|
Re: الجماعة يغنوا (عشميق الاصم) وماتكلمونى ... (Re: khaleel)
|
شكرا ياخليل ..
اداء جيد ..لكن يظل بادى محمد الطيب اكثر من اجاد فى ادائها ..على العموم اغنية الحماسة عند بادى لها طعمها الخاص ..(الواعى مابوصو) و(بتجيد اللطام) (ودابى البركة) و(عشميق الاصم) تعبتر من ملاحم اغانى الفراسة التى رفد بها بادى التراث السودانى ...له الرحمه والمغفره وجعل الله قبره روضه من رياض الجنة ..
ياريت كمان نسمعها بصوت بادى
| |
|
|
|
|
|
|
Re: الجماعة يغنوا (عشميق الاصم) وماتكلمونى ... (Re: محمد عبدالرحمن)
|
Quote: اداء جيد ..لكن يظل بادى محمد الطيب اكثر من اجاد فى ادائها ..على العموم اغنية الحماسة عند بادى لها طعمها الخاص ..(الواعى مابوصو) و(بتجيد اللطام) (ودابى البركة) و(عشميق الاصم) تعبتر من ملاحم اغانى الفراسة التى رفد بها بادى التراث السودانى ...له الرحمه والمغفره وجعل الله قبره روضه من رياض الجنة ..
ياريت كمان نسمعها بصوت بادى |
والله يا محمد عبد الرحمن يوم اتغنت ده نار جهنم انطلقت فيني القعده ذاتو غلبتني قسماً بالله العيون اتملت تب ودرجة السخانة ارتفعت استغفر الله العظيم ... ده كلام برا ياخ ...
وبادي وخلف الله حمد يظلوا علامة فارغه لن تتكرر في غناء الحماسة . طبعاً بادي يفرق كتير من خلف الله حمد في موسوعية الحفظ لكل اغاني الحقيبة والحماسة وبنسختها الاصلية وبمحبتو الشخصية للغناء في عضموا . يا محمد عبد الرحمن بادي الله يرحموا بوظ لي الاستماع لي انسان بيغني حقيبة واتربع لوجده في (كنكوج) الحقيبة جواي .
الله يتقبلوا ياخ .
في الختام ... كيفك ياخ ولينا طولة شديدة وعمر الحلاوي وين ياخ وسط الهيصة دي ؟
| |
|
|
|
|
|
|
Re: الجماعة يغنوا (عشميق الاصم) وماتكلمونى ... (Re: سفيان بشير نابرى)
|
سفيان حبابك ورمضان كريم ..
البسمع الغناء دا لازم سخانتو ترتفع مافى ذلك شك .. خلف الله حمد برضو ماساهل ..والجميل فى غناء الحماسه دا انو الناس ديل بتمجد المعانى والقيم ..اعادة (تدويرها) مرة اخرى بساهم فى الحفاظ على القيم البدات فى التلاشى ...
بادى محمد الطيب قامة سامقة فى الاغنية السودانية .. يغنى فيطرب نفسه ويطرب الاخرين ..صوته والتطريب توامان لايفترقان ..
عمر الحلاوى ياسيدى متزوج ومستقر فى الامارات فى واحدة من الصحف الاماراتية ..واعتقد انه متابع بصورة غير منتظمة لسودانيز اون لاين ..
تحياتك له تصل ان شاء الله
| |
|
|
|
|
|
|
Re: الجماعة يغنوا (عشميق الاصم) وماتكلمونى ... (Re: سفيان بشير نابرى)
|
ابشروووووا ...
عليك بجر النم يا دقر الحرائق أصبحت كارف السم عشميق الأصم
شدولو ركب فوق اصهبا مو ربيك الهوى والشرق شرفا بعاينن ليك
العاقر ديك تقول بتلدى وتسمي عليك يا عيد الضحية البفتحولو البيت رايو مكملو كسار قلم ماكميك
عليك بجر النم يا دقر الحرايق أصبحت كارف السم
الليله البلد اتباشرو ناسو يا بحر المحيط مين عبرو وقاسو بريطانيا الترك ما لينو راسو ابا العضم الكبير كسرو وشرب ساسو
شدولو ركب فوق اصهبا حبشي رايو مكملو وكلامو ما هبشي هادى أديتا ألامانه متقنعه وتمشى حايدانى الامانه ضيف الهجعه يتعشى ما بجالس الهفوف ولدا قبيل منسي عكليتا كبير ماكميك جنى هكسى
قومن شكرنو يا الكلكن قاعدات دا اب صيتا طلع شال المسافر وفات حمدالله بالسلامة يا زمام الكليات
ليك بجر النم يا دقر الحرايق اصبحت كارف السم
| |
|
|
|
|
|
|
|