كتب الكاتب الفاتح جبرا المتوفرة بمعرض الدوحة
|
الكتابة في سودانيز اون لاين
|
_ ياخي انا لي كم يوم بحاول اكتب لي بوست في البورد دة لكن بغلبني عديل كدة ، بوردابي برلوم
_ عادي ياخي الموضوع ما صعب ، بس انت معيّر البوست بتاعك و ما بتجيك عوجة ، بوردابي سينير
_ أعمل شنو يعني ؟؟؟
_ يعني بس تبتعد عن البوستات الملغمة ، و ما تزعل سيد الحوش عشان ما يكب ليك بوستاتك في الخور ، ترد على المداخلات كلها واحد واحد ، ما تفط ، معلومة ما متأكد منها 200% ما تكتبا عشان حيبلّعوك و حتبلع ، و اتضامن اتضامن ياخ وخليك كائن متضامن . بس كدة ،، شفت ما صعب الموضوع ،، صعب؟؟؟
_؟؟؟؟؟؟؟؟؟؟
عندي احساس والله اعلم اني حاتفهم غلط
الله يستر...
|
|
|
|
|
|
|
|
Re: الكتابة في سودانيز اون لاين (Re: حبيب نورة)
|
مرحب سلمى "معيّر البوست" دي جديدة و "كائن متضامن" دي ما عندنا افتكر كتبها التلب في جريدة او حاجة كدا الباقي ياهو اضيفي عليه الوش الأخضر البلف بتاع ودالصايم و الكااااك وماتنسي "كل الود"
| |
|
|
|
|
|
|
Re: الكتابة في سودانيز اون لاين (Re: محمد البشرى الخضر)
|
Quote: و ما تزعل سيد الحوش عشان ما يكب ليك بوستاتك في الخور |
سلمى ازيك ومرحب بيك ...
سيد الحوش دا مظلوم ظلم الحسن والحسين ..البوستات بخوروها اصحابها بالاساءة والنبذ والشتيمة حمانا الله ..وحماك وطول اقامتك وكفاك شر التخوير يابنية ...
مرحبتين
| |
|
|
|
|
|
|
Re: الكتابة في سودانيز اون لاين (Re: Amira Elsheikh)
|
كــدا اول حاجــة عشــان التسجيــل ولوازمو ..
الاخــت من بورداب ويـــن ؟
كان مــا بورداب خرطوم كرش الفيل
دربك اخضــر ..فتناك بعافية ونلقاك فى اقرب بوســت
حباب الاخت ... حباب قلمك ... حباب فكرتك ...
| |
|
|
|
|
|
|
Re: الكتابة في سودانيز اون لاين (Re: AnwarKing)
|
Quote: طيب ،، قبل اي حاجة و عشان الفط ما يحصل زول يعلمني ارد على المداخلات بالدور كيف؟؟؟؟؟؟؟؟ |
تبدى بى زول ماكتب مداخلة وتنزلى فيهو هرى وحبذا لو بديتى بالطيب شيقوق. ولا ودالصايم. مرحبتين حبابك ,, ونتمنى ان يكون كي بورك اضافة للمنبر.
علا زى ماقال بدرالدين. الأخت من بورداب وين عشان مايتلخبت عليناالإختساس.
| |
|
|
|
|
|
|
Re: الكتابة في سودانيز اون لاين (Re: Hayat Hussien)
|
هلا يا سلمي وحبابك وماشاء الله شايف الخطاوي الاسفيرية ماشة علي قدم وساق والاقتباسات تتطاقش لوووول.. الكتابة في سودانيز حكايتها حكاية وتتداخل فيها اشياء عديدة ولكن من اهم الاشياء هي ان تجضم البوست بتاعك بما يحتويه وتكون ذو رادات راصدة لكل شاردة وارده به وبي الاجواء المحيطة به.. قل رايك بشجاعة وكن علي استعداد للدفاع عنه بكل حماس وتقبل الراي الاخر بكل اريحية الاحترام للجميع هي المقولة الذهبية ولكن من ابي وتكبر وتجبر فمثل هذا له البوت والنبوت
| |
|
|
|
|
|
|
Re: الكتابة في سودانيز اون لاين (Re: محمد علي شقدي)
|
Quote: هلا يا سلمي وحبابك وماشاء الله شايف الخطاوي الاسفيرية ماشة علي قدم وساق والاقتباسات تتطاقش لوووول.. الكتابة في سودانيز حكايتها حكاية وتتداخل فيها اشياء عديدة ولكن من اهم الاشياء هي ان تجضم البوست بتاعك بما يحتويه وتكون ذو رادات راصدة لكل شاردة وارده به وبي الاجواء المحيطة به.. قل رايك بشجاعة وكن علي استعداد للدفاع عنه بكل حماس وتقبل الراي الاخر بكل اريحية الاحترام للجميع هي المقولة الذهبية ولكن من ابي وتكبر وتجبر فمثل هذا له البوت والنبوت |
دعني اقتبس كلامتك يا هندسة
الف مرحب سلمى
صفية
| |
|
|
|
|
|
|
Re: الكتابة في سودانيز اون لاين (Re: زهير عثمان حمد)
|
Quote: أهلا بيك سلمي
ولايهمك نحن معك ضد أي وكل مشاكل البورد
وكل عام وانت بخير |
تسلم كتير يا زهير والله بعد كلامك دة تاني عوجة مابتجيني وكل سنة وانت طيب وكل امانيك محققة
Quote: كيف باكستان معك ح ترجعي متين تاني |
باكستان ما بطالة قابلة للاستعمال البشري ح ارجع قريب انشالله
لكن انت قصدك وين؟؟؟
| |
|
|
|
|
|
|
Re: الكتابة في سودانيز اون لاين (Re: Hayat Hussien)
|
Quote: يا مراحب حبابك عشره بلا كشرة
والله يا سلمي انا قبلك جيت داخله
توش لا إجم ولا دستور كنت فرحانة شديد
لاني بقيت حبوبة واهلي في البورد ما قصرو
معايا ابدا |
اهلا بيك حبوبة حياة انشالله تسلمي والله مرورك و ترحيبك فرحني شديد الله يحفظك و يخلي ليك يارب
| |
|
|
|
|
|
|
Re: الكتابة في سودانيز اون لاين (Re: عبدالعزيز الفاضلابى)
|
Quote: علا زى ماقال بدرالدين. الأخت من بورداب وين عشان مايتلخبت عليناالإختساس. |
الرد على سؤالك دة ورد اعلاه او ادناه بما اني لسة ما عرفت تقنية ترتيب الردود
Quote: مرحبتين حبابك ,, ونتمنى ان يكون كي بورك اضافة للمنبر. |
اتمنى اكون عند حسن الظن شكرا عبدالعزيز
| |
|
|
|
|
|
|
Re: الكتابة في سودانيز اون لاين (Re: بدر الدين اسحاق احمد)
|
Quote: كــدا اول حاجــة عشــان التسجيــل ولوازمو ..
الاخــت من بورداب ويـــن ؟
كان مــا بورداب خرطوم كرش الفيل
دربك اخضــر ..فتناك بعافية ونلقاك فى اقرب بوســت |
الموضوع دة تحديدو صعب تصدق؟؟؟؟؟؟
امممم طيّب بورداب باكستان دي شترا صاح؟؟؟ لكن نعمل شنو الله عايز كدة الى اجل في الاجازات _ زي حسي مثلاً _ بكون من بورداب مسقط
مرات مرات كدة ببقى من بورداب الخرطوم :)
ليه ،،، في حاجة؟؟؟؟
| |
|
|
|
|
|
|
Re: الكتابة في سودانيز اون لاين (Re: Amira Elsheikh)
|
Quote: سلمى ازيك ومرحب بيك |
اهلاً اميرة انشالله تسلمي
Quote: سيد الحوش دا مظلوم ظلم الحسن والحسين ..البوستات بخوروها اصحابها بالاساءة والنبذ والشتيمة |
انا زاتي قلت كدة :)
طلتك اسعدتني والله تسلمي كتير
| |
|
|
|
|
|
|
Re: الكتابة في سودانيز اون لاين (Re: محمد البشرى الخضر)
|
Quote: مرحب سلمى "معيّر البوست" دي جديدة و "كائن متضامن" دي ما عندنا افتكر كتبها التلب في جريدة او حاجة كدا الباقي ياهو اضيفي عليه الوش الأخضر البلف بتاع ودالصايم و الكااااك وماتنسي "كل الود" |
اهلاً ود البشرى
يعني كدة انا جبت 6/10 صاح؟؟؟؟ المرة الجاية بقفل النمرة :) كل الود لك و لجميع المتداخلين
كااااك و الوش الاخضر البلف بتاع ود الصايم بختهم في موضع تاني بعد ما حبيب نورة يوريني بختو الوش كيف
| |
|
|
|
|
|
|
Re: الكتابة في سودانيز اون لاين (Re: عبد الله كسلا)
|
Quote: أهلين ومرحبتين يا سلمى ...
أعملي بالنصائح دي ... وما بتجيكي عوجة تبْ ...
برلوم سبقك بفترة بسيطة جداً ...
أتمنى ليك إقامة سعيدة في حوش بكري الكبير ... |
يا مراحب استاذ عبدالله شكرا على ترحيبك و اقامتي بتكون سعيدة بوجودكم اكيد
لكن بيني بينك كدة السناير ديل ما برلموك؟؟؟؟؟؟؟ افصح يا راجل سرك في بير :)
| |
|
|
|
|
|
|
Re: الكتابة في سودانيز اون لاين (Re: سلمى تاور)
|
Quote: اهلاً د . يوسف شكراً جزيلاً لك واتمنى ان نلتقي يوماً في اسلام اباد |
طيب العيد ما جابكم حتجوا متين ؟ بناتي مثابة , آلاء , مفازة , مريم , وأمهم سلوى بسلموا عليك كثير جداً مع أجمل تحية للابنة : مودة , والابنة مروة
د.يوسف طاهر كراتشي سابقاً ... إسلام أباد حالياً
| |
|
|
|
|
|
|
Re: الكتابة في سودانيز اون لاين (Re: د.يوسف محمد طاهر)
|
Quote: بناتي مثابة , آلاء , مفازة , مريم , وأمهم سلوى بسلموا عليك كثير جداً مع أجمل تحية للابنة : مودة , والابنة مروة |
بالله انت د. يوسف ابو حافظ؟؟؟؟؟ يا سبحان الله الدنيا دي ضيقة بشكل
تحياتي للاستاذة سلوى و البنات و اخوهم د. حافظ وكل سنة وكلكم طيبين يارب انا انشالله حانزل اسلام اباد قريب واكيد حازوركم
| |
|
|
|
|
|
|
Re: الكتابة في سودانيز اون لاين (Re: Munir)
|
يا مرحب منير
Quote: والله إنتي الظاهر عليك قبل دخولك المنبر ده ذاكرتي كويس جداً وجاية جاهزة موية ونور |
ممكن تعتبرني المدمنة المثالية على سودانيز اون لاين
Quote: نتمني لك إقامة مريحة |
بوجودكم اكيد تسلم كتير
| |
|
|
|
|
|
|
Re: الكتابة في سودانيز اون لاين (Re: سلمى تاور)
|
يا جماعة والله انا طريقة الرد على المداخلات بالدور دي غلبتني عديل برد على المداخلات واحد واحد ورا بعض بلقى الردود ما نزلت بنفس الترتيب المفروض تنزل بيهو
فيا توروني اعمل شنو يا مافي زول يزعل يقول فطيتو
طيّب؟؟؟؟؟؟؟؟؟؟
| |
|
|
|
|
|
|
Re: الكتابة في سودانيز اون لاين (Re: Abdlaziz Eisa)
|
الاخت سلمى مرحب بيك نصيحتى ليك شوفى اكبر موضوع حايم فى المنبر وخشى توووش وداقشى فيه على طول الباقى ح يكون ليك هين اذكر اول ما جيت جديد لقيت ليك موضوع كبير عامل ضجة اسمو لا للشريعة لا للانفصال... نعم للشريعة نعم للانفصال فيه كتاب بورداب سناير وداقشت معاهم توش كانو لى مية سنة بعد داك اى موضوع تانى بقى لى ساهل جدا
وكل عام وانتى وضيوفك بخير
| |
|
|
|
|
|
|
Re: الكتابة في سودانيز اون لاين (Re: mutwakil toum)
|
Quote: جامشورو أجدع مادة للكتابة. |
مش كدة بلاي ، والله ريحتني راحة : )
Quote: أسه لو بديتي تكتبي عن أمير عبد الرازق الكتابة بتنتهي؟ |
عارف المنبر دة فاقد زول زي د.أمير دة عشان يكتب فيهو
تسلم كتير يا متوكل
| |
|
|
|
|
|
|
Re: الكتابة في سودانيز اون لاين (Re: محمد النيل)
|
Quote: نصيحتى ليك شوفى اكبر موضوع حايم فى المنبر وخشى توووش وداقشى فيه على طول الباقى ح يكون ليك هين |
انا فعلاً عملت كدة اول مادخلت إستفزاني موضوع ل د.احمد القرشي اعتقد انه اخر مواضعه في المنبر حتى الان ، حسين خوجلي كفى تزييفاً لحقوق الموتى المهم اني كتبت فيه مداخلة وكانت فعلا بداية مشجعة.
اشكرك على النصيحة و الترحيب وكل سنة وانت طيب
| |
|
|
|
|
|
|
Re: الكتابة في سودانيز اون لاين (Re: BitAlhana)
|
Quote: سلام سلمى كل سنة و انتي طيبة و المكان منور بيك انا غايتو ما عندي نصايح ... رغم اني بوردابية قديمة لكن برضو ما بطال نستفيد من بوستيك و من اسي حجزت قدام
مرحب بيك تاني |
اهلا بيك بت الهنا كل سنة وانت طيبة وربنا يحقق امانيك يارب المكان منوّر بيكم والله
تسلمي كتير مرورك اسعدني
| |
|
|
|
|
|
|
Re: الكتابة في سودانيز اون لاين (Re: سلمى تاور)
|
سلمي ازيك ... طبعا المنبر ده فيهو الكورنجيه كمان .. ما كلو سياسه وزك زك بهديك الصورة اعلاه لو هلالابيه .. ولو مارخابيه .. كيييييه
اكتبي زي ما نتي دايرة .. ولاااااا تردي البدور .. واكلي وقشي ايدينك في طرف اي زول هنا ... الناس ديل طيبين لدرجه
تحــــــــــــــــــــــــــــــــ عيد سعيد ــــــــــــــــــــــــــــــــــــيـاتي
| |
|
|
|
|
|
|
Re: الكتابة في سودانيز اون لاين (Re: عبدالله كع)
|
Quote: طبعا المنبر ده فيهو الكورنجيه كمان .. ما كلو سياسه وزك زك بهديك الصورة اعلاه لو هلالابيه .. ولو مارخابيه .. كيييييه |
اهلين عبدالله يعني ما فيهو حاجة تانية غير السياسة والكورة :) ؟؟؟ غايتو انا ما هلالابية لكن متعاطفة مع الهلال لأسباب عاطفية :)
| |
|
|
|
|
|
|
Re: الكتابة في سودانيز اون لاين (Re: سلمى تاور)
|
Quote: يعني ما فيهو حاجة تانية غير السياسة والكورة :) ؟؟؟ غايتو انا ما هلالابية لكن متعاطفة مع الهلال لأسباب عاطفية :) |
كل في ياستي .. بس ديل ناس الخرخره .. والكواريك .. وكلامهم كبار كبار بعدين الهلال ده ما ديراهو ما تعاطفين ! تمام يا رفيق ! يا ما معانا يا مع الخيانه ....
وبرضو العيد مبروك عليكم في با كستان و قطر
| |
|
|
|
|
|
|
Re: الكتابة في سودانيز اون لاين (Re: عبدالله كع)
|
Quote: بعدين الهلال ده ما ديراهو ما تعاطفين ! تمام يا رفيق ! يا ما معانا يا مع الخيانه .... |
كدة يا هلالاب ؟!!! طيّــــــــــــــــــــــــــب انا حالتي من المؤلفة قلوبهم يعني مفروض تكسبوني لصفكم اقوم حسي ابقى مرخابية كيّــــــــــــــه ليك ساي ، مش الموضوع خرخرة و كواريك و حمير عيون و كلام كبار كبار؟!!! الماف شنو؟؟؟ حسن ليكم يا هلالاب
| |
|
|
|
|
|
|
|