|
|
 ملاحبا محمود عبد العزيز .. اطربنا ..امتعنا .. ثم افعل ما شئت
|
الحوت مختلف !!
الحوت مرعب !!
حقيقي الواد مستمتع بالبلع ايما استمتاع .. بلع الـ
عندما يغني محمود ويخلص .. يتكون حوله محراب من الطرب .. تجد المستمعين في حالة انجذاب ونشوة .. حتى المغنين مثله .. يصمتون ولا يدندون معه او يرددون خلفه .. حتى لا تفوتهم متعة الاستماع ..
يا حوده
ميتين ياخ
|
|
 
|
|
|
|
|
|
|
|
Re: مرحبا محمود عبد العزيز .. اطربنا ..امتعنا .. ثم افعل ما شئت (Re: khaleel)
|
محمود نسيج فريد ومتميز,
كنت متأكد إنه المسألة ليست
فقدانه للموهبة, بل هى مسألة إنسجام
مع المجموعة, وحاجات تانية يمكن تداركها.
على محمود الإستفادة قدر الإمكان من التواجد
بين أنداده من الفنانين, حتى ينحاز "عل آخر" لعملية
الفن والغناء, فهو ما زال فى طياته الكثير من التطريب,
وما زال فيه كثير النغم والألحان التى يجب أن تخرج إلينا.
التحية لك يا محمود, والتحية لك يا وليد العزيز.
محبتى
| |
|
|
|
|
|
|
|
|
|
Re: مرحبا محمود عبد العزيز .. اطربنا ..امتعنا .. ثم افعل ما شئت (Re: وليد محمد المبارك)
|
Quote: الليلة الحوت ذكرني بريمة
الكورة كلها بكون نايم
فرصة واحد في التميات يشيلها ويطلع نجم المباراة |
الحتة دي شايف الناس مشت فيها فوووووو..
دي بوست منفرد وخلاصة ..
محمود البوستات المدوورة فيهو كتيرة ..
بس الحتة دي مباااالغة ..
بريمة افضل حارس مرمى في العالم ..ابصم وأجزم واحلف في قندراني مصاحف ..
تخريمة :
يا ولي بس باقي ليهو يلبس لينا الفنيلة ام رقبة وبنطلون الجينز الحرجلي ابو لونين داك ويرجع حوتة بتاع زمان :)
| |
|
|
|
|
|
|
|
|
|
Re: مرحبا محمود عبد العزيز .. اطربنا ..امتعنا .. ثم افعل ما شئت (Re: عمر الفاروق)
|
| Quote: يا ولي بس باقي ليهو يلبس لينا الفنيلة ام رقبة وبنطلون الجينز الحرجلي ابو لونين داك ويرجع حوتة بتاع زمان :) |
ايواااا يا عمر
ويقيف على حيلو ويباعد بين رجليه زي العاوز يصلي
ويخت يدو الشمال بمحازات جسمه كانه واقف انتباه
ويدو اليمين فيها المايك ما بتتحرك بعيد من خشمو
رافع رقبتو الطويلة الى عنان السماء والعروق ظاهرة فيها
ولا يتحرك من جسده شي الا راسه يتمايل الى اليمين والى اليسار
مع تحرييك غير ملاحظ لركبته اليمنى بصورة خفيفة حفظا للايقاع
ايام يا عمر ايام
| |
|
|
|
|
|
|
|
|
|
Re: مرحبا محمود عبد العزيز .. اطربنا ..امتعنا .. ثم افعل ما شئت (Re: Ashraf el-Halabi)
|
لما تشتاق للمشاعر وتبقي فينا بعبيرها لما تشتاق للعواطف وتنسجم بحريريها تلقي فيها دروب محبة وتلقي فيها دروب حنان
ابدع الفتي الابنوسي واسكت الكل .
وكان السر قدور يريد ان يضعه في امتحان باختياره للاغنيات الصعبة لمحمود ويختار الاغاني الخفيفة للبقية لقناعاته بانهم لايمكنهم
ان يقومو بادائها كمثل محمود .
وكما في مداخلة احد الاعضاء كنا نتوقع ان يقدم محمود نور بيتنا وشارع بيتنا ولكن اختار قدور طه ليوديها برعونة لاتشبه الاغنية
وكان الاولي ان يقوم بادائها محمود
ولكن اجاد محمود في كنوز محبة حقا اجاد ليس مجاملة ولا انحيازا له وكانت نكهة الحلقة
واشادة مثل اشادة بشير عباس هي شهادة فخر تزين جيد محمود وتثلج صدره
بداء محمود يعود لعافيته ملاحظ تحسن صحته قليلا من الاعياء والاجهاد الذي كان يبدو عليه في اول الحلقات
وبدات الثقة تعود للفتي المبدع
محمود يحتاج لوقفة مع نفسه وذاته ليعود اقوي
ومبروك العودة القوية بعد الغياب عاد الحبيب المنتظر عودا حميدا مستطاب
| |
|
|
|
|
|
|
|
|
|
Re: مرحبا محمود عبد العزيز .. اطربنا ..امتعنا .. ثم افعل ما شئت (Re: Osama Mohammed)
|
والله يا وليد بلعت ما بلعته محمود ده ما بنرضا فوقه ياخ انا كنت بمشي ليهو اي حفله في الخرطوم عامة ولا خاصة... ياخ ده كان لمن يشرنا ما بنزعل منو!!
عندي صاحبي شديد ساكن معاي سنين في امريكا رجع السودان قبل شهر عزمتو عرس اخوي ابا يمشي عشان حفلة محمود وعرسنا كان في كزام بي نادر
تصور سالتو حفلة محمود كانت كيف قال لي غنا ثلاثه اغاني ضحكت قال لي كفاية نحنا اكتر من ثلاثه من محمود ما دايرين!!
| |
|
|
|
|
|
|
|
|
|
Re: مرحبا محمود عبد العزيز .. اطربنا ..امتعنا .. ثم افعل ما شئت (Re: saadeldin abdelrahman)
|
حمد لله على سلامة رجوعكـــ...
لقناعاتكـــ يا وليد
...
محمود البقى"الشين" فى نظر الكثيرين ... و"الحيران" فى نظر حُراس الأخلاق ....و"المثير للشفقة" فى نظر من تخونه العبارات ...
ويتكلم الكثيرين عن ... كيفية ارسالهم إلى مصحة للعلاج ... ولا يكلفون أنفسهم غير طباعة مثل هذه العبارات ... فى المنتديات
وكل الأمكنة .... كأنما يملكون محمود ... وأوصياء عليـــــــــــه ... لدرجة تغيظ ياخ
أنا شخصياً إذداد حبى له .... هذه الايام وبى خاصة عند جلوسه بقرب فنانين العدادات
وإخراسه لألسنة الكثيرين ,,, والغريبة ,,, انهم وأننا ...نترقب حضوره فى الحلقات ....وإن لم نجده حاضرً
نصاب بالحسرة
هذا ما قاله صديقى الذى يدعى أنه يكره محمود جداً
| |
|
|
|
|
|
|
|
|
 Re: مرحبا محمود عبد العزيز .. اطربنا ..امتعنا .. ثم افعل ما شئت (Re: الملك)
|
الحوت لا يموت
مايميذ الحوت عن كثيرين انه في الاول انسان وفي الثاني فنااان
عندما يتغني لاتسمع صوتا لاحد غيره..
هو وحده ..
حقيقة الامر فيما يختص بالاخلاق والسلوكيات الحوت يفعل مايفعل البقيه..
الفرق يا ولي يا صاحبي انه الحوت ماقاعد يأكل والله ياكل وجبه واحده بس
في فنان الا يشتغلوا مزيعين تاني او مداحين..
| |
|
|
|
|
|
|
|
|
|
Re: مرحبا محمود عبد العزيز .. اطربنا ..امتعنا .. ثم افعل ما شئت (Re: وليد محمد المبارك)
|
وليد
عارف يا قريبك أول ما محمود خش في المقطع الأول
جيت في بالي بي بوستيك المبلوع داك
بديت أكتب في بوست مخصوص ليك عشان تبلعو بي موية زرقا
جاني عارض يعترض أعمالي
مشيت مشوار ولما جيت لقيتك بلعتو براك
بس المرة دي البلع حاف
الملاحظة بتاعة عدم الإرتياح في الغناء في الكرسي صحيحة
وإنعدام الثقة ودي لوّنتها ليك عشان مافي زول يجي يقول لي محمود ماعندو ثقة ف نفسو
الحاجة دي قاعدة تحصل لأكبر الفنانين
الخوف من الفشل
الخوف علي المكانة العالية
الخوف من رأي الجمهور
ودة غير إنو محمود غير راضي من جواهو علي شكلو
الحتة دي عاملة ليه هاجس كبير
ودة ملاحظ كتير لما الكاميرا تكون في وشو
زائد علي كدة محمود خجول بطبعو
| |
|
|
|
|
|
|
| |
وليد محمد المبارك
khaleel
عبدالله شمس الدين مصطفى
Mohamed Abdelmotalib Hassan
أبو عبيدة البصاص
ناصر احمد الامين
Ashraf el-Halabi
Rawia
خدر
عمر الفاروق
احمد الأمين على إدريس
Raja
Osama Mohammed
خالد
saadeldin abdelrahman
haroon diyab
الملك
naeem ali
حبيب نورة
الفاتح الجنيد
فيس بوك
تويتر
انستقرام
يوتيوب
بنتيريست