|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: السلوك السودانى والسفر بالموانى - المطار مثالا (Re: مصطفى توفيق)
|
معروف انه الواحد منا لمن يكون مسافر وخصوصا بطيارة بيلبس لبس جميل ومحترم حتى لو الشخص ما عنده ملابس جديدة على الأقل بيلبس لبسة نظيفة وانيقة تعال شوف بقى هناك بعض الناس تلقاه لابس ليك لبسة فى بيت بكى الواحد ما يمشى بيها يعنى ممكن يكون لابس جلابية نضيفة وتلقى طرف العرقى ظاهره رقبته ######انه زى شوال الفحم ولا يكون لابس مركوب او جزمة ما بتتوصف من شدة ما شكلها قبيح او الطاقية جربانة
اما الحريم طبعا فهم بيقدموا افضل عرض ازياء فى العالم وبجميع الأشكال
طبعا نحن السودانيين اكتر ناس بنتونس بصوت عالى حتى لو الواحد فينا بيتكلم بتلفونه الخاص تلقاه معلى صوته والشارع كله بيسمع اما الونسة داخل الطيارة بقى تعال شوف بعض الركاب من ذوى الأصوات المرتفعة والضحكات المجلجلة يعنى حتى لو حاولت انك ما تسمع حوارهم تلقى نفسك غصبا عنك بتسمع الونسة بتاعتهم وذلك لارتفاع صوتهم وخصوصا لمن تكون فى موضوع خاص او اى موضوع
اما شفعنا او اطفالنا طبعا عايزين يلعبوا سك سك جوه الطيارة او عايز ينط فى الكرسى الوراه او عايز يقعد جنب الشباك ولو ما قعد تسمع اصوات البكاء والصراخ وخصوصا لو بقوا اكتر من طفل والمعركة تقوم حول الجلوس جنب الشباك
| |
 
|
|
|
|
|
|
|
 Re: السلوك السودانى والسفر بالموانى - المطار مثالا (Re: مصطفى توفيق)
|
والله صدقت أخي مصطفي توفيق.. الشغلة دي ياخ بطالة وبتحرج شديد بتين شعبنا اتخلص من العادات دي وخصوصا إنو ريحتنا بدت تضرب في كل العالم وبقينا مشهورين عالمياً بالكسل.. والفوضي..
أنا في إعتقادي إنو المسألة دي المجتمع كلو بتحمل مسئوليتا وأول مسئول الأمهات لأنهم الطفل من صغير بسمعو إنو ولدي أحسن زول .. و ولدي سيد الناس..والشافع تلقا شنبو قرب إقوم لسا نايم جنب أبوهو ولا أمو ..وكمان تلقاهو عايث فساد في البيت وبيت الجيران وكمان في المناسبات والله تكره اليوم الجابك المناسبة تلقا الشفع بتاعننا جارين وكواريك .. وإنتا ولا حتي تقدر تفتح بوذك .. المسألة يا أخوانا بدايتا البيت والتربية والنظام يطول الحديث..
تسلم والله مصطفي لأنك أثرتا موضوع غاية في الأهمية..وبحتاج تناصح وتدارس وقبل أي حاجة إعتراف
تحياتي
| |
|
|
|
|
|
|
|
|
|
Re: السلوك السودانى والسفر بالموانى - المطار مثالا (Re: محمد المعتز جعفر)
|
انا اعتقد انه فى السفر بالطائرات بالذات مفروض سلوكنا يكون حضارى جدا فى كل شىء وانه اى شخص يركب طيارة ماشى بره السودانى ان يلتزم بسلوكيات المظهر والتصرف الجميل والإنصياع لقانون الطائرة لسلامته ولسمعتنا كسودانيين
حدثنى احد الأفراد الذين كان من ضمن المسافرين بطيران الإمارت بانهم تفاجؤا بركوبهم فى طيارة قديمة وطبعا المسالة جائت نتيجة لسلوكيتنا داخل الطائرة وسمعتنا باننا ناس مهرجلين وشفاقنين ولو فى شخص ركب طيران الإمارات حيلاحظ انه طيران راقى جدا جدا والحصل انه الركاب احتجو ورفضوا يركبو الطيارة الى ان غيروها ليهم
تفتكر لو سلوكيتنا داخل الطائرة كانت جميلة ما كان ركبوهم الطيارة القديمة
حتى فى طيارة سودانير ممكن تلقى واحد كاتب بالقلم فى ضهر الكرسى تذكار من فلان العلانى يوم كده شهر كده عشان يورى انه ركب طيارة
| |
|
|
|
|
|
|
|
|
|
Re: السلوك السودانى والسفر بالموانى - المطار مثالا (Re: مصطفى توفيق)
|
| Quote: تفتكر لو سلوكيتنا داخل الطائرة كانت جميلة ما كان ركبوهم الطيارة القديمة |
مصطفي ياخي ما تفتح علينا ابواب وجعة
مره في واحد المضيفة نزلت ليهو الوجبة بتاعتو.... قام دساها تحت الكرسي و لما رجعت قال ليها انتي ما اديتيني !!! المضيفة دي راسها ضرب و قالت مستحيل اكون فطيتك يعني ... و عمك يحلف بي ايمانو، المهم جابت ليهو تاني
الزول دا كان تبريرو انو جيعان و وجبة الطياره دي ما بتقسم معاهو ....!!!
| |
|
|
|
|
|
|
| |
مصطفى توفيق
محمد المعتز جعفر
ناصر احمد الامين
فيس بوك
تويتر
انستقرام
يوتيوب
بنتيريست