|
هندســـة العمق ....(بعد جديد ولقب جديد)
|
نفتقد العمق !!! كانت فكرة بوست ولكن تقديراً لظروف غياب العمق ابينا ننزل البوست المعبر عن الافتقاد
هلم الينا ياعميق !! كانت فكرة بوست تانى تحمل طياته دعوة العميق للحضور والتواصل لنغسل الاحزان سوياً.. لم تتم الدعوة لعلمنا بمشاق السفر وصعوبة الوضع العام
عاد العمق !! ايضاً فكرة بوست لم يرى النور لاننا اتفاجأنا بانو العميق راجع مهندس عدييل كدا فكان:- هندسة العمق.. وفيه نقول مراحب بالعالم المفكر فضيلة الدكتور المهندس العميق
وبدونك الاسافير جد موحشة ياعميق
|
|
|
|
|
|
|
|
Re: هندســـة العمق ....(بعد جديد ولقب جديد) (Re: احمد الأمين على إدريس)
|
بعودتي ، عادت للمنبر عافيته !!
عاد الوجود لدورته الدائرة: النجوم .. لميقاتها والطيور.. لأصواتها والرمال.. لذراتها والقتيل لطفلته الناظرة أو كما قال أمل !!!
----------------- غايتو يا سعادتك بالغت في البوست ده : ياخي أنا زول سطحي و مخي صغير تكتب لي جنس الكلام ده ، لمن أصدقو طوالي بقوم اعوق ليك الناس !! رفقا بخلق الله يا أحمد ياخي !!!
| |
|
|
|
|
|
|
Re: هندســـة العمق ....(بعد جديد ولقب جديد) (Re: أمين محمد سليمان)
|
ياعميق براك شايف اخوك كرت هنا ومداخلاتى بعدد شعر راسك وكمان على قلتها ممكن ادعى انو ماحصل اداخلت معاك قبل كدا(مابتاعت تبارك) لكن العمق الكائن بين سطورك والالفة التى احسها كقارئ غير نهم وكراهيتى للاستوساخ وحاجات تانية كتيرة حتمت لاحظ حتمت على كتابة هكذا بوست غايتو كان سطحى ماعارف !! اللهم الا كان تقصد السطح الاملس فى اعلى بدنك ولا تكون سطحى من سطوح اللهو عالى داك
Quote: رفقا بخلق الله يا أحمد ياخي !!! |
ورفقاً بخلق الله ياعميق كن موجود وامعاناً فى الرفق جيب معاك حمور
تقبل ثلجنا المدروش فى نواصى هذا البوست ياخال وتقبل خالص الود والتقدير وكل بوست وألقابك فى زيادة ووئام ياباشمهندس
| |
|
|
|
|
|
|
Re: هندســـة العمق ....(بعد جديد ولقب جديد) (Re: احمد الأمين على إدريس)
|
Quote: وامعاناً فى الرفق جيب معاك حمور |
والله يا ابوحميد ده الختا ذاااتو !! ياخي أنا جيت المكان ده للقضاء علي جرذان الثقافه و فئران الأدب : حمور زياده و أمثاله ، تقول لي جيبو معاك ؟!! حمور ده ذهب لما حضرنا و غاب لما ظهرنا ، النور و الظلام لا يتواجدن في نفس المكان !! و لو ما رمضان و باقي خوف من الله كان قلت ليك إنو النابغه الذبياني كان قاصدنا عديل أنا و حمور لما قال : فإنك شـــمس والملوك كواكب إذا طلعت لم يبـــد منهن كـــوكب
---------- و زي ما قال المثل (حمور شنو في الحر ده ) !!!
| |
|
|
|
|
|
|
|