|
|
|
 Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: طلحة عبدالله)
|
الاستاذ طلحة
Quote: هلا يا وليد العزيز
حضرت أول حلقة من هذا البرنامج وعندما وجدته إحتشد بأولاد وبنات نجوم الغد
إتكلت على الله ويممت وجهي شطر قنوات أخري وحتى هذه اللحظة لم أشاهده. |
ياليتك كنت متابع معنا لكي تري الكبار يتساقطون مثل ورق الشجر
وتكون الشاهد والحاكم على ذلك
---------------------------------
من المؤسف لم يجدون من يحسهم على ذلك ومن باب صداقتي مع جمال فرفور وصلت له هذه الرسالة
| |
 
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: طلحة عبدالله)
|
طلحة استاذنا
Quote: إذا كان القائمون على البرنامج يريدون إثرائه ببعض الإضافات والتغييرات فكان يجب أن يكون
ذلك تدريجيا بإستضافة نجم واحد فقط من نجوم الغد في كل حلقة مثلا ، ولكن ليس بهذه الكيفية. |
كلامك منطقي جدا جدا
والقصة دي بتذكرني شطب لاعبي هلال مريخ بعد عام 87 وللان كرة هلال مريخ تعاني ما تعاني
البرنامج كان به زحمة ما اعتيادية تعمل طشاش وكما تفضلت كان يجب الاضافة بفهم
وا تضح لي في النهاية بأن السر قدور ليس له سبب في هذه الزحمة
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: طارق جبريل)
|
ود جبرين
Quote: بالعكس يا وليد
يخلوا الرابعي دة ويضيفوا ليهم محمود
وناس نجوم الغد ديل يشوفوا ليهم طهور يمشوهوا |
والله الدفع الرباعي دا لو هذا مستواه يعفونا منهم لكن لو انضبطوا ما بناباهم
يعني ما ممكن تجيب لي عاصم البنا يغني لسيد خليفة و يكون شخص اخر قريب الى صوته
مثل عصام محمد نور اول فنان كن يغني له سيد خليفة
نجوم الغد
غايتو شريف ورماز ومنار وشموس مافيهم طق لكن صاحبتك ام وجنات وكيتن في سفيان زي مابتقول
ممكن تعمل تستات اكثر وتعود
محمد عبد العزيز نطالب بعودته الى هذا البرنامج لان اذا الاوركسترا ما عملت معه بروفا قبل خمستاشر يوم
بطلعهم ليك اي كلام حتى بمحمد ايه زاتو
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: طارق جبريل)
|
ود جبرين
Quote: يا ولي فعلا السر قدور عايز وزنة كهرباء
بعدين يوزعوا الاغاني صاح
التراث واغاني الحماسة: عاصم
الكاشف وسيد خليفة: عصام
برضو فرفور بينفع في الكاشف
نادر خضر ناس صلاح مصطفى وانت ماشي
وهكذا |
وهو كذلك واهم شيء يسجل البرنامج قبل فترة كبيرة كما يفعلوا المصارية
موش يجونا في الزحمة ويكلفتوا الشغلة كفاية علينا الزعلا من الدعايات الكثيرة
كمان تبقى علينا عدم معرفة غناء دي تبقى مصيبة
ليقيتك فنان ياو جبرين وفعلا لازم توزع الاغاني والادوار حسب اصواتهم
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: Emad Ahmed)
|
الأخ وليد و ضيوفه الأعزاء ...
ضحكت حد الإستلقاء من تعليق طارق جبريل ...
بصراحة أنا شعرت بنفس الإحساس ...
كمية من الزحمة ... زحمة شديدة ...
أقول ليكم حاجة ...
الزحمة لزومها شنو ...
الغناء الرائق ... في استديو يقل فيه بخار الماء الناتج عن وجود أكثر من عشرة رئات تزفر هواء هل يناسب الطرب ؟؟؟
طبعاً لا ...
أنا أيضاً أرى أن البرنامج أصبح خصماً من رصيد قمم مثل عصام محمد نور و عاصم و فرفور و نادر ...
هل لا بد من تطعيم هؤلاْ بأصوات صاعدة ؟؟؟ لماذا هل بسبب النجاح الذي حازه برنامج مثل نجوم الغد ؟؟؟
هذا البرنامج ليس هدفه إظهار الأصوات الشابة أو فليضيفوا إلى إسم البرنامج (( أغاني و أغاني نجوم الغد ))
أستمتع بالحميمية الموجودة بين الرباعي موضوع البوست ...
و أؤكد كلام طارق جبريل حول ضرورة الإعداد الجيد و المونتاج بحيث تتم مشاهدة الحلقات و ترقية تنسيقها ...
رأيي أن يكون للبرنامج لجنة استشارية تضبط شطحات التوثيق التاريخي فالسر قدور يمكن أن ينسى و لا عيب في ذلك ...
عيب البرنامج هذا الموسم الزحمـــــــــــــــــــــــــــــــــــــة
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: وليد عبد اللطيف)
|
الاخ عماد ( موثق المنبر الكبير )
Quote: اخي وليد
اقترح استبدال السر قدور بالموسوعة عوض بابكر
لانه العند السر قدور كمل وحلقات هذا العام
معظمه إجترار لما قدم سابقا وبجيك بإحصائية
بخصوص ذلك . |
اخي سبق وتكلمنا عن الاغاني التي سبق
تقديمها في الدورات السابقة
لذلك اصبح كيس السر قدور فاضي
وكمان السنة جابت ليها شطحات وتحريف في بعض اصحاب الاغاني
ودي مشكلة كبيرة
مامشكلة وجود السر قدور ولكن اهم شيء الاعداد الجيد
لان السر قدور فرايحي اكثر من عوض بابكر والبرنامج ترفيهي
ياريت ياعماد لو تنزل لينا هنا وتعمل احصائية لكل الدورات السابقة
بالاغاني التي تم سماعها .
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: معاوية عبيد الصائم)
|
...فى البداية فى ملاحظة لفتت إنتباهى وهى عدم تناسق الازياء لدرجة تشتيت
إنتباه المشاهد,,,يعنى ممكن الفنانات يجو بالتوب الابيض مثلآ...والشباب يوحدو
الزى بتاعهم...
تانى حاجة اقترح إستبعاد أحمد الصادق...وشريف الفحيل...وطه سليمان
وكل البنات إلا شموس وصباح....مع إضافة سميرة دنيا...ونانسى عجاج
ملاحظة تانية الاخراج ما ظابط ولا يليق بحجم البرنامج ومافيهو لمسات إبداعية
مضاف لذلك ضيق مساححة التسجيل يعنى الفرقة الموسيقية ماقاعدة بإرتياح
وبدون نظام....
الديكور تعبان تعب الجن والله,,,ممكن يكون احسن من كده
لم نسمع اغانى لابو عركى مصطفى سيد احمد
المهم
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: وليد عبد اللطيف)
|
اخي وليد وضيوفك الكرام
يا اخوانا القصة تعدت موضوع غناء وحسب
البرنامج در هذا العام مقابل الرعاية من الشركات
اكثر من اربعة مليار جنيه اولا
ثانيا ادارة القناة بذلت مجهود جبار لاقناع محمود عبد العزيز للاشتراك
في هذا البرنامج ولعدة سنوات بعد ان كان ممانعا
عاد واشترك هذا العام
كل هذا لجذب اكبر عدد ممكن من المشاهدين
تقول لي يغيروا فرفور وعاصم البنا
هذا مستحيل....
الا في حالة ان يعتذر احدهم
بعدين اذا كان ترباس في التلات حلقات اخد ثمانين مليون
تقول لي قال
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: طارق ميرغني)
|
خالد خليل ... كيفك يا طيب
Quote: ملاحظة تانية الاخراج ما ظابط ولا يليق بحجم البرنامج ومافيهو لمسات إبداعية
مضاف لذلك ضيق مساححة التسجيل يعنى الفرقة الموسيقية ماقاعدة بإرتياح
وبدون نظام....
الديكور تعبان تعب الجن والله,,,ممكن يكون احسن من كده |
الاخراج نقدر نقول وسط وكما تفضلت في اشياء
يجب المخرج ان يراعي ليها والحلقات دي مسجلة وليس مباشرة
يعني كان ممكن يعملو تقطيع للاشياء الغير جميلة
حتى تظهر للمشاهد الحلقة بصورة مكتملة وجميلة
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: Emad Ahmed)
|
الاستاذ الشاعر المرهف هاشم احمد خلف الله
Quote: الحبيب وليد
في إعتقادي الشخصي ان كل فرد في هذه المجموعة ( نجم )
وكثرة النجوم بتجهج المستمع والمشاهد !!
اتفق معك ان تتاح الفرصة لمجموعة اخرى من المطربين
مع خالص الشكر لكل ما قدموه وحقيقة كانوا عند حسن الظن
رمضان كريم وعيدك سعيد إن شاء الله
مشتاقين يا زول |
والله الشوق بالاكتر
وفي حضرتك يحلو الحديث عن الفن
الشباب الذكرناهم ديل مافيهم كلامواشبعونا طرب
طول السنين السابقة
والبرنامج كما تفضلت محتاج فرص لباقي الشباب
-------------------
يا استاذ يظهر الفنان ابراهيم متكاسل مارسل لينا تاني اي عمل
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: وليد عبد اللطيف)
|
سلامو لصاحب البوست وكل المتداخلين
البرنامج كفكرة ابدا مابطال , بس فكرة ينقصها الإعداد ,الإخراج السليم.
القيامة الرابطة من الفنانين/ات , ابدا مافى اى حوجة منطقية ليها, يعنى أجمل لو حصل إبدال.
الأستاذ السر قدور , عندو نفّسو ونكهتو فى تقديم البرنامج , بس طريقة إدارة الحوار وتوزيع الأغانى مزعجة وتُدار بفهم كيفما أتفق.
محمود عبدالعزيز , إضافة حقيقة للبرنامج (بس لحدى حسة أنا ماعارفة الحاصل على محمود شنو؟) يعنى مثلا محمود على المسرح اداء مختلف تماماً.
جمال فرفور , أحسن بكتير من رمضان الفات , وخفة دمو مرات بتضفى جو على الحلقات.
عاصم البنا , صوتو يليق ببعض الأغانى ويبدع فيها ,وفى بعض الأغانى أشفق عليه وعلى معجبيه, ومن المفترض المعد والمخرج يوزعوا الأغانى قبل بداية الحلقة , مش الفكرة انو المشاهد يُطرب ؟!
اظنى نادر خضر كفاهو !
أميمة يحى , صوتها جميل لكن ماينفع تغنى ألون , صوت أداء جماعى .
شموس ومنار من أجمل الأصوات ولحدى حسة أداءهن مافيو كلام.
ريماز وشريف , بسهولة كان ممكن يحصل ليهم إبدال من شباب جميل من نجوم الغد وأصواتهم أجمل بكتير.
صباح لاتطربنى على الإطلاق.
طه سليمان , أدى أداء جميل بالذات فى الأغانى ذات الإيقاع الخفيف.
أحمد الصادق , ماعارفة بغنى كويس ولا؟
أما عصام محمد نور , هو ملك الدورات كلها بلا منازع أداء فى قمة الجمال, وهدوء وروقة مُحببة .
_____________________
الكلام الفوق دة رأى مستمع أكتر من عادى.
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: ندى عثمان حسن)
|
الاخت ليلى عز الدين
Quote:
فى إعتقادى .. البرنامج محتاج لواحد من إتنين:
إما أن تغيير المجموعة وفقاً لنوع الأغنيات .. يعنى مثلاً عاصم و آل البنا حقيبة و غناء شبيه بذلك .. و غيرهم للغناء الحديث
أو أن تثبت المجموعة و هنا يشترط إدخال فنانين مميزين يمكنهم أداء القديم و الحديث مثل الطيب مدثر و محمود عبد العزيز |
طبعا كلامك دا جميل جدا ومن شدة الزحمة والهرج والمرج
الاستاذ السر قدور ماقادر يوزع الاغاني
مابين التراث والقديم والحديث ويوجد اكثر من صوت معه
لحظات تحسي بان الحلقة بها نوع من الجوطة والازعاج
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: وليد عبد اللطيف)
|
سلام يا وليد يا حبيب
وتحية عبرك للجميع هنا
عندي كلام كتير شديد واحتمال يكون ما مرتب كويس بخصوص هذا الموضوع
في البداية بتفق معاك في ده :-
Quote:
عاصم البنا
عصام محمد نور
جمال فرفور
نادر خضر
1- لان البرنامج اصبح خصم عليهم
2- اعطاء الفرصة الى غيرهم
3- البرنامج يفتقر للجودة
احيانا تتخيل البرنامج اصغر من اعمارهم وعمرهم الفني
او يرجعوا الى مرحلة يتنافسون مع نجوم الغد
وكل هذا من حبنا لهم ... |
وبضيف عليهو ملاحظات خاصة وهي :-
- نادر خضر اضعف حلقة في هذه المجموعة واصبح باهت والمود
بتاعوا لا يرقي لبرنامج ترفيهي .
- عصام محمد نور يحتاج بشدة لان يبعد من طريقته الممله في
الغناء بعدم الحيوية والتفاعال وهذا لا يتأتي عليه الا بأن
يبعد قليل ويجلس مع نفسه .
شي اخر اره مهم في مناقشة عدم جدوى هذا البرنامج بشكله الحالي
هو:-
- طبيعة البرنامج التي اصبحت تجارية بحته (مجالس الخرطوم تتحدث
أن ريع الرعاية بتاعة البرنامج وصلت لمليار جنيه - وانتم تعلمون
جيداً حين تتحدث مجالس الخرطوم- فاصبح واضح وجلي عدم حرص السر قدور
علي تحري الدقة في التوثيق وتجاوزه لكثير من المعلومات .
-أ- وضح أن بالبرنامج تصفية حسابات عالقة - حلقة بشير عباس وعدم ذكر
البلابل الا عرضاً رغم التغني باغنياتهن الخالدة .
-ب- فهمنا من طبيعة البرنامج في بداياته (قبل 5 سنين- أن البرنامج
يستضيف فنانين كبار مع الترحيب بنجوم الغد الفائزين في الدورات
الجديدة ومن هنا نجد أن تغييب الفنانة النجمة فهيمة عبد الله ما هو إلا
تصفية حسابات من قناة النيل الازرق مع فهيمة علي خلفية الصراع الذي دار
مؤخراً بينها والاستاذ بابكر الصديق وقناة النيل الازرق .
لكل الذي سبق أتمني من الفنانين المذكورين آعلاه أن يسجلوا موقف واضح
يناصرون به اهمية البرنامج ويرجعونه للطريق السليم و ليعودوا هم معافين
تماماً بعد أن يراجعوا اوضاعهم .
شكراً يا وليد والكلام ما انتهي
بس اهو ح اتابع معاكم .
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: Moawia Mohammed)
|
معاوية محمد
| Quote: يا حبذا لو تمت إضافة محمد إسماعيل |
معليش ياجماعة خلوني اشوف معاوية دا
لالالالالالالالالالا انت نكت محمد اسماعيل دا من وين
ياخي الزول دا حي
كل ما الناس تغني للكاشف يدور في خيالي اسمه
وكل ما الناس تغني الى الجابري نفس الحالة
وكل ما الناس تغني الى صلاح محمد عيسي نفس الشعور
اها الفنان احمد عجوز كيف (ود الصحافة )
.
.
ياخي لكن فرفور صاحبي نخليهو احسن رايك شنو
هه هه هه
----------------------------
معاوية يظهر انت من الزمن الجميل
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: سفيان بشير نابرى)
|
ابو الفن ( طارق ميرغني )
Quote:
اخي وليد وضيوفك الكرام
يا اخوانا القصة تعدت موضوع غناء وحسب
البرنامج در هذا العام مقابل الرعاية من الشركات
اكثر من اربعة مليار جنيه اولا
ثانيا ادارة القناة بذلت مجهود جبار لاقناع محمود عبد العزيز للاشتراك
في هذا البرنامج ولعدة سنوات بعد ان كان ممانعا
عاد واشترك هذا العام
كل هذا لجذب اكبر عدد ممكن من المشاهدين
تقول لي يغيروا فرفور وعاصم البنا
هذا مستحيل....
الا في حالة ان يعتذر احدهم
بعدين اذا كان ترباس في التلات حلقات اخد ثمانين مليون
تقول لي قال |
اذا الشغلة اصبحت بزنس والله بنتمنى ليهم الخير
بس ماصاح يجو بكو غناء الغير الما مستفيدين منهم شيء يعني الاتنين
ما مستفيدين لا المستمع ولا اصحاب الاغاني
وكلامي كله علشان مصلحتهم في البداية والنهاية
لان اذا الجمهور لفظك يستحيل تستطيع تجدهم مره اخرى
كل شيء ولا الجمهور يحس ان الفنان يجري خلف المادة فقط
ويهمل تجويد اعمالة
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: سفيان بشير نابرى)
|
سلام يا وليد ..
اخوك كان من الماتابعين للبرنامج باهمال ولكن حقيقه السنه المتابعه كانت علي مضض
اول حاجه الدعايات عزبتني ليك عزاب .. تجي الدعايات بيجاي واقوم اركب ليك الرموت .. لمن ارجع القي الدعايات لسه شغاله
اركبو تاني لمن ارجع القي الجماعه غسلو العده !!!
نجي لي كلامك ..
عصام - عاصم - فرفور .. بقو بصمة للبرنامج .. + محمود .. الموضوع انتهي !!
ممكن التحليه تكون بي شروق منار .. بقيادة المعلم قدور
اي تعديل في المنظومه سوف يفقد البرنامج مذاقه وسوف يكون مسخ
وناس حبيبو يا ركبو الظلط
تحياتي ..
العيد مبارك
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: وليد عبد اللطيف)
|
تعرف يا وليد
محمد إسماعيل و أحمد عوض سيدأحمد ( عجوز )
ديل أولاد حلتي ( مربع 24 الصحافة )
و الإتنين ما شاء الله يستحقوا يكونوا جوة البرنامج لأنهم مبدعين بالجد
و يضاف اليهم فنان مدني الأول عمر جعفر.
أنا و الله طولت من السودان لكن عارف إنو محمد إسماعيل في السودان
و عجوز في السعودية.
و طالما القصة فيها ملايين في الحلقة الواحدة ممكن نضرب لـ عجوز و نرجعه يخمها.
بالمناسبة الفنان أحمد عجوز عضو معانا في البورد و لكنه مقل و نتمني مشاركته.
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: ياسر عبدالكريم محمد)
|
Quote: معاوية ازيك ياخ وليك وحشة يا حبيب .
ــــــــــــــ
يا ولي انا صغنوني والله اسال معاوية ده
لوووووووووووووول شلاقه مني ساي . |
ولدنا سفيان
نعلك بخير
و كل سنة و أنت طيب
نحن طبعا ناس زمان و الطرب الأصيل
و الجوطة الجديدة بتاعت الأورغنات و الناس البتسمع بـ كرعينا دي ما بتنفع معانا
عشان كدا أحسن لينا نكون مع العجائز
بالمناسبة يا وليد سفيان دا صغير و يافع ما تشوف الصلعة دي فهو من المؤمنين بالتوسع
الأفقي و ضد التوسع الرأسي و مع الغزارة في الإنتاج في سوء في التوزيع.
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: عادل عبدالعزيز عبد الرحيم)
|
Quote: نعلك بخير
و كل سنة و أنت طيب
نحن طبعا ناس زمان و الطرب الأصيل
و الجوطة الجديدة بتاعت الأورغنات و الناس البتسمع بـ كرعينا دي ما بتنفع معانا
عشان كدا أحسن لينا نكون مع العجائز
بالمناسبة يا وليد سفيان دا صغير و يافع ما تشوف الصلعة دي فهو من المؤمنين بالتوسع
الأفقي و ضد التوسع الرأسي و مع الغزارة في الإنتاج في سوء في التوزيع. |
الحمد لله يا معاوية يا قريبي
الحمد لله علي كل شي
وانت طيب كمان
والله يا معاوية الحال من بعضو وناس الورغن ديل اصلهم ما دخلو راسي والغناء بالاورغ ده
زي ما قال صلاح الأمين* (زي سكرة الإسبرت اصلو ما بتركب زي الناس) - اللهم أني صايم-
وزي ما عارف نحنا عيال الحلة الجديدة والقوز ومحمد اسماعيل وعجوز قمنا لقينا اهلنا بيسمعهوم
ههههههههههههههه يعني اهلنا انتو ديل العجائز.
نحنا التوسع الافقي وسوء التوزيع هاهاهاها الا في الغناء طبعاً .
ومحبتي لك ولاخي وليد .
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: عبدالله كع)
|
ندى عثمان حسين
Quote:
سلامو لصاحب البوست وكل المتداخلين
البرنامج كفكرة ابدا مابطال , بس فكرة ينقصها الإعداد ,الإخراج السليم.
القيامة الرابطة من الفنانين/ات , ابدا مافى اى حوجة منطقية ليها, يعنى أجمل لو حصل إبدال.
الأستاذ السر قدور , عندو نفّسو ونكهتو فى تقديم البرنامج , بس طريقة إدارة الحوار وتوزيع الأغانى مزعجة وتُدار بفهم كيفما أتفق.
|
ودا كلام سليم وجميل منك يا اختنا ندى
Quote: عاصم البنا , صوتو يليق ببعض الأغانى ويبدع فيها ,وفى بعض الأغانى أشفق عليه وعلى معجبيه, ومن المفترض المعد والمخرج يوزعوا الأغانى قبل بداية الحلقة , مش الفكرة انو المشاهد يُطرب ؟!
|
لذلك قلنا لهم توقفوا حتى لا يخصم منهم حب الجماهير ولكن حسب ما سمعنا
خصم الجمهور مامشكلة اهم شيء مايخصم من عداد تسجيل الحلقات لان تم الصرف علية بتكلفة عالية
| Quote: شموس ومنار من أجمل الأصوات ولحدى حسة أداءهن مافيو كلام. |
100%100
| |
|
|
|
|
|
|
|
|
|
Re: هل توافقوني الراي إن على هؤلا ترك برنامج أغاني وأغاني الدورة القادمة ..... (Re: وليد عبد اللطيف)
|
الأخ وليد
البرنامج حاز على شعبية كبيرة و أصبح يشكل داعم رئيسي من الناحية المادية لقناة النيل الأزرق لذلك يحتاج لاهتمام من جانب القناة من كل النواحي و لكن الملاحظ انه اصبح يسير على وتيرة واحدة لعدة سنوات و بالتالي تناقص عدد المتابعين و المهتمين به.
اقتراح الأخ عماد بموثق مثل عوض بابكر سوف يضيف الكثير للبرنامج.
و كما ذكر الأخ طارق جبريل
Quote: لا زلت مُصر على الرباعي+ محمود+اسرار بابكر
حقيقي البرنامج افتقد اسرر بابكر شديد |
| |
|
|
|
|
|
|
| |
وليد عبد اللطيف
طلحة عبدالله
Hussein Mallasi
omer osman
طارق جبريل
مرتضى احمد عبد القادر
Emad Ahmed
Dania Elmaki
Emad Mohamed
أشرف البنا
BAKTASH
خالد خليل محمد بحر
هاشم أحمد خلف الله
ليلى عز الدين
سفيان بشير نابرى
Moawia Mohammed
عبدالله كع
عبد اللطيف عبد الحفيظ حمد
ياسر عبدالكريم محمد
بابكر التوم
Yasier Elsayed
عادل عبدالعزيز عبد الرحيم
الحاج حمد الحاج
فيس بوك
تويتر
انستقرام
يوتيوب
بنتيريست