نكته ......... !

مسطول حُكم عليه بالاعدام ،
سألوه : شنو أخر شي تتمناه قبل تنفيذ الحكم ؟
قال: أتمنئ ان يكون هذا درس لي في المستقبل !!

مسطول اشتري دولاب شال نسخه من المفتاح في جيبو وقال احسن حاجه اخت النسخه التانيه في الدولاب عشان لو راحت الاولي
اعرف افتحو !!!!!!

مسطول فتح الرادي الصباح لقي اغنيه انا افريقي انا سوداني
وبالتحديد المقطع بتاع اشرق نورا بقت شمسين ..
قال والله صحي دي ما سخانه شمس واحده
ــــــــــــــــــــــــ
يا كباشي .. انت بنفع معاك يا تو نوع ؟؟ .. وخلي البساط احمدي عادي يا قريبك
كلو عندنا !!

مسطول طلق مرتو قامت تلم هدوما قال ليها:
زعلتى؟؟؟؟

مسطول بتونس مع مرته
قال ليها إنتى عارفه لو كنتى فى الهند كان عبدوك عديل كده
مرته فرحت وقالت ليه يعنى انا ملاك وحلوه للدرجه دي ؟
رد ليها لالا....... بقره

وحدة كل ما تجيب ولد يموت
راحت لدكتور مسطول
وقالت للدكتورالمسطول : يا دكتور كلما اجيب ولد يموت ده من شنو ؟؟
ماعرف شنو يقولها فقال وبعد صنه كدا قال ليها جدهم عايش ؟؟؟
قالت : لا
قال معناها طالعين على جدهم

وحدة مسطولة سطله صاح الصاح ..
ليلة دخلتها طالعت فوق الدولاب
وبتقول لزوجها: حراااااام عليك
عليك الله ما تعملي حاجه ... ما بترضاها لي اختك !!

رسالة .. ام مسطولة لابنها ..
ابني العزيز وابو اولادي اليتامى انابخير هنا ان شاء الله انت تكون كويس هناك بكتب ليك الرساله دي براحه لاني عارفه انك مابتقرا سريع, ابوك قرا في الجريده ان اكثر الحوادث العرضيه تقع على نحو 20 ميل من المنزل عشان كده رحلنا الى بيت جديد ابعد من بيتنا القديم بحوالي 20 ميل ومابقدر ارسل ليك عنوان البيت الجديد عشان الزول الاشترينا منو البيت شال عنوانو معاهو ماداير يغيرو ونحنا في الاسبوع الجاي حنجيب عنوان بيتنا القديم نشتغل بيهو فترة كده لحدي ما الظروف تتصلح عشان كده عنوانا ماحيتغير, الجو هنا كويس المطره صبت مرتين في الاسبوع الفات المره الاولى استمرت اربعه ايام والمره التانيه استمرت خمسطار يوم, اخوك الكبير وهو ممتحن امتحانات الاساس جابو ليهم سؤال صعب للغاية ؟؟؟ كم عدد ارجل الماعز ؟؟؟ طبعا اخوك سقط في الامتحان عشان المراقبة كانت شديدة جدا وما استطاع انو يمرق الغنماية البخرة من شنطتو عشان يعد رجلينها كم ؟؟ , ناس الحكومة الشهر الفات قاموا عملو لينا حظر تجول في بلدنا ؟؟؟ قام ابوك اجتمع بناس الحلة وشالوا البارد والشاي والحلاوة ومشوا عشان يشوفو حظر التجول ده والحكاية كانت زحمة شديدة والناس جوها من كل الحلات المجاورة وغير المجاورة ، امبارح لقينا لافتات كتيرة مكتوب فيها التطعيم ضد الجدري ؟؟؟ لكن للاسف ما مشينا حضرناها عشان ابوك قال كورة مافيها الهلال ما بحضرها , بمناسبة الملاريا دي ؟؟؟ انت لمن كنت صغير جاتك حصبة ولا التهاب ؟؟؟ طبعا الرحيل من البيت ده خلانا ننسي الحاجات الفارغة دي , عمتك قالت ليك ماحتقدر ترسل ليك الجاكيت اللي قلت عايزو بالبريد لانو تقيل عشان زرايرو حديد عشان كده قطعت الزراير وختته في جيب الجاكيت , ابوك اشتغل شغله جديده وشغالين تحتو 500 عامل بحصدو الحشيش القايم جمب المقابر , اختك ولدت الليله الصباح بس ماعارفه جابت بت والا ولد عشان كده ماعارفه انت حتبقى خال والا خاله , وتصدق لحدي الان ما كلمناها بالولاده دي عشان نعمل ليها مفاجأة , اخوك بتاع البوليس اللي شغال في الجيش قال احتمال الاسبوع الفات يتزوج خلاص , العرس شهر سبعة والطلاق شهر ستة في نفس العام الجاري لمن نفسو انقطع , بس المشكلة قال ناقص ليهو القروش والبيت والعفش وقفة الملاح والكسرة والعيش و العروس وابوها وامها وابو جدها زاتو, عمك اخو امك الكان اسمو خالد وقع في البير وكان في رجال حاولو يطلعوهو لكن قاومهم بكل شجاعه وتجرد ونكران ذات ...وغرق اخيرا , وبعد داك حرقناهو بالنار والظريفة النار ذاتها كانت مولعه فيو تلاته ايام لانو مانشف لانو مرطب , ابو اعز اصحابك وهو بيموت طلب من صحبك عمر انو يدفنو في نص البحر لمن يموت ومشى عشان يحفر القبر ليه ابوهو قام غرق ومات ولحدي الان ناس شرطة الزراعة محتارين ماعارفين المات منو عمر؟؟؟؟ ولا صاحبك؟؟؟؟ ولا ابوهو؟؟؟؟ , بتتذكر يوم كنا بنسطل سوا جنب البحر بالليل بالصباح وقلت لي امي انا بحبك؟؟؟؟؟ وقلت ليك وقتها خلي علاقتنا صداقه وبس , كانت ايام حلوه والله خلاص وان شاء الله ما تتكرر بقدرة قادر أحد , ده كل العندي مافي شي جديد ولا حتى قديم زاتو
ـــــــــــــــــــــــــــــــ
وتصبحو علي خير

ده باقي رسالة الام المسطولة الفوق دي
امك الملتاعة المكلومة السعيدة خالص ...
ملاحظه هامة وسرية للغاية : انا كنت دايره ارسل ليك قروش بس ما اتذكرت الا بعد ماقفلت الظرف وبعدين الورقة زاتها خلصت وطلعت ما اصلية صناعة يابانية يعني ’’’’
وانت زاتك ما بتستاهل خير...
روح ربنا يلعنك ويلعن ابو امك وكل الاهل والاصحاب ومن جاورهم والعاقبة عندكم في المسرات ...

مسطول ماسك قسيمة الزواج حقتو
وقاعد يقلب فيها يمين شمال
زوجته سألتو : بتعمل في شنو يا راجل؟
قال ليها : لا أبدا مافي حاجة
قالت ليهو : كيف مافي حاجة ليك نص ساعة بتقلب في القسيمة داير شنو ؟
رد عليها : بفتش في تاريخ نهاية العقد

ده ما مسطول ...........
قال ليك واحد تكاسى راكبة معاهو بنت زي الليل كل ما بطنو تكركب يروح ضارب البورى شديد
الحكاية دى كررها ليك كم مرات
و فجاة كدة جات غنماية قاطعة الشارع
البنت قالت ليهو : موش الغنماية دي اصدمها
بس عليك الله بوريك العفن دا تانى ماتضربو

ان ذاتي شايقي ..........................
قال ليك ـ شايقي بصلي بالجماعه امام .....
سمع صوت واحد يجري داير يحصل الركعه سلم وهو واقف

وحده شايقيه عينوها مضيفه في سودانير...
اول رحله طلعت فيها ......
جات للكابتن سالتو..
اها نغرف العشا !!

راجل ومرتو قاعدين فى البيت بيسطلوا في امانةِ الله
الباب دقا المرة قالت : سجمى دا راجلى ..
وقامت جاريه لي جوه
وراجله تلب بالحيطة !!

مسطول سالو اصعب حاجة في رايك شنو؟؟
قال واحد منتظر نانسي عجرم في قناة اقراء

مسطول مخلوع ونفسه قايم
سألوه مالك
قال ليهم كنت ماشي لي في ###### .. ( ك ل ب )
عفصت لي شارع ..
مسكني من ضنبي...
عشان عفصته في جلابيته ...!!!

واحدعندو ارنب داير يبيعو :
جاهو واحد سطلتو ميه ميه ..
قال ليهو القرد ده بي كم ؟
رد عليه عمك ده ما قرد يا خينا .
قال ليهو انا ماسالتك انت انا سالته الارنب

دي ليك - يا فايز مختار شكري ..
الله يطراهو بالخير يا عمر عندك خبر الزول ده وين ؟؟

واحد قاعد بيسطل
وبتو بتلعب جنبو
اتسطلت بالريحه لقت بليه واقعه جابتها لابوها دي شنو يابابا
قال ليها بليه ..
مشت وجات قالت ليهو اها بليتها يلا دي شنو ؟؟