|
|
 يا لؤي ذبحـــــــــتناااا !
|
يا لؤي سلامات ياخ ورمضان كريم!
رجاء يا عزيزي وضع الفيديوهات لتعمل آلياً في البوستات عملية مزعجة جداً. ندخل المنبر مرات من المكتب، فجأة تجيك أغنية ولا آية طايرة، ما تعرف تعمل شنو، ولا تعرف في أي مداخة عشان تحصلها سريع وتقفلها، أضف لذلك مرات القراية ذاتها دايرة تركيز!
___
ذبحتنا يا لؤي!
|
|
 
|
|
|
|
|
|
|
 Re: يا لؤي ذبحـــــــــتناااا ! (Re: Yassir Tayfour)
|
أي نعم هو صاحبي شديد والله
ما أفضله عليكم يعني يا أخونا أبتفة
لكن ذبحني شخصيا في رمضان ده بي كترة البوستات الممكن تتعمل في بوست واحد.
ما عندي مشكلة معاه تانية غير إنه بحب السمك و لو مشى السودان سنويا حيضيع نصيبنا في الثروة السمكية براحة.
مزيكة لؤي حبابا و القرآن حبابه
| |
|
|
|
|
|
|
|
|
|
Re: يا لؤي ذبحـــــــــتناااا ! (Re: saadeldin abdelrahman)
|
| Quote: لكن ذبحني شخصيا في رمضان ده بي كترة البوستات الممكن تتعمل في بوست واحد. |
يا أبو السعود دي ما مشكلة ياخ، إن شاء الله الأغنية ذاتها يشرتمها ويفتح بكل شرتمة بوست، ما مشكلة، ده جلداً ما جلدنا، اليجر فيهو الشوك..
____
ولكن، highlight and underline لكن، الـautoplay إلى ما لا نهاية عملية تذبح وتجرح الصيام.. الـautoplay مره واحده ما مشكلة لكن إلى ما لا نهاية عملية لا تطاق!
| |
|
|
|
|
|
|
|
|
 Re: يا لؤي ذبحـــــــــتناااا ! (Re: Yassir Tayfour)
|
Quote: شايف لي ماسورة قالو ماشة ليبيا
والتانية ماشة دبي.....
ازغرد ليك ولا شنو.....؟ |
والله يا هرون الشوق اكتر من مطرة امس الساهرت بينا دي ..
شوق اذا مر بالجبال كسرها واذا مر بالمحيطات نشفها واذا مر ببوستات لؤي عطل ال autoplay حقها 
وعقبال بقية المواسير الاساسيه والاحتياطيه ()
| |
|
|
|
|
|
|
|
|
|
Re: يا لؤي ذبحـــــــــتناااا ! (Re: معروف حمدين)
|
سلام اب تفة والباقين ...
فعلاً ملحوظة مهمة جدا ..
أمس بعد نص الليل قاعد بتصفح فى البورد ودخلت بوست كوستاوى بتاع وجع الوش داك فجاءة كدا جاتنى الآية القرآنية بصوت عالى .. والله اتخلعت ماعرفت اعمل شنو .؟
رمضان كريم يا ابواللول ...
| |
|
|
|
|
|
|
|
|
|
Re: يا لؤي ذبحـــــــــتناااا ! (Re: مزمل خيرى)
|
ود خيري يا مزمل أحوالك؟
| Quote: أمس بعد نص الليل قاعد بتصفح فى البورد ودخلت بوست كوستاوى بتاع وجع الوش داك فجاءة كدا جاتنى الآية القرآنية بصوت عالى .. والله اتخلعت ماعرفت اعمل شنو .؟ |
البوست ده تحديداً أنا موش ذبحت فيهو، أنا إتحرجمت* عديل، حرجمني عديل كده، بتعرف الحرجمة يا مزمل؟
___
وأزيدك من الحرجمة رقبتين، بوستات الكورة ما قدرت أتابعها، والبوستات الفيها أكثر من أغنية تسمع أغاني لؤي بس!
*الحرجمة هي عملية الذبح بآلة غير حادة.
| |
|
|
|
|
|
|
|
|
|
Re: يا لؤي ذبحـــــــــتناااا ! (Re: Yassir Tayfour)
|
| Quote: *الحرجمة هي عملية الذبح بآلة غير حادة. |
كمان بقيت تنظر في الضبيحة
الحرجمة ياحبة هي الذبح فوق القصبة الهوائية للبهيمة...
وبعدين سبب البوست دا قالوا ليكم سعد الدين فوق
القرءان هو الخلاكم تقوموا جارين
عرفنا دواكم يافارات 
| |
|
|
|
|
|
|
|
|
|
Re: يا لؤي ذبحـــــــــتناااا ! (Re: أمين محمد سليمان)
|
| Quote: وضع الفيديوهات لتعمل آلياً في البوستات عملية مزعجة جداً. ندخل المنبر مرات من المكتب، فجأة تجيك أغنية ولا آية طايرة، ما تعرف تعمل شنو، |
سبقتني علي البوست دا يا ود طيفور
يا لؤي .. رمضان كريم و تاني ما تعمل كدا
| |
|
|
|
|
|
|
|
|
|
Re: يا لؤي ذبحـــــــــتناااا ! (Re: أمين محمد سليمان)
|
| Quote: والله يا ياسر مضبوحين و بالعين خشومنا ساااي !!! |
سلامتك يا دكتور أمين، إن شاء الله البوست يكون بمثابة عنق سعيد بن جبير للحجاج بن يوسف!
____
إتصرف مع صاحبك وهبه ده أنا ما داير أفطر بي باقي اليوم ده!
| |
|
|
|
|
|
|
|
|
|
Re: يا لؤي ذبحـــــــــتناااا ! (Re: عبدالوهاب علي الحاج)
|
| Quote: الحرجمة ياحبة هي الذبح فوق القصبة الهوائية للبهيمة... |
يا وهبه هل السكين الميتّة بتحرجم؟
في واحد قبل عشرة دقائق تقريباً ضرب لي تلفون قال لي: الحرجة هي الذبح فوق الخرزة. قلت ليهو الخرزة ولا تفاحة آدم؟ هسي إنت جبت ليها قصبة هوائية. الله يستر ما يكون في مريء كمان..
___
يا وهبه أنا إتحرجمت، فأسلّخ ما شاء لك السلخ، هل يضير الشاة سلخلها بعد ذبحها؟
| |
|
|
|
|
|
|
|
|
|
Re: يا لؤي ذبحـــــــــتناااا ! (Re: Yassir Tayfour)
|
عاين يا ياسر .
أكل لحم المحرجم حرام .
الحرجمة دى هى الذبح الخطأ .
المفروض فى حالة الذبيحة الخرزة تكون جيهة الرأس .
يعنى الخوسة لو كانت ميتة فى حركة الذبح تقوم الخرزة تنزل تحت .
هنا تكون الحرجمة .
| |
|
|
|
|
|
|
|
|
|
Re: يا لؤي ذبحـــــــــتناااا ! (Re: Osman Musa)
|
Quote: عاين يا ياسر .
أكل لحم المحرجم حرام .
الحرجمة دى هى الذبح الخطأ .
المفروض فى حالة الذبيحة الخرزة تكون جيهة الرأس .
يعنى الخوسة لو كانت ميتة فى حركة الذبح تقوم الخرزة تنزل تحت .
هنا تكون الحرجمة . |
يا ود موسى لو قلت ليك: ده بالظبط الحصل لي بتصدقني؟
____
حرجمني وتفنن في ألوان عذابي، أو كما قال وردي
والبيت مهدى بالطبع للؤي لأنه بحب وردي شديد!
| |
|
|
|
|
|
|
| |
Yassir Tayfour
abubakr salih
haroon diyab
Faisal Elrasheed
saadeldin abdelrahman
معروف حمدين
مزمل خيرى
عبدالوهاب علي الحاج
أمين محمد سليمان
ناصر احمد الامين
طارق جبريل
خضر حسين خليل
Osman Musa
Emad Abdulla
فيس بوك
تويتر
انستقرام
يوتيوب
بنتيريست