تاني نقعد في شماعة المدرب شغال بالمجان ياجماعة طال ما الشغلة تحصيل حاصل والناس دي داخلة من غير جاهزية ومافيش ميزانية مرصودة يفترض فرصة هيثم مصطفى والعجب تقدم الى لاعبي جدد حتى يكتسبوا الخبرة بمرور الزمن حتى ولو الفريق خسر ياحماعة روماريو في قمة عطاءه وادخل منتخب بلادة كاس العالم ورغم عن ذلك تم استبعادة بعدم جاهزيته من حيث اللياقة والكباتن هيثم والعجب ولو انهم الافضل حاليا في الملاعب ونشكرهم على ما قدموهو للوطن يكفي لهم مستواهم وطريقة ادائهم ان يكون من ضمن مقررات مناهج التعليم السودانية عامل السن ياجماعة قبل يومين شفنا زين الدين زيدان مع منتخب بلادة ولو رجع الان سوف يكون افضل لاعب في فرنسا كرة القدم اصبحت علم ويجب علينا مراعاة عامل السن لكل لاعب قبل كل شيء
09-03-2010, 10:32 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: يفترض فرصة هيثم مصطفى والعجب تقدم الى لاعبي جدد حتى يكتسبوا الخبرة بمرور الزمن حتى ولو الفريق خسر ياحماعة روماريو في قمة عطاءه وادخل منتخب بلادة كاس العالم
لا يا وليد صاحبي
جربنا اللاعبين الجدد مع قسطنطين وكانت النتيجة نقطة واحدة من ستة مباريات
احسن لينا العجب وهيثم
وبعد داك نشوف حكم الله
بالنسبة لمازدا الحكومة ما عندها قروش عشان تجيب مدرب بي عشرين الف دولار
وقالو السودان دولة بترولية
وقصة وما انتهت لسع
09-03-2010, 10:40 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
جربنا اللاعبين الجدد مع قسطنطين وكانت النتيجة نقطة واحدة من ستة مباريات
احسن لينا العجب وهيثم
وبعد داك نشوف حكم الله
ياخي عايزين نبني فريق جديد وشوف هيثم والعجب ماسكين خانة نفرين ممكن يتم تأهيل من يدخل خانتهم ويقوى عوده طيب اذا شاركو هيثم والعجب برضو سوف نحصل على نقطة واحدة طيب ما ممكن يتم اختيار واحد فيهم فقط ولا القصة مجاملة لاندية هلال مريخ
09-04-2010, 08:34 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: واحد عندو تاريخ كلاعب لاننكره وفشل كمدرب تماااااما
لايختلف اثنان في المدرب مازدا ولكن امكانياتة وصلت حد معين وطال ما حصل تغيير في رئيس الاتحاد يفترض تصاحبها نهضة كروية وكثيرا ما اقول يجب ان تعامل الرايضة في السودان وعمل مخصصات لها مثلها مثل وزارة الدفاع والداخلية والخارجية وكفانا مرمطة ياجماعة ويجب ان نبدا من القاع وتنظيم الرياضة بالاستفادة من الخبراء الاجانب
Quote: لوماعندنا 20 الف دولار لى مدرب لاندكروزر واااحد من عربات الحكومه بتدفع راتبه لمده 3 سنه بس تقول
يا وليد يا أخوي بصراحة أنا دائماً بلقى نفسي في كتاباتك ومداخلاتك وكثيراً ما أجد ردودك مشابهه لما توحي به نفسي فأكتفي بالقراءة ... بكل صراحة نحن السودانيين "ناس رجعيين" و "بدايين" في كورتنا ... وفي غنانا ... وفي تفكيرنا ... وحتى في سياستنا ... قوة أي شعب من شعوب العالم تكمن في "شبابه" وفي "علمه" يعني شباب + علم = نهضه باللغة البسيطة الغير معقدة الكورة بقت علم يُدرس ويطبق وتُحلل نتائجه ... كلما أشاهد العجب وهيثم مصطفى يركضان بالملعب أُيقن تماماً بأن حواء السودانية قد نضب رحمها .. أو ربما أصابها "العقم"... كيف لا وقد إنجبت لنا من قبل طارق أحمد أدم وحامد بريمه وجمال أبوعنجة ومن قبلهما جكسا وقاقرين ... فلماذا هيثم والعجب ومازدا وشداد ...؟؟؟ مع أحترامي لهم ولما قدموه من عطاء فمهما قدموا لنا من فن وعطاء فلن يقترن تاريخهم بإنجاز .... وتبقى محصلتهم "صفر" كبير ... إلا من بطولات داخلية ومنافسات لا تخرج من نطاق "المحلية" المزركشه والمنمقه بأعلامنا الضعيف والعنصري ... . . وعشمك يا وطن ...
09-04-2010, 09:32 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: قوة أي شعب من شعوب العالم تكمن في "شبابه" وفي "علمه" يعني شباب + علم = نهضه باللغة البسيطة الغير معقدة الكورة بقت علم يُدرس ويطبق وتُحلل نتائجه ... كلما أشاهد العجب وهيثم مصطفى يركضان بالملعب أُيقن تماماً بأن حواء السودانية قد نضب رحمها .. أو ربما أصابها "العقم"... كيف لا وقد إنجبت لنا من قبل طارق أحمد أدم وحامد بريمه وجمال أبوعنجة ومن قبلهما جكسا وقاقرين ... فلماذا هيثم والعجب ومازدا وشداد ...؟؟؟ مع أحترامي لهم ولما قدموه من عطاء فمهما قدموا لنا من فن وعطاء فلن يقترن تاريخهم بإنجاز .... وتبقى محصلتهم "صفر" كبير ... إلا من بطولات داخلية ومنافسات لا تخرج من نطاق "المحلية" المزركشه والمنمقه بأعلامنا الضعيف والعنصري ... .
اولا شطرا على الاطراء ياخي كلامك جميل ومرتب ونابع من انسان له فكر وفعلا جبت التايها بكلامك الجميل دا وهو المطلوب
وليد .....سلاااام المشكلة لا مازدا ....لا هيثم ولا العجب المشكلة الذهنية البتدار بيها الكورة فى بلدنا الفريق القومى (فريق المناسابات ) غير مقنع ولا حيكون مقنع فى القريب مالم يكون هناك تخطيط سليم ......
09-04-2010, 10:16 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وليد .....سلاااام المشكلة لا مازدا ....لا هيثم ولا العجب المشكلة الذهنية البتدار بيها الكورة فى بلدنا الفريق القومى (فريق المناسابات ) غير مقنع ولا حيكون مقنع فى القريب مالم يكون هناك تخطيط سليم ......
تخيلي في يوم من الايام تم اختيارنا مع الفريق القومي للناشئين 1985م عسكرنا في جامعة ( النشيشيبة مدنى ) وادينا هناك مباراة مع منتخب مدني رجعنا الخرطوم فرتقو الفريق بحجة مافي قروش حتى في المناسبات جماعتنا ديل مقصرين اي دورة شاركنا فيها الفريق غير جاهز اعداد متأخر لذلك يعتمدون على لعيبة هلال مريخ فقط ولو انه يوجد لاعبين ممتازين في الدوري ولكن يبحثون على اللاعب الجاهز مع هلال مريخ ودي منهجية غلط شبكونا شداد شداد عملوا لينا وجع قلب وتاني حليمة رجعت لقديمها بالادارة العشوائية للفريق القومي
-------------------------------- رايك شنو نعمل ليك مخصصات ونرشحك بدلا من مازدا... نفس الاقتراح القديم
Quote: تخيلي في يوم من الايام تم اختيارنا مع الفريق القومي للناشئين 1985م عسكرنا في جامعة ( النشيشيبة مدنى ) وادينا هناك مباراة مع منتخب مدني رجعنا الخرطوم فرتقو الفريق بحجة مافي قروش
كابتن وليد مابقدر اتخيل اصلو؟ طلعت بتاع ناشئين وكدا والله تارينى بتفاصح مع ناس كبار شديد وماجايبة خبر كان تكلمونا ياخ شان مانعمل البساط احمدى...
المريخ والهلال اندية مقومها الدنيا ..ميزانيات ...معسكرات(داخلية وخارجية) تستمر بالايام والشهور..تسجيل لعيبة(محترفين ومعاها تجنيس كمان ) وفى بعض الاحيان طيارات خاصة وجمهور يسد عين الشمس ...والمحصلة صفر كبير
لذلك لايمكن ان نختزل اخفاق الفريق القومى فى مازدا وهيثم والعجب .
09-04-2010, 11:09 AM
haroon diyab haroon diyab
تاريخ التسجيل: 06-20-2007
مجموع المشاركات: 23215
لو كان الفريق نتائجة ايجابية كان ممكن نستفيد من خدمات هيثم او العجب لكن نحن عايزين نبني فريق جديد وكفاية شايفنهم مع انديتهم والدوري المحلي اكيد بكونوا استفادو ا منهم .
Quote: الزول ده كرهنا المريخ والمنتخب والبلي زاااااااااااااااااااتو
تسلم ياوليد
هههههههههههه الله يسلمك ياغالي تعرف زمان كل يوم يشيلو المدرب سيد سليم من المنتخب ويرجعوه مرة تانية والنتئج هي نفس النتائج
09-04-2010, 11:10 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: كابتن وليد مابقدر اتخيل اصلو؟ طلعت بتاع ناشئين وكدا والله تارينى بتفاصح مع ناس كبار شديد وماجايبة خبر كان تكلمونا ياخ شان مانعمل البساط احمدى...
برضو انتِ ستنا وتاج راسنا واستمتع جدا عندما تتكلمون في كرة القدم انتِ و اخواتك مواهب ادريس واماني الامين لانكم تذكروني شقيقتي الصغيرة المرحومة دكتورة رحاب كانت تسجل لي كل مباريات كاس العالم ايام الامتحانات وتغالطني في اسعار اللعيبة وتاريخهم الكروي لذلك احبكم جدا جدا وتم فتح بوست تعازي لها هنا في المنبر واشكركم على تعازيكم ودعواتكم .. تخيلي وفاتها تسببت في مرض والدتنا الله يديها العافية اللهم ارحمها واغفر لها وتقبلها قبول حسن .
Quote: المريخ والهلال اندية مقومها الدنيا ..ميزانيات ...معسكرات(داخلية وخارجية) تستمر بالايام والشهور..تسجيل لعيبة(محترفين ومعاها تجنيس كمان ) وفى بعض الاحيان طيارات خاصة وجمهور يسد عين الشمس ...والمحصلة صفر كبير
وكل هذا الصرف من غير تخطيط لماذا لم يتم توجيه هذه المبالغ الكبير في استثمارات للاندية حتى لايحتاجون على صرف زيد او عبيد يا اميرة في وسط ادارات الاندية توجد مرتزقه ومصلحجية لذلك انهارت كرة القدم في بلدنا تدرجيا الى ان وصلت هذه المرحلة المزرية يقولوا ليك سجلنا اللاعب بمائة مليون ويكون الفعلي المقبوض 25 مليون ولما يجي وقت الحساب يقولوا ليك الصرف تم من غير مستندات هل هذا يعقل او كلام منطقي
09-04-2010, 11:18 AM
عبدالكريم أحمد الامين عبدالكريم أحمد الامين
تاريخ التسجيل: 08-04-2008
مجموع المشاركات: 6343
** ود عبداللطيف.. ** مساءك خير.. ## طبعاً الشعب السودانى الفضل فى الفتره الماضيه ريحانهو شويه من قيادة المازدا 303 , وبما أنو راحة الشعب دا ما من ضمن أُولوياتنا , فكان لابد من رفع ضغطو وسكريهو بإعادة المازدا للقيام بهذه المهمه..
## لايوجد تخطيط وإهتمام بالرياضه وبمثلما يهل علينا الخريف (المعلوم الموعد) فجاءتن تهل علينا مُشاركات الفريق القومى فى الدورات المؤهله لكأس أفريقيا والعالم (المعلومة الموعد) فجاءتن ,, شفت كيف ياود عبداللطيف وبما أنو الكره رجس من عمل الشيطان لإلهاء الشعب الفضل عن القيام بالمهام الموكله إليه فلقد قررنا عدم الصرف على هذا النشاط الفارغ ..
*** والله ياوليد نثريات علاج ولد واحد من المسؤوليين (لاحظ ولدو مُش المسوؤل ذاتو) ماشى الاُردن أو جاى دبى للتسوق تُعادل مُرتبات مُدرب أجنبى مُحترم لمدة 10 شهور ..
### ود عبداللطيف نصيحه أخويه أعمل رايح :- مُباريات الفريق القومى تجنب حضورها وخصوصاً إذ كان مازدا هو من يقود الفريق وذلك حفاظاً على الصحه من إرتفاع الضغط وكومات السُكرى.. (ودام الود بيننا) (ابو محمد فؤاد)
09-04-2010, 11:24 AM
جمال الباقر جمال الباقر
تاريخ التسجيل: 12-14-2008
مجموع المشاركات: 2237
لمن قلنا يشيلو العجب وهيثم وبقية الديناصورات شفت الحصل براك وخليل وضح ليك النقطة دي المشكلة مشكلة ادارية بحتة .... بمعنى ... نحن لينا زمن طويييييييييل بنتخبط في موضوع المنتخب القومي دة لما يكون في ادارة جيدة بكون في اختيار جيد للمدرب ومنحه كل الصلاحيات ثم محاسبته بالنتيجة لما يكون في ادارة تمام بتقدر تستخلص متطلبات المنتخب المالية من الحكومة مش المرة الفاتت نمشي بطقم واحد للامم الافريقية وكمان قالو هدية لما يكون في ادارة قادرة تضع خطط طويلة المدى لتطوير النشء ودمجه تدريجيا في المنتخبات القومية لما ولما ولما ............. بعد كدة تعال اسال من المنتخبات القومية
----------------------
Quote: تخيلي في يوم من الايام تم اختيارنا مع الفريق القومي للناشئين 1985م
ياتو فئة من الناشئين يعني تحت كم سنة ؟؟؟؟؟
سعال انت ما مجبور على اجابته
التحية
09-04-2010, 12:20 PM
الحاج حمد الحاج الحاج حمد الحاج
تاريخ التسجيل: 03-29-2008
مجموع المشاركات: 4800
ابو محمد فؤاد ... الهلالي الكبير وعاشق الموج الازرق
Quote: ود عبداللطيف نصيحه أخويه أعمل رايح :- مُباريات الفريق القومى تجنب حضورها وخصوصاً إذ كان مازدا هو من يقود الفريق وذلك حفاظاً على الصحه من إرتفاع الضغط وكومات السُكرى..
تخيل كنت مريح نفسي ولكن انضمامنا هنا تحت دوحة سودانيز كان لازم نتابع لكي نشارك الناس الحديث وجميل عن المجنونه
الحاج حمد ... كيفك ياصهيوني وعا شق الدم ... اقصد اقول كيفك ياصفوة
هذا صديقي الكابتن هيثم سلمان مدرب منتخب الشباب كان في زيارة عندنا بجدة رمضان السابق كثيرا ما اتصل عليه بخصوص المنتخب وفعلا هم نواة الفريق الاول بس نقول لمين ماشفت اولاد غانا ماشفت اولاد اسبانيا كيف اليوم ناس بايول وانيستا و ديل لعبوها ناشئين والان شالو كاس اوربا والعالم ياجماعة الكرة اصبحت شيء اخر يختلف عن زمان لازم تخطيط وتخطيط سليم
هيثم و العجب هم لاعبين ممكن يكونوا ضمن التشكيله او خارجها ومازدا برضك >>> وده ما المشكله
المشكلة فى الدولة ممثلة فى وزارة الرياضة يعنى مالم تكون هنالك ميزانيات جيده و ممتازه للفرق القوميه و لتاهيل الاداريين و المدربيين فلن يتحقق الحضور المستمر و المنافسة على البطولات و تحقيقها ..........
بالنسبة لهيثم و العجب تحديدا بيكون الرفرنس حجم العطاء مع انديتهم >> واظن هيثم كان افضل نجوم الهلال فى المباريات الاخيره + افضل مباريات روجيه ميلا و لوتر ماتيوس واحمد حسن و رومونيقه وغيرهم وغيرهم كانت فى اواخر التلاتينات و اوائل الاربعينات من العمر+ الخبره والقياده الجيده مهمه فى كتير من الاحيان
09-04-2010, 01:45 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
سؤال خبيث جدا عشان كده كنت عايز انزل ليك صورة لابسين شعار الفريق القومي بس ظاهرة الركب لكي تستطيع تحدد اعمارنا يازول انت شفتنا على الطبيعة ممكن تحسبها وتحددها كان المدرب القدير محمد حسن نقد واتذكر معنا اللاعب حسن مصطفي ( كاريكا ) وكان من ضمن فئة الناشئين والشباب لانه كان متميز وعمرة صغير جدا والغريبة منتخب الشباب الذي كان قبلنا لعب في مصر وكان به ناس عاطف منصور وكما ل تنقو
09-05-2010, 08:47 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: بالنسبة لهيثم و العجب تحديدا بيكون الرفرنس حجم العطاء مع انديتهم >> واظن هيثم كان افضل نجوم الهلال فى المباريات الاخيره + افضل مباريات روجيه ميلا و لوتر ماتيوس واحمد حسن و رومونيقه وغيرهم وغيرهم كانت فى اواخر التلاتينات و اوائل الاربعينات من العمر+ الخبره والقياده الجيده مهمه فى كتير من الاحيان
كما تفضلت ياطارق القيادة مهمة ولكن برضو يفترض يكون ليها زمن معين امس هيثم كان قائد ممتاز ولكن برضو لازم الناس تشوف البديل لان القيادة ممكن تعلمها لشخص ( كيف تكون قائد )
Quote: لو كان الفريق نتائجة ايجابية كان ممكن نستفيد من خدمات هيثم او العجب لكن نحن عايزين نبني فريق جديد وكفاية شايفنهم مع انديتهم والدوري المحلي اكيد بكونوا استفادو ا منهم .
ياوليد سلااااام تانى ... ركز على مسالة نحن عايزين نبنى فريق دى ..... نحن لو عايزين نبنى فريق جديد وقوى ومتكامل دى عايزة وقت ..مجهود ...تخطيط سليم ..فكر واخلاص ديل فى البداية ..... يتبنى فريق من الصفر حتى لو توقفنا عن المنافاسات الخارجية فترة طويلة ما مشكلة المهم عام2020 (مثلا)نكون عارفين ومتاكدين عندنا فريق حيظهر بمظهر كويس وعام 2025 عندنا فريق ممكن يحقق بطولة خارجية ..بعدها يبقى اشراك نجوم من المريخ او الهلال مثل هيثم او العجب امر عادى ومامحل شد وجذب .....ولايتحملو وز اخفاقات الفريق القومى تحياتى
09-05-2010, 09:46 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: ياوليد سلااااام تانى ... ركز على مسالة نحن عايزين نبنى فريق دى ..... نحن لو عايزين نبنى فريق جديد وقوى ومتكامل دى عايزة وقت ..مجهود ...تخطيط سليم ..فكر واخلاص ديل فى البداية ..... يتبنى فريق من الصفر حتى لو توقفنا عن المنافاسات الخارجية فترة طويلة ما مشكلة المهم عام2020 (مثلا)نكون عارفين ومتاكدين عندنا فريق حيظهر بمظهر كويس وعام 2025 عندنا فريق ممكن يحقق بطولة خارجية ..بعدها يبقى اشراك نجوم من المريخ او الهلال مثل هيثم او العجب امر عادى ومامحل شد وجذب .....ولايتحملو وز اخفاقات الفريق القومى تحياتى
طبعا عشان نبني فريق جيد يا بت الشيخ ومستقبلي حكاية نتوقف عن المنافسات دي امر صعب شوية لان من خلال المنافسات ممكن الناس تستفيد خبرة وتتبني ثقافة البطولات الى ان نصل الى ثقافة كيف نحصد الكاسات ولو لاحظتي الفريق المصري مهما يكون ضعيف ولكن تجدينه يمتلك ثقافة النهائي والتتويج بالبطولات وهذا مانريد ان نصل الية
Quote: نحن لو عايزين نبنى فريق جديد وقوى ومتكامل دى عايزة وقت ..مجهود ...تخطيط سليم ..فكر واخلاص ديل فى البداية .....
وكلامك العميق دا هو سر نجاح الرياضة اذا اردنا النجاح بالله ماتمشي بعيد لان اقتراحاتك مرتبة وممكن من خلالها نضيف
Quote: طبعا عشان نبني فريق جيد يا بت الشيخ ومستقبلي حكاية نتوقف عن المنافسات دي امر صعب شوية لان من خلال المنافسات ممكن الناس تستفيد خبرة وتتبني ثقافة البطولات الى ان نصل الى ثقافة كيف نحصد الكاسات ولو لاحظتي الفريق المصري مهما يكون ضعيف ولكن تجدينه يمتلك ثقافة النهائي والتتويج بالبطولات وهذا مانريد ان نصل الية
وليد الفريق المصرى وين ونحن وين ؟ كم عدد المرات التى صعد فيها الفريق المصرى الى منصات التتويج ؟(7مرات تقريبا)وصاحب الرقم القياسى كم مرة لعب الفريق المصرى النهائى او شبه النهائى ؟ الفريق المصرى فى اضعف حالاته ممكن يكون فريقنا القومى فى احسن حالاته .. المصريين مشبعين بثقافة الفوز فى كافة المجالات وليس مجال الرياضة وحده المصريين نفسيا اقوى مننا لانهم ماشايفيين زول احسن منهم ودا العاجبنى فيهم اللاعب السودانى بشكل عام بنيتو النفسية هشة لاسباب كتيرة ولا يمتلك الشخصية القوية داخل الملعب حتى لو كان لديه امكانيات فنية ومهارات عالية اكتر من الخصم ,,, شان كدا بقول ليك نقيف ونبنى فريق متكامل نفسيا وبدنيا وذهنيا ...المسالة مامنفصلة شكلى بديت اشطح ..
09-05-2010, 10:49 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وليد الفريق المصرى وين ونحن وين ؟ كم عدد المرات التى صعد فيها الفريق المصرى الى منصات التتويج ؟(7مرات تقريبا)وصاحب الرقم القياسى كم مرة لعب الفريق المصرى النهائى او شبه النهائى ؟ الفريق المصرى فى اضعف حالاته ممكن يكون فريقنا القومى فى احسن حالاته .. المصريين مشبعين بثقافة الفوز فى كافة المجالات وليس مجال الرياضة وحده المصريين نفسيا اقوى مننا لانهم ماشايفيين زول احسن منهم ودا العاجبنى فيهم اللاعب السودانى بشكل عام بنيتو النفسية هشة لاسباب كتيرة ولا يمتلك الشخصية القوية داخل الملعب حتى لو كان لديه امكانيات فنية ومهارات عالية اكتر من الخصم ,,, شان كدا بقول ليك نقيف ونبنى فريق متكامل نفسيا وبدنيا وذهنيا ...المسالة مامنفصلة شكلى بديت اشطح ..
بالعكس انتِ ما شطحتي ولكن لعبتي لي باص بيني جميل يمكن من خلاله الواحد يفتح بوست عديل خليك من زيادة الصفحات الوطنية مفقودة في السودان ولو ملاحظة امس فريقنا القومي كان كا الطفل اليتيم لايوجد من يرعاه وينظر الى مستقبلة المظلم المصارية لم يصلوا الى هذه المرحلة عن فراغ ولعيبتهم ليس اميز من لاعبي غرب وشمال افريقيا والدليل على ذلك نجحاتهم ضعيفة خارج اوربا كس صمويل ايتو ويايا طورى ودورغبا ولكن يملكون اهم شيء وهو الوطنية وحب البلد واصغر طفل لا يرضى في بلدة وكأنهم عندما يولدون يرضعونهم وطنية ويفطمونهم عليها واكيد الانسان لما يكون له روح الانتماء ممكن يحقق المعجزات وكلامك سليم الاشياء ليس منفصلة والوطنية على راس الهرم والمشكلة الاساسية في عدم الوطنية عندنا وحسب راي ناس الشمال معتبرين السودان لايخصهم وناس الجنوب كذلك كما يفتكرون اهل الغرب بأن السودان لايخصهم ومثلهم اهل الشرق اما ناس الوسط ( الخرطوم ) داقين نقارة بس وماتشوفي كلامهم والنقة في السياسة وطنية بتعريفة ماعندنا . اميرة ياخي انتِ جميلة جدا والكلام كثير
ودى مابتبنى بمعسكر او معسكرين او حتى 50 معسكرللفريق القومى ولا بزيارة وزير او مسئول درجة خامسة لمعسكر الفريق ويجهر بالتكبير والتهليل فى الفارغة ..ولو سالتو الفريق القومى دا لاعب فى ياتو منافسة مايكون جايب خبر...المهم يكون حاضر ويظهر فى التلفزيون واجهزة الاعلام
التربية الوطنية دى منهج متكامل(روضة..مدرسة ..بيت.. اجهزة اعلامية) ولا يمكن اعطاؤه فى جرعة واحدة وبعد بلوغ سن ال25 * والفريق داخل على مباراة مصيرية...
والله غلبنى الكلام زاتو ياوليد
-________________________________________________________ 25 ممكن يكون متوسط اعمار لعيبة الفريق القومى او ممكن يكون عمر اصغر لاعب وكل وارد
09-05-2010, 11:21 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
لذلك قلت لكي اقرب ناس لنا المصارية يرضعون الوطنية يعني قبل التمهيدي زاتو
Quote: 25 ممكن يكون متوسط اعمار لعيبة الفريق القومى او ممكن يكون عمر اصغر لاعب وكل وارد
مشكلة الاعمار دي كمان دخلتيني في الكلام في حته تانية وهي اللاعب السودان يتعلم كرة القدم بالفطرة من الدافوري في الحلة وعدم وجود من يؤهلم ويستمرون بنفس المستوى وعندما يصل سن الخمسة وعشرون وهذه ميزة عند كل لاعب سوداني وحتى زمنا يادوب يقدر يستوعب حاجة اسمها كورة قدم لان هذه الرياضة محتاجة فهم وفهم كبير مثلها منثل الرياضيات والكيمياء والفيزياء لانها اصبحت علم وليس اصبحت بل كانت وما زالت ولكن نحن ياودب استوعبنا هذه القصة وعندما نصل سن الخمسة وعشرون من العمر معناها خلاص كبرت في الملاعب وشخت وهذا السن لي اي لاعب اخر غير سوداني بكون بفكر في الاعتزال وغير ذلك الجمهور يشبكك ياعجوز ياعجوز لما الكورة تطير ليهو من راسو حتى قدر الحبيبة الموجودة وفهما مؤخرا
Quote: التربية الوطنية دى منهج متكامل(روضة..مدرسة ..بيت.. اجهزة اعلامية) ولا يمكن اعطاؤه فى جرعة واحدة وبعد بلوغ سن ال25 * والفريق داخل على مباراة مصيرية..
بت الشيخ اميرة اسمحي لي اشيل هذه المداخلة بوست اخر
09-05-2010, 11:28 AM
khaleel khaleel
تاريخ التسجيل: 02-16-2002
مجموع المشاركات: 30134
هيثم كان جيدا ولو لعب العجب مكان راجي او مكان علاء طيارة او بكري المدينة
لفاز السودان بخمسة اهداف
افقر دول افريقيا اقامت معسكرات خارجية لفرقها القومية
ماعدا دولة سفينة الانقاذ سارت لا تبالي بالرياح دي
ياخي امس هيثم عمل حركة بالمباراة كلها عمل نفسو عايز يعمل اوفر لاب بالعكس اي بالكعب وشال المورة توغل بها ياخي ممتع هيثم ولو العجب دخل كان سوف يفعل العجب ولكن شوف جنس دا مساوي ماشي الله قلشت والكلام دا في راية كورنر الفريق الخصم وفي راس خط 18 علاء الدين وعمر بخيت الزول دا البجيبو هنا شنو والناس ديل في خط 18 واللعب العشوائي دا هو السبب في الفريق الخصم استطاع يعيد توازنة ودخل جو المبارة وقاسمهم امتلاك الكرة .. معسكر شنو ياخليل انت بتحلم يظهر عليك اعدادهم مباراة مع منتخب الشباب لكني عايزين نبني فريق جديد بقيادة بشة وهنو يعني هيثم والعجب كفاية عليهم اللعب المحلي
09-05-2010, 12:02 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: بكرى المدينه يرجى منه .... فقط يعطى الفرصه الكامله و الثقه و التوجيهات
ياخي هيثم فنان
Quote: وليد لا بديل لهيثم مصطفى فى الوقت الراهن الا هيثم مصطفى خصوصا محافظ على لياقته وهو فى احسن حالاته ياخ امس جانى احساس انو هيثم ده عمرو 19 سنه
ياخي هيثم فنان وامس في سيرته مع هيثم شوشة طبعا هو متواجد هنا معانا هذه الايام وتكلمنا عن الكثير والمسير في الرياضة وعن مأساة الفريق القومي وكيف خسر السودان مباراة الجزائر بعد ان كسبها في الخرطوم وقصة حكام الجابون والفاكس الذي سبب المشكلة واللوبي داخل الاتحاد ونسة تمنيت تكونوا معنا ياطارق وخليل
Quote: اما بالنسبه للاخ مساوى فلا يصلح لهذه الخانه ولو لا يقظة المعز و توفيقه كان الرماد كال حماد
لاخير في هذا ولا ذاك معقول مازدا يجعل مساوي يسك الكورة فقط اين ماكانت اين التوجيه تعرف الواحد امس وبتفرج على اعصابة شفت الشوط الاول كامل الشوط الثاني قلبت القناة ورجعت شفتها في الدقيقة 36 واتصل علي المسشار عبد الكريم ( دبي ) زعلان جدا جدا من اداء اولادنا فضحكت وقلت يظهر انا ما براي بزعل في مباريات السودان القومية
09-05-2010, 12:20 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
صاحبي ساخر جداً لما أقول أها ما لقيت ليك عروس .. يقول لي النقطع اليوم العروس هينة بتتلقي ..
وتاني ياخي لما الحكومة تجي تعمل ليها أسفلت في شارع فرعي الدنيا كلها بتقيف والحركة تتعطل لأن الشارع دا بقوم (بروس) ساي ودون أي تخطيط أو تمهيد حتى ..
أساس كل شي يا ولي التخطيط وتحديد زمن معين لكل برنامج تقوم به .. ودا شي أصبح بديهي + المال لضمان نجاح ما تخطط له ..
الكورة عندنا يا وليد ماشه بالبركة ساي .. وأنت تعلم كيف يبدأ الواحد لعب الكرة دافوري لدافوري يطلع لينا واحد لاعب قمة .. ومن شب على شي شاب عليه ياهو دا حال لاعبينا للأسف إلا ما ندر .. أخير زمان كان فرمالتنا الواحد يقول ليك البدايات كانت بكورة الشراب كنت ستجدني أتفق تماماً مع أختي أميرة الشيخ في قفل المشاركات الخارجية ولكن الآن الأمر أصبح صعب بعد تدخل الفيفا طبعاً وسيطرته على كرة القدم والتي تمنع مثل هذه التصرفات كما حدث لنجيريا بعد منافسات كأس العالم .. لقد كتبت في منتصف التسعينات في صحيفة الخرطوم وقتها كان بها ملحق رياضي عن ضرورة أيقاف المشاركات الخارجية لوقت معين يصل إلى خمسة سنوات ولكن كلامنا كله ذهب أدراج الرياح ودا كان ناتج من نتائج منتخبنا ومن فرق القمة التي نالت هزائم بالخمسات والستات ودا برضو بعد مجزرة الشطب الجماعي التي طالت القمة وفقدنا فيها لاعبين كبار كانت أشبه بالرياضةالجماهيرية .. ولأن من ينتمون للوسط الرياضي للأسف عبارة عن تجار ومستفيدين من وظائفهم في مجالس الإتحاد والأندية .. المهم المنتخب الوطني يجب أن تضع له الدولة أولويات لأنه يمثل البلد وعلى وزارة الشباب والرياضة إنتزاع هذا الحق بكل ما يؤتى من قوة .. إذا أردت أن تعرف مستوى الرياضة في أي بلد أنظر لمنتخبها ..
نعود لموضوع مازدا وهيثم والعجب .. حينما أراد أن يطبق (فكي) شداد الله يطراه بالخير سياسة الإنضباط في المنتخب والأندية أتى بالمدعو قسطنطين وهو للأسف مدرب مغمور وغير معروف بالنسبة لنا حتى .. فكان أن أبعد كل نجوم القمة وأتى بلاعبين من الأنديةالأخرى والفريق مقبل على مناسبات دولية بدون نظرة أو رؤية لما يمكن أن يكون عليه حال المنتخب .. وكانت هذه القشة التي قصمت ظهر البعير وأبعدت حتى الجمهور السوداني من متابعة مباريات منتخبها .. يا ولي لا يختلف إثنان في جاهزية لاعبي الهلال والمريخ وخبرتهم الدولية ولعبهم المتواصل في المنافسات الخارجية ودا في حد زاته دافع كبير لوجودهم في المنتخب .. الخبرة تلعب دور كبير في مثل هذه الحالات .. أما إذا أردت أن تبني فريق زي ما قالت ليك أميرة الشيخ فدا طريق تاني من خلال الناشئين والشباب وضمان إستمرارهم في مكان واحد ووجود منافسات لهم مع الرعاية التامة والدعم الكامل لهم كما يحصل في الدنيا كلها .. لاعبي الأندية الأخرى والتي للأسف لا تشارك أنديتهم خارجياً يحتاجون لوقت طويل حتى يتعلموا اللعب الدولي والخارجي ودي ثقافة تكتسب من خلال الممارسةالطويلة .. وأكيد لديك الكثير عن حالات اللاعبين قبل المباريات وحالة الخوف التي تنتابهم والكثير من الأول التي تعلمها .. وجود هيثم مصطفى وقيادته بالأمس للفريق بقيادة المعز وسفاري وعلاء الدين وعمر بخيت وكاريكا وراجي أدى الفريق دفعة كبيرة وظهر الفريق بشكل جميل ومطمئن .. وصدقني لا أعيب على مازدا وهو يستلم فريق في ظل أسبوع مع أداء مباراة لا تستطيع أن تفيدك في شئ .. صدقني أنا مع وجود هيثم والعجب لأن في وجودهم طمأنينة للاعبين وحتى الجمهور خارج الملعب في أن الفريق بخير والقيادة كما تعلم فن وذوق وصدقني بسهولة ستصل لعلاء الدين وهو كابتن للمنتخب أيضاَ ولعمر بخيت وراجي عبدالعاطي وحتى بكري المدينة اليافع ودا في حد زاته تواصل أجيال وهكذا الدنيا علمتنا .. عملية الإبعاد القسري قد تضر ولا تفيد لذلك لابد من التدرج وزيادة التخطيط سنصل إلى نصبو إليه .
يا ولي بوستك دا مشجع جداً لكن الوقت الوقت والله ..
بجيك تاني كان الله هون ..
09-05-2010, 12:25 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
أجمل ما لفت نظري في مباراة الأمس وكانت لقطة المباراة .. المشهد الأخير بعد نهاية المباراة واللاعبين يصطفون أمام الجمهور مرددين السلام الجمهوري .. والله هذا المشهد أبكاني .. وهذا ما نريده للمنتخب وللوطن وأن نكون متوحدين متحابين وكلنا الوطن ..
وعاش الوطن ..
09-05-2010, 12:28 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: ابو محمد فؤاد ... الهلالي الكبير وعاشق الموج الازرق
Quote: ود عبداللطيف نصيحه أخويه أعمل رايح :- مُباريات الفريق القومى تجنب حضورها وخصوصاً إذ كان مازدا هو من يقود الفريق وذلك حفاظاً على الصحه من إرتفاع الضغط وكومات السُكرى..
تخيل كنت مريح نفسي ولكن انضمامنا هنا تحت دوحة سودانيز كان لازم نتابع لكي نشارك الناس الحديث وجميل عن المجنونه
ياسلام .. سبب وجيه شديد
09-05-2010, 12:53 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18012
كابتن وليد عبد اللطيف وضيوفه سلامات الأزمة ببساطة جدا ازمة ثقافة كروية غايبة تماما عن الوسط الرياضي دون إستنثاء ... حكومة تعتبر الرياضة مجرد لهو ولعب لتزجية الفراغ ولا تستحق منها مجرد إلتفاتة صغيرة ناهيك عن دعمها ورعايتها. *إداريون نزلوا من السماء بالبارشوت كما قال الخبير حسن المصري ليديروا أكبر انديتنا وهيئاتنا الرياضية بلا فكرة أو خبرة إلا من شوية ملايين يبذرونها في إستقطاب الأضواء الإعلامية وحشد جوقة المطبين خاصتهم.. *تسجيلات تتم وفق الأمزجة والأهواء وبنوايا كيدية من الهلالاب والمريخاب دون أية نظرة فنية لهذا الجانب الخطير .. يسجل المريخ سبعة أو ثمانية يلعبون في نفس الخانة فقط ليغيظ الهلالاب ويفرح جمهوره بإنتصار إداري زايف لا يودي ولا يجيب ... والعكس أيضا فيما يخص الهلال . *لاعبون كل طموحهم الوصول لكشفي الفريقين الكبيرين ومن أجل ذلك يجتهدون أيما إجتهاد ويستعينون بكل الوسائل المتاحة وغير المتاحة وعندما يصلون ينتهي كل شىء بالنسبة لهم. * جمهور يزاحم في المواصلات ويقف في الصفوف الطويلة ليدخل مباراة المريخ او الهلال وقبل ان يجلس في مكانه يهتف (التحكيم فاشل) ، قبل ان يبدأ بالتصفيق للاعب أساء السلوك وخرج مطرودا من ملعب المباراة ، مدفوعا بعقلية التعصب البغيضة التى زرعتها في عقله صحافة المدرجات والتى ماأن يصبح صباح اليوم التالي حتى تحشد صفحاتها بكل الغثاء والهرجلة والتنظير والإدعاء وهي لا تنفك تهيج مشاعر العداء والكراهية والإحتراب وسط الجمهور . الازمة كبيرة ومستفحلة جدا يا وليد وليس فقط في مازدا أو العجب وهيثم مصطفي .
09-19-2010, 07:53 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: الازمة كبيرة ومستفحلة جدا يا وليد وليس فقط في مازدا أو العجب وهيثم مصطفي .
بعد ابداع كل من هيثم مصطفى والعجب في المستطيل الى الان ولم يوجد من يخلفهم معناها على كرتنا السلام وشكل العجب وهيثم بالحالة الشايفنها دي ممكن يلعبوا تاني عشرة سنوات المشكلة في مازدا لان مستواه او امكانياتة وصلت حد معين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وليد عبد اللطيف
khaleel
معتز الامين
معتز زيزي
haroon diyab
عبدالكريم أحمد الامين
جمال الباقر
الحاج حمد الحاج
معتصم دفع الله
فيصل نوبي
طلحة عبدالله
فيس بوك
تويتر
انستقرام
يوتيوب
بنتيريست