|
|
|
 Re: خلال السخلة (Re: الصادق اسماعيل)
|
بلى بلى سنتابع أيها الصادق
الغريبة انا رديت عليهو محمد e سليمان دا بهناك
لقيتو فاتح بوست بيجاي
شكلو الانبثاق دا عادة
ومن خلا عادتو قلت سعادتو
المهم يا قولات تبارك
هنا الكوت :
Quote:
Quote: يا باش مهندس
أسع دا كلام زول مو عاوز جرجرة ؟
اللهم إني صائم |
يا اخ محمد e سليمان
إنتا فاتتك الجرجرة و اللولوة الما خمج
لمن الموضوع وصل المحاكم إنتا وين ؟
حسة جاي بتكوسلك جرجرة معاي
قادر الله !
تقبل الله صيامك و اللهم اني صائم برضو
| Quote: مرحباً بكم في متابعاتنا |
بلى بلى سنتابع أيها الصادق
والحقيقة توجد (عدة) نوافذ للمتابعة
تحياتي لك على المتابعة
ورمضانك كريم
|
| |
 
|
|
|
|
|
|
|
 Re: خلال السخلة (Re: الصادق اسماعيل)
|
نيابه عن جمعيه الرفق بالحيوان ادين واشجب تخليل السخلان
الحبشي ازيك
ما فينا تصحيح عربي سمح؟؟
انا اساسا اعجميه وكتر خيري شديد اني بكتب معاكم بالحروف العربيه
| |
|
|
|
|
|
|
|
|
|
Re: خلال السخلة (Re: doma)
|
خلال السخلة بيتقال لما زول لي زول فلان دا خالي والزول الخال يكون ما راضي فبيكون الرد عليهو:
- خلال السخلة .
فدحين شدوا حيلكم خيلان وخالات البورد .
رمضان كريم ياحبشي.
| |
|
|
|
|
|
|
|
|
|
Re: خلال السخلة (Re: عبد المنعم ابراهيم الحاج)
|
الأخ عوض الصديق
وعليكم السلام وتقبل الله صيامك
Quote: جئت هنا لاقول كنت متابع لكتاباتك منذ سنوات
وانا متفرج من خارج الموقع ومعجب باكثرها
ويبدو ان الوقت حان لتحية مباشرة |
ولك أنت التحية والشكر على المتابعة
إطراؤك يخجلنا ويدفعنا للتحسين .
نرجو أن نكون عند حسن ظنك بنا
-----------------------
الأخ حاتم علي
رددت عليك هنالك في موضعه
هذا البوست عن شائعة كوني خالك
وخلال السخلة هو عود يوضع في فم السخلة لمنعها
من الرضاعة، العبارة شرح معنى استخدامهاالأخ عبد المنعم
-------------------
الأخت الكريمة دومة السلام عليكم
ورمضان كريم.
| Quote: نيابه عن جمعيه الرفق بالحيوان ادين واشجب تخليل السخلان |
نحن لا نخلل السخلان بل (نخرت) -بتشديدالراء-أمهاتها (بالخرايت) .
--------------------
الأخ عبد المنعم ابراهيم الحاج
السلام عليكم ورحمة الله
Quote: فدحين شدوا حيلكم خيلان وخالات البورد .
رمضان كريم ياحبشي. |
وتصوم تفطر على خير
وشكرا لشرح استخدام (خلال السخلة )
بعض زملائنا طلعوني خالا للأخ حاتم علي
فتشت اسم حاتم في أقاربنا ما لقيت إلا واحد
من المناصير
--------------------------------
تناولنا سيرتكم ومواقفكم الغريبة من نظام أفورقي
في منتدى مصغر
| |
|
|
|
|
|
|
|
|
|
Re: خلال السخلة (Re: Mohamed E. Seliaman)
|
السلام عليكم
دحين الخلال دا الشكم ولا شي تاني؟
لكن يا الحبشي صريتا ليه صرار* شديد
ما فضل ليك الا تقول ليه زي ما قال ابوداؤود لمن كان احد المعجبين يناديه في حفله يا خال
الصرار دا بدور ليه عريبي نجيض
| |
|
|
|
|
|
|
|
|
|
Re: خلال السخلة (Re: ود الخليفه)
|
الترجمة لاهل الوسط وساكني المدن من امثال الصادق ومن لف لفه
يخلخل ضروسك
| Quote: بل (نخرت) -بتشديدالراء-أمهاتها (بالخرايت) |
الترجمة لماما دومة واولاد المدن
خرايت او كما في لسان الوسط خرتاية : كيس قماشي يغطي به ضرع الغنم كي لا ترضعها السخلان المذكورة في العنوان اعلاه وفي بعض الاحيان يغطى ضرع البهيمة بهذه الخرتاية اتقاء العين
يا حبشي رمضان سخن معاك ولا شنو الانبثاقية دي زي ما قال لصادق اسماعيل
| |
|
|
|
|
|
|
|
|
|
Re: خلال السخلة (Re: محمد إبراهيم علي)
|
Quote: تناولنا سيرتكم ومواقفكم الغريبة من نظام أفورقي
في منتدى مصغر |
أجدع الرابط لنرى وجه الغرابة وعوجة رقابنا .
وسجلونا معاكم لو في طريقة .
لك التحية .
| |
|
|
|
|
|
|
|
|
|
Re: خلال السخلة (Re: خدر)
|
| Quote: الترجمة لماما دومة واولاد المدن |
لووووووووووووول يا زول الخراتي ديل شغل ناس المدن نحن اهلنا بصرروهن
اها فيكم زول يشرح لينا الصرار دا ولا اشرحو ليكم ؟؟؟!!
| |
|
|
|
|
|
|
|
|
|
Re: خلال السخلة (Re: doma)
|
| Quote: اسهل تقول سوتيان الغنماية |
خدر
شكرا على الترجمة لحناكيش و (حنكوشات) المنبر وان كنت لا اظنهم بجو خاشين بوست (بهكذا) عنوان
ماما دومة
| Quote: لووووووووووووول يا زول الخراتي ديل شغل ناس المدن نحن اهلنا بصرروهن |
اها كدة وديتينا في دروب (مبعرة) لوووووول
ناس المدن شنو كمان العندهم غنم لامن يلبسوهم خراتي شوف عيني دي كــلاب الخرطوم بقت نباتية عديل كدة
خدر ان شاء الله تكون بتعرف الصرار ؟
ــــــ
بالطريقة دي الحبشي حيحرد البوست ده
| |
|
|
|
|
|
|
|
|
|
Re: خلال السخلة (Re: ممدوح أبارو)
|
| Quote: بس العنبلوق كان ما ربطولو شوكة ما بجيب فوقو خبر |
داك العتود يا ممدوح ..
العنبلوق الجابو للسخلة شنو ؟؟
دومة .. الصرار ؟؟
حليل أبوي .. أمانة ماك فضيحة .
.................
تحياتي يا محمد الحسن ، رمضان كريم ياخ .
| |
|
|
|
|
|
|
|
|
 Re: خلال السخلة (Re: Emad Abdulla)
|
| Quote: نحن لا نخلل السخلان بل (نخرت) -بتشديدالراء-أمهاتها (بالخرايت) |
وسنتابع كما قال الصادق ولسان الحبشي يقول كما المتنبي :
ليالي بعد الظاعنين شكول *** طوال وليل العاشقين طويل
يبن لي البدر الذي لا أريده *** ويخفين بدرا ما إليه سبيل
وما شرقي بالماء إلا تذكرا *** لماء به أهل الحبيب نزول
يحرمه لمع الأسنة فوقه *** فليس لظمآن إليه وصول
فلئن كان مقصد المتنبي بأنطاكية ليس حب سيف الدولة و ماله (البدر الذي لا يريده)
بل كان يريد السلطة و الحكم- ضيعةً أو ولايةً - (بدراُ ما اليه سبيل)
فماذا بأمر الحبشي بسودانيزاونلاين ؟
هل ترى شغلته (السخلات) عن المتابعة ؟
وماذا عن إستدراكه الأخير عن (الأمهات) و (الخرايت) ؟
بالطبع التورية - الخفية - لدى الحبشي تقصر حروف
لغتها عن بلاغةالمتنبي ، بينما المفردات - لدى الحبشي - نفسها مشتقة
من - البيئة - المصاحبة لنشئة الحبشي الباكرة ربما؟ لا ندري
بعيداٌ عن التورية و اللغة و البلاغة
هل تفلح شباك الحبشي التي ينصبها كل مرة هذه المرة ؟!
تبدو في تقديري محاولة بعيدة لإصطياد (مجموعة فيلة) بإيحاءات وحديث عن (سخلة)
عموماً سنتابع - في ظل غياب الصادق - مرحباٌ بكم في متابعتنا
| |
|
|
|
|
|
|
|
|
|
Re: خلال السخلة (Re: Emad Abdulla)
|
Quote: داك العتود يا ممدوح ..
العنبلوق الجابو للسخلة شنو ؟؟
|
يا عمدة صباحك خير
العتود هو نديد السخلة وما ظنيتو مستعصي علي الصرار بس العنبلوق أكبر منهم الاتنين
وبتقابلو التقرة ويقال والعهدة علي ناس بلدنا :
العنبلوق هو العتود القارم أي الذي أكل العيش مع المواصلة في الرضاعة.
رمضان كريم يا حبشي وتصوم وتفطر علي خير
| |
|
|
|
|
|
|
|
|
|
Re: خلال السخلة (Re: ممدوح أبارو)
|
| Quote: لعنبلوق هو العتود القارم أي الذي أكل العيش مع المواصلة في الرضاعة. |
يا ود ابارو العنبلوك البرضع بعد القرم
بس يكرموبو
اصلوا هو مو جايب لهم لبن ,
اها بعد دا انا متخارجه
باقي لي حاتم علي والحبشي
عندهم موضوع نحن ما فارزنو
| |
|
|
|
|
|
|
| |
Mohamed E. Seliaman
عوض الصديق
الصادق اسماعيل
حاتم علي
doma
ود الخليفه
محمد إبراهيم علي
خدر
ممدوح أبارو
Emad Abdulla
فيس بوك
تويتر
انستقرام
يوتيوب
بنتيريست