|
بورداب دبي والإمارات الشمالية عليكم الله سوقوا بمهلكم ولاتسرعوا ولاتخلوا زمن الفطور يضايق شديد
|
والله أنا.. وحيات رمضان ده.. وتراني صايم.. الله يتقبل... اي بوردابي أو بوردابية بعتبروا زي أختى وأخوى..مهما كانت نوعية فكره الذي يحمله رأسه! وخاصة بورداب الإمارات ديل! ناس تختهم في الجرح يبرا ......... وبورداب دبي والإمارات الشمالية ناس عندهم مقدرة على تنظيم الإحتفالات والاحتفاء بالناس، فظيعة عشان كدة يا جماعة تعالوا في زمن مناسب ولا تخلوا زمن الفطور يضايق وتتموا الناقصة بالسرعة.. الفطور ملحوق وكان ما لحقتوهو ، العشاء في.. الجسم في رمضان بيكون واهي حظ النفس والجسد قليل . في مكابدة الصيام عشان كدة الجسم بيكون تعبان والسواقة لساعات طويلة صعبة عليهو! وحظ الروح كبير في النقاء والطهر وتسليط نور العبادة والصلاة والصومفي رمضان دون الشهور الأخرى على كدورات النفس حتى يجليها ماتسرعوا.. تمهلوا تصلونا بالسلامة نفرح بكم .............................. العلاقات الإنسانية الرفيعة السامية التي تكونت بين أعضاء المنتدى هنا، شرخت علاقات الحزبية الضيقة وسمت بعلاقات إنسانية جديدة، قد يكون فيها تحديث للعلاقات الانسانية السودانية القديمة. علاقات ملفوفة في ملاية الفكر.. معطونة في بوتقة الأحاسيس، مبلولة في صحن المحبة.. معجونة من تمرة الفؤاد.. مصبوبة على نار التباريح والجوى، مسكوبة من عصارة الفكر، مصقولة من جلاء الجلوة ومجلوة من جلاء الخلوه..
|
|
|
|
|
|