|
مالا تاني الذكرى عادت من جديد
|
مالا تاني الذكرى عادت من جديد هيجت فيني المشاعر وذوبت قلبي العنيد فتحت جواي وردة فايحة بعِطرك اكيد مالا تاني الذكرى عادت من جديد امطرت دنياي محبه وفرجت همي الصعيب نظمت زمني المشاتر وانعشت حرف القصيد مالا تاني الذكرى عادت من جديد خضرت فيني المواسم وغيرك إنتِ مُحال اريد والدموع من عيني ذرفت حانة لزمن سعيد مالا تاني الذكرى عادت من جديد قلبي دقا طار مني هجا وما شديد نومي قله ومني ولى وسماك بعيد مالا تاني الذكرى عادت من جديد خلتني بس ابكي وائن ولي هواك احِن وما بنفع الكي في الجسم مهما تجن او تنسجن ما بين جفونا .. او تترجِم .. بسهام رِموشا وتنهزم او تندفن جوه الحشا وتفضل تقاوم وما اظن تصبح نصيح وجرحك يطيب يلتئم والذكرى تشجيك بالحنين وقلبك يحن لي زولة لابسة الريد هِدم وليك تبتسم تسرق قليبك بمزاج من غير تحِس او تندهش من فِطنتا وطبع الوِلف نايرة خدود واللون قمح ... جد مختلف تدخل مسامك ضو شمس وعيونا لو بس صادتك .. حلقك يجف وترتجف والحمى تحميك المنام ونفسك يخف وروحك تكابد للمروق بشويش ومنك تنسرق والساعة ديك للذكرى إنتا بتستحق والرحمة من رب العباد حامي الخلق
5 رمضان 1431هـ
|
|
|
|
|
|
|
|
Re: مالا تاني الذكرى عادت من جديد (Re: mohmed khalail)
|
Quote: أبو أحمد يا جميل الذوق..يا رقيق الاحساس
وما لا تاني الذكرى عادت من جديد..
يا ريت تعود كمان وكمان.. ونسكر معاك حد الطرب..
شوق يا بلد..
كيف الحال وكيف الوليدات |
صديقي الجميل محمد خليل ياخي رمضان كريم يشهد الله مشتاقك كتير جداُ جداُ تصوم وتفطر على خير مع خالص التحايا للاسرة الكريمة
| |
|
|
|
|
|
|
Re: مالا تاني الذكرى عادت من جديد (Re: هاشم أحمد خلف الله)
|
أبو أحمد الشفيف المرهف أولاً رمضان كريم وكل عام وأنتم بخير ،، وذكرتك دي هيجت علينا ذكريات كتييييييرة .. بس شعر رمضان ده مالو جميل كده والواحد لو ما رمضان السنة دي حار كان قال ليك إن شاء الله يمدوه شهر تااني لكن خايف الشباب يتجرسو ساي ,,, ههههههه واصل الإبداع الرمضاني وما تقول لي الغنية دي حجزها مرزوق من هسة أنا خاتي طوبتي دي أها رأيك شنو ..
تحياتي لك وللأسرة الكريمه ،،
ياسر العيلفون
| |
|
|
|
|
|
|
Re: مالا تاني الذكرى عادت من جديد (Re: ياسر السر)
|
Quote: أبو أحمد الشفيف المرهف أولاً رمضان كريم وكل عام وأنتم بخير ،، وذكرتك دي هيجت علينا ذكريات كتييييييرة .. بس شعر رمضان ده مالو جميل كده والواحد لو ما رمضان السنة دي حار كان قال ليك إن شاء الله يمدوه شهر تااني لكن خايف الشباب يتجرسو ساي ,,, ههههههه واصل الإبداع الرمضاني وما تقول لي الغنية دي حجزها مرزوق من هسة أنا خاتي طوبتي دي أها رأيك شنو ..
تحياتي لك وللأسرة الكريمه ،،
ياسر العيلفون |
ولدنا ياسر الفنان الرائع كل سنة وانت طيب يا عسل اسعدني تواجدك هنا يا ملك يلا ورينا شغلك وسيبك من مرزوق اها قصرت معاك ههههههههه
| |
|
|
|
|
|
|
|