|
|
 بلاغة الضد السودانية ... ( كلام ساكت )
|
بلاغة الضد السودانية
والمراد ببلاغة الضد كما هي في بعض طرائق استخدامها في العامية السودانية استخدام مفردتين متضادتين في المعني بغرض نفي المفردة الأولى ،
وذلك بدلاً عن استخدام أدوات النفي المعروفة في اللغة العربية كلا النافية وما النافية .
وهذا استخدام نادر في اللغة العربية أطلق عليه الدكتور لويس عوض مصطلح بلاغة الضد .
وأشهر مثال لهذا الأسلوب البلاغي تمثله عبارتنا السودانية الشهيرة
كلام ساكت
وكذلك
قام قعد
وأيضاً
لقيتو ما في
|
|
 
|
|
|
|
|
|
|
|
Re: بلاغة الضد السودانية ... ( كلام ساكت ) (Re: طه إبراهيم عبد الله)
|
كلام ساكت
للتعبير عن خلو الكلام من المضمون ، أو إنه مجرد كلام لا علاقة له بالواقع والحقيقة ولا يعبر عنهما .
وفي الوقت الذي يستخدم فيه السودانيون هذا الأسلوب البلاغي نجد لهجات عربية أخرى تعبر عن خلو الكلام من المضمون بعبارات مثل
أي كلام
و هرج
و حكي فاضي
ولمعرفة مدى عبقرية هذا الاستخدام البليغ ، وأن مصطلح ( كلام ساكت ) يمثل توصيفاً شاملاً وكاملاً لكل ما هو فارغ المحتوى وزائف وكاذب خاصة في عالم السياسة ،
ننظر إلى الأمثلة التالية :
نأكل مما نزرع = كلام ساكت
نلبس مما نصنع = كلام ساكت
النفرة الخضراء = كلام ساكت
المشروع الحضاري = كلام ساكت
وتستطيع أن تعدد من شاكلة الأمثلة أعلاه من الكلام الساكت من الآن ولغاية 9 يناير 2011
| |
|
|
|
|
|
|
|
|
|
Re: بلاغة الضد السودانية ... ( كلام ساكت ) (Re: طه إبراهيم عبد الله)
|
قام قعد
وهي لا تعني معناها الظاهر – أي أن شخصاً ما ، قام ( وقف ) ثم قعد ( جلس ) - ولكنها تعني في معظم صياغاتها العامية
أن الشخص تصرف بعكس ما هو مطلوب منه . مثلاً ( قلت ليهو امشي قام قعد ) وهكذا .
ومن الأمثلة الشهيرة :
الرئيس البشير مفروض يحضر المؤتمر الإسلامي في تركيا قام قعد
الرئيس البشير مفروض يحضر اجتماعات الاتحاد الإفريقي في أوغندا قام قعد
الرئيس البشير مفروض يمثلنا في اجتماعات الجمعية العمومية للأمم المتحدة في نيويورك قام قعد
الرئيس البشير مفروض يتفقد منكوبي الأمطار والسيول في طوكر وشندي والنيل الأبيض قام قعد
...
...
وقام قعد هذه من النوع أعلاه لو بدأت تعدها لن توقفك محطة 9 يناير 2011
| |
|
|
|
|
|
|
|
|
|
Re: بلاغة الضد السودانية ... ( كلام ساكت ) (Re: طه إبراهيم عبد الله)
|
لقيتو ما في
يتبادر إلى ذهن غير الملم بالعامية السودانية الأسئلة التالية :
لقيتو وفي نفس الوقت مافي ؟ كيف يستقيم هذا ؟ يعني موجود وغير موجود ؟
لكن السوداني يعرف أن المعنى المقصود ( ما لقيتو ) .
ولننظر الآن إلى بعض الأمثلة عن ما يمكن أن نلقاهو ما في :
ولكي تلقى شيئاً ما لابد أن تبحث عنه :
ابحث عن الضمير عند من تولوا أمرنا منذ عشرين سنة حا تلقاهو مافي
ابحث عن حقوق الإنسان في السودان حا تلقاها ما في
ابحث مع خريجي الجامعات عن وظيفة أو عمل حا تلقاها مافي
ابحث .. حا تلقاهو ما في
ابحث .. حا تلقاهو ما في
ابحث .. حا تلقاهو ما في
لقيتو ما في - هذه العبارة - بالذات ما عندها حد
| |
|
|
|
|
|
|
|
|
|
Re: بلاغة الضد السودانية ... ( كلام ساكت ) (Re: cantona_1)
|
Quote: أها يا طه ود إبراهيم .. الفنان ما قال: لقيتو واقف منتظر تشتاق عيوني لي لطلعتو ... رجع قال لكنو آه يخلق من الشبه أربعين... يعني المحصلة لقاهو مافي مش؟
كبـّـاشي الصـّـافي |
...
شكراً لك أخي كباشي الصافي لتوقفك عند البوست ومشاركتك الطريفة الظريفة ولماحة في نفس الوقت
..
لقيتو ما في - هذه العبارة بالذات - ما عندها حد
| |
|
|
|
|
|
|
|
|
|
Re: بلاغة الضد السودانية ... ( كلام ساكت ) (Re: عبدالعزيز الفاضلابى)
|
الأخ الفاضل عبد العزيز الفاضلابى
تحية طيبة
وشكراً لمشاركتك الجميلة ولإشارتك لأفعال الضد وكما تعلم فإن الفعل أبلغ من القول
..
Quote: وزى :
ياجنا ماك متقدم لى ورا تقدمنى معاك.
وهناك بلاغة افعال الضد ,, مثلا :
الشافع يبكى ,, يدقوه عشان يسكت (وداونى بالتى كانت هى الداء)
الناس فى المناسبات يغسلوا ايديهم بالصابونة بعد الأكل وليس قبله. |
..
تعرف موضوع الشافع البدقوهو عشان يسكت موضوع لو درسناهو مزبوط حا يفك شفرات كتيرة
في سلوك الكبار ، وكان الأستاذ عبد الله ود البوش قد فتح هذا الموضوع للنقاش في البوست أدناه
تقولي منو .. نحن البنضرب الطفل الببكي عشان اسكت ... توجد حكاية مؤلمة
..
ونفس الأسلوب تمارسه الدكتاتوريات على الشعوب ( القمع ) وربما أغلبنا هنا ( كرف كرفة كرفتين بمبان في شارع الجامعة ولا السوق العربي لما قال جوعان أو عايز حقو في الحرية والكرامة الإنسانية )
| |
|
|
|
|
|
|
| |
cantona_1
عبدالعزيز الفاضلابى
فيس بوك
تويتر
انستقرام
يوتيوب
بنتيريست