أول أمبارح وانا اتصفح جريدة قوون لقيت عبد اللطيف البوني عامل محرر صفحة كاملة .. اتابع ومن فترة طرح البوني كونه هلاليا يكتب ويهتم في الشأن الرياضي.. نعم الهلال ليس حكراً على أحد بل بالعكس من دواعي سرورنا ان يكون امثال البوني مشجعا هلاليا ولكن فقط يركز على مشج وليس كاتب رياضي او حتى مهتم بالرياضة والهلال تحديداً .. ما كتبه البوني أول أمس أكد لي تماااماً إنو البوني عايز يركب موجة الرياضة بعد ان كسد سوق الكاتب السياسي ونزلت أسهم البوني وارتفعت اسهم كتاب الاعمدة الرياضية لشغف الشعب هذه الايام بقصة مكاواة هلال مريخ .. البوني كتب في صفحته معلقاً على برامج العيد عبر قناة النيل الأزرق وخص بالشكر البرنامج الذي اعتبره الأجمل " برامج أولاد الحارة السابعة" الخطأ المزعج اللي وقع فيهو البوني وأكد إنو ما عندو علاقة بي الكورة لما قال وبكل اريحية ووثوق من المعلومة (وليس خطأ مطبعي ) إنو من ضمن نجوم البرنامج اللاعب الخلوق لاعب فريق الهلال منصور بشير تنقا (هكذا كتبها البوني).. وبكل أسف يا بوني انت لفحت إسم تنقا ومن كنكوجك برااااك جبت الإسم منصور بشير تنقا .. المستضاف نعم كان تنقا لكنه لاعب اشبال الهلال ومن ثم اللاعب اللي تم تصعيده لاحقاً بدر الدين تنقا .. وعليه وطالما انت شاهدت الحلقة فيا إما إنك ما بتعرف منصور بشير تنقا وفقط سامع بي تنقا يا إما إنت ما شاهدت الحلقة من أساسه .. صراحة غلط وخطأ لا يغتفر ويدل على إنو البوني لفااااح وعايز يطرح نفسه ككاتب رياضي يدخل قلوب المشجعين الهلاليين .. على البوني تقديم إعتذار وتنويه للقارئ ويوريني من وين جاتو قصة منصور بشير تنقا دي .. علماً إنو منصور بشير تنقا لا يسكن الثورة الحارة السابعة ..
تحياتي يالفاروق ما تظلم البروف .. ربما خطاء على طريقة انوبدل ما تكتب الامم المتحدة تقوم تكتب الولايات المتحدة ... بعض الاحيان التفكير بيكون سابق الكتابة ..
09-16-2010, 08:41 PM
cantona_1 cantona_1
تاريخ التسجيل: 01-04-2003
مجموع المشاركات: 6837
Quote: علماً إنو منصور بشير تنقا لا يسكن الثورة الحارة السابعة ..
منصور بشير تنقا من سكان مدينة الأبيض .. وُلِد وتربى وترعرع بها وجاء للهلال كلاعب جاهز. ونجوميته كانت السبب في النغمة الهلالية المشهورة في السبعينيات تنقا .. تنقا .. تنقااا ... أوو تنقا.. دكتور البوني كان من المتابعين إبان دراسته الجامعية لمنصور بشير تنقا الأصل.. وربما خانته الذاكرة في الاسم الأصلي وبدلاً أن يقول بدر الدين قال منصور.. فمعليش ي الفاروق. تحياتي.
كبـــّـاشي الصـــّافي
09-16-2010, 08:48 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: لأنو تنقا لعب في الهلال الثمانينات وتقريباً نهايتها (ما متأكد)
أكيد تنقا لعب في التمنينات لكن ناس كانتونا ديل مااا مضمونين ممكن عاادي يقول ليك النغمة دي من كان في سنة رابعة إبتدائي عشان كده انا ما عايز اتشوبر .. كانتونا ده مكار وممكن تتوقع منو أي شي
09-16-2010, 09:11 PM
cantona_1 cantona_1
تاريخ التسجيل: 01-04-2003
مجموع المشاركات: 6837
عارف يا الفاروق والصادق الصديق تنقا دا نسيب صديقي السيد الصادق – مش بتاع حزب الأمة- شقيق زوجته. وشاهدته يلعب في نهاية السبعينيات يعني ممكن تقول 78 -79 وبعدها غادرت السودان ورجعت في منتصف الثمانيات وكان بلعب ... يعني العتبى على ال RAM ممكن يكون ضربه فايروس ولخبط بعض المعلومات... لكن النغمة دي سووها الهلاليين عشان منصور بشير .. قلت لي يا عمر رابعة إبتدائي .. في دي غلطان حقتنا اسمها رابعة أولية... وزارة المعارف. مش وزارة التلتة والتأليم. تحياتي.
كبـــّـاشي الصـــّافي
09-16-2010, 08:58 PM
سامى عبد الوهاب مكى سامى عبد الوهاب مكى
تاريخ التسجيل: 01-06-2005
مجموع المشاركات: 4971
بدر الدين تنقا (ود الثوره) من المواهب الظهرت في الهلال واختفت بسرعه شديده وما استمرت كتير في الملاعب لاسباب مجهوله (وزي ما ظهر في البرنامج لسه شباب ما شاء الله )والملاحظ وفي نفس الفترة اختفت نجوم زي ياسر ابو ورقه ومحمد المتوكل ومحمد حمدان وهود بشير واحمد ابو الجاز وقدوره (المريخ)..ودي اسماء كانت الناس بتتوقع منها الكتير ..وللاسف ما عمروا كتير في الملاعب
09-16-2010, 09:22 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
منصور بشير تنقا قدم للهلال عام 1985 ولعب في الهلال مع طارق احمد ادم والعوني وحمد والديبه ووليد طاشين وعاكف عطا وظهر نجمه مع كوكبة هلال 87 وتولي كابتنية الهلال بعد اعتزال طارق احمد ادم
09-16-2010, 09:20 PM
الصادق صديق سلمان الصادق صديق سلمان
تاريخ التسجيل: 07-11-2006
مجموع المشاركات: 4010
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
cantona_1
الصادق صديق سلمان
Maawya Hussein
فيس بوك
تويتر
انستقرام
يوتيوب
بنتيريست