|
|
 شيء من الجدية.. نفسيات الميدان والمباراة الخفية .. والكأس حقو
|
للميدان ظروفه .. و أحواله.. و تصريفه
فالخوف مُعدي
والكسل مُعدي
وعدم الاهتمام مُعدي
وعكسهم كذلك
الجسارة تكتسب إن لم تكن فيك
والهمة ترتفع بالتوجيه وتؤثر فيها المعنويات
والإحساس بالمسئولية يتنقل بين البشر
كثيرون هم الذين يعتقدون إن كرة القدم مهارة وإمكانيات فينه فقط .. وهذا خطاء واضح .. كثيرون هم اللاعبين أصحاب المهارات العالية لم يبروزوا وداخل الميدان تطش عنهم إمكانياتهم .. وكم من لاعب صاحب إمكانيات فنية ضعيفة ذاع صيته وحقق انجازات شخصية ومع مجموعته .. والأمثلة كثيرة
فايز نصر الدين .. هيثم السعودي.. محمد خليفة .. أمثلة للاعبين أصحاب الإمكانيات الفنية العالية التي لم تؤهلهم كي يقوموا بدور كبير في حياتهم الرياضية .. أو لتحقيقهم انجازات شخصية أو مع المجموعة
جمال الثعلب .. إبراهيم عطا.. جلال كادكلي .. هم لاعبين إمكانياتهم الفنية اقل من سابقيهم لكن شهرتهم طابقت الأفاق
لاعب الكورة المميز لابد وان تتوافر فيه خصال وخصائص من بينها المقدرة الفنية ..
مقدرة فنية .. مقدرة جسدية.. قوة شخصية.. خيال .. عزيمة
وفريق الكرة المميز لابد وان يتوفر فيه عدد مقدر من اللاعبين أصحاب المواصفات عاليه ...
الآن فريق الهلال فيه العدد المقدر من اللاعبين أصحاب المواصفات عاليه .. عشان كده الكأس حقو
1. علاء الدين يوسف
شكل هذا اللاعب فارقة في مسيرة الهلال .. وسبق أن كتبت انه (خت نفسو ) وضع بصمته في فريق الهلال ولاعبيه .. علاء الدين يوسف هو السبب الرئيسي لارتفاع الغيرة والحماس والعزيمة في فريق الهلال لهذه الدرجة العظيمة.. شأت الظروف و جمعتني مباراة واحده فقط في دوري المصالح الحكومية مع علاء الدين وقد لعب سيردباك أمامي .. علاء الدين حين يدخل الميدان ينسى كل شي إلا الكورة .. حقيقي هو يصبح شخص أخر لا يفكر في أي شي خلافها .. لذلك تجده مندفع بكل إمكانياته وبدون حسابات إلا حسابات الميدان نحو الكورة واللعب .. حينها لم يكن قد لعب لا للهلال ولا للمريخ .. لكن شخصيته كانت قوية وبعد ربع ساعة استلم زمام المبادرة .. مع انو في فريقنا كان يلعب لاعبين حينها يعتبرون أفضل منه ( تنقا الكبير .. سيف كنو – اخو قلق الكبير وكان يلعب في المورده حينها – قلق وكان يلعب في هلال بورتسودان ونجم تسجيلات تلك السنة ) بعد ربع ساعة أصبح هو صاحب الكلمة في الميدان وجميعهم استجابوا لتحركاته وتوجيهاته ..
اندفاع علاء الدين نحو اللعب ودفاعه عن زملائه الذي يصل أحيانا إلى درجة التهور .. رفع من مستوى إقدام وشجاعة وتجاسر بعض اللاعبين أصحاب الهمم الفاترة ليكتسبوا شيئا من شخصيته بالتواصل .. بل أكثر من ذلك هو لهم ضمان أول داخل الميدان .. ضمان أنهم محميين إن تعرضوا إلى أي ضيم وانه هنالك من سيدافع عنهم ويزود عنهم حتى لو خرج الأمر عن مستوى التنافس الرياضي ..
وهذا أمر ضروري لا يفهمه إلا من هم داخل الميدان ..
لان اللعب داخل الميدان لا يكون بالكرة فقط والـ 22 لاعب هم في حالة لعب مستمر طيلة زمن المباراة حتى لو كانت الكرة ليست في حوزتهم ..
القريص في .. والنبز في .. وإحباط المعنويات في ... بل ما هو اقسي من ذلك موجود ومؤثر
ولن يتجاسر ويتغلب على ذلك إلا من هو في ذات نفسه صاحب شخصية قوية وثقة عالية كعلاء الدين
أو من هو متأكد بأنه يوجد حوله من سيحميه ويدافع عنه أن انفرط عقد الأمور شخص يحميه ويدافع عنه ويغطي عليه أثناء اللعب أو حتى بدون لعب
علاء الدين لاعب حريف وصاحب إمكانيات فنية عالية
وجسدية كذلك
وعند عزيمة تهد الجبال
لكن ميزته الأساسية هي شخصيته داخل الميدان ...
لاعب لو هو في فريقك تلعب وأنت مطمئن بأنه سيغطي غلطاتك في الملعب
وسيدافع عنك خارجه
عيبو الوحيد خياله ضعيف شويه ( ما كتير كمان )
|
|
 
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: وليد محمد المبارك)
|
3. سيف مساوي
سبق وكتبت عنه وقلت انه اللاعب التكتيكي ولاعب المربين رقم واحد .. لاعب يعرف إمكانياته الفنية .. ويلعب على أساسها
سيف مساوي يلعب الكورة بالكتلوج .. ما بزيد فيها من عنده حرف
وكمان جسور وحصان أصيل يظهر عند المنعطفات الهامة ..
عندما تهتز ثقة علاء الدين بنفسه .. ويلبت هيثم وعمر .. أو عندما تخذلهم الظروف
دائما يكون سيف مساوي في الموعد
سيف مساوي لاعب تكتيكي رقم واحد .. مثال للاعب صاحب الإمكانيات الفنية المعقولة .. والتي يغطي عليها بعزيمة وقوة جسمانية .. وشخصية متوازنة.. وثقة عالية في النفس .. وطاعة عمياء لتوجيهات المدربين
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: وليد محمد المبارك)
|
معز القون
الزول الشين المقتنع بانو سمح
الناس بتشوفوا سمح
هذا هو حال المعز
حارس مرمى جيد لكنه ليس بالحارس الفلته .. لكن الغريبة يتمتع بثقة وشخصية داخل الميدان .. يزرع الثقة في زملائه وينزعها من منافسيه .. احتمال لتكوينه الجثماني دور في ذلك ... وكمان هو لا تنقصه الموهبة
لكن اكرر .. ما هو الحارس الكبير جدا
المهم ان زملائه يعتقدون فيه ذلك .. وخصومه أيضا وهذا هو المهم
ممكن نشبهه بعد العزيز عبد الله الذي حرس مرمى الفريق القومي الذي حاز على كاس افريقيا
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: nazar hussien)
|
سادمبا
لو لا هيثم وعمر
كان حا يكون لاعب اشتر ومضحكة
ياخ هيثم استوعب امكانياته بسرعة خرافية
سادومبا بلعب في المساحات
لو كان وسط الهلال قصيري النظر كانوا حا يلعبوا ليه الكورة في رجلينه
وكان سادمبا حاس
سادمبا ميزتو وهو متحرك كورة يلعبوها ليه في مساحة خالية
عكس امبيلي
الحريف فعلا كاريكا
لكن ما محظوظ
يلعب باي طريقة
في المساحات يلعب
وتديها ليه تحت رجيله بتصرف
ده طبعا ما معناتا سادمبا ما كويس
سريع جدا
قوي جدا
بارد قدام القون
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: Dr.Elsadig Abdalla)
|
بالتاكيد وضعه افضل
الكونفدرالية مع انها بطولة محترمة
لكنها تظل بطولة اضعف من الابطال
نجي لموضوع غلب الهلال 5
انا زاتي فرحان لغلبه خمسة
لكن بحسابات الكورة
الهلال ومازمبي تعادل في النقاط فاز مازمبي بفارق الاهداف في المبارتين
5:2
1:2
المجموع 6:4 لصالح مازمبي
وجا مازمبي وشال الكاس ليصبح افضل فريق في افريقيا
يعني الهلال اقصاه افضل فريق في افريقيا
الان الفرق في الساحة الكنفدرالية ما فيها فريقة بمستوى مازمبي السنة الفاتت
والهلال ياهو الهلال نفسه
| |
|
|
|
|
|
|
|
|
 Re: شيء من الجدية.. نفسيات الميدان والمباراة الخفية .. والكأس حقو (Re: وليد محمد المبارك)
|
** ابو محمد (ود محمد المُبارك)
** مساءك خير..
## مايعجبنى فيك إنك حقانى ,, ولانك مارست اللعبه فإن تقييمك يكون وفق مُعطيات قد لايلم بها الآخرون ومايجرى داخل الملعب من مُهاترات ومضايقات والفاظ بين اللاعبين لايحس بها المُشجع وكلها عوامل مؤثره فى أداء اللاعب ..
** أغلب الانديه المُحترمه والمحترفه يكون هنالك عدد من الاخصائين النفسيين والإجتماعيين لتهئية اللاعبين قبل بدء الموسم التنافسى وتكون هنالك محاضرات قبل التماريين ..
## سؤالى :- هل يوجد لدينا اللاعبون الذين يؤهلهم مستواهم التعليمى والثقافى لتقبل تلك المُحاضرات وفهمها ,, والتى أصبحت جُزاءاً مُكملاً لتهيئة اللاعب للمُباريات ؟؟؟
** دائماً ماأستمتع ببوستاتك ..
(ودام الود بين الجميع)
(ابو محمد فؤاد)
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: عبدالكريم أحمد الامين)
|
ابو فؤاد
سلامات ويوم مقبول ان شاء المولى
يديك العافية
صحيح ..
كرة القدم اصبحت حياة وميدان معيشة .. امبراطورية متكاملة .. جمهور اداريين اعلاميين .. سدنة وعشاق
الضغط الذي تعرض له لاعب الكرة من قبل مريده كبير
فما بالك ضغط الخصوم
فعلا الفرق المحترم تخضع منسوبها لجلسات علاج نفسي ..
عندنا هنا يقوم بهذا الدور الاداريين
والتيم وحظو
لو الادارة صاحب كاريزما وتاثير بنفس نفسه في اللاعبين
ان كان خلاف ذلك ببقى الامر مناط باللاعبين انفسهم
وده الفرق بين جمال الوالي وصلاح ادريس
صلاح ادريس كان يفعل هذا مع لاعبي الهلال .. فهو بطبعة شخص مصادم
عكس الوالي فهو شخص هين ودود
وكل واحد فيهم طبع تيمه بشخصيته
| |
|
|
|
|
|
|
|
|
 Re: شيء من الجدية.. نفسيات الميدان والمباراة الخفية .. والكأس حقو (Re: عبدالكريم أحمد الامين)
|
Quote:
** ابو محمد (ود محمد المُبارك)
** مساءك خير..
## مايعجبنى فيك إنك حقانى ,, ولانك مارست اللعبه فإن تقييمك يكون وفق مُعطيات قد لايلم بها الآخرون ومايجرى داخل الملعب من مُهاترات ومضايقات والفاظ بين اللاعبين لايحس بها المُشجع وكلها عوامل مؤثره فى أداء اللاعب ..
|
عبد الكريم
رمضان كريم
أتّفق
ويعجبني تفريق وليد في بوستاته
بين المزاح والمكاواة
وبين الجّدّيّة
سلامات يا وليد العزيز
نتابع
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: لؤى)
|
شكرا يا ولول علي هذه المهنية
علاء يوسف فعلا لاعب مجيد وقوي وجسور
في مباراة الامس انا اختلف مع كل الناس بان علاء الدين هو نجم المباراة خصوصا في الشوط الاول
ترك مهامه الدفاعية في خط الوسط ولعب وكانه راس حربة وترك فراغا كبيرا في خط الوسط تمكن الجيش من احراز الهدف الاول
وبعد انفراد ولو احرز الهدف الثاني لكنا نبكي حتي هذه الساعة
في الشوط الثاني انصلح الحال وعاد علاء لخط الوسط المدافع فارتاح دفاع الهلال
افضل لاعب تكتيكي انجبه السودان بلا منازع هو مجاهد محمد احمد
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: فتحي الصديق)
|
يا ولي
إستمتعت لحد الكفاية من تحليلك للهلال كفريق وتسليط الضوء على مكامن القوة المتمثلة في اللعيبة الانت ذكرتهم .. ودي حاجه بتسرنا فعلاً .. إنو الهلال من ناحية هيكلية بيمر بي وقت جميل وما حابالغ واقول الاجمل ..
بس حتى الهيكلة دي لو كانت موازية لإستقرار على مستوى الهلال كنادي ما حيكون في فائدة .. اي نعم الهلال قدر يلعب في ظروف إدارية صعبة وبعد ده رفع راسنا
لكن اذا ما انصلح الحال بي مجلس ادارة مسؤول حنشهد في مقبل الأيام طوفان ماساوي حيمتد لحدي ما يزيل حتى البقية الفاضلة من نورتنا دي .. واللعيبة ما حيقدروا يواصلو بي نفس الجدية البلعبو بيها ..
غايتو ربنا يسهل علينا الجاي ..
---------------
يا ولي حرام والله تكون بي هناك بي راسك الحلو ده ...
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: Al Sunda)
|
مرحب السُنده
حبابك يا حلو
| Quote: وما اعتقد انو لاعب بدون قدرات يُبنى عليه خطة لعب |
كلامك سليم
يمكن تكون كلمة الفنيات الاستخدمتها انا سبب اللبس
لكني استخدمها كاستخدام الشارع العام
المهارات الاساسية اربعة اذكر منهم الاستلام والتمرير والاستخلاص الرابعة ما متذكرها لكن يمكن تكون التهديف
المهم
جلاي لاعب عنده قدرات مهولة ..اول شي هو لاعب سريع جدا .. وقوي لدرجة خرافية .. واهم حاجة لياقته فطرية .. يقال ليها في الوسط الفني .. لياقة ######
وكمان شوتر بدرجة امتياز
لكن كان عنده قصور في المهارتين الاساسيتن الاستلام والتمرير
الاستلام يقد بيه الاستلام من كافة المواضع وفي كل الظروف
متحرك ثابت تحت الضغط في الهواء
وجلال ما كان مغطي الاستلام في كل المراحل دي
التمرير كان عندو فيه مشكلة
لكن كان سريع وقوي ومضربو متين يستطيع عكس الكرات بدرجة معقولة .ز ويسدد بدرجة ممتازة
عشان كده كان المدرب باني عليه خطته
زيه زي موسى الزومة هسع
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: حاتم كاهن)
|
وجيه وجها المنبر
حاتم كاهن
كيف يا فرده
عارف يا حاتم .. لو لعيبة الهلال بفهمو واظنهم كذلك .. الثلاث شهور الجاية .. ما حقت الهلال ... حقتهم هم انفسهم ... يلعبوا كتيم وكمجموعة عشان يشيلو كاس قريب منهم .. ويكونوا هم المجموعة الحققت للهلال ما عجزت عنهم مجموعة جكسا وقاقرين والدحيش ومجموعة طارق ووليد طاشين وتنقا ..
لابد ان يرتفعوا بانفسهم عن اي جو سلبي .. ويركزوا على الكاس ..
انصلح الحال او لم
الباقي 3 شهور ومجد تاريخي
خصوصا وانه اغلب اللاعبين في مرحلة تقفيل مسيرتهم الكروية وختامها
بعد ما يجيبوا الكاس ده
ان شاء الله يحرقوا النادي
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: وليد محمد المبارك)
|
قراية سليمة وتحليل زول بفهم كورة ........
وازيدك من الشعر بيت ياوليد .........
هيثم مصطفي هو (كلمة السر) في الهلال وهو (احمد حسن) الاهلي ومنتخب مصر......
هيثم مصطفي ماشاء الله عليه هو الـــــ Charger للعيبة القلتهم ديل كلهم .........
هيثم (قدوة) ليهم في الحماس والغيرة على الشعار ....... كلهم عاوزين يبقو هيثم .........
لاعب يبيع عربيتو لحل مشاكل زملائه لاعب جدير بالاحترام ................
هيثم ده لو ما كان لاعب كورة كان مفروض يكون (ضابط) .......
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: omer osman)
|
Quote: قراية سليمة وتحليل زول بفهم كورة ........
وازيدك من الشعر بيت ياوليد .........
هيثم مصطفي هو (كلمة السر) في الهلال وهو (احمد حسن) الاهلي ومنتخب مصر......
هيثم مصطفي ماشاء الله عليه هو الـــــ Charger للعيبة القلتهم ديل كلهم .........
هيثم (قدوة) ليهم في الحماس والغيرة على الشعار ....... كلهم عاوزين يبقو هيثم .........
لاعب يبيع عربيتو لحل مشاكل زملائه لاعب جدير بالاحترام ................
هيثم ده لو ما كان لاعب كورة كان مفروض يكون (ضابط) ....... |
رمضان كريم يا جنابو
وعشان كده هو المرشح الاول ليكون مديراً للكورة بالهلال بعد اغتزاله
وغالبا العام القادم (بحكم السن)
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: abuguta)
|
اب قوته يا حبوب اخبارك
المكاواة في .. لكن عندها حد
الان الهلال في وضع دقيق .. يشبه وضعه 2007 .. 1992 .. 1987
لكن في مستوى اقل من التانفسية
بتخيل لي ان الاوان انو الهلال يشيل كاس .. وهو مؤهل لذلك
حاجتين فقط ستحرمان الهلال من الكاس طبعا مع القدر والمشيئة
1. موضوع توفير دعم مالي محدود يغطي الفترة من هسع لحدي كورة الكاس
2. الكروت .. غيابة اي اثنين من اللاعبين الخمسة عاليه يعني هزيمة الهلال .. وغياب واحد فيهم فقط امام الصفاقصي يعني الهزيمة كذلك
مهند شنو ؟
مهندي حريف .. لكن هو اقل لاعبين الهلال همة وغيرة
بشة في طريقو لي انو يصيع مهند
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: محمد عبد الماجد الصايم)
|
ود الصايم يا فرده
اخبارك
معز قلت ليك عاملة زي الزول الشين الشايف نفسو سمح
لدرجة انو الناس الحولو بقو مقتنعين انو سمح
معز تامي امكانياته كحارس بحاجات تانية
ميزة معز الاساسية في الانفرادات اصبح متخصص فيها وبساعده حجمه الكبير ودروشة الافارقة .. لانه حين بفر جسمه في الانفراد بغطي القون كله الا قليلا
ميزة التانية والمهمة جدا
انه بوجه الاعبين امامه بصورة مستمرة
لاحظ لي المعز الكورة كلها ما بكون ساكت
حتى بعد انتهاء الهجمة يا اما بعاتب او بشجع
مهند كلامك في صحيح 100%
بشه حا يوديه الشارع لو استمر في طريقتو دي
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: EMU إيمو)
|
وليد يا حبوب :
سادمبا ميزتو وهو متحرك كورة يلعبوها ليه في مساحة خالية
عكس امبيلي
اها شوفت عكس امبيلي دي انا فمتها بي طريقتي حقت الزول البيعرف كورة ..
امبيلي ده مش القلت عليهو ماسورة ؟
ولما شبكناك انا ونوبي قلت لينا ما بتعرفو كورة ؟
عااارف فنجطتك ونطيطك وحا تقول لينا انا ما قلت اسة هو كويس بس قلت هو احرف من سادومبا ..
يا وليد كلمممتك قلت ليك ما تلاويني في الكورة والله انا غيرا مااا بعرف شي..
بالمناسبة خرمجت في بداية البوست وعملت مقارتنة ما صحيحة بين ناس فايز وهيثم السعودي وبين الثعلب وعاكف عطا..
ديل براهم وديلك براهم ..
مع انو فكرتك وصلت لي لكن تشبيهك ما صاح ..
الحاجة التانية الغلط هي ربطك بين كورة هيثم وعمر وعلاقتهم داخل وخارج الميدان ..دي ما اتوفقت فيها
بالمناسبة الرأي الإتوفقت فيهو والناس ما جايبا ليهو خبر هو موضوع كاريكا ده ..
الود ده حيف وسريع وعندو قدرة على التحكم في الكورة والاختراق ما عادية ..
عارف يا وليد ..راجع الهجمة اللي لعبها ليهو المعز لما حارس الفريق الخصم (كابس يونايتد) داك جا شات الفاول ..شوف كاريكا ده اتصرف في الكورة ديك كيف..
مع إنو وداها السما لكن والله دي في كمية من المجهود مااا طبيعية ..
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: عمر الفاروق)
|
يا عر الفاروق
| Quote: امبيلي ده مش القلت عليهو ماسورة ؟ |
اميلي وينو ؟
وليه قعد سادومبا وانشطب امبيلي ؟
امبيلي ماسورة بدليل انه الهلال شطبو .. وما اتحرك الهلال الا بعد شطبو
| Quote: يا وليد كلمممتك قلت ليك ما تلاويني في الكورة والله انا غيرا مااا بعرف شي.. |
يا عمر انت بتتكلم عن كورة بتاعت دافوري
حاوروا كيف
وثبتا كيف
وجاب قون على الطاير كيف - على طريقة السعودي -
وده يا حبيبنا هانك في الدافوري
زمااااااااااااااااان قلت ليك امبيلي ماسورة
وانت قلت خلاف كده
اها اسع ان شاء الله امبيلي غلب ليكم الايام الفاتت ديك ؟
| Quote: بالمناسبة خرمجت في بداية البوست وعملت مقارتنة ما صحيحة بين ناس فايز وهيثم السعودي وبين الثعلب وعاكف عطا.. |
عاكف اصلو ما جبت سيرتو
انا قلت فايزز وهيثم ومحمد خليفة بتاع المريخ
ده احرف من يتاعمل مع الكورة ومعاهم سكسك
لكن التلاته الفوق غير مفيدين في فريق بتاع كورة تنافسية خلاف سكسك
الثعلب وجلال كادكلي وابراهيم عطا ..
ديل مفيدين لحد بعيد في فريق بلعب كورة تنافسية
مع انه احتمال انت عمر ده
لو قالوا ليك اعزلهم في دافوري ما حا تعزلهم
عشان كده بتكون طوااااالي مغلوب في الدافوري
| Quote: الود ده حيف وسريع وعندو قدرة على التحكم في الكورة والاختراق ما عادية .. |
الاهم من ده يا عمر
انه عزيمته ما عدية
كاريكا انشطب من الهلال وده شي عادة بدمر اللاعبين
رجع للهلال تاني وبقى من ركايزو
ومتفق معاك تماما في انه حريف وسريع
مشكلته بسيطة شفقان .. وسبب شفقته انه حاسي بانه مقصر عشان ما قاعد يجيب اقوان كتير
لو صبر بتفتح معاه
| |
|
|
|
|
|
|
|
|
|
Re: شيء من الجدية.. نفسيات الميدان والمباراة الخفية .. والكأس حقو (Re: وليد محمد المبارك)
|
سلام يا شفت
نتفق مع تحليلك انو هيثم - علاء - عمر بخيت - المعز- سيف مساوي - مهند هم ركيزة هذا الفريق ويمكن ان يقودوه ليحرز كاس اليطوله لكن انا في تقديري ممكن بنفس الفدر يكونو نقطه ضعف الفريق والسبب في حرمانه من احراز البطوله. ديل هي المجموعه المواصله مع الهلال من فتره والهي وصلت الهلال لدوري الاربعه في بطولة الابطال لعام 2007 (بالاضافه ليوسف محمد العائد حديثا)عشان كده هم حيكونو اساسيين غض النظر عن ظروف المباره.
مثلا في مباره الجيش كان ممكن ننغلب عادي لخطأ التشكيل البدأ بيه الهلال والي انا حسيت فيهو انو مهند فرض علي المدرب بقوه شخصيه اصحاب مهند (هيثم وعلاء). اضف لذلك وجود سيف في قلب الدفاع في حين يجلس سامي عبد الله في الاحتياطي. سيف مساوي لاعب جوكر ولاعب مهما كما تفضلت لكن سامي احسن من سيف في وظيفة قلب الدفاع بما لا يقاس.
ده كلو كوم والحركات العبيطه التي يقوم بها المعز محجوب كوم تاني. ولا واحد من اللاعبين او الجهاز الفني يقوم بتوجيهه. حركات المعز دي حتكلف العلال كوره _ انا لا اشك في ذلك لحظه- بس الامل انها ما تكون كوره مؤثره تقصم ظهر الهلال
| |
|
|
|
|
|
|
| |
وليد محمد المبارك
عبداللطيف حسن علي
محمد البشرى الخضر
nazar hussien
Dr.Elsadig Abdalla
عبدالكريم أحمد الامين
لؤى
khaleel
حاتم كاهن
omer osman
abuguta
عبد اللطيف عبد الحفيظ حمد
محمد عبد الماجد الصايم
mohmed khalail
EMU إيمو
عمر الفاروق
Omar Bob
فيس بوك
تويتر
انستقرام
يوتيوب
بنتيريست