|
|
 فى السودان حاج مسى ليه مكان
|
الشعب السودانى الفضل مبهور بكرة القدم العالمية وتحتل حيز كبير كوسيلة ترفيه خاصة بين الشباب الذى لم يجد غير الوطنية المابتتعرف بالجلابية او الجهادية السه ميزانيتها مدورة وهى تقول جاهد يا مجاهد وعلى فكرة الكلام قرب يدوى الولد الحنكوش مجاهد فى ام طه اصل القصة مجاهد شهادة عربية ما اى كلام اصولها بريطانية الجنسية الحنكوش غلب ابوه وحلف يمين الا يقرا الجامعة فى بلد كان اسمه السودان يتعرض الان الى غربلة بالكيزان والمشكلة الغربار البنعرفه بيكون ماهل مش معمول بالكوز .المهم الوليد المسب راسه ولابسه البرموده فى سنتر الخرطوم اول ماوصل هناك طبعا ده زمان كان شيخنا ابوجنزير كان مستور وضريحة على نغمات استريو السنتر مدفوف والشيخ مافيه كلام لا الفات والحسه قاعد قدر يحوله مدد يا شيخنايا حليل ايام كنا نسونا بقولوا لا والدليل اغنية عبدالعزيز المبارك البتقول
بتقولى لا ........
بس حسه رجالنا اول الواحد ما يسخونه تلقاه تكبير تهليل ولو علوا اللهبه شوية تبقى فى الحكاية رقصنا يا جدع نرجع للولد تربية الخواجات واقف يشوف العباد واول شريط يصله من المسجل الا خمج ابوسماعات متل قدرة فول ود العباس مش ذى حسه المسجل بقى حبه والسماعه قدر التفه وفى الاضان متحكرة ولدنا سمع الزول الركوبه التونسية (قيقم) يغنى
جاهد يا مجاهد مع كسرته ورقصته افتكر الموضوع ترحاب بيه وعلى طول طلع الموبايل الما خمج ابو شريحة ب 200 الف جنيه بالقديم والحمد الله العبد لله صاحب شريحة من النوع ده مش حسه كل واحد شايل الشرائح فى جيوبه متل كيس التسالى من هنااطالب شركات الموبايل بتكريم الرعيل الاول من المشتركين ابان 200 الف الوليد ضرب لابوه وقال ليه يا الخرطوم او القراية مافى وكانت النيجة بعد دخول جامعة الخرطوم قد السلك مع اول معسكر شهادة وعلى فكرة سموه شهادة ليه انا ماعارف .
طبعا ده مقدمه لزوم المزاج ان عجبتك واصل وانا عارف ده كلمة حضارية على وزن تلفون واصل وثابت وياما نشوف ذى ما قلته نجوم الكرة العالمية امثال مسى ومودفتس وكاكى اصبح لهم لافتات فى اسواق السودان وانت فى الطريق الى صابرين واليويم ده لا طين ولا عجين بقت تعرف تربيزات البياردو وده حكايته عجيب برجع ليها المهم اول لافتة مكتوب عليها
فرن الحاج مسى للعيش البلدى
بالله شوف ثقافة الزول ده سودن الاسم بصورة جميلة والافته التانية
صالون الكتلونى للشباب بس الاجمل كاتب على بقيةالافته تزين شعر صبغة وتجهيزرسان ده كله مافيه كلام بس الختمة قلب فيها الهبوبة (صنفرة الوجه) على بالطلاق اوشاش السودانيين ديل لو ودوهه لامريكا ما يلقوا ليه صنفرة بينى بينكم اليومين ده الشارع السودانى بقى يعرف المساواة بين الرجل والمراة خصوصا فى تفتيح البشرة(الوش) وكلمة وش شوف مسخرته فى العربية اسبير
واحد كمان كاتب محلات كاكا للمدية قدر ما وقفت فيها قلت امكن قريتها غلط طلعت صاح المهم اخر الامر قلته الزول ده قاصد بطلنا اسماعيل كاكى وجات على ريشة الزول الرسمه ذكرى البرازيلى كاكا
نواصل
|
|
 
|
|
|
|
بلدى يا حبوب
فيس بوك
تويتر
انستقرام
يوتيوب
بنتيريست