|
Re: الليله طنبور كارب وحميد ومصطفي جوبا وفرقة ملوك النيل (Re: عبدالمجيد الكونت)
|
Quote:
وااااااااااااامغستي انا عاد
|
Quote: سوقنى معاك ياحمام كلمات محمد الحسن حسن سالم حميد غناء محمد النصري
سوقنى معاك يا حمام سوقني محل ما الحبيبة قريبة تراعي الغرام غريبة الأشواق حبيبة يجيبا منام في منام ... ... سوقني محل ماالمحنة وأيادي تقطر سلام سماحة الحيا فوق أهلنا وبلادي تقرقر وئام ... ... غلابا وأمان مو الطيابا ضكارى بصارى وكرام حباب الحبان في بابا وتدخلوا عليّ الحرام فقارى ولكن غنايا غنايا بهذا الغمام بهذا النيل كم تغايا وتيرابا نرميهو قام ... ... إرادة القمره البتقدر براها تضوي الضلام شعاع شمشاً ياما خدّر وإذا يبَّس لان وقام ... ... فيابا خرابا الحرابة وخرابة فكر سوسي سام خرابة الكل نفسو تأبى عقابا .. تلِم عم سام ... ... ولِيد مخلوق للقراية خزين مدخور للجِسام تتمر نيتو التخاية إلاما مذهلل إلام درب من دم ماب يودي حرِب سُبّه .. حرب حرام تشيل وتشيل مابِ تدِّي عُقب آخرتا إنهزام ... ... بطانة الشيطان قديمِة وبعد دا منو العرشو دام إذا الإنسان ما ليهُ قيمِة علي إيش خلَّفُو سام وحام ... ... تعالوا الدم ما هو مويةِ ولا ها ترايي المسام خباري بحمر في أخويا وطراوة الخوة إبتسام ... ... تعالوا نحانن بعضنا نخل قلبو على التُمام نبضنا يشهل أرضنا وأرضنا تجِم العضام ... ... تعالوا بدل نبني ساتر نخيب ظن الصدام نطَّيب للعازه خاطر نقوم لأطفالا سام ... ... أخير كرّاكةً بتفتح حفير وتراقد الركام أم الدبابة البتكشح سعير الموت الزؤام ... ... تعال لي غابتك يا خيرا تعال لها يا أسدا الهمام بدل دوشكة يغني طيره محل قنبلة عش نعام ... ... بلد صمَّي وشعب واحد عصية على الإنقسام أبيه وبكراها واعد صبية ومشهادا تام ... ... بساط أحمدي كم يشيلنا وتشهِّلنا على الدوام نَقِل ليلنا تقوِّي حيلنا ودليلنا تمام التمام ... ... نلقّم سقف المتاهة نجم هدّاي في الضلام ونطعِّم حرف النزاهة لإيئلافك يا حمام ... ... ديموقراطية وأمان سوا .. سوا عالين مقام مواريثنا المن زمان محصَّنة في أروع نظام ... ... بريدك يا زول بريدك بعشقك حتّى الهيام أريحيتك عد تزيدك مهابة وليك القيام ... ... عهدي معاك يا حمام حبِيْب الرُسل الكرام رسول الأمراء العظام عصامي على ما يرام ... ... ماب تهدِل في خنادق ولا ب تقدِل فوق حطام ولا ب تنزل في فنادق وسطنا مراعيك قُدام ... ... فيا ملدوغ من أديس معوَّق في كوكدام تعال عمِّر فينا ميس كفانا طشيش الكلام جناحيك جنوب شمال وأمش طوِّف يا حمام محِل غصن العزّة مال عليك وعليهُو السلام حكيم الطير يا مهبِّر شُراكة القَتَلة اللئام متين بإسم الحق تكبِّر وبالرحمة تصلِّي إمام ... ... فلاحة العالم تعمر محبّة مودة ووئام تشمِّر ساعد السلام ... ... سوقني زمن كُلُّو عافي نتاجو عِلم خيرو عام بري آيمة من المنافي وطن وافي على الدوام
وااااااااااااامغستي انا عاد
tml |
| |
|
|
|
|
|
|
Re: الليله طنبور كارب وحميد ومصطفي جوبا وفرقة ملوك النيل (Re: طارق جبريل)
|
ينظم بيت الفنون امسية الثلاثاء 21 رمضان وضمن فعاليات مونديال المحبه امسية البالمبو والطنبور
يشارك فيها من ال الطنبور
جماعة الدليب الثقافيه
بقياده فناني الطنبور
محمد كرم الله
وعبود تبوري
وعادل عثان الطيب
واخرين
والشعراء
حميد
السر عثمان الطيب
واخرين
الثامنه والنصف مساء
الدخول مجانا
مرحبا بالجميع
اما البالمبو
فتمثلهم فرقه ملوك النيل
بقياده مصطفي جوبا
ومجموعه من المغنين والمغنيات
والراقصين والراقصات
| |
|
|
|
|
|
|
Re: الليله طنبور كارب وحميد ومصطفي جوبا وفرقة ملوك النيل (Re: Adil Osman)
|
ليلة ولا في الاحلام حميد بدع ومحمد كرم الله غرد وعبود تبوري صدخ وعادل عثمان الطيب لاحولااااا يا طارق جبريل والله فاتتك جد جد
ومصطفي جوبا عزف ورقص وتعبنا تعب شديد وفرقة ملوك النيل فرقة ذات امكانات مهولة
ودي بعض الصور
الفنانين محمد كرم الله وعصام عبد الحفيظ
عصام عبد الحفيظ ويس عصام عبد الحفيظ
اها استلم يا طارق
وحميد وبخاري
عظمة علي عظمة
ومصعب الصاوي
وبداء الغناء والرقص
بنجيكم .. انتظرونا ..
| |
|
|
|
|
|
|
Re: الليله طنبور كارب وحميد ومصطفي جوبا وفرقة ملوك النيل (Re: Mohamed Abdelgaleel)
|
Quote: فرد واحد عديد أقوام
وهكذا سيبقى مهما أدلهم بالليل سفين المعتدين
سلام لحميد والسر وعادل ومصطفى ولأفراد فرقة ملوك النيل وللنيل والوطن .. وطنا حبيبنا رغم البيك هي الأشواق |
حبيبنا بارض الغربة محمد عبد الجليل امس حميد سوى البدع هاك شوف
يا ود جبريل كدي كشف لعمك محمد كرم الله وعادل عثمان الطيب مهججين مع ملوك النيل كيف وبتعرف نفعتنا والا لا.
| |
|
|
|
|
|
|
|