|
Re: ياساسه لو مصرين يعني تقسمو السودان دا اقسموهو لينا بالطول (Re: Ashraf el-Halabi)
|
الاخ طارق والاخوه بعد السلام
التقسيم الصحيح للسودان من المفترض ان يكون الى سته ولايات ومقاطعه انا اقصد انو ده الحل الوحيد ،وانا حاسى بيك بالمناسبه لان مشكلة السودان الحقيقى بالفعل سببها الموارد والهويه وبالمناسبه نهر النيل وفروعها مقسّم السودان اصلا وما بنضيف فى التقسيم الى سته ولايات الا حدودين فقط ،حدود سيافى يتعمل بى طريق مؤبد من منطقه فى جنوب جبل اولياء ويمشى جنوب غرب لغاية الحدود المشتركه بين السودان وتشاد وافريقيا الوسطى
وحدود تانى يبدأ من محمد قول ويجى سيافى جنوب غرب برضو الى اى منطقه موازيه لشندى ويتجه الى الغرب حتى الحدود السودانيه التشاديه وبقية الدوله مقسمه بالنيل ،المقاطعه تكون فى شكل دائره مركزها جزيرة توتى ونصف قطرها تمنتاشر كيلو متر تؤخذ من تلاته ولايات هى الشرقيه والشماليه الغربيه والوسطى نجيب ليكم الرابط هنا
| |
|
|
|
|
|
|
Re: ياساسه لو مصرين يعني تقسمو السودان دا اقسموهو لينا بالطول (Re: Ashraf el-Halabi)
|
الاخ طارق اللمين ( لي مين اشتكيك ) افكارك دايما( كويسه) زي سودانا(النميراوى) .. الاخ المذيع المناوب بتاع ( الديموهات ) اشرف ...
بالطول بالعرض
المهم
سوداننا يظل
فى الارض
( كخريطه وناس )
يعنى ما اجي نظام ( انقاذى تانى )
يقول لينا
خلا س يا (خُلاسيين) - بدل القسيم العشوائى ده -
خلا س
( طوينا ليكُم هذا القطر ونقوم نلقانامطويين )
قصة انو اكون فى الارض دي
مهمه جدا
الامضاء
رابطة معجبى السودان
. . واليكم قائمة الموقعين . رابطة معجبى السر قدور بعد المويات بدل الدراما, بالتضامن مع سواقين الركشات شايتين وين مامهم برضو الامجاد باعة الحاجات فى التقاطعات فى البرندات بتاعين الخُرده بتاعين السكن (الفاخر) خشمو للناس من طرف .. وللا خساهم حالات المراره وانفقاعه الناس المصره على مزاولة حرفهم الشريفه رغم انها بتجيب ملاليم بالجديد .. لا تساوى خردله .. ممكن تقول تعريفه وايضا الناس الحريفه البتلبس الطواقى من راس لى راس وتكندش العربات وهي رافعه قزازه ولافه ايشارب ولاا كسكته ولاعمه فوق راسه وشايفه الخلوق حشرات ما اسخفهامن حشر مالى الشوارع بالبشر بالتضامن مع الجميع الفك ريقه على عصير والحكَ سنو علي حجر . .
| |
|
|
|
|
|
|
Re: ياساسه لو مصرين يعني تقسمو السودان دا اقسموهو لينا بالطول (Re: طارق الأمين)
|
بي كده المواطنيين في كل دوله لههم اقارب واهل واصدقاء في الدوله الاخري وسيكون الصراع بين الدولتين فكريا وسلميا وسعود السودان الي التوحد بعد زمن قصير وستكونبه ولايتينفقط ورئاسه دوريه منتخبه تتحول الي قياده موحده منتخبه من مواطني الدولتين معابعد سنوات قليله اذ لن يكون هنالك اسباب للنزاع المسلح وسيحاول كل نموذج ان يكون جاذبا اكثر من الاخر
| |
|
|
|
|
|
|
Re: ياساسه لو مصرين يعني تقسمو السودان دا اقسموهو لينا بالطول (Re: Amany Elamin)
|
امانى اللمينيه..
انتى ما عاينت للخريطه كويس ؟
همسه بالجمبه كده !!
كبرى حلفايه - حتانه
معاك كيف ؟
تكونى من بنات بحرى جنوب
!!
ملحوظه : امدرماننا دي يحلك منها
الا نام لا اكل الطعام هى غرب النيل وعريضه زي اُم طرقاً عُراض يعنى سيك سيك
..
العاقبه فى التقسيمات الجديده ولي معلوميتك ناس امدرمان المكرهاتيه ديل بطالبو بحكم زاتى عديل كده اها شنو ليك !! . وان عُتم عدنا.,. او زيما قال عثمان حسين او عادت الايام . .
| |
|
|
|
|
|
|
Re: ياساسه لو مصرين يعني تقسمو السودان دا اقسموهو لينا بالطول (Re: خيرى بخيت خيرى)
|
سلام استاذ طارق الامين
سبقناك بشوية
Quote: تحياتي للجميع
معليش لعدم الموضوعية لكن هو في شنو في السودان دا موضوعي
على العموم الفكرة كالآتي:
كان اصلو الانفصال واقع واقع، لماذا لا نفكر في شرق وغرب بدلا عن شمال وجنوب
وبي كده:
1- نضمن ان كل نصف سيأخذ نصيبة من الغابة والصحراء بالتساوي 2- نضمن ان كل نصف سينال نصيبة من البترول بالتساوي 3- نضمن ان كل نصف يأخذ نصيبة من الشوايقة والدناقلة والدينكا والشلك و و و ...الخ بالتساوي 4- لن نضطر للخوض في مفاوضات ومهددات ترسيم الحدود، ياهو بحر ابيض وامتداده من المقرن بنهر النيل (على الاقل بي كده نضمن ان امدرمان ستكون في دولة تانية) 5- بناءا على (3) سنضمن ان لا مصلحة للسودان الشرقي في محاربة اهلهم في السودان الغربي
في ولايات ستكون بكاملها في احدى الجزئين زي ولاية البحر الاحمر في السودان الشرقي وولايات دارفور في السودان الغربي، لكن لا باس، اما الولايات النيلية هي التي سنضطر لتقسيمها بين السودانين زي الشمالية، نهر النيل، الخرطوم، النيل الابيض، اعالي النيل، جونقلي، وديل هم راس الهوس في السودان وهم الماكلين الجدادة وخامين بيضها. فمسالة تقسيمهم قد تعيد للسودان ميزان القوى المفقود منذ عقود في السودان.
تحياتي |
حيرنا النسويهو يا طارق اخوي
اقتراح غير موضوعي: لماذا لا نفصل السودان شرق وغرب بدلا عن شمال وحنوب؟؟
| |
|
|
|
|
|
|
Re: ياساسه لو مصرين يعني تقسمو السودان دا اقسموهو لينا بالطول (Re: طارق الأمين)
|
الأخ طارق الأمين رمضان كريم وتصوم وتفطر على خير
أنا عندي اقتراح تاني:-
ليه ما نقسم بلد الجن ده سيافي؟؟
يعنى من حلايب ويجي ماري ويقطع الخرطوم بالنص وماري ويقطع منطقة ابيي بالنص إلى افريقيا الوسطى.. كل دولة تكون في شكل مثلث.. أو شكل سمبوسة واحدة بالجبنة والتانية باللحمة..
ـــــــــــــــــــــــــ والله ناس المؤتمر والوطني والحركة الشعبية حيرونا وما قادرين نعرف سايقين البلد لى وين؟؟وناس المعارضة بيتفرجوا ومنتظرين نتيجة المباراة في التاسع من يناير القادم وكان الله في عون السودان.
| |
|
|
|
|
|
|
Re: ياساسه لو مصرين يعني تقسمو السودان دا اقسموهو لينا بالطول (Re: أحمد ابن عوف)
|
Quote: بالعرض برضو جاييك بس إنت شيل الصبر كلو في، المافي شنو؟ |
يا حلبلب و الله دى شر البلية المضحكة زاتها قلت لى كل انواع التقسيم ح نشهدها فى بلادنا، صحيح هو المافى شنو الجبهجية كتار ما ليهم حد و على اٍٍستعداد يقسموه تقسيمات مختلف الوانها شئ بالطول و شئ بالعرض و شئ مكعبات صغيرة صغيرة.
يا طارق يا فنان شيل الصبر، الكيزان باذن الله يوركم مختلف التقسيمات!!
| |
|
|
|
|
|
|
Re: ياساسه لو مصرين يعني تقسمو السودان دا اقسموهو لينا بالطول (Re: المر)
|
Quote: طارق اللمين وأشرف الحلبي,,
أثني اقتراح التقسيم بالطول الي نصين بشده
علي الأقل بحري تكون في نص, وأمدرمان تكون في النص التاني,,
وأهم حاجه يكون في حدود, عشان ناس أمدرمان كرّهونا كبري المك نمر وكرّهونا بحري ذ |
االمهم يازوله كسبناك كطولاويه في حال لابد من الانقسام والكلام دا نقدر نرد ليك عليهو بالتفصيل بعد ظهور النتيجه مباشره اسي نحن شغالين استقطاب لي فكرة الانقسام الطولي كطولاويه قال ام درمان قال
| |
|
|
|
|
|
|
|