا صدف . . و ناس في رمل الشواطئ تلقى اللالئ بالصدف !! شفتي كيف ؟ اها البورد دا زي الدنيا واااااااااحد !
سوم سانياً : ما جا على بالك انو المنبر دا فيهو عجايز و مرضى قلب و ناس مرارتا جاهزة خلقة للانفقاع !! انا مسلن - و بعد العياذ بالله من قولة انا ، زول عجوز - اول مرة شفتك فيها في بوست الباحث أمين * عن الاستاذ ، و شفت ما بدى لي تكنو احتكاك ، و العتب على النظر بقى . اسي بعنوان بوستك دا تتخيلي لحدي ما يفتح معاي كم من الافكار و السيناريوهات السوداء اللاحت لي !؟ كان كتلتي ليك عجوز تستفيدي شنو بس ؟
--------------
* بالمناسبة العنوانين المثيرة دي تندرج تحت تصنيف ( بحث غير مؤسس ) يعني فئة واحدة مع أمين هميسلف بنهاية من شاكلة( عن الشهرة ) .
قيقراوي عجوز شنو ياخ.. قول كلام غير كده.. شايفاك بتترنم في آلة الأورغن وبتلحن وصورتك ما شاء الله في عز الشباب,,, بس ما تقول لي انت منزل صورتك لمن كنت في الثانوي العالي!!
09-16-2010, 04:14 PM
cantona_1 cantona_1
تاريخ التسجيل: 01-04-2003
مجموع المشاركات: 6837
أولاً بالتبادي أهلنا بقولوا: الولف كتّال. لمن جيت لندن أول مرّة كان الجنيه السوداني بساوي 1.2 جنيه أسترليني. كنا طلبة في الجامعة وبنجي الإجازات في لندن – دي حكاية دايرة حكي- القميص أبو 99 قرش Pence والبنطلون أبو جنيهين أما أبو خمسة جنيهات فيعتبر قشرة بنحضر بيهو حفلات في النادي الأمريكي... كمان تمينا الناقصة وجيت قريت فيها. والرزق ما قصّر معانا فيها.. والعيال دخلوا الجامعات هنا في لندن.. يعني بقت لي زي بيضة أم كتيتي .. كان شلتها كتلت أُمك وكان خليتها كتلت أبوك .. وكان كسّرتها كتلتهم الاتنين. لكن زيارتها كإجازة لمدة 3- 4 أسابيع ممتعة جداً وحتعجبك... إتفضلي بس الأفضل في شهور الصيف 6-9 من كل عام.. لأن الجو في الشتاء كئيب مرّة. علينا السكن والإعاشة والمواصلات والفسحة مما جميعه إنت وعيالك وأبو عيالك. مرحب بكم في عاصمة الضباب بصراحة هي عاصمة العالم المالية.. ما تسمعي فصاحة ناس وول ستريت دي. تحياتي.
كبـــّـاشي الصـــّافي
09-16-2010, 04:37 PM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
وفى بشري الفاضل وعماد عبدالله والملك والجريفاوى والشقلينى واشراقه وهشام آدم .. ياخى فى عثمان البشري والصادق الرضى ..
امكن عشان الزحمه .. لكن برضو بتلاقى خطاب حسن احمد ويحى فضل الله .. وروزمين واسماء وهند محمد وثروت ..
وين هبه الماحى ؟.
حبيب نوره لقوه امبارح اثر انباء متضاربه عن غياب .. وكمال على الزين يتقصى الآن بعض تأريخ الصحابه .. غير أنه حتما يعود لهذا الشئ وعندك المدهش طارق جبريل فى سردياته العاميه .. لا حولاااا
تاج السر جعفر الخليفه مفقود تماما , فتقصيه فى حدود الارشيف حتما ستعتريك الدهشه حتى مخامص الروح ..
كتار يا أميره ..
09-16-2010, 04:51 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
كباشي الصافي نشكرك على الدعوة وانا ما عندي ابو عيال ولا عيال ولكن ممكن صديقتي تجي معاي لأننا بنسافر سوا وان شاء الله الصيف القادم ننزل ترانزيت في لندن لمدة 3 أيام نشوف عاصمة الضباب ونكضب الشينة البقولوا عن لندن وانت كمان معزوم ومعاك بناتك الجامعيات لزيارة نيويورك وولاية كونتيكات .. والسكن والإعاشة علينا نحن.. أما الفسحة وزيارة الأماكن السياحية عليك انت .. ما دام انت رجل أعمال.. مثلا زيارة متحف مدام توسو في شارع 42 الشهير.. ولازم تعرف من هسع تذكرة الدخول بـ35 دولار وزيارة المتحف الشهيرة في نيويورك وسنترال بارك.. أكبر حديقة مفتوحة في العالم.. ونخلي بناتك يزرن جامعة كولومبيا الشهيرة ونسافر إلى مدينة بوسطن ونزور أكبر وأشهر جامعة في العالم .. جامعة هارفارد.. التي يتخرج منها علماء العالم ورؤساء الولايات المتحدة.. طبعا أوباما درس في جامعتين .. جامعة هارفارد وجامعة كولومبيا.. عشان كده قدر يحكم أمريكا.. ونزور شلالات نياجرا في مدينة نياجرا فولز بالقرب من مدينة بافالوا الأمريكية على الحدود الأمريكية - الكندية .. يعني الأماكن السياحية في ولاية نيويورك ما بتنتهي,,, والدعوة مفتوحة لك ولأسرتك الكريمة... وعلى الأقل حنشوف معاكم محلات ما شفناها حتى الآن..
,,,,,,,,,,,,,,,,,,,,,,,,,,,,,,,,,, د.محمد هذه هي الكلمات التي نبحث عنها في هجير وصحارى السياسة كلمات تدغدغ المشاعر والأحاسيس ونرتوى من واحات الابداع الفكري والشعري... كلمات رصينة و مبدعة ومموسقة وكل سنة وانت طيب والله يديك العافية
Quote: إتخيلوا معاي لو عنوان البوست ده كاتبو عبد الرازق الطالب وبعد داك تعالوا اكتبو ردودكم بناء على الخيال ده ..
اتفق مع عمر الفاروق...
تحياتي أميرة
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, عزيزتي مريم بنت الحسين يعني انت عارفة كتابات عبد الرازق الطالب.. وما دام عمر الفاروق ما عاوز يفسر لينا الحاصل شنو.. نكلفك بالمهمة دي والله يديكي العافية
Quote: زيارة متحف مدام توسو في شارع 42 الشهير.. ولازم تعرف من هسع تذكرة الدخول بـ35 دولار وزيارة المتحف الشهيرة في نيويورك وسنترال بارك.. أكبر حديقة مفتوحة في العال
يا ست البنات.. في العام 1976 ومعي 3 زملاء زرنا المحلات القلتيها دي كلها وكانت تذكرة دخول متحف مدام تسو 5 دولارات بس. وزرنا مكاتب اليوإن، الزمن داك كان ما في إرهاب . وطلعنا في مركز التجارة العالمي بتاع بن لادن الضربو في 11 سبتمبر وبالتحديد في يوم 26 يوليو 1976 وذلك بمناسبة عيد ال Bicentennial الأمريكي بمناسبة استقلال أميركا من إستعمار بريطانيا العظمى. وكمان مشيت تمثال الحرية وعمارة Rockefeller Foundation وال Empire Estate .. وما تنسي ال Broadway زمان يا بتي كنا شباب سطنا الدنيا بكراع كـــــــــلب .. ومشينا نيو أورليانز في ال French Square - Bourbon Street وشاهدنا رقيص عجيب ودا أول نوع من رقص الخواجات يعجبني. باقي عمِّك كلاسيكي بتاع نُقارة ومردوم وكدا. مشينا LA وهوليود واستديوهات يونيفيرسال. على كل النية حاصلة والعيال عاوزين يمشوا أميركا ..وكان الله مدّ في الأيام بنتلاقى.. لكن لازم شهور الصيف الجاي تزوري مركز العالم والدعوة مفتوحة لك ولصديقتك وكان ما شالكم تراب لندن يشيلكم راسنا.. تحياتي.
شكرا كباشي على كلامك السمح والعديل وما العوج.. مع انك بتقول العوج راي والعديل راي... لكن عندنا العوج ما راي.. وما دام شفت الحاجات دي كلها... بنوديكم حتة ما شفتوها وهي رؤية آثار دمار مركز التجارة العالمي... ورؤية المقاولين وهم بيبنوا عمارات جديدة في الموقع وزي ما انت قلت : حبابكم عشرة انت والعيال واذا ما شالكم تراب نيويورك( مع اننا ما شفنا تراب مما جينا) نشيلكم فوق راسنا ( والله مركز روكفلر ده لهسع ما شفناه) والله يديكم العافية
Quote: الاخت أميرة السيد تحياتي وعيد سعيد بالتأكيد كلامك حقيقة بس يأميرة دا مجتمع المنبر قلة قليلة ليها أهتمامات جادة ليكن ياله نبدأ عندي أقتراح صغيرة هو نعمل مسابقة لاحلي أقصوصة كتبت علي المنبر يعني قصة قصيرة أوقصيدة عامية ولا بلغة الاحاجي المهم أمكن كدا نعيد بعض بريق المنبر ونرجع الاعضاء للكتابة الجادة
لك ودي مجرد أقتراح
<<<<<<<<<<<<<<<<<<<<<< الفاضل/زهير عثمان
اقترتح وجيه وجيد جدا وربما يعيد لنا الشعراء والادباء ليكتبوا لنا مرة أخرى ,, ومن هسع انت عضو في اختيار الفائزين في المسابقة الأدبية والشعرية ومن هذا المنبر نناشد هؤلاء الذين اشار إليهم محمد حيدر في قائمته الإدلاء برأيهم وهم: - بشرى الفاضل - عماد عبدالله -الملك الجريفاوي -الشقليني -اشراقة -هشام آدم -عثمان البشرى -الصادق الرضي -خطاب حسن احمد -يحى فضل الله -روزمين -اسماء -هند محمد ثروت - هدى الماحي -حبيب نورة - كمال على الزين -طارق جبريل -تاج السر جعفر
وأزيد من عندي: - الشاعر عبد الإله زمراوي - حافظ حسن ابراهيم - اشرف صبحي - مصطفى محمود - د. محمد حسن
(عدل بواسطة اميرة السيد on 09-16-2010, 07:06 PM) (عدل بواسطة اميرة السيد on 09-16-2010, 07:44 PM)
09-16-2010, 07:08 PM
cantona_1 cantona_1
تاريخ التسجيل: 01-04-2003
مجموع المشاركات: 6837
إيه رأيكم يا أميرة وزهير تفتحوا منبر تسموه منبر الناس البرعفوا أدب .. قليلي الأدب يمتنعون... وتجيب القائمة الأوردها زهير دي وتلمونا معاكم نكبِّر ليكم الكوم ونساعدكم بالصفقة.. ونمنع الما عندهم أدب ما يدخلوا هنا. بس عشان الواحد يكون عنده أدب لازم يورينا حافظ كم بيت شعر من معلقة من المعلقات السبعة.. تحياتي.
كبـــّـاشي الصـــّافي
09-16-2010, 07:55 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
قلة الأدب إقرار بوجوده وقيمته دوما فى الندره وإن زاد على الطلب بارت سلعه والإقبال عليه دوما بقلة من متذوقيه وأنتى واحده من تلك القله فحدقى النظر ستجدين ما يغنيك عن كثرة غيره وربنا يسهل كل أمورك ويفتح علينا وعليك فتح العارفين بالله وكل عام وأنتى بألف خير
الفاضل/ منصور المفتاح وربنا يسهل كمان كل أمورك ويديك الصحة والعافية وكل سنة وانت طيب... واحتمال زي ما قلت الادب موجود ولكن نادر ونحن نريد زيادة شوية في جرعة الأدب لأنو بينقط بالقطارة... وبدون الأدب والشعر سيكون المنبر العام مجرد صحاري بدون واحات خضراء
09-16-2010, 08:18 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
أميرة السيد : عمر الفاروق ما ابا يشرح ليك بس عمر الفاروق النت عندو قضاء وقدر وزي الجبادة بي قولنا كأولاد حلة (مرة تصيب ومرة تخيب).. عبد الرازق الطالب ده زول عادي زيو زينا يمشي في الاسواق ويقبل الهدايا بس مشكلتو راجل ونحن عندنا في المنبر أي راجل ما شرط عبد الرازق الطالب ممكن اختار ليك اللمين باشري أو سليمان ابجلمبو أو اي عضو من الاعضاء ديل لو كتب عنوانك ده كان جوهو وسمعوهو فارغة طووول عمرو ما سمعها ويا ######## ويا مأفون ولماذا هذا العنوان الجارح وكيف تخدع القارئ وأنت وحدك القليل أدب وعنوانك ######## ولغتك منحطة و و و و كلام والله لمممن يخلعك في كنكوجك .. إنتي عشان اميرة السد وما انتي بس لو كتبت البوست ده علوية طراوة أو ناريمان فايز أو صافيناز الطيب ف حيلاقو كل الود والتقدير والإحترام للموضوع الاساسي متناسين عنوانك الغريب وعجيب والغير موفق تماااما.. راجعي مداخلات الناس دسيل كللللهم وشوفي لو لقيتي واااحد منهم قال ليك الكتبتيهو فوق في عنوانك ده غلط وعيب عليك تستخدمي الإسلوب ده .. عارفة انا من لقيت رد اخونا طارقجبريل ده :
Quote: اكتبي يا زولة وحا تلقينا اول من يدخل للبوستات الشحمانة دي
قنعت من باقي الاعضاء
تخريمة :
Quote: أولا آسفة على العنوان المثير والذي ربما يُساء فهمه قبل الدخول للبوست لأن قصدي هو قلة الأدب الرفيع
مرة بورادابي كتب بوست عهنوانو وفاة عضو المنبر .... وجوة كتب زييييي جملتك دي أنقري ما فصلوهو من المنبر؟ والسبب أنقري شنو ؟ هييجة البورداب فيهو ..
عمر الفاروق حرام عليك تقارن عنواني مع عنوان واحد قتل ليهو زول... يعني مفروض الكتب خبر زي ده وما حقيقي.. مش يفصلوا من المنبر بس وكمان مفروض يحاكموه في محكمة جنايات ويدوه 5 سنوات مع الأشغال الشاقة المؤبدة... يعني ده كاتب خبر وفاة ممكن يقتل ليهو زول تانب بسكتة قلبية.. أما موضوعي ففي غاية البساطة ,,, وممكن من أول وهلة تعرف أن قلة الأدب الرفيع والشعر هو المقصود... لكن زي ما قال عمنا الصافي ك" كل زول بيفسر على هواه وانا معترفة أن العنوان مثير حبتين ,,, لكن القصد والله كان نبيل( طبعا عارفاك حتضحك من الجملة دي).. وبعدين اذا دققت في الردود في واحد اعترض على العنوان ( وهو قيقراوي) واعتذرت ليه .. وهو قبل الاعتذار..والصمت دليل القبول والله يديك العافية... يعني يا عمر الفاروق .. فرق بين الحق والباطل.. وما تحنبكها حبتين كده
09-16-2010, 08:49 PM
cantona_1 cantona_1
تاريخ التسجيل: 01-04-2003
مجموع المشاركات: 6837
يا أميرة يا بتي شايف لي كم واحد كدا منزِّل قصيدة. شئ شعر نزار قباني وشئ يشبه شعر محمد المهدي المجذوب ... ودي أظنها استجابة واضحة لصرختك مطالبة بكثير من الأدب في المنبر والناس تزيد (قِلِّة) الأدب شوية ... عشان يكون في شوية أُدباء مع تحياتي.
Quote: حرام عليك تقارن عنواني مع عنوان واحد قتل ليهو زول... يعني مفروض الكتب خبر زي ده وما حقيقي.. مش يفصلوا من المنبر بس وكمان مفروض يحاكموه في محكمة جنايات ويدوه 5 سنوات مع الأشغال الشاقة المؤبدة... يعني ده كاتب خبر وفاة ممكن يقتل ليهو زول تانب بسكتة قلبية..
لالالا زولنا ده ما كتب إسم زول ولا جاب سيرة عضو المنبر فلان بس قال وفاة العضو المنبر وجوة أول ما تدخل كتب ليهم تخيل أنك فارقت الدنيا وأنك تركت خلفك وأنك وأنك فتذكر يا أخي الموت و و و .. يعني يا أميرة غرضو أنبل
يا زولة كل سنة وانتي طيبة وده ما احتجاج عليك صدقي!! إنتي استعملتي اسلوبك وبعد داك مفروض ننتظر رد فعل الناس لكن ده احتجاج على ناس طارق جبريل ديل والله
09-17-2010, 01:17 AM
محمد فرح محمد فرح
تاريخ التسجيل: 09-14-2006
مجموع المشاركات: 9222
أين مشاعركم وأحاسيسكم ولماذا لا نقرأ بديع الكلمات وروائع الشعر المعروض وغير المعروض لنخرج من حين إلى حين من صحارى السياسة وجفاف الاقتصاد والفلسفة إلى منابع المشاعر والأحاسيس والأدب الرفيع,, فهل من مستجيب... أين شعراء وشاعرات المنبر.. فهل من مستجيب؟؟؟ (اميرة السيد)
الأخـت الـحـبيـبـة الـحـبـوبـة،
اميرة السيد، تحياتي ومودتي،
***- مش بقولو في المثل " كل اناء بما فيه ينضج "??، كيف تطلبي مني ياأختي أميرة واكتب لك عن بديع الكلام وروائع الحروف واسطر لك اجمل التعابير بالشعر والنثر وفي قلوبنا الف حسرة وحسرة علي بلد ضايع ومندفع بقوة نحو الشتات والتمزق?..من وين نجيب جميل الكلام ونفوسنا ماعاد فيها شيئ جميل وسـمح?!!
***- كيف تطلبي مني اجيك بحلو الحديث، ورئيس بلدنا ومعه طاقمه الغير مهذبييـن كل يوم بشتمونا بشتي انواع السباب?!!، البشير شتم الحلفاويين جهارآ نهارآ وقال انهم طباخبين وبوابيين، مستشاره بالقصر قال الشعب السوداني كان قبل ثورة يونيو شـحاتين، النافع وماادراك مالسان النافع، ابوالجاز قال ناس المعارضة اولاد حرام... القائمة طويلة طويلة ياأميرة فما تطلبي مني اكذب في مشاعري واديك حلو الكلام وانا من جـواي بغلي نار ومليان حقد وكراهية للانقاذ الشردت 10 مليون سوداني!!
الحبيب الحبوب بكري الصائغ أها نحن الحسرة والوجع ده عاوزينكم تترجموها لينا لكلمات معبرة عشان نشعر ونحس باحساسكم والكلمات المموسقة والمنغمة أقوى تعبير عن الأحاسيس والمشاعر سواء كانت فرحة أو حزن والله يديك العافية
09-16-2010, 09:42 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: يا زولة كل سنة وانتي طيبة وده ما احتجاج عليك صدقي!! إنتي استعملتي اسلوبك وبعد داك مفروض ننتظر رد فعل الناس لكن ده احتجاج على ناس طارق جبريل ديل والله
رغم مايحمله عنوان البوست من الدعاية السوداء للترويج عن مضمون البوست نُهدي كاتبة البوست
الأخت الأميرة وأرجو ان يفيدك الرابط والتعرف علي شعراء وشاعرات منبرنا
ويبدو لي ان الحراك الدائر سياسيا وحتمية المرحلة هي التي بعدت بالكثيرين من المهتمين بالأدب نرجو ان تعود ولو بجرعات أنسولونية تحت الجلد. مودتي وكل عام وانت بخير
،،،،أبوقصي،،،،
09-17-2010, 01:34 AM
كمال علي ابراهيم كمال علي ابراهيم
تاريخ التسجيل: 11-04-2009
مجموع المشاركات: 107
Quote: وفي الحقيقة نجد أن المواضيع السياسية هي الغالبة في بوستات المنبر العام
شكرا اخت اميرة على اثارة هذا الامر الهام حقيقة يوجد اهتمام (مبالغة) بالسياسة فى الآونة الاخيرة وذلك لا اعتقد لان الناس تحب السياسة ولكن لخطورة الوضع والاحداث المصيرية التى مرت وتمر بها البلاد خلال العقدين الماضيين خاصة وحاليا ان الدولة تمر بمنعطف يهدد كيانها فكما انه يكثر الحديث عن الخبز حين مواسم شحه وانعدامه كذلك يكثر الحديث عن السياسة لعدم الاستقرار الذى نعانية الاستقرار عامل مهم لازدهار الوطن وعامل مهم تتفتق فيه مواهب الناس فى الآداب والفنون وقد ان انشغل الناس بالبحث عن امنهم وخبذهم واولادهم نعم وكما قيل ان المعاناة تولد الابداع ولكن ما يعيشه شعبنا هو الخوف مما يتربص بهم من مسقبل مجهول والخوف ليس كالمعاناة فهو يطرد صفاء العقل الاديب
لذا انشغل الناس بالسياسة بحثا عن حلول تبعث الطمأنينة علها تجد حينها متسعا للابداع الذى تنادين به
فعندما تستقر الاحوال ان كان هناك امل فستجدين كثرة للادب بدلا عن قلته
شكرا لك وبوست موفق
09-17-2010, 05:05 AM
mohmed khalail mohmed khalail
تاريخ التسجيل: 06-14-2007
مجموع المشاركات: 4509
Quote: نعمل مسابقة لاحلي أقصوصة كتبت علي المنبر يعني قصة قصيرة أوقصيدة عامية ولا بلغة الاحاجي المهم أمكن كدا نعيد بعض بريق المنبر ونرجع الاعضاء للكتابة الجادة
لك ودي مجرد أقتراح
أثني هذا الاقتراح وأتمني ان نقوم بفتح بوست واقترح أسم(منتدى المنبر) ونشوف اراءكم برضو
Quote: قبل كده يا عمر الفاروق في عضوة كتبت عنوان:انتحار حمور زيادة..او حاجة قريبة من كده ، ما شفت زول جاملها بل بالعكس ادوها من التقيل. تفسيرك شنو للحاجة دي؟
لو كتبت إنتحار عبد الرازق الطالب الحبببة دي ما كان جاتا.. الزولة دي إختارت التوقيت الغلط لفتح البوست واياميها حمور أسهمو في الطالع بعد حريق روما ..
<<<<<<<<<<<<<<<<<< عمر الفاروق تحية طيبة والله حكاية" الزولة دي" ما نزلت لي في الزور... وافتكر اسمي أميرة//// يعني كان ممكن تكتب " أميرة دي اختارت التوقيت الغلط لفتح البوست" وبعدين ما ممكن تقارني مع واحد كاتب" انتحار زيادة حمور" أو يكتب نعي لموت أحد في العنوان وفي داخل البوست يكون شئ آخر.. مثل هؤلاء مش بس يوقفوهم من الكتابة بل محاكمتهم أمام محكمة جنايات حقيقية...
مجدي عبد الرحيم شكرا على الرابط ... وقد استمتعت بالفعل وبحق وحقيقة في سياحة جميلة عبر الكلمات الأنيقة والحروف اللامعة والله يديك العافية,, وكل سنة وانت طيب
نعم يا محمد الاستقرار عامل مهم لازدهار الوطن لكن لا يجب أن يجعلنا عدم الاستقرار أن نهمل ابداعاتنا الفكرية والشعرية.. فمعظم الشعر الذي يخلب العقول ينتج من بين المعاناة والصعاب
ياسر عبد القادر شكرا للمرور والتعليق وهل فعلا خلت المسارح من الجمهور في السودان وهل اختفت المسارح نهائيا وقديما قالوا أن وجود المسارح في البلد دليل الازدهار
محمد الطيب يا عزيزي كلامك دا بنيتو على ياتو حيثيات ؟ سوق الدهب بي وين بالله ؟
للتبسيط بس . . .
انا اعتقد انك من الفئة القلت عليهم " انحصر دورهم في الانزواء في ظل ضوضاء سودانيز أونلاين " و كمان الزول الصورتو في بروفايلك دا الملك راسو عديل و هو بكل الحب و التواضع قاااااااااعد ما دوامة – فصل السلم و الثعبان
اها كيف ترفع لينا التناقض دا ؟
كان عندك قول فيما قلت به انا !؟ . . كمان ورينا بتبيع شنو انت في ملجتنا المنزوين عنها دي و ابعد من البطيخ . . البطيخ حاجزو انا دا
سوق الدهب حيث يوجد الأدب ومادونه هو سوق الخضار يا قيقا أكيد مين القال ليك أنا من الفئة الانزوت ومصنف نفسي كاتب و أديب كلامك انت المتناقض ياقيقا بدليل إني موجود وبشارك في بوستات الكورة والضحك والسياسة ذاتا بعد مرات ودونك المنبر العام والارشيف وممكن تشوف براك فاعتقادك مردود عليك أكيد أنا خاتي صورة الملك دي تأكيدا لمقولتي لأنو وقف في نص سوق الخضار وأقنع الناس يشترو ذهب الخلاصة الأدب لايسمع في وسط الضوضاء فصوته خافت ولكنه يصل عميقا عندما يسمع تحياتي يا قيقا
Quote: عنوان انتحار حمور زيادة لا علاقة له بعنواني .. وأقرأ تعليقي على عمر الفاروق
اميرة السيد قرأت تعليقك على عمر الفاروق. و عنوان "انتحار حمور زيادة" ليس له علاقة بعنوانك و لكن له علاقة بالـ"Argumentation" حقت عمر الفاروق و افتراضها الاساسي انو هناك معاملة تفضيلية للعضوات في هذا المنبر. و بالنسبة لعنوانك فهو و الحق يقال لا يخلو من الاثارة.
أمير السيد سلام وشكراً على هذا البوست ذو العنوان المثير والمفيد في آن واحد ....المنبر ملان طحين وعجين ...وفيهو وفيهو ...ولعل تبريرك في بداية البوست هي أسباب وجيهة ...لكن قبيلة الأدباء عليهم ان يفرشوا بضاعتهم في سوق الخضار دا وكل شي له ثمن ... هاك دي هدية من عمي يوسف الشوبلي برضو مقطوعة أدبية حيث أنه يمثل وزير الدفاع في خيمة الحاردلو :
09-18-2010, 00:28 AM
محمد النيل محمد النيل
تاريخ التسجيل: 10-08-2009
مجموع المشاركات: 5899
و انتوا الجابركم تقعدوا في سوق الخضار ده شنو؟؟؟؟؟؟ و العايز يكتب الادب الرصين و الكلام الإنشا الفوق ده - مايجي يكتب في حد حايشكم؟؟ وهل الناس كلها مفروض تبقى شعرا و ادبا و يكتبوا شعر رصين.... , و هل المنبر ده منبر ادبي فقط ؟ يعني بختص بالشعراء و الأدباء فقط؟؟؟؟؟ ثم وينا النفس البتخليلينا نجي نكتب في الأدب و الشعر؟؟
09-18-2010, 04:06 AM
عليش عليش
تاريخ التسجيل: 11-13-2008
مجموع المشاركات: 1756
الاخت اميرة كملك لله بعقلك *** فعلا نحن محتاجين لاثراء هذا البوست بابداع جميل بيعدا عن ساحة العراك السياسي المابخلص ده قلذلك اقترح على الجميع وانت على راسهم .... نبدأ بالتوثيق لكل انواع الشعر الكتب فى السودان ونخلد ذكرى من كتبوا هذا الشعر وياريت لو بدأنا بالشعر الغنائي لان هناك كلام جميل قيل فى هذا السياق تحياتي لك ولك الاخوة والاخوات منعم سعيد
سناء عبد السيد وهل نستطيع العيش بدون خضار؟؟ الفرق يا سيدتي أن من الخطل أن تضعي جوهرة في قفة خضارك أو علي الأقل هي مجازفة غير مأمونة العواقب لو ماعندك نفس لغير الخضار أهو موجود قدامك ممكن تاخدي زي ماعايزة كلامي ده كان للناس البتهمها حاجات تانية غير البامبي والقرع و (البتيخ)
09-18-2010, 06:03 AM
محمد الكامل عبد الحليم محمد الكامل عبد الحليم
تاريخ التسجيل: 11-04-2009
مجموع المشاركات: 1968
تحية وارفة الظلال....اشاطرك الراي..زولولا اضاءات فضيلي جماع ومثاقفات بشري الفاضل لذهبنا الي ما ذهب اليه الاخ محمد الطيب...فعلا لقد طفح كيل المنبر بالغث وقلة الادب( بمفهومك المشار اليه) وصار البحث عن قصيدة كالبحث عن الكبريت الاصفر....
هل نطمع ان يعود الينا اصدقاء الحروف الندية...لكم وافر الاحترام ..
09-18-2010, 07:37 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
حقيقة المنبر العام فيه عدد مقدر من الأدباء والمبدعين ... ولكنهم وهذه حقيقة مؤلمة نوع ما يشكون البوار .. وقد تجدين قصيدة أو قطعة أدبية رصينة لاتجد التداخل المرغوب وتهوي سريعاً إلى الصفحات الخلفية للمنبر .. مما جعل أكثر المهتمين بهذا الشأن يتوارون رويداً رويداً ويكتفون بالتعليقات العامة هنا وهناك ...
الأخ معاوية المدير .. تحياتي القصيدة أو المكالمة الهاتفية مع ساره جميلة ومملوءة بالشجن الجميل .. واستميحك العذر بإعادة الفيديو مرة أخرى .. عسى أن يكون بشكل أكثر وضوحاً...
الاخت الكريمة الفاضلة سناء..وكل المتداخلين.. السلام عليكم ورحمة الله..وكل سنة وانتو طيبين.. قيل أن شخصاً كان يقف في زاوية أحد الطرق الكبير في قاهرة المعز..فجأة مر بالشارع عميد (الأدب) العربي الأستاذ طه حسين يتأبط حزمة من الأوراق ووفي اليد الثانية كان ممسكاً بعصاه ويمشي بحذر شديد.. وفي ذات اللحظة مرت الممثلة المصرية المعروفة شويكار تقود سيارة فارهة ممتدة الطول...!!. فقال في نفسه وبصوت مسموع.. شوف (قلة الأدب) بتركب سيارة وأي نوع من السيارات .!!. وشوف (الأدب) بخلي الواحد يمشي برجليه وبالكاد يمشي..!!.
ودمتي بخير..
09-18-2010, 09:54 AM
فدياس نجم الدين فدياس نجم الدين
تاريخ التسجيل: 05-19-2008
مجموع المشاركات: 2401
شكرا يا فدياس للجملكة التقيلة علي قول أختنا تراجي ولكني لا أصنف نفسي كروائي أو أديب وانما أضع نفسي في خانة المهتم بالأدب وبالتالي مشفق علي الحالة المتردية التي يعانيها في سوق الخضار والخضار فقط تحياتي لك ولست البوست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ahmed musa
طارق جبريل
معاذ الهادي
عمر الفاروق
عاصم ابوبكر حامد
Mustafa Mahmoud
معاوية المدير
قيقراوي
زهير عثمان حمد
cantona_1
د.محمد حسن
محمد حيدر المشرف
مريم بنت الحسين
munswor almophtah
محمد فرح
مجدي عبدالرحيم فضل
كمال علي ابراهيم
محمد النيل
mohmed khalail
عبدالرحمن الحلاوي
سناء عبد السيد
عليش
محمد الكامل عبد الحليم
إدريس محمد إبراهيم
khalid abuahmed
فدياس نجم الدين
فيس بوك
تويتر
انستقرام
يوتيوب
بنتيريست