|
|
|
 Re: تم القبض علي كل الشيش في الخرطوم .. ( صورة خادشة ) !! (Re: khaleel)
|
تعرف يا أبوالسيد ؟؟؟؟
أطمنكـ
حكومتنا دي بتعمل حاجة تفتكرها قاصداها
وتفاجئ الناس بي حاجة تانية
يعني تأشّر يمين وتلف شمال
نظام حرفنة وكدة
أها فضو موقف المواصلات
عملوا شنو ؟؟؟؟؟
جابو بصات الولاية
هسع أكيد تكون حكومة الولاية بتدرس مشروع
(شيشة الولاية)
وبتكون ليها مواصفات (موبالغا)
لوكـ الصبر
وجرّب تمباكـ معاوية عبيد ده لحدود ما المشروع ينضج
أو أمشي أعمل جريرة يسجنوكـ مع الشيَش دي
لحدود ما ربنا يفتح عليك وعليها
وسمعت تحت في تصاديق إستيراد شِيَش بتتباع في شجرة وزارة التجارة الخارجية
لوووووووووووول
| |
 
|
|
|
|
|
|
|
|
Re: تم القبض علي كل الشيش في الخرطوم .. ( صورة خادشة ) !! (Re: محمد عبد الماجد الصايم)
|
الحاجات المحيِّرة في السودان:
1- يُمنع تدخين الشيشة في الأماكن العامة. تُصادر أدوات تدخين الشيشة من المحال التي تُدخّن فيها الشيشة. أدوات تدخين الشيشة مستوردة بطريقة رسمية ومدفوع عليها جمارك وضرائب وكل ماهو مطلوب للإستيراد. المعسّل الذي يضعونه في الشيشة هو الآخر مستورد بطريقة رسمية. والحكومة ماخدة حقها كامل ومكمّل. الآن تمّت مصادرة أدوات تدخين الشيشة وأعتقد المعسّل الموجود بالمحلات. فمن يدفع لأصحاب هذه المحلات تعويضاً عن خسارتهم من مصادرة الآلات والمعسّل.
2- مستوردي أدوات تدخين الشيشة ومعسّلها، هم أيضاً أستوردوا كميات تجارية من الأدوات والمعسّل! السؤال أين يبيعون بضاعتهم ومحلات تدخين الشيشة قد تمّ إغلاقها؟ والسؤال الأهم: هل ستصادر أدوات تدخين الشيشة ومعسلها من مخازن المستوردين أو تجار الجملة طالما القانون واحد أم ستترك لهم لتبور وتحل شيكات الدفع للبنوك ويجد المستورد نفسه في وضع لا يحسدعليه؟
كثير من منسوبي الحكومة خاصة في ولاية الخرطوم ومحلياتها من أبناء الشيخ. هؤلاء قلوبهم مع شيخهم وسيوفهم (جيوبهم – كما قال الشيخ) مع الحكومة. إنهم مع الحكومة لأنها مصدر معيشتهم. ولكنهم يضربون بسيوفهم ذات اليمين وذات الشمال بصورة تزعج المراقب المحايد وتفرض عليه سؤالاً محيِّراً: الناس ديل مع الحكومة ولاّ مع المعارضة الخفية ؟ - أو كما يقول الشباب: الجماعة ديل شايتين وين؟- هؤلاء يمكن القول عنهم أنهم يحاولون توريط الحكومة بادعاء البطولات الفارغة، فإن نجحت سياستهم أتاهم أُكلها. وإن جابت مصيبة وأصابت الحكومة في مقتل أو سببت ضرراً بليغاً لها يكونوا قد أدُّوا واجبهم المنوط بهم في سرّية تامة دون أن يشكّ فيهم أحد. والله أعلم.
كبـّـاشي الصـّـافي
| |
|
|
|
|
|
|
|
|
|
Re: تم القبض علي كل الشيش في الخرطوم .. ( صورة خادشة ) !! (Re: محمد المسلمي)
|
هسى البواليس ديل شغالين؟ وبصرفوا ماهية؟ وأرباب أسر؛ عااادى؟
الواحد شغال "يقلع" شيش؟
الواحد يمشى البيت مرتو تقول ليهو: كيفنك يا حاج ... يقول ليها: الحمد لله ... أهو بنجرى على رزقنا ... قلعنا الشيش من اسيادم! والماهية يوم الاحد ...
والله لو شغال حرامى ... كان انستر شوية ... ونط على بتاع القهوة بالليل ...
هسى بلاغ الشيشة المادة كم؟ وبتقول شنو بالضبط؟
تلوث البيئة؟ ما بتبرر المصادرة!
إماطة الأذى عن السبيل؟ مفروض ينتظروا لغاية ما الحجر يكمل!
الفعل الفاضح؟ ما واضح!
تعاطى المخدرات؟ مفروض يصادروا المعسّل المطعّم بالبنقو ... القزازة ما عندها دخل!
الحفاظ على الصحة؟ بيعملوا بالشيشة المطفية شنو؟
أدوات انحلال؟
بالله دا شنو دا ...
مفروض يكون البلاغ تحت المادة بوزا تلاتة مرّات ... 1- عوارة الوالى ... و2- اعتراض نبى الله الخضر أثناء أداء وظيفتو ... و3- استفزاز طنقعة الإريرة ...
... المهم ....
| |
|
|
|
|
|
|
|
|
|
Re: تم القبض علي كل الشيش في الخرطوم .. ( صورة خادشة ) !! (Re: Ahmed musa)
|
Quote: حكومتنا دي بتعمل حاجة تفتكرها قاصداها
وتفاجئ الناس بي حاجة تانية
يعني تأشّر يمين وتلف شمال
نظام حرفنة وكدة
أها فضو موقف المواصلات
عملوا شنو ؟؟؟؟؟
جابو بصات الولاية
هسع أكيد تكون حكومة الولاية بتدرس مشروع
(شيشة الولاية)
وبتكون ليها مواصفات (موبالغا)
لوكـ الصبر
وجرّب تمباكـ معاوية عبيد ده لحدود ما المشروع ينضج
أو أمشي أعمل جريرة يسجنوكـ مع الشيَش دي
لحدود ما ربنا يفتح عليك وعليها
وسمعت تحت في تصاديق إستيراد شِيَش بتتباع في شجرة وزارة التجارة الخارجية
لوووووووووووول |
اها ياسعادتك عرفنا فهم الوالي في البصات !!
يعني ح يعمل في الشيشة شنو ?
علا يعمل ليها تيربو في اللي ويربط فيها كمرة للخلف .... عشان تبقي شيشة فل اوبشن 
___
حينها لن نحتاج لتمباك المدعو معاوية
| |
|
|
|
|
|
|
| |
معاوية عوض الكريم
Ahmed musa
Tragie Mustafa
معاوية عبيد الصائم
عاصم ابوبكر حامد
الامين موسى البشاري
بشير حسـن بشـير
طارق جبريل
khaleel
محمد عبد الماجد الصايم
cantona_1
نبيل عبد الرحيم
Hisham Amin
Elbagir Osman
Abureesh
محمد المسلمي
تبارك شيخ الدين جبريل
حسبو عكاشة
فيس بوك
تويتر
انستقرام
يوتيوب
بنتيريست