|
|
|
 Re: معتز القريش أو السديح 2 (Re: بدر الدين الأمير)
|
Quote: هذا فاقد انسانى ووسيلة تعبير حقيرة وحيوانية
وكل إناء ..... |
الليله وووووووووووووووووووووب !! (عذرا أميره الشيخ) .
والله ياود القريش بدر الدين مسح بيك الواطه !
1/ ما إنسان
2/ حقير
3/ حيوان
4/ إناءك بينضح
غايتو أنا لو محلك بتطبع البوست ده وجرى على لاهاى
وأسلمو لأوكامبو من يدى ليدو ,, عشان يضيفو مع باقى
الملفات .
تنهدات :
غايتو ياود القريش مديدتى الحاره دى كان طنشت منها
يبقى كلام بدر الدين ده كلو صاح .
| |
 
|
|
|
|
|
|
|
|
Re: معتز القريش أو السديح 2 (Re: كمال سالم)
|
Quote: والله ياود القريش بدر الدين مسح بيك الواطه !
1/ ما إنسان
2/ حقير
3/ حيوان
4/ إناءك بينضح |
يا كمال ما تظلم الراجل
هو ما قال أنا 
هو بتكلم عن البوست بتاعي
مديدتك دي أشربا براك
بدر الدين دا صاحبي
والصاحب في اللغة يعبر عنه بالقرين أيضا
والقرين أبلغ من الصديق في وصف قوة العلاقة
وما ممكن الزول يشتم روحو براهو
لأن الشاعر قد قال
واختر قرينك واصطفيه تفاخرا *** إن القرين إلى المقارن ينسب
ودع الكذوب فلا يكن لك صاحبا *** إن الكذوب يشين حرا يصحب
وزن الكلام إذا نطقت ولاتكن *** ثرثارة في كل ناد تخطب
وارع الأمانة والخيانة فاجتنب *** واعدل ولا تظلم يطب لك مكسب
واحذر مصاحبة اللئيم فإنه *** يعدي كما يعدي الصحيح الأجرب
واحذر من المظلوم سهما صائبا *** واعلم بأن دعاءه لا يحجب
| |
|
|
|
|
|
|
|
|
|
Re: معتز القريش أو السديح 2 (Re: mutwakil toum)
|
انت زعات يا دكتور
ليتك يا كاتب هذا البوست
(سكان الجزيرة آن أوان حمل السلاح والمؤتمر الوطنى يحاصرنا كما تحاصر غزة)
ليتك تحدد لنا موعد عودتك الى أهلك في الجزيرة لتحمل معهم السلاح
حاول تسرع عشان المصريين قرررربوا يصلوا
تنهدات :
لو ما عندك طريقة تمشي ممكن ترسل ليهم كيبورد سنييين كدا
وأهو برضو الجود بالموجود ولا يكلف الله نفسا إلا وسعها
وبرضو لا يكلف الله نفسا إلا ما آتاها
والقحة ولا صمة الخشم
| |
|
|
|
|
|
|
|
|
|
Re: معتز القريش أو السديح 2 (Re: معتز القريش)
|
غايتو حسب ظنى بدر الدين ده يكون كاتب الكلام ده من بيت معتز وبعد الفطور كمان ، و الله و ياود الامير الكبر شين ، اها بقى ليك كم من دخول ال60 ، عيدكم مباركم ال 2. الله يعينك يا معتز على الصديق الاشتر ، غايتو ما بقدر اقول اكثر من كده لانو توسط لى عندى بكرى لدخولى هنا ويومها كتب بوسته الاشتر ، هجو الكوز صديقى من 20 سنه !!!!!!!!!!!
| |
|
|
|
|
|
|
|
|
|
Re: معتز القريش أو السديح 2 (Re: هجو الأقرع)
|
Quote: غايتو أنا لو محلك بتطبع البوست ده وجرى على لاهاى
وأسلمو لأوكامبو من يدى ليدو ,, عشان يضيفو مع باقى
الملفات .
|
كمال سالم يعنى انت ماشيف مقروش طارى مشبهنا بالفيران
| |
|
|
|
|
|
|
|
|
 Re: معتز القريش أو السديح 2 (Re: بدر الدين الأمير)
|
يا ود الأمير كل سنة وانت طيِّب،
ياخ "السيدّح 2" تستاهل وسام العيد!
عليك الله رشو رشاً حتى يقول: يا بدر قيلني!
___
يا قريش - كل سنة وانت طيِّب- عملت لي شنو في أمر "أب تِكة"؟ أعاد الله عليه -أب تِكة- العيد بالقبح والنقيصة!
| |
|
|
|
|
|
|
|
|
|
Re: معتز القريش أو السديح 2 (Re: Yassir Tayfour)
|
| Quote: يعني راجي منو شنو؟ يقول المتعافي غلطان؟ ما يِقدر |
يامتوكل
ماقلناليهو تعال اقيف مع اصحاب الحق او راعى حق العُشرة لاهل الجزيرة
حيث والده امدالله في عمره ومتعة بالصحة والعافية عمل معلما بالجزيرة
وشقيقه الوزير ولد بقرية نايل بالجزيرة واليختلف معنا بس مايوصفنا
بالفيران عشان خاطر المتعافى باموال الفقراء
| |
|
|
|
|
|
|
|
|
|
Re: معتز القريش أو السديح 2 (Re: بدر الدين الأمير)
|
| Quote: غايتو حسب ظنى بدر الدين ده يكون كاتب الكلام ده من بيت معتز وبعد الفطور كمان ، و الله و ياود الامير الكبر شين ، اها بقى ليك كم من دخول ال60 ، عيدكم مباركم ال 2. الله يعينك يا معتز على الصديق الاشتر ، غايتو ما بقدر اقول اكثر من كده لانو توسط لى عندى بكرى لدخولى هنا ويومها كتب بوسته الاشتر ، هجو الكوز صديقى من 20 سنه !!!!!!!!!!! |
هجو الاقرع
تبا لك انت وقريبك مقروش الطارى والكوز ولا المتكوزن
بس عشمنا في محمد ومحمد
| |
|
|
|
|
|
|
|
|
|
Re: معتز القريش أو السديح 2 (Re: بدر الدين الأمير)
|
Quote: عليك الله رشو رشاً حتى يقول: يا بدر قيلني!
|
ياسر ياصاحب
الضرب على الميت حرام
والحديث الشريف بقول ( لكم في كل كبد رطب اجر)
تنهدات: والموجعنى اكتر ان مقروش الطارى مناسبنا
ومتزوج من احد بنات عاصمتنا مدنى وانا صديقه على
الحلو والمر منذ عشرين سنة لكن عند محنتنا مع
الغارمين الجدد اهل الغيهب وجدته لابراعى الصداقة
ولا النسب ولايتورع في وصفنا بالفيران لذا كم انا
متأمل لمقولة سيدنا على وخوفه من الاصدقاء قبل الاعداء
| |
|
|
|
|
|
|
|
|
|
Re: معتز القريش أو السديح 2 (Re: بدر الدين الأمير)
|
| Quote: يا كمال ما تظلم الراجل |
علي الله ، كان أخير يطنش مديدتك الحارة دي ، من يقول ليك كده..
الزول ده ماااا بتقدرو عليه يا جماعة!!
هسي بي ردو ده ، ضربك إنت والبدر بفرد حجر، وجوز ما يخسر..
عفيت منك يا ودالقريش.
| |
|
|
|
|
|
|
|
|
|
Re: معتز القريش أو السديح 2 (Re: Salah Abdulla)
|
| Quote: غايتو حسب ظنى بدر الدين ده يكون كاتب الكلام ده من بيت معتز وبعد الفطور كمان |
واحد منهم فاطر مع التاني .... دي مفروغ منها ..... وما مشكلتنا .... ناس أصحاب وأخوان.
المشكلة إنو يكون واحد منهم بس هو البيكتب. يدخل في حساب بدرالدين ويفتح البوست. بعدين يطلع ويدخل في حساب ود القريش ويكتب الرد ........ وهكذا دواليك.
ونحن نجي فايرين ....... نناصر هذا ونردم ذاك.
أرحمونا.
| |
|
|
|
|
|
|
|
|
|
Re: معتز القريش أو السديح 2 (Re: محمد أبوالعزائم أبوالريش)
|
بدر ياخي النبي فيك كان تكتب مباشرة على البورد ..
هسه السديح ده منو ؟؟ ..
بيكون السيدح .. صاح ؟؟
سديح في عينك ..
فتلتا لينا خشمنا بالكعوجة دي .. الله يفتل خشم شنو أقول عليك .
و بعدين إنت و ود القريش زي ما قال عمك فيصل دستة الحبشي لمن دقوهو طارق فرعون و أبوه : ( إتنينكم خاين ) .
.............
بتعرف نجقلة نجقلتين ؟؟ جملنا بقى جملين ..
الله يكتلكم .
| |
|
|
|
|
|
|
|
|
|
Re: معتز القريش أو السديح 2 (Re: cantona_1)
|
نداء هام لكل المتسكِّعين بالداخل والخارج
تود اللجنة العليا للمتسكِّعين وأصدقائهم من الغرّابة لقاطين القطن أن تقوم بتعيين أمراء المتسكِّعين في مناطق الجزيرة المختلفة للعمل والتنسيق مع أمير أمراء المتسكِّعين: الأمير متسكِّع: بدر الدين الأمير. وعليه نرجو تقديم الطلبات لنا مباشرة – بصفتنا المنظِّم العام لشؤون المتسكِّعين والغرّابة- وعليها الدمغة التسكُّعية اللازمة مع توصية من 2 متسكِّع يشار إليهما بالبنان. من لا يأنس في نفسه الكفاءة التسكُّعية اللازمة نرجوه عدم إضاعتنا وقتنا الذي نستغلّه في التسكُّع شغلة بلا شغلة. آل متسكِّع آل.. تحياتي.
كبـــّـاشي الصـــّافي
| |
|
|
|
|
|
|
|
|
|
Re: معتز القريش أو السديح 2 (Re: بدر الدين الأمير)
|
وصلتنا برقيتان عبر الماسنجر إحداهما من متسكِّع كبير مشهود له بالكفاءة التسكُّعية المُطلقة Absolute مش Divorcee . والثانية من متسكِّعة – لا نجزم بذلك ولكن نقول أنها تدعي التسكُّع- بأنها تريد ضمّها لللجنة العليا للتسكُّع. وعليه سنكوِّن لجنة للمتسكِّعات اللائي كّنّ وما زِلن وما أنفككن يقمن بواجبهن التسكُّعي تجاه المتسكِّعين من بوعلتهن أو آبائهن أو آباء بعولتهن أو إخوانهن أو أبناء إخوانهم أو أبناء إخواتهن أو أبناء بعولتهن. فعلى من تأنس في نفسها الكفاءة من المتسكِّعات الأصليات – مش التايوان- تقديم الطلب والذي ينبغي أن يشمل توصية من 2 متسكِّع لم يسبق له أن زكّى متسكِّع من قبل. تحياتي وكل عام والمتسكِّعات بخير عافية.
كبـــّـاشي الصـــّافي
| |
|
|
|
|
|
|
| |
بدر الدين الأمير
كمال سالم
معتز القريش
الشفيع وراق عبد الرحمن
هجو الأقرع
Yassir Tayfour
محمد أبوالعزائم أبوالريش
Emad Abdulla
cantona_1
فيس بوك
تويتر
انستقرام
يوتيوب
بنتيريست