|
|
 وثبة خُطـي الغزلان .. الي ملهمتي ... مشــاتيق
|
وثبة خطي الغزلان
ضحك الفرح جمبي
مَرق الزمن طَربان
مَيل فريع البان
قَرقَرتا من قَلبي
إتـهذي كِـل مكان
بيت الامل مَعروش
برموش عيون إنسان
بنيتو معاك باللالفة
وطَليت جِدرانـو باللاحزان
كيف ما يِقَع فَرسي ؟
خَـليـنتي اسرع مِن
وُثبة خُـطي الغُزلان
عَشـان ألـقاك يا رايع
تصَدِق قَبلي ما أعرفك
وأعرف إنو بالمكان
وأعرف عمري ليه ضايـع
و مافي أحنـي منـك كان
لا كائن ولا حا يكون
ولآ متَعني بالزيـك
ولا سَرب مشاعري كمان
وكيف إحساس وجود لحظة
بساوي فرح سنين الان
عودتني أحبك
عَوضتني الايام
وطَعم الدمعة في الاجفان
محمد الفاتح خالد
وحا نواصل
باذن الكريم
|
|
 
|
|
|
|
|
|
|
|
Re: وثبة خُطـي الغزلان .. الي ملهمتي ... مشــاتيق (Re: محمد الفاتح خالد حسون)
|
وأنزل معاك سفوح
أشهد بانو الحٌب
بي أي حاجة ببوح
في أي قِمة بركـ
وفـ أي حتة بلــوح
في أي ارض بعيش
يَزرع سكاتنا ورود
يسقف سمانا عريش
من حوه وين ما اروح
جواي هواكي بجيش
جَمبك نسيتو أنا
قلبي النَبشتي نَبيش
قٌبال أشق دربي
وأشد عَصب حيلي
لِقيت سماي مافيـش
يا دٌنيا يا حليلي
يا ريت دموع حوه
يحكيلها منديلي
الرافعو للشاويش
ميين البموت قبال
يَعدي يومو الطيش
وفي يوم باسم الشعب
الجوا قلبو الشيش
شِن قولتا يا حوه
| |
|
|
|
|
|
|
|
|
|
Re: وثبة خُطـي الغزلان .. الي ملهمتي ... مشــاتيق (Re: محمد الفاتح خالد حسون)
|
شِن قولتا في التحقيق
عُمري واحد بَس
يا وطنـي ما حا يحيق
أشرق في نُص الليل
شمــساً شِراعها طَليق
أطـلي القيود بالدَم
ذيـد المرءة عليق
عَلِق علي الامال
المات فِـداكا شَليـق
وأنا وَحدي دون الناس
تلقـيني في المشــــــــاتيق
أكتر من الاشـواق
راصِـف حروفي طريق
مِشتاق غيوم لوقياك
في الجوف تَبِل الريق
وأنا يا مَد
سواحل الشوق
في البَر لقيتني غريق
وأنا يا نور
جُزر غَرقان
في الليل لَمَحتو بريق
معاك .. لي اَخر الانفاس
والدنيا مَهمـا تضيق ..
وتبقي الدنيا أضيق مِن
قَد إبرة في الابـريق
أديـني جَك … موية
جرتقتي قَلبي حريق
أدينــي مَركوبي
ما عندي غيرو رفيق
ياهو لي دروبي
ما ظني إنكـ يوم
من جِنـي حا توبي
| |
|
|
|
|
|
|
|
|
|
Re: وثبة خُطـي الغزلان .. الي ملهمتي ... مشــاتيق (Re: محمد الفاتح خالد حسون)
|
أديني عوكازتي
يا ها مركازتي
بَهِش بيها عيون
ومر نظراتي
أديني حَق الريد
بي كَم رطل شايك ؟
وبي كَم مليت ذاتي ؟
القلب نازف دَم
خلي الخَلِق تِنَطم
ياكي اُستاذتي
كل الحواري عليك
كل الدروب بعدِك
مَحَـل ما القَدم ناطي
كل المدن بهناك
محل ما أقيف محطاتي
بعيد بَقدِل بعيد بنَجَم
بَنضُم مَع سٌكاتي
الغيبة مهما تتطول
إياك وشيل الهَم
تَحَلفِـي عليا بي حياتي
والرَجعة يومها بحين
مهما الملل ينتاب
ويسمكروا صوتـك الحاكمين
حٌكم الاسد في الغاب
و تاني تعدي بينـا سنين
ريحاً يدوق الباب
وريحاً دفاقو طحين
تًشوفي البَحر عكران
وفي أعماقو .. رايب الطين
ذي … بعدي كلي عِتاب
بِتَنشف دمعة بالتطمين
وذي كل ما أرحل
سَفرك بذيدني يقين
شِنطِك مدمدمة ريد
وحتي الجيب مَليتو حـنين
لي بلاد معاك تحَلم
يصحوا ولادها … متسامحين
وينوم إتنـين علي وسادة
مهما المسافة تطول
وضُل أحزانا في ذيادة
وتقع نص البوادي حصين
وعيونا تبكي مروادها
حا تفضل ايدينا متماسكين
مهما سراب خلاك يمتَد
مهما يلوح ضباب الرجعة للسالكين
مهما يشيل مراكبي المَد
مهما قريب علي
صدرك صدا السكين
اَه يا صَخرة الاوغاد
مسك شوقك
غبار فرحك
تمايم دعوة المسكين
اَه يا جِبة المظلوم
يا رَعشة المحموم
لا متنا متكاسلين
لا ضحكت الخرطوم
راضية من الله
جواك فرح مهزوم
في شفايفك إتشَلي
بحاول أرجع ليك
لو أقدر اتقلي
ارجيني يا حوه
الثعلب الجواي
من يوم لمستو شذاك
في السِكة ما عوا
| |
|
|
|
|
|
|
|
|
|
Re: وثبة خُطـي الغزلان .. الي ملهمتي ... مشــاتيق (Re: محمد الفاتح خالد حسون)
|
Quote: والرَجعة يومها بحين
مهما الملل ينتاب
ويسمكروا صوتـك الحاكمين
حٌكم الاسد في الغاب
و تاني تعدي بينـا سنين
ريحاً يدوق الباب
وريحاً دفاقو طحين
تًشوفي البَحر عكران
وفي أعماقو .. رايب الطين
ذي … بعدي كلي عِتاب
بِتَنشف دمعة بالتطمين
وذي كل ما أرحل
سَفرك بذيدني يقين
شِنطِك مدمدمة ريد
وحتي الجيب مَليتو حـنين
لي بلاد معاك تحَلم
يصحوا ولادها … متسامحين |
اهو عندك الايميل الثاني يا ناصر كرار يا بريقع
[email protected]
| |
|
|
|
|
|
|
| |
محمد الفاتح خالد حسون
فيس بوك
تويتر
انستقرام
يوتيوب
بنتيريست