|
بفتش للدهب الإنت داسيو ..
|
غايتو البيشاهد الدعاية دي بيلقا إنو ما عندها أيييي علاقة بي الشاي واتوقع الدعاية دي موجهة للحرامية ولتعليم الاطفال السرقة .. طفل بفتش في دولاب ابوهو لي دهب ..ابوهو يقول ليهو تعال اوريك الأغلى من الدهب لا يا ولد عيييب لا السرقة حرام لا انت الدهب عااايز تعمل بيهو شنو في سنك ده .. بكل اريحية الابو ياخد ولدو بحنان ويقول ليهو تعااال يا ولد .. ده جزء أول .. الجزء التاني من الدعاية فيهو غباء واستغفال والأب بيقول لي ولدو تعال اوريك الاغلى اجدي وصى بيهو ابوي وابوي وصاني انا وانا بوصيك انت الا وهو شاي الزرافتين الزرافة التقوم ليكم في كنكوجكم ده قولوا امين .. شاي الزرافتين شاي عمور في اسوق ما تم سنتين وحتى لو كان قبلو بي مسمى تاني فهو ريتشي وبرضو ما تم عشرة سنوات نقول ..فكيف الجد يكون وصى الاب والاب وصى الابن والابن وصى الحفيد مع انو الاب الفي الدعاية ده شنب سااي عمرو 45 سنة !!! غايتو محمد ولدي بعد شاف الدعاية دي لقيتو ليك يوم بيفتش في جيوب البنطلون قلت ليهو بتفتش في شنو ؟ قال لي بفتش في الريالات الإنت داسيها يا ابوي ..حضنتو وقلت ليهو تعال يا موودي يا ولدي اوريك الاغلى من الريالات ..واديتو بطاقة الفيزا وقلت ليهو هاااك دي يا ولدي ابوك ما عندو قروش شغال عوض ديون ..ابقا عليها عشرة ..
|
|
|
|
|
|
|
|
Re: بفتش للدهب الإنت داسيو .. (Re: عمر الفاروق)
|
عمر الفاروق ....
بقيت ما متابع .. الموضوع دا إتسحق سحق في المنبر وبعد داك كل الجرائد إتلقفتو وكتبت عنو ..!!
Quote: شاي الزرافتين شاي عمور في اسوق ما تم سنتين وحتى لو كان قبلو بي مسمى تاني فهو ريتشي وبرضو ما تم عشرة سنوات نقول ..فكيف الجد يكون وصى الاب والاب وصى الابن والابن وصى الحفيد مع انو الاب الفي الدعاية ده شنب سااي عمرو 45 سنة !!!
|
شاي الزرافتين بالذات ما تمى ليهو سنة على ما أظن وهو نتيجة إنقسام وصراع بين ملاك شاي الغزالتين .. وبعد داك أظن إنفصلو بسبب قصة قريبة للولد الحرامي بتاع الدعاية دا .. بعد ما ظهر شاي الزرافتين ظهرت معاهو دعاية غريبة من ضمن مفرداتا (نفس الطعم نفس الإسم خليك حريف ما تتوهم) أو حاجة بالشكل دا ... وديلاك ردوا برضو بي دعاية عجيبة زيها ...
المهم يا عمر إنتت برضو خليك حريص ما تتوهم ...!!
| |
|
|
|
|
|
|
Re: بفتش للدهب الإنت داسيو .. (Re: ناذر محمد الخليفة)
|
ابو النيز : انا ما متابع سحكة الموضوع في المنبر فعلاً بس متابع القضية اول ما بدا الاسم والقضية اللي اترفعت وتقريبا حكمو لي ناس الغزالتين .. بس فعلا ما متابع قصة الدعاية دي تحديدا وانو الناس علقت عليها ..
| |
|
|
|
|
|
|
Re: بفتش للدهب الإنت داسيو .. (Re: أيمن دياب)
|
Quote: شاي الزرافتين بالذات ما تمى ليهو سنة على ما أظن وهو نتيجة إنقسام وصراع بين ملاك شاي الغزالتين .. |
لا علاقة على الإطلاق بين ملاك الغزالتين و بين بتاعين دعاية الود البيفتش دهب أبوهو.
| |
|
|
|
|
|
|
Re: بفتش للدهب الإنت داسيو .. (Re: سامى عبد الوهاب مكى)
|
Quote: ..حضنتو وقلت ليهو تعال يا موودي يا ولدي اوريك الاغلى من الريالات ..واديتو بطاقة الفيزا وقلت ليهو هاااك دي يا ولدي |
اخي عمر الفاروق
الحمد لله الماقلت البطاقه وصي جدك ابوك الذي وصاك انت
كان بقي موضوع زرافتين مش غزالتين
_______________
يعني لما بقول ليك الاعلان بيض
بالفعل تشم فيه ريحة البيض والني كمان
| |
|
|
|
|
|
|
Re: بفتش للدهب الإنت داسيو .. (Re: مدثر صديق)
|
كل سنة وانتا طيب ياعمر..
المجنني الود عايز دهب بعد العز الساكن فيهو ده..بيت عجيب وحديقة عجيبة.. وعفش عجيب وشافع عينو ما مليانة..
اتخيل ياعمر لو الحريم قلبو يلبسو حب شاي بدل الغوايش.. تجيب في الشيلة مية لبتون علاقي.. وفتحة الخشم بي شاي فلت كده تبهلو ليهم في حوش بيتم.. تلم النمل والجيران..
بس تملا المرا شاهي..وتكب فيها موية سخنة..حتان يادوووب المرة تكيفك..
| |
|
|
|
|
|
|
Re: بفتش للدهب الإنت داسيو .. (Re: DKEEN)
|
ملاسي ..
Quote: لا علاقة على الإطلاق بين ملاك الغزالتين و بين بتاعين دعاية الود البيفتش دهب أبوهو. |
طبعاً .. الدعاية تبع الزرافتين ..!!
اللي هم إنبثقوا من ناس كوفتي شاي الغزالتين حسب متابعاتي لي إعلاناتم ..
وحسب غني أكون حريص ما إتوهم ...!!
| |
|
|
|
|
|
|
Re: بفتش للدهب الإنت داسيو .. (Re: ناذر محمد الخليفة)
|
.. . انت صاحى ولا نايم ولا تلفزيونك من اصلو خربان
--------------
سلام يا عمر .. الولد طلع بجيح وما مؤدب .. والميديا السودانية ما ليها علاقة بالمجتمع والاخلاقيات فى البلد ..
شايتن فى الاووووووووت ..
كل سنة وانت طيب؛
| |
|
|
|
|
|
|
Re: بفتش للدهب الإنت داسيو .. (Re: DKEEN)
|
عومر الفـارووق يا صديغ (^_^)..
الاعلان كل اللي كل يوم قادننا بيهو دا, هو اعلان شاي الزرافتين , اللي هو اصلن كان شاي ريتش , وعشان تعرف ناس الشركه ديل اصلن ناس سغيليين كيف قبل اعلانهم دا , الشاي حقهم سموهو (الزرافتين) على وزن (الغزالتين) , اللي هو اسم شاي تاني خوولص خوولص لي ناس تانيين خوولص خوولص , وزياده في السغاله والتعبط في ناس (الغزالتين) , اعلانهم بتاع الراديو , بيقولو فيهو : شاهييكم البتحبوهو , بقى اسمو (الزرافتين) !! (هو كييرس اصلن ..؟؟) عشان يوحي للمستمع المسكين , انو شاي (الغزالتين) بقى اسمو (الزرافيتن) , حين انو شاي الزرافيتين هو في الاصل شاي ريتش !!! ودا طبعا منتهى الغش والتدليس التجاري , والذي لا يوازيه , الا تشبيه الـ (ترايسي) بي الـ (تانج) !!
وباي ذا ووي , الناس بيتاعين الزرافيتين ديل عندهم هيستري طوويل جدا في الاعلانات البايخه , يعني اعلان شاي ريتش كان فيهو جوقه (حلوه جوقه دي ) من البنات , يرددون بي كل حماس : شااااي ريتش .. لكن ما شااااي .. شااااي ريتش !!
اما اعلان الدهب والشاي البيبقى دهل والولد البيسرق دا , فـ عليييكون الله اعفوني منو , المتابع للتطور الطبيعي للحاقه السائعه في اعلانات شاي ريتش ولا الزرافتين ما بعرف ما بيتغرب الاعلان بتاع الدهب دا كلو كلو .. وعـلى قوله حبوبه لمن تحب تتثاقف .. عواره زي دي اصصصصو ما ممكن تكون وليده اللحظه
| |
|
|
|
|
|
|
Re: بفتش للدهب الإنت داسيو .. (Re: داليا الكباشى)
|
Quote: طبعاً .. الدعاية تبع الزرافتين ..!! اللي هم إنبثقوا من ناس كوفتي شاي الغزالتين حسب متابعاتي لي إعلاناتم . |
لم ينبثقوا و لا من يحزنون؛ بل أرادوا الإيحاء بذلك؛ و يبدو أنهم - و للأسف الشديد - قد نجحوا في ذلك جزئياً.
| |
|
|
|
|
|
|
Re: بفتش للدهب الإنت داسيو .. (Re: محمد الطيب يوسف)
|
سحس يا ملاسي:
Quote: لا علاقة على الإطلاق بين ملاك الغزالتين و بين بتاعين دعاية الود البيفتش دهب أبوهو. |
حسب علمي شاي الزرافتين هو شاي ريتش سابقاً وعليه فهوتابع لي مجموعة اولاد البرير..بينما شاي الغزلتين تبع كوفتي ..هذا والله اعلم اصلو نحن طولنا من بلدكم دي :)
| |
|
|
|
|
|
|
Re: بفتش للدهب الإنت داسيو .. (Re: عمر الفاروق)
|
سامي عبد الوهاب:
Quote: عمر الفاروق يبدوا إنك عملت بنصيحة غاندي مع الارقام كلها.. |
الغريبة غاندي القال لي امسح الرقم عديييل ما مسحت رقمو ..لكن انت من بعد اخر مكالمة بيناتنا وانا جاي من المطار يادوووبك بقول يا هادي وقلت اشوف الصديق الصدوق ده وانت عملت بعدها نايم طواااالي مسحت رقمك ... الغريبة اول امبارح بعد كورة المنتخب وصلت زول من الاستاد لي جمب بيتكم هناك ..قلت لزول انا لو عارفك ساكن في الحتة دي ما كان جبتك ..الناس الساكنين هنا ديل ما عندهم عشرة ..
Quote: غايتو اقرب دعاية عصير حا يجيبو بت بتجضم في امها و تقول ليها طلعي مفتاح التلاجة ولا برتكب فيكي جريمة يا حاجة. |
| |
|
|
|
|
|
|
Re: بفتش للدهب الإنت داسيو .. (Re: عمر الفاروق)
|
Quote: حسب علمي شاي الزرافتين هو شاي ريتش سابقاً وعليه فهو تابع لي مجموعة اولاد البرير..بينما شاي الغزلتين تبع كوفتي |
فعلاً يا عمار .. فشاي الغزالتين يعود لكوفتي التي تعود لمحمد صالح إدريس؛ أما الشاي بتاع الدعاية بتاعة الود البيفتش دهب أبوهو فيعود لمعاوية البرير.
| |
|
|
|
|
|
|
Re: بفتش للدهب الإنت داسيو .. (Re: عمر الفاروق)
|
دكين يا حبوب: يحقق أمانيك ياخ ..اريتك طيب..
Quote: المجنني الود عايز دهب بعد العز الساكن فيهو ده..بيت عجيب وحديقة عجيبة.. وعفش عجيب وشافع عينو ما مليانة.. |
انا المجنني أكتر يا دكين الولد ده أمو زااااتا وين ؟؟ يعني لملمة الدهب ده شغلة نسوانية بحتة سبب واااحد يخلي الأب يدس ليهو سلسلين وعشرة غوايش و5 حباسات وتلاتة خواتم ماف ( قول لي انت زاتك سبب واااحد يحفظك الحاجات دي ماف ) يبدو من الدعاية إنو الأب مطلق ام الولد وبعدين ما خلاها تشيل الدهب معاها لأنو قرر يجيب مرا تانية فقامت الأم وصت ولدها قالت ليهو أمشي دولاب ابوك بتلقى ليك دهب اسرقو وجيبي لي أمك عشان ابوك ما يعرس فيني !!! اما بالنسبة لي المليون شاي ليبتو فأبشرك يا مان بعد العرس حا تجيبهم حا تجييبهم شي علاقي وشي فلت وشي اخضر وبعد ده كلو ولااااااا بيشربوهو ليك بس زحمة كراتين في الرفوف
مدثر صديق وأيمن دياب اضحك الله ايامكم وشكرا لي مروركم ياخ..
| |
|
|
|
|
|
|
Re: بفتش للدهب الإنت داسيو .. (Re: عمر الفاروق)
|
تبلديهم : وينك يا راااجل .. والله يا مان البيت فيهو تلاتة تلفزيونات تجي الحوش بي جاي تلقا الحاجة بتحضر في الطقطاقة وتوووشك يجيك الولد البيسرق في دهب ابوهو ( يا قول ملاسي).. تمشي الاوضة تلقى اخوك بيحضر في زاوية مشاترة وتوووشك ينط الولد الحرامي ده .. تقول تحضر اغاني واغاني في التلفزيون التالت يجيك هذا اللص السارق ..وعليه التلفزيونات ما خربانة لكن خربانين نحن والله ..
| |
|
|
|
|
|
|
Re: بفتش للدهب الإنت داسيو .. (Re: عمر الفاروق)
|
اووووو الكباشي داليتا : إزييك يا إنسانة .. غايتو لو عندك دهب من أسة ضايريهو من عم الراجل خشي ليك صندوق إشتري ليك عدة أعملي أي شي لكن دهب نهييي زندقيي فرانسيس كيس ميس.. غايتو المريح في الموضوع إنو ابو الشباب ده ساكن جمب طن بتاع قهاوي حقت شاي فمااا محتاج يعمل ليهو شاي في البيت وعليه فلا يحتاج لي وصية ابوهو أو جدو بيمشي يجيبو جاااهز ومقنن بعد :) غايتو لو في وصية فهي يا عمر عليك الله وانت جاي جيب معاك حليب المراعي أو السعودية عشان نعمل ليك بيهو شاييك .. تخريمة : حبوبتك دي جديرة بي إنو لااازم الاقيها فعليك الله اعملي لي معاها مواعيد ويا قول ناس ام بي سي تو (داييت) :)
| |
|
|
|
|
|
|
Re: بفتش للدهب الإنت داسيو .. (Re: عمر الفاروق)
|
Quote: يبدو من الدعاية إنو الأب مطلق ام الولد وبعدين ما خلاها تشيل الدهب معاها لأنو قرر يجيب مرا تانية فقامت الأم وصت ولدها قالت ليهو أمشي دولاب ابوك بتلقى ليك دهب اسرقو وجيبي لي أمك عشان ابوك ما يعرس فيني !!!
|
يا شليق انت.. اسه الناس حتخلي موضوع الدهب والولد والشاي، وتمسك فيك انت.. خيالك وااااسع بشكل.. من أين لك أنّ الفيلا دي حدادي مدادي، وما فيها (مرة) وست بيت؟ وبعدين ياتو (مرة) البتخلي مفتاح الخزنة الفيها الدهب مع الراجل؟؟ الله يضيِّق خيالك الواسع ده يا ود الفاروق..
| |
|
|
|
|
|
|
Re: بفتش للدهب الإنت داسيو .. (Re: أيمن دياب)
|
اول حاجة يا عمر ازيك تانى حاجة ليه الولد عمل كان بتلصص و حتى المزيكة بتاعت حراميه حراميه لكن الولد الصغير ده ما ذنبوا ذنب الناس الكبار العملو القصه بالبياخه دى اسه ده كلو انسانا منو كلامك شنو فى دعاية العصير وفى نفس الوقت معاهو طحنية (فى نفس الاعلان) ؟؟؟؟؟
| |
|
|
|
|
|
|
Re: بفتش للدهب الإنت داسيو .. (Re: shabaka)
|
عمر عاين ولا هي اقرا (^_^)
شفتا الاعلان بتاع زيت السمسم ؟ الراجل بيجي خاشي البيت في كاااامل بدلته واناقته , وهو شايل ليهو جركانتين زيت في يدينو , وبيغني بي كل بلاهه : يا سمسمااا القاضااارف .. االزول زغييير وما عاريف ! تجي مرتو من جووه وتقول ليهو (بعد لوكتين لبان وغرودتين عوينات) : اول مـره تجي خاشي البيت مبسووط !! تخيل !!
| |
|
|
|
|
|
|
Re: بفتش للدهب الإنت داسيو .. (Re: داليا الكباشى)
|
Quote: كلامك شنو فى دعاية العصير وفى نفس الوقت معاهو طحنية (فى نفس الاعلان) ؟؟؟؟؟ |
ياعمر الفارووق الدعايات دي كلها بشتغله زول ماسوداني..حسب معلوماتي الجاياني من السودان.. الزول بتاع الشركه ده ظنيطو جاي يفتش الدهب جوه دولاب الحكومه الفااااتح ده ...لو لاحظت اللكنه والنضم مكسر..وزغليل العيون..الشي كلو ماسوداني ياخوي. وشكررن..
| |
|
|
|
|
|
|
Re: بفتش للدهب الإنت داسيو .. (Re: عليش)
|
ما انتبهتوا لي كلام سامي ده:
"غايتو اقرب دعاية عصير حا يجيبو بت بتجضم في امها و تقول ليها طلعي مفتاح التلاجة ولا برتكب فيكي جريمة يا حاجة."
غايتو يا سامي انا ضحكت لما قربت اقع.
| |
|
|
|
|
|
|
Re: بفتش للدهب الإنت داسيو .. (Re: Al-Shaygi)
|
Quote: شفتا الاعلان بتاع زيت السمسم ؟ الراجل بيجي خاشي البيت في كاااامل بدلته واناقته , وهو شايل ليهو جركانتين زيت في يدينو , وبيغني بي كل بلاهه : يا سمسمااا القاضااارف .. االزول زغييير وما عاريف ! تجي مرتو من جووه وتقول ليهو (بعد لوكتين لبان وغرودتين عوينات) : اول مـره تجي خاشي البيت مبسووط !!
|
يادكتورة لو بتصدقي أو ما بتصدقي.. أنا دخلت النت أسه عشان اكتب عن دعاية زيت سمسم كوبن.. منتهى الهبالة والتخلف والعوارة.. من متين نحنا بنتكلم بالفصحى في حياتنا العادية؟؟
| |
|
|
|
|
|
|
Re: بفتش للدهب الإنت داسيو .. (Re: أيمن دياب)
|
داليا ..
Quote: تجي مرتو من جووه وتقول ليهو (بعد لوكتين لبان وغرودتين عوينات) : اول مـره تجي خاشي البيت مبسووط !!
تخيل !! |
إتخيل شنو .. يا خي دي دعاية قمة السخف والعبط ..!!
دي دايرا ليها بوست كامل أم تسعة صفحات زي بوست المعيار داك ..
وأكتر حاجة مزعلاني فيهو اللوكيشن الإتصورت فيهو الدعاية دي ..!!
بالله عاينو لي خلفية الممثلين ..!! الحيطة بي ورا فيها طبلون كهرباء ستة خط وسلك للجمرة الخبيثة ..!!
بالله دا كلام دا ..!!
يا خي ما ممكن تصوروا حاجة نضيفة بي خلفية محببة ومعقولة ..؟؟!!
والله كان سمسم كوبن ما عار ف..!!
غايتو ياسمين دي لو لميت فيها بكشح فوق راسا جركانة كاملة من الزيت الفرحانا بيهو دا ...!!
| |
|
|
|
|
|
|
Re: بفتش للدهب الإنت داسيو .. (Re: ناذر محمد الخليفة)
|
Quote: شفتا الاعلان بتاع زيت السمسم ؟ الراجل بيجي خاشي البيت في كاااامل بدلته واناقته , وهو شايل ليهو جركانتين زيت في يدينو , وبيغني بي كل بلاهه : يا سمسمااا القاضااارف .. االزول زغييير وما عاريف ! تجي مرتو من جووه وتقول ليهو (بعد لوكتين لبان وغرودتين عوينات) : اول مـره تجي خاشي البيت مبسووط !! |
دا بالذات مفروض ينوح على نفسه ويقول الزول ثقييييييل ما عارف!!
بالمناسبة في بوهيات المهندس السوداني ضاربنو بوهية وما تامين النقاشة يبدو البوهية قصرت او نوع كعب وقال (نكون ماتاتا..) ولا حاجة زي دي
يعني الدعاية معمولة لمنتج مفروض سوداني وما عارفين السودانيين بيتكلمو كيف..
ونزعل لمن يسخرو من السودانيين ...ماهو نحن بنشتري السخرية بقروشنا..
| |
|
|
|
|
|
|
Re: بفتش للدهب الإنت داسيو .. (Re: سامى عبد الوهاب مكى)
|
Quote: طفل بفتش في دولاب ابوهو لي دهب ..ابوهو يقول ليهو تعال اوريك الأغلى من الدهب لا يا ولد عيييب لا السرقة حرام لا انت الدهب عااايز تعمل بيهو شنو في سنك ده .. |
ياهو دي حدود الخيال و الإبداع و الإبتكار عند برجوازيتنا الطليشة بعدين ما تحرقوا رزكم في الفاضي برجوازيتنا الطليشة مشكلاتها الأسرية مختلفة تماما عن مشكلات بيوت العوام و ما خفي أطلش!
| |
|
|
|
|
|
|
Re: بفتش للدهب الإنت داسيو .. (Re: المعز ادريس)
|
الغريبة أجمل الدعايات البستمتع بيها في القنوات المصرية ..وعاملنها مصريين .. طيب دعاياتنادي بيعملوها مصريين وارد تايلند؟
تخريمة : يا داليتا الحقينا بي سمسم الغضارف ده ما شوفتو ياخ :)
| |
|
|
|
|
|
|
Re: بفتش للدهب الإنت داسيو .. (Re: عمر الفاروق)
|
Quote: يا داليتا الحقينا بي سمسم الغضارف ده ما شوفتو ياخ :) |
يا عومر , فتشتا ليك اليوتيوب دا حته حته , ما لقيتها .. لكن ركز على الدعايات اللي ما بين اغاني واغاني , وطبعا هي كتيره وعويره , لكن معليش استحمل وابلع حبه الدغظ قبل ما تقعد سمح ؟ (^_^)
| |
|
|
|
|
|
|
Re: بفتش للدهب الإنت داسيو .. (Re: داليا الكباشى)
|
داليتا : السنة دي على كيفك ياخ ..
Quote: منتزه الرياض تمشي ليهو الليله تشتاااق ليهو بوكراا |
والله في ناس كده الرياض دي مشوا ليها امبارح وبيشتاقوا ليها بكرة وبعد بكرة زاتو ياخ .. غايتو مبدئياً كده لو بت جيرانكمجابت ليك كراس اللقاءات داك وبعد تسألك من ثلاثة وردات لمن تهديها وما رأيك في الاتي (الليل- الأم - الخريف) فسألتك عن دعاية تحبينها فطواااالي اديها دي .. الدعاية دي مغرضة اغراض شديييد خوووالص خوووااالص جداً أوي ..
| |
|
|
|
|
|
|
Re: بفتش للدهب الإنت داسيو .. (Re: Al-Shaygi)
|
عومر كل سنه وانت طيب ياخ !
عاين لقيت ليك دعايه ما بتتكرر زاتوو , جايبين بنات مصريات , وضاربين ليهم وشهم بوهيه بنيه كدا, وملبسنهم حاجات غريبه كدا , شلكهم قاصدين بيها التياب , وبيرقصو بي عبط وهباله , وواحده فيهم كدا وخرمجه وشها بالميكب بتقول : صندليييت العونود , قبنا الشيييلا , وقبنا الزفه ومش نائص الا هياااا
الغريب في الموضوع انهم بيضحكو على روحهم جوا الاعلان ! ليهم حق ! صندليه حقت السودانيين وصناعه سودانيه كمان , يجيبو ليها مصريين لشنو ؟
| |
|
|
|
|
|
|
|