|
|
|
 Re: حفل العيد فى النادي السودانى بدبي رائع ..... ولكن (صور للمعاناة) (Re: عمر عبد الخالق سعيد)
|
اخونا عمر .. كل عام وانت بخير
و كل عام و كل الاحتفالات السودانية بي نفس الشكل دا
جوطة ..عدم تنسيق .. سبهلليه ..
الي متي ؟؟؟؟؟
معقولة مافي ناس ممكن نعتمد عليهم عشان ينظموا (مجرد حفلة في نادي) ؟؟؟ بس فالحين في الكشتينة و النقاش في الكوره.
الكلام دا منطبق علي النادي السوداني في ابوظبي و دبي علي حد سواء
طبعا الواحد ما ينكر مجهود بعض الشباب في محاولة التنظيم الجيد لبعض الفعاليات ... لكين الحكايه محتاجة اداره فعالة و جيده .. ما عاوزين لينا عمم كبيره و راس فاضي.
| |
 
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: فاروق أبوحوه)
|
| Quote: بصراحة جوطها جوطة غريبة |
الأخ عمر عبدالخالق ..
بالمناسبة اى حاجة حقتنا وفى جميع مناحى حياتنا تجد الربكة والدربكة والهرجلة والعشوائية والتخلف هى الصفة المميزة لنا.
لانظام لاأدب لا ذوق لانظافة لاتمدن لا تحضر . نسافر للخارج ونرى كيف يعيش وكيف يتصرف الآخرون ولكننا لانتعلم منهم . ومهما بلغ بناالتحصيل الأكاديمى لكن يظل ويعيش بداخلنا ذلك البدوى الجاهل الجلف .
كان الله فى عوننا ,
وكل عام وانتم بخير .
| |
|
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: فاروق أبوحوه)
|
الاخ العزيز عمر
الحفله حفله عامه والدخول ليها بتذاكر يعني النادي اجر الصاله
للاشخاص القائمين علي تنظيم الحفله بعد كده صديق متولي وضع الكراسي علي
المسرح ولا وضع الكراسي فوق بعض النادي ما له دخل بذلك . كونه فشل في تنظيم الحفله
برضو النادي ما له دخل. التكييف تمام لكن عدد الناس زياده عن الازم والسبب المنظمين
اما عن الحفلات التي يقم بيها النادي وينظمها شباب الصاله البارده صاله الكوتشينه كما
قلت كثير من تلك المناسبات ناجحه بمعني الكلمه ولكن لا يكتب عنها بل يكتب عن المناسبات
التي بها بعض الاخطاء التنظيميه وحتي نتدارك تلك الاخطاء علي الاخوان الذين يدخلون النادي
في المناسبات فقط التواجد معنا في الصاله البارده واتحافنا بالافكار حتي لا نقع في الاخطاء في
كل المناسبات وكلنا لدينا مشاغلنا واسرنا ولكن نقدم للنادي مانستطيع من وقتنا تواجدوا معنا
وعيشوا الواقع في النادي واكتبوا ماشئتم.
تحياتي
| |
|
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: عصام ابوعكر)
|
Quote: الحفله حفله عامه والدخول ليها بتذاكر يعني النادي اجر الصاله
للاشخاص القائمين علي تنظيم الحفله بعد كده صديق متولي وضع الكراسي علي
المسرح ولا وضع الكراسي فوق بعض النادي ما له دخل بذلك . كونه فشل في تنظيم الحفله
برضو النادي ما له دخل. التكييف تمام لكن عدد الناس زياده عن الازم والسبب المنظمين
|
الاخ عصام كل سنه و انت طيب يا اخي
انا ما بتفق معاك في الحته دي
يعني النادي دا بأجر صالتو دي كدا من غير اي شروط و التزامات ؟؟
امشي النوادي الجنبكم دي كلها و قول ليهم عاوز الصالة .. ياخي حا يسألوك زي التقول طلبت منهم بنتهم.
لي شنو ؟؟ كم نفر ؟؟ المتطلبات شنو ؟؟؟ و حا يشترطو عليك عدد معين و رص كراسي بي طريقة معينه ... الخ
لانهم خايفين علي الصالة بتاعتهم و ما عايزين يستهلكوها في الفارغة
بعدين الناس حا يقولو النادي السوادني مافي زول حا يجي يلوم المنظمين
النادي بيلعب بي اسمو و اسم السودانيين كللهم... دي شروط اساسية لنجاح اي حفلة ياخي
Quote: اما عن الحفلات التي يقم بيها النادي وينظمها شباب الصاله البارده صاله الكوتشينه كما
قلت كثير من تلك المناسبات ناجحه بمعني الكلمه ولكن لا يكتب عنها بل يكتب عن المناسبات
التي بها بعض الاخطاء |
طيب .... اكتبوا انتو
Quote: وحتي نتدارك تلك الاخطاء علي الاخوان الذين يدخلون النادي
في المناسبات فقط التواجد معنا في الصاله البارده واتحافنا بالافكار حتي لا نقع في الاخطاء في كل المناسبات |
اتحافنا !!!!!!!
لك ودي
| |
|
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: عصام ابوعكر)
|
نشكر جميع المداخلات ارجو منكم السماح بالرد على الاخ الفاضل عصام ابو عكر وهنا تذكير بمجلس ادارة النادي الجديد
1- عيسي ادم – رئيسا.
2- الأمين طلحة - نائبا للرئيس.
3- الرشيد محمد الأمين – نائبا للرئيس لشئون الأندية.
4- صلاح الدين الطيب – السكرتير العام.
5- حامد الطاهر – نائب السكرتير العام.
6- نادر بخيت – السكرتير الثقافي.
7- علي محمد إسماعيل – السكرتير المالي.
8- مبارك حاكم – سكرتير العلاقات العامة والإعلام والتطوير.
9- مأمون المعتصم – سكرتير شئون الدار.
10- محمد محجوب – السكرتير الاجتماعي.
11- حيدر الملك – السكرتير الرياضي.
Quote: الحفله حفله عامه والدخول ليها بتذاكر يعني النادي اجر الصاله
|
نتفق ومشكلة الصالة ايضا عامة
بتاع الساوند ده يشتغل كيف؟؟؟؟؟
Quote: بعد كده صديق متولي وضع الكراسي علي
المسرح ولا وضع الكراسي فوق بعض النادي ما له دخل بذلك |
صديق متولي فنان ويعرف اهمية خشبة المسرح وخصوصيتها وهو لم يضع الكراسي
الكارسي كانت موجودة في الخشبة قبل الحفلة
حضرت الحفلة ؟
Quote: اما عن الحفلات التي يقم بيها النادي وينظمها شباب الصاله البارده صاله الكوتشينه كما
قلت كثير من تلك المناسبات ناجحه |
دي حفلات خاصة
ونتمني نجاح العامة
Quote: الاخوان الذين يدخلون النادي
في المناسبات فقط التواجد معنا |
الاخ عصام سمعة النوادي السودانية للأسف (حريق) نتمنى ان مجلس الادارة الجديد يلتفت
لمشاريع تستقطب الاسر والاطفال بدون من من احد (دفرتو شفعنا ياخ)
| Quote: وكلنا لدينا مشاغلنا واسرنا |
مجهود مقدر لكن نطالبكم بالاحترافية في العمل
Quote: وعيشوا الواقع في النادي واكتبوا ماشئتم.
|
الموضوع ليس شخصي وكل اعضاء مجلس الادارة نكن لهم احتراما شخصيا ولايعفيكم هذا من السؤال
ولا كيف؟
| |
|
|
|
|
|
|
|
|
 Re: حفل العيد فى النادي السودانى بدبي رائع ..... ولكن (صور للمعاناة) (Re: احمد العربي)
|
الأخ عمر عبد الخالق ...
الأخ قلقو .. وبقية ضيوف البوست الكرام ...
أولا أقتبس مداخلة الأخ قلقو التالية:
Quote: بالمناسبة اى حاجة حقتنا وفى جميع مناحى حياتنا تجد الربكة والدربكة والهرجلة والعشوائية والتخلف هى الصفة المميزة لنا.
لانظام لاأدب لا ذوق لانظافة لاتمدن لا تحضر . نسافر للخارج ونرى كيف يعيش وكيف يتصرف الآخرون ولكننا لانتعلم منهم . ومهما بلغ بناالتحصيل الأكاديمى لكن يظل ويعيش بداخلنا ذلك البدوى الجاهل الجلف |
ثم أضيف هذه الحكاية التي تؤكد ما ذهب إليه أخونا قلقو ...
حكى لي أحد الأصدقاء من المقربين لأعضاء النادي السوداني بدبي .. بأنه وفي أحد شهور رمضان خلال سنةٍ من السنوات الماضية .. قامت اللجنة الرياضية بتقديم طلب للنادي الإيراني المجاور للنادي السوداني للسماح لهم بإقامة الدورة الرمضانية في ملعب النادي الإيراني .. وهو ملعب مجهَّز بالكامل ... نجيل طبيعي أخضر زاهي .. وإضاءة بكشافات تحيل الليل نهاراً ... ومدرجات للجمهور .. وغرف للفرق .. وحمامات ..
وافقت إدارة النادي الإيراني على الطلب .. ومنحت الملعب لجيرانهم السودانيين (مجاناً) لإقامة الدورة الرمضانية طوال الشهر الكريم حرصاً من الإيرانيين على علاقات الود مع الشعب السوداني .. وللتعبير عن حبهم للسودانيين ...
في أول يوم من أيام الدورة .. تحركت قوافل الجمهور السوداني الأبي والفرق المشاركة من النادي السوداني إلى النادي الإيراني .. وقد رحب بهم أفراد الأمن بالنادي الإيراني عند مقدمهم... وظلوا يتابعون جمهور المشجعين وهم يتحركون في المدرجات بمنتهى الفوضى والسبهللية والعشوائية ... والجميع يحملون المشروبات الغازية .. والتسالي .. والمأكولات الخفيفة .. وزجاجات المياه .. وبالطبع (السعوط) والسجاير ... وعندما إنتهت الأمسية ... لكم أن تتخيلوا منظر المدرجات بعد مغادرة الجمهور السوداني للملعب ...
و(في نفس الأمسية) ... بعثت إدارة النادي الإيراني رسالة لإدارة النادي السوداني .. تخطره فيها بأن إدارة النادي الإيراني قررت تأجير الملعب لهم بمبلغ ألف أو ألفين درهم يوميا ... والمعنى واضح ... !! ً
| |
|
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: احمد العربي)
|
Quote: الاخ عصام كل سنه و انت طيب يا اخي
انا ما بتفق معاك في الحته دي
يعني النادي دا بأجر صالتو دي كدا من غير اي شروط و التزامات ؟؟
امشي النوادي الجنبكم دي كلها و قول ليهم عاوز الصالة .. ياخي حا يسألوك زي التقول طلبت منهم بنتهم.
لي شنو ؟؟ كم نفر ؟؟ المتطلبات شنو ؟؟؟ و حا يشترطو عليك عدد معين و رص كراسي بي طريقة معينه ... الخ
لانهم خايفين علي الصالة بتاعتهم و ما عايزين يستهلكوها في الفارغة
بعدين الناس حا يقولو النادي السوادني مافي زول حا يجي يلوم المنظمين
النادي بيلعب بي اسمو و اسم السودانيين كللهم... دي شروط اساسية لنجاح اي حفلة ياخي |
ناصر ليه الف حق .
| |
|
|
|
|
|
|
|
|
 Re: حفل العيد فى النادي السودانى بدبي رائع ..... ولكن (صور للمعاناة) (Re: خالد درق)
|
خالد درق -- كويس قدرنا نمرقك
في انتظار بقية ردودك
| Quote: تعالوا النادى واطرحواافكاركم |
اول فكرة يجب تطبيقها وستحقق عائد جيد للنادى يمكن اكتر من دخل الحفلات
هى منطقة الالعاب في الصالة المرطبة ديك D: لها العديد من الفوائد
اولا عائد مالي جيد
2-حماية للاطفال من اللعب في المناطق الخطرة
3- تواصل الاطفال مع بعضهم البعض
4- عدم تعرض بعضهم لبعض القسوة من شقاوتهم
5- عنصر جذب للاسر
5- تنشيط الكافتيرا ( وما ناسينها)
6- عضوية جديدة للنادي
ولا كيف؟
| |
|
|
|
|
|
|
|
|
 Re: حفل العيد فى النادي السودانى بدبي رائع ..... ولكن (صور للمعاناة) (Re: عمر عبد الخالق سعيد)
|
Quote: خالد كسلا
سلام
Quote: ... والمعنى واضح ... !!
العيب فى الشعب السوداني ....... اختلف معك تماما |
أخي عمر ... لم أفهم شئ من ردك .. إبتداءاً من الاسم .. وحتى نهاية الرد ...
الرجاء توضيح نقطة الإختلاف معي تماماً ...
مداخلتي كانت أصلاً لإعطاء مثال آخر ... وتأكيد ما ذهب إليه الأخ قلقو في مداخلته التي قمت بإقتباسها ... وهو أن العيب فينا نحن الشعب السوداني ... وفي تربيتنا وتعاملنا غير الحضاري ... والفوضى ... والسبهللية ... والإستهتار ... وعدم القدرة على التنظيم ... وهذا ما حدث في الحفل موضوع البوست ...
إذا كنت تختلف معي بشأن جملة "أن العيب فينا نحن الشعب السوداني" .. فأنا بدوري أوجِّه لك مجموعة من الأسئلة البسيطة جداً حول هذه النقطة .. وقم أنت بالإجابة عليها ... (أرجو أن تكون الإجابة بناءاً على ما يحدث في السودان وليس في أيِّ مكانٍ آخر) .... وهو مكان تربيتنا وثقافتنا التي نباهي بها الأمم ...
- هل نحن نحب الإنتظام في صفوف منتظمة كما تفعل بقية الشعوب في كل مكان يتطلب القيام بذلك؟
مثل المصارف ... أو عند الإعلان لركاب الطائرات بالتوجه نحو بوابة المغادرة ... أو في جهاز شؤون العاملين بالخارج ...الخ ... وفي كل موقفٍ مماثل؟ (أكيد قاعد تمشي البنوك في السودان .. وبتسافر من مطار الخرطوم .. وبتمشي جهاز المغتربين) ... يلا جاوب .. لنفسك .. بنفسك ...
- هل نهتم بتجميع النفايات والأوساخ عند خروجنا في الرحلات الجماعية بعد إنتهاء الرحلة وتنظيف المكان؟ (أكيد قاعد تمشي رحلات) ...
- هل نهتم بوضع الأوساخ في الأماكن المخصصة لها في الشوارع والطرقات وفي الأزقة والحارات ... أم أننا نقوم بطرح كل شئ في أيِّ مكان في الشارع العام ؟ (ولك أن تأخذ السوق العربي في قلب العاصمة كمثال) .. ولكن هذا هو الحال في كل السودان ...
- هل قمت بإلقاء نظرة على مكان لتجمع عدد كبيرٍ من الجمهور بعد تفرقه ... أيِّ حفل ساهر في نادي أو في مسرح أو في صالة مغلقة ... أو في ملعب لكرة قدم أو أيِّ رياضةٍ أخرى ...
(والأدهى والأمر ... تجد أن منظموا الحفل، أو الحدث الرياضي .. قد جهزوا موضعاً لطرح الأوساخ في مكان الحفل أو في الملعب) ...
ما تزعل من كلامي يا عمر ... لكن نحن شعب دي تربيتنا ... نضيق بالنظام وبالصفوف .. ونحب الفوضى ... وتجنباً للتعميم أضيف (إلاَّ من رحم ربي ... وهم قِلة قليلة من الشعب) ...
لا داعي لدفن الرؤوس في الرمال .. وإدعاء التحضُّر والتمدًّن الزائف ... نحنا كده ..!!
وحات عينيك ما تزعل .. وفكر في كلامي ده ... وحتلقانا ما مختلفين ... أبداً ...
لك الشكر ...
| |
|
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: عبد الله كسلا)
|
خالد درق / عبدالله كسلا = خالد كسلا .......... الزول دا حساباتو صاح يا عبدالله !!
| Quote: مداخلتي كانت أصلاً لإعطاء مثال آخر ... وتأكيد ما ذهب إليه الأخ قلقو في مداخلته التي قمت بإقتباسها ... وهو أن العيب فينا نحن الشعب السوداني ... وفي تربيتنا وتعاملنا غير الحضاري ... والفوضى ... والسبهللية ... والإستهتار ... وعدم القدرة على التنظيم ... وهذا ما حدث في الحفل موضوع البوست |
دا كلام سليم جدا و انا بتفق معاك تمام يا عبدالله، و ممكن الحاجات دي نحن بنحسبها حسابات تانية ما قدر المفردات المذكوره. يعني نظام بنحاول نبسط الامور و ما نتفلهم كتير و كدا، عشان كدا بنفوت علي نفسنا التفكير الواعي المتزن في (تفاصيل الاشياء).
ياخي ادخل اي مطعم سوداني في الامارات هنا، و قارنو بي المطاعم البتمثل بلدها (لبنانية، مصريه، يمنية، باكستانية، هندية، صينية، تايلندية، يابانية) ... ما في مقارنة !!!! ممكن تلاقي الكرسي مكسور و الستارة مفكوكه و اللا حوض الغسيل ######ان و نوعية الصابون رديئة و الجرسون لابس سفنجة و المطبخ بي جوه مضلم و ضيق.
نحن كشعب سوداني (السواد الاعظم) ما بنعرف نعمل ال finishing لي كتير من امورنا، و نتخليها كدا ... ماشه بالبركه و في النهاية لمن نصل لي طريق مسدود .. عندنا التبريرات جاهزه والامثال المتهوره دي حقتنا برانا (كان غلبك سدها و سع قدها)
نظام: لييس .. لييس .. بطلع كوييس
| |
|
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: عبد الله كسلا)
|
Quote: - هل نحن نحب الإنتظام في صفوف منتظمة كما تفعل بقية الشعوب في كل مكان يتطلب القيام بذلك؟
مثل المصارف ... أو عند الإعلان لركاب الطائرات بالتوجه نحو بوابة المغادرة ... أو في جهاز شؤون العاملين بالخارج ...الخ ... وفي كل موقفٍ مماثل؟ (أكيد قاعد تمشي البنوك في السودان .. وبتسافر من مطار الخرطوم .. وبتمشي جهاز المغتربين) ... يلا جاوب .. لنفسك .. بنفسك ...
- هل نهتم بتجميع النفايات والأوساخ عند خروجنا في الرحلات الجماعية بعد إنتهاء الرحلة وتنظيف المكان؟ (أكيد قاعد تمشي رحلات) ...
- هل نهتم بوضع الأوساخ في الأماكن المخصصة لها في الشوارع والطرقات وفي الأزقة والحارات ... أم أننا نقوم بطرح كل شئ في أيِّ مكان في الشارع العام ؟ (ولك أن تأخذ السوق العربي في قلب العاصمة كمثال) .. ولكن هذا هو الحال في كل السودان ...
- هل قمت بإلقاء نظرة على مكان لتجمع عدد كبيرٍ من الجمهور بعد تفرقه ... أيِّ حفل ساهر في نادي أو في مسرح أو في صالة مغلقة ... أو في ملعب لكرة قدم أو أيِّ رياضةٍ أخرى ...
(والأدهى والأمر ... تجد أن منظموا الحفل، أو الحدث الرياضي .. قد جهزوا موضعاً لطرح الأوساخ في مكان الحفل أو في الملعب) ...
ما تزعل من كلامي يا عمر ... لكن نحن شعب دي تربيتنا ... نضيق بالنظام وبالصفوف .. ونحب الفوضى ... وتجنباً للتعميم أضيف (إلاَّ من رحم ربي ... وهم قِلة قليلة من الشعب) ...
لا داعي لدفن الرؤوس في الرمال .. وإدعاء التحضُّر والتمدًّن الزائف ... نحنا كده ..!!
وحات عينيك ما تزعل .. وفكر في كلامي ده ... وحتلقانا ما مختلفين ... أبداً ... |
الأح عبدالله كسلا..
الأجابة بالنفى على كل اسئلتك . ونحن عندما نعترف بالقصور ونعترف بتخلفنا دى بتكون ضربة البداية الصحيحة لمعالجة اخطائنا .
| |
|
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: قلقو)
|
الحبيب قلقو ...
شكراً على تأكيدك لتأكيدي على كلامك ... ههههههه (علمونا الوشوش الضاحكة يا عالم) ..
وبهناك لقيت بوست تاني عن سلوكياتنا في السفر ... وداخل الطائرات ... وفي المطارات ..
ما حبيت أدخل ... لقيت ما عندي حاجة ممكن أضيفها ...
يا هو نفس كلامنا في البوست ده بضبانتو ...
بس داك في حالة السفر ... وكتيير المفروض يتقال عن السفر ... وعن مواقف كتيرة ...
بس نحنا بنفتقر إلى الإعتراف بالخطأ والعيب ... ونكابر .. ونغالط ...
ونستمرئ .. ونواصل دفن الرؤوس في الرمال ...
| |
|
|
|
|
|
|
|
|
 Re: حفل العيد فى النادي السودانى بدبي رائع ..... ولكن (صور للمعاناة) (Re: عبد الله كسلا)
|
اخي عبد الله كسلا
اعتذر بشدة شبهتك بالنحات البارع خالد كسلا عشان اسمو هنا عبدالله (غلطة عمنا بكري )
ارجوك تقبل اعتذاري والتحية للفنان خالد كسلا
نقتبس
| Quote: اليوم نحن نمارس مع سبق الإصرار الاضطهاد ذاته لصورة «العربي»، فالإماراتي والمصري والسوداني والمغربي صاروا محل «تنكيت» وتحقير، وألصقت بهم صفات سيئة وشريرة ومثيرة للسخرية لمجرد أن كاتباً ########اً أراد ذلك وأجبر الجميع على القبول به، فأصبح العربي اليوم صورة مشوّهة في العمل الفني ونمعن في تشويهه بإرادتنا وبدعم من مؤسساتنا الإعلامية الرسمية والخاصة وبرعاية من دوائرنا الحكومية وشركاتنا الوطنية! |
من مقال اعجبني للاستاذ
حمدان الشاعر الكاتب في الامارات اليوم
بعنوان
http://www.emaratalyoum.com/opinion/2010-09-07-1.288310
يعني المشكلة ليست فينا بالتحديد المشكلة في اعلامنا وتصديق مانروجه لأنفسنا
فالسوداني ليس كسول كما يقولون وهلمجرا
مرة تانية تقبول هفوتي الصغيرة
| |
|
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: خالد درق)
|
الاخ / عمر عبد الخالق .. تحياتى
Quote: 6- عضوية جديدة للنادي
|
هذا جميل لكى نعمل مع بعض ليكون نادى رائع وبه منفس لرواح من عناء الشغل فى الغربة وان يجتمع ابناء الجالية فى مكان واحد ويتبدل الافكار لتصحيح مسار النادى بدل الجلوس خارج اسوار النادى والتعليق على كل كبيرة وصغيرة واظهار الغلط واخفاء الصح نحن فى النهاية سودانين ومن جالية واحدة نقف مع بعض ونشاور بعض وهذا لايحصل لا نجتمع مع بعض فى هذا النادى ونعالج مانراها غلط ولاما صح اخى عمر
مودتى ..
ونواصل ...
| |
|
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: نعمات حمود)
|
الاخت الفاضلة نعمات حمود
شكرا للتوضيح
والتحية لصديق متولي
نتمنى عاجل الشفاء لأبننا
سجلنا صوت لوم للنادي السوداني بخصوص الصالة ومقارنتها بصالة الحريق 
والفرق كبير وكذلك معظم الخدمات زي الكافتيريا وتخصيص اماكن للاطفال وهي مطالب
اساسية لجعل النادي وجهة مفضلة للعائلات والجميع متفق معنا وهو صوت لمجلس الادارة
الجديد بقيادة عيسى آدم نتمنى أن يسمع صوتنا هنا وهناك .
صوت اللوم الثاني للتنظيم
لوكان التظيم بشكل افضل (توفر اماكن في الخلف للكرسي- او وضع كراسي في منطقة الرقص .... ) لخرج الجميع راض عن الحفل
وتكدس الجمهور على الخشبة امر غير مقبول وتسبب في بعض الهرج
في اعلان الحفل لا يوجد ذكر لحفل خيرى أو جهة منظمة
فقط من خلال مداخلات الاخوة الزملاء عرفنا الجهة المنظمة وكذلك من خلا اضاءتك دي
عرفنا الغرض ونتمنى مرة اخري عاجل الشفاء لأبننا
شكرا لك .
____________
صور الحفل عند كما وبرسلها لينا بالقطارة
| |
|
|
|
|
|
|
|
|
|
Re: حفل العيد فى النادي السودانى بدبي رائع ..... ولكن (صور للمعاناة) (Re: عمر عبد الخالق سعيد)
|
الاخ عمر ..فائق الاحترام ...
النقد هو دليل عافيه وقد ذكرت مرة حكاية الكراسي ال########ه الامامية بالصالة وتمنيت ان تؤجر بعض الكراسي في اطار الحفلات وبالفعل رغم الحملات التي شنت علي والعداوات التي لا اهتم بها ولكن تم تغير الكراسي
والان بعد هذا البوست تم نقاش بصدد الصاله ونحن نراغب من بعيد ونتمنى ان ينصلح الحال
واحلامنا وامنياتنا بسيطة
صاله جميله وفسيحة ومريحة تسعنا واسرنا عندما يسمح زماننا الغابر ببعض اللحظات الجميله
ولا رغبة لنا في تسلق سلطة او ادارة منشأ....
مش متواضعين عليك الله
المهم ياسيدي في احتفال جميييل بعد اسبوع وانت والاسرة والكاميرا والابن الصغير ضيوف شرف
تعرف المشكله وين (اي نشاط يتعمل ما عندنا حل غير الانديه )الا يكون بسيط وخاص
لذلك نتمنى ان نجد فسحة امل ...قدر كرعينا
ولك احترامي
محبتي
| |
|
|
|
|
|
|
| |
عمر عبد الخالق سعيد
ALGARADABI
ناصر احمد الامين
فاروق أبوحوه
قلقو
abas
عصام ابوعكر
احمد العربي
عبد الله كسلا
عبد الخالق عابد
نعمات حمود
جمال السنوسي
فيس بوك
تويتر
انستقرام
يوتيوب
بنتيريست