|
حفل خيري بالنادي السوداني – Hayward, CA لدعم السودانيين بالمعسكرات والتكايا
|
|
 Re: طارق الأمين يصُبُّ الزّيت في النّار على طريقة (المديدة الحارّة) (Re: علاء الدين يوسف علي محمد)
|
Quote: نعشق ناس بلدنا من غير الضغينه
من بيبور وطوكر ودنقلا والجنينه
شيل بوستيك وكسح واوعك ماتجينا
يتبع |
قصيده مستمره في محمد فرح وعلاء الدين يوسف
تعْرِف يا طارق أنا يمكن أكون أقلّ البورداب الخُرْطُومِيين دخولاً (لبيتك) بيت الفنون
و ثِق إنّني لن أنْفصل يوماً عنهم
لن يُفرِّقنا مكان أو زمان
نخْتلِف لنتّفق و نتّفق لنخْتلِف من جديد
أيِّ فعالِيّة (عامّة) خاصة ببورداب الخُرْطوم يختارون لها بيت الفنون مكاناً
ستجدني في مُقدِّمتهم
يوم تعمل الفعالِيّة و تقول خاصّة بطارق الأمين وحده حينها فقط لن تجد لي أثراً بينهم
بالنِّسْبة للقصيد و القطِع الأخدر ما صعب
أدِّيك مِثال صغير:
جانا الليلة مِتْحمِّش
دقّاق باب الفِتنْ طارق
يطرِّق في سلاحو علينا
بدور لي سرْبنا نفارق
جاي تشعْلِل الفِتْنة
من نار كيرك الحارِق
يمين تلقاها عِنْ غافل
ما بِدْبَلْ زَرْعنا الوارِق
دحين خلِّيك في فنّك
و سيب الخلق للخالِق
عشان نقدر معاك نفْرِز
ما بين فنّان و مُتْشالِق
................إلخ
دي في أقلّ من دقيقة
لو عايزني أجي أعملا ليك مُعلّقة حبابك
و حباب رمي الفسالة
| |
 
|
|
|
|
|
|
|
|
Re: طارق الأمين يصُبُّ الزّيت في النّار على طريقة (المديدة الحارّة) (Re: أبو عبيدة البصاص)
|
Quote:
طارق الأمين يصُبُّ الزّيت في النّار على طريقة (المديدة الحارّة)
|
دا بالضبط الخلاني أتداخل معاهو في البوست بتاعو
ورغم أنني تحدثت معه بكل حسن نية وحب لكنه للأسف قابل ذلك بتهكم واضح
وكأنه يحمل في قلبه ضغينة من ناحيتي رغم أنني لم إصطدم معه في أية مناسبة
سابقة ، بل إنني تحدثت عنه حديثا طيبا في عدد من الجرايد والمنابر ، وما زلت
أري انه يحمل مواصفات المبدع ، مالم تسيطر عليه نزعة الإستعداء التى لاحظت
أنه جنح اليها في الفترة الأخيرة ..
أرجو والله أن يعود طارق الأمين الذي نعرفه .
| |
|
|
|
|
|
|
|
|
|
Re: طارق الأمين يصُبُّ الزّيت في النّار على طريقة (المديدة الحارّة) (Re: الشفيع وراق عبد الرحمن)
|
كل عام والجميع بخير
طلحه غبد الله يعود عليك بالسلامه
علاء الدين نحن كالنحل
تتلطف تجد منه العسل
نهابشو يلسعك تماما كما تؤمن انت وتقول
طلعتنا بنسترزق من ستات الشاي يارجل
تفتكر اسكت عشان انت ود الحكومه؟
ولي الفكره شنو؟
تلزم حدودك بنلزم حدودنا
تتشالق بنتشالق
وما اكره الا المشاكل
عجاج شنو ؟ وصالحين؟
طريق صحيفة الدار وساره منصور متاح لمن يريد السير فيه
لكن أسال عن حصادهم في الامر
وهوانهم جريا وراء الاعتذار المرفوض حتي الان
الم تقرأ بوستات احمد موسي ووليد الشفت في الموضوع
ومقولة الضرب علي الميت حرام؟
يمكننا الاستمرار في هذا الجانب ان رغبت
فلعل كثيرون مثلك لم يتابعو النهايات
وربما يفيدني اعاده طرحه هنا
اسأل هيثم كابو لو صاحبك لمزيد من معلوماتك
وتابع جرايد الفارغات لو حبيت مزيدا من الشمارات
ارجو الا تترك هذا الموضوع ان كان لايصيبك القرف
فانا اقبل الظلم فيه علي مضض لقرفي منه
ولطلب الكثيرين ان نترك الاموات لربهم
اللهم اغفر له وارحمه وارحم صلاح ادريس وكابو وامثاله
لم يعد الامر محل اهتمامي الان وقد استجيب ان رغبت انت في ذلك
تركت الامر لان السيره مقذذه كما تعرف
والاطراف بينهم رجل في ذمه الله
فلاتتوهم بان اعاده اثارة الامر هنا والان يخيفني
بل يفيدني رغم الحرج والحياء تأدبا
لاتنظر الي اعمالنا الانسانيه بعين السياسي الخبيث
فالمرات القليله التي التقيتك فيها لم تكن تبدو كذلك
وقد ذكرت لك ذلك
السياسه كان دايرنها بنشتغلا عديل لكنها مقرفه
اخترنا بدلا عنها الفنون واعمال الخير
جيب قدحك زيد خير المجتمع بدل الصواته
ماعندي صالح افتنك مع زول ولاوكت
رسالتي واضحه لست ممن يخافون الالسنه
حتي ان كانت السنه السلطه والمتنفذين
واسأل تجدني
لا اخاف في الرأي لومة كاتب
مناقرتك ليست جزءا من برنامجي
نعم استهدفتك لتري سهوله طريقتك في التتبع
والتشكيك في البشر والتخذيل
شعرك بالمناسبه بيض ماتحاول تشترك مع الشعراء
الظلم حار لمن تعمل عمل لوجه الله ( اسأل وهبه وانعام)
اوعك ماتجينا الفي القصيده ليس مقصود بها بيت الفنون
قصدنا ما تعاود الكره
والا سأكون كمن نهي عن فعل واتي بمثله
بيت الفنون مفتوح امام الجميع وانت منهم بالطبع
وستكون عندنا محل ترحاب وحفاوه كما كنت
نعم هجومي كان حار والبوست لايشبهني لكني قصدت ذلك
فوضع السيف في موضع الندا مضر كوضع الندي في موضع السيف
سنوات طويله اكتب هنا
والقاك باحترام داخل وخارج المنبر مثلك مثل البقيه
حافظ علي احترامي كما افعل معك منعا للانزلاق هذا
كل عام وانت والاسره بخير
ولو مصر تعال بعد العيد
تحياتي للجميع
| |
|
|
|
|
|
|
|
|
|
Re: طارق الأمين يصُبُّ الزّيت في النّار على طريقة (المديدة الحارّة) (Re: طارق الأمين)
|
طارق
Quote: طلعتنا بنسترزق من ستات الشاي يارجل
تفتكر اسكت عشان انت ود الحكومه؟ |
جيب لي كوت من كلامي بطلِّعك بتسْترْزق من سِتّات الشّاي ولاّ من سلاّقين البيض
شان ما يبقى كلام و السّلام
Quote: تفتكر اسكت عشان انت ود الحكومه؟
ولي الفكره شنو؟ |
حلوة دي و ملعوبة
يعني أنا ود الحكومة و إنت المُعارِض طارق الأمين و كدا!؟
كدي ورِّيني بزّازة الحكومة الأنا برْضع مِنّها دي شان أبقى إبْنها بالتّبني أو غيرو
ياخ بقيت تقول كلام فارغ كتير ما بِشْبه ليهو زول طارح نفسو كفنّان
Quote: تلزم حدودك بنلزم حدودنا
تتشالق بنتشالق |
دة ياهو كلامي القلتو ليك
بس جيت تعيدو
و دة نفس الحيحصل معاك لو حاولت تتعدّى حدودك معاي
Quote:
طريق صحيفة الدار وساره منصور متاح لمن يريد السير فيه
|
إنت بتقْصُد طريقتك الجيت فاتح ليك بيها بوستيييييييييين بي إسمي
مُشْ؟
بالمناسبة انا معاك و مع غيرك ممكن أصل لأي درك سحيق و لا أُبالي
Quote: اسأل هيثم كابو لو صاحبك لمزيد من معلوماتك
وتابع جرايد الفارغات لو حبيت مزيدا من الشمارات
|
هيثم كابو دة إرتبط ذكره لدي بالمشاكل التي خُضّتها أنت
يعني هو لك أقرب
و جرايد الفارغة دي هي الجّابت أخبار مشاكلكم اللي كتب عنها كابو و غيره
لا أعرفها ولا تعرفني
و أمنع دخولها لمنزل أُسْرتي الصغيرة و الكبيرة
Quote: لم يعد الامر محل اهتمامي الان وقد استجيب ان رغبت انت في ذلك
تركت الامر لان السيره مقذذه كما تعرف
والاطراف بينهم رجل في ذمه الله
فلاتتوهم بان اعاده اثارة الامر هنا والان يخيفني
|
لا يا حبُّوب أنا بذكِّرك بس
إنُّو أسلوبك دة عادي ممكن إتّبْعو معاك
من باب (فكُلُك عورات و للنّاس ألْسُن)
أحياناً نُجْبر على طرق دروب ما خبرناها من قبل و نستحي حتّى مُرافقة من يرتادونها
لكن من باب مُجْبر أخاك لا بطل
ممكن ندخل أي مكان
تابع تأريخي بالمنبر شوف لو تلقى لي أيِّ مُداخلات في قيل أو قال
أو مشاكل بتاعت فارغة و مقدودة؟
دة ما طريقي و لا بشْبهني
Quote: لاتنظر الي اعمالنا الانسانيه بعين السياسي الخبيث
|
و لا تتعامل أنت معي بطريقة الفنّان المارِق للرِّبا و التّلاف
| Quote: حتي ان كانت السنه السلطه والمتنفذين |
يعني إن سمحت لنفسك أن تُشبِّهني بأنِّي لسان السُّلْطان فهل تقبل مني بأن أصفك بأنّك (ضنيب) مُعارضة!؟
| Quote: شعرك بالمناسبه بيض ماتحاول تشترك مع الشعراء |
لا تظُن أنّ ما تكتبه شعر يا طارق
هي منلوجات
جاريتك فيها
خرابيط لاقت خرابيط
Quote: نعم استهدفتك لتري سهوله طريقتك في التتبع
|
و البادي أظْلم
فأنا لم أسْتهْدفك
بل تحدّثت عن خطأ تمّ
و لي كل الحق في الحديث عنه
طالما أنّه طُرِح على صفحات هذا المِنْبر و لأعْضاءه و قُرّاءه
| Quote: قصدنا ما تعاود الكره |
لن يُسْكتني كائن من كان عن قول كلمة حق و دفاع عن باطل
ثق في ذلك تماماً
يعني بكرة لو شفت غلط بجيك بي نفس طريقتي
| Quote: والقاك باحترام داخل وخارج المنبر مثلك مثل البقيه |
غصْباً عنّك يا طارق
فلم ألقاك بغيره يوماً
و هل جزاء الإحْسان إلا الإحْسان!!!؟
| Quote: حافظ علي احترامي كما افعل معك منعا للانزلاق هذا |
هذا حديث مردود عليك فاعْمل به معي
حتّى لا تتقاطع خطوطنا
كُل عام و أنت بألف خير لك و لأسْرتك الصّغيرة و الكبيرة
| Quote: ولو مصر تعال بعد العيد |
مُصِر على شِنو؟
لو آرائي
فبالتّأكيد مُصِر عليها
ُ
| |
|
|
|
|
|
|
|
|
|
Re: طارق الأمين يصُبُّ الزّيت في النّار على طريقة (المديدة الحارّة) (Re: علاء الدين يوسف علي محمد)
|
والله والله والله البتعملوا فيه ده شين وما بيشبهكم!!!
يا جماعة والله ما شفنا منكم شينة قبل كده ، وصوركم عندنا زاهية وجميلة
أرجوكم أرجوكم خلونا نحتفظ ليكم بيها
إنتو الاتنين في مكان واحد ، ممكن تتقابلوا وتحسموا الموضوع ده بكباية شاي
والله الموضوع ده راس مالو مقابلة بس لا أكتر ولا أقل
جربّوا وكان ما اتحلت المشكلة دي ، بحلق شنبي ده (صلعتي كبيرة، شعر ما عندنا عشان نحلقو ليكم)..
علاء دوّر عربيتك ، واللا طارق دوّرها إنت واتقابلوا عند ست شاي واللا في بيت واحد فيكم..
كل سنة وإنتو طيبين ،والعيد ده عيد عفو فأعفوا وتسامحوا ..
الله يلعن الشيطان.
وأتمنى من كل زول عايز يتداخل هنا ، إنو يدخل بكلمة طيبة ، والماعندو بالله ما يجي يزيد المشكلة ويكّبرها .. رجاءاً
| |
|
|
|
|
|
|
|
|
|
Re: طارق الأمين يصُبُّ الزّيت في النّار على طريقة (المديدة الحارّة) (Re: طارق جبريل)
|
الاخ علاء الدين
كل عام وانت بألف خير
تعرفت عليك والتقيت بك من خلال هذا المنبر
وسعدت بذلك جدا ..
واعتقد اني اضفت الى قائمة معارفي بهذا المنبر شخص غير عادي ..كتله متحركة من النشاط الفعال وقصة من قصص نجاح الشباب في السودان وذلك في زمن الفشل(فشل الدولة التي تدافع انت عنها) ..
ولكن اختلافي معك في (بعض) القضايا وكذلك اتفاقي معك في قضايا اخرى يجعلني ناصرا لك ظالما ومظلوما
الاخ علاء الدين :
حسب وجهة نظري فأنك اخطأت في تناولك لقضية الشهيدة بهذا الشكل الذي قد يصب في خانة التشهير و(شيل الحال) فليس للشهيدة باسويرد يمكن ان تكف به اذاكم لها
لاحظ انا اعاتبك في اي جزئيه؟ ليس لي شأن في ان تكون ملاما من الاخ طارق او وهبه او نجلاء او انعام فهم قادرين على التحاور معك..
الاخ علاء:
الاستاذ طارق الامين مبدع حقيقي رضى من رضى وابىا من ابا واشهد له بحسن النيه من باب (تقديم حسن الظن)
اخي الفاضل علاء الدين واخي الفاضل طارق الامين
العنو ابليس والعفو لله ولرسوله
العفو يا اهل العفو
هسي الواحد كان جاكم في رقبه رايكم شنووو؟؟
بتعفو لله والا شنو؟؟
كل عام وانتم واسركم بألف خير
..
| |
|
|
|
|
|
|
|
|
|
Re: طارق الأمين يصُبُّ الزّيت في النّار على طريقة (المديدة الحارّة) (Re: حذيفه ابراهيم الكباشي)
|
الأخ و الصّديق العزيز
حُذيْفة الكبّاشي
كُل عام و أنت بخير يا حبيب
أعاد الله عليك العيد أنت و الأُسْرة بالخير و اليُمْن و البركات
شُكْراً يا حُذيفة لكلماتك الجّميلات في حقِّي و هي من طيب أصلك و كريم أخلاقك
و أنا بيك برضو كسبت صديق وفي و أخ عزيز
و دي فايدة منبر بكري الله يديهو العافية
قد أُناقشك في أمر تناولي للقصّة حينما نلتقي
حتى لا نُفْرِد مساحات قد يجدها بعض ضِعاف النُّفوس مرْتعاً خصباً لمحاولة تمرير أجندة تخُصّهم
و حتى نُغْلق الباب
إكراماً للعُقلاء الذين مرُّوا من هُنا
سنلتقي قريباً بإذن لله
و دمت أخاً و صديقاً يا حُذيْفة
| |
|
|
|
|
|
|
|
|
|
Re: طارق الأمين يصُبُّ الزّيت في النّار على طريقة (المديدة الحارّة) (Re: علاء الدين يوسف علي محمد)
|
سلامات لصاحب البوست وكل المتداخلين وعيدكم سعيد
عارفين ياعلاء وطارق ،بمناسبة معلقاتكم العصماء دي..كان معانا أخونا في الخدمه الألزاميه في بحر الغزال أخونا الدكتور يوسف زين العابدين الله يطراه بالخير ...يوسف كان عامل فيها شاعر رياضي..وكان المريخ عندو حارس مرمى اسمو الدش ..أها قام المريخ غلب الهلال وكنا في الميز متابعين الكوره..المهم أخونا يوسف دخل غرفته لبضع دقائق وجانا طالع بقصيده عن المريخ لا أتذكر منها غير انو بين كل بيت والثاني كان يقول (الدش لقط...الدش سقط ...الدش نطه..وشنو كده ماعارف !!!)..المهم واحد زميلنا قال ليهو لو تسمي ده شعر ،إذا أمهلني بضع سويعات لاكتب لك مجلدات من مثل هذا الشعر....
فأنتو يا جماعة الخير إذا كنتم تسمو هذا شعرا..إذا أمهلوني لبكره ...واشوف ممكن أعمل شنو...!!
تحياتي
| |
|
|
|
|
|
|
|
|
|
Re: طارق الأمين يصُبُّ الزّيت في النّار على طريقة (المديدة الحارّة) (Re: وليد محمد المبارك)
|
و ليه الرابط يا علاء
هاك المداخلة كاملة
لمهندس علاء
كل عام وانت بالف خير
انت مستفيد فائدة مباشرة و الفائدة التي اعنيها مادية و ليك المصلحة الشخصية
انو نظام القتلة المجرمين الفاسد يستمر في حكمو
يعنى انت شخصيا لو عملت مقارنة (بين و بينك نفسك)
بين حالتك و وضعك في البسيطة دي :
لو ما كانت انقاذ السجم و الرماد و القتل و المطاردة الدولية
و حالتك اليوم
في وجود انقاذ تمزيق نسيجنا الاجتماعي و الانقاذ التي فرطت في الارض
وضعك و حياتك افضل مع الانقاذ او بدون الانقاذ
بالله عليك ما تقول لي
ايه علاقة دي بدي
لانو في علاقة قوية
و لو ما عارف تبقي مصيبة و حاول تعرف
| |
|
|
|
|
|
|
| |
علاء الدين يوسف علي محمد
mayada kamal
talha alsayed
طلحة عبدالله
أبو عبيدة البصاص
الشفيع وراق عبد الرحمن
محمد على حسن
طارق جبريل
أشرف البنا
حذيفه ابراهيم الكباشي
Dr.Elsadig Abdalla
فيس بوك
تويتر
انستقرام
يوتيوب
بنتيريست