|
Re: ابادة "الشيشة" بدلا عن "الباعوض" (Re: mohmmed said ahmed)
|
لكن يا صحبى الجميل الباعوض ما قاعد يمشى المقاهى بقعد فى البيت وهنا الفرق لانها تقعد فى البيت وهم مالهمش دعوة بالفى البيوت يا صحبى الجميل الان يعلنون عن الناموسية المشبعة طيب ليه ما يعملو مصارف للمياه حتى تنتهى الباعوضة ؟ لماذا لا يكون لدينا مجارى نظيفة كما اى بلد فى الدنيا ؟ يا الهى كم سنلبث فى هذا الاحباط ؟
| |
|
|
|
|
|
|
Re: ابادة "الشيشة" بدلا عن "الباعوض" (Re: abubakr)
|
Quote: شايف طابور الشرف يامولانا .....
|
سلام يا قريبي استاذ ابوبكر رمضان كريم عليك وعلى كل من تحب
تعرف نفس طابور الشرف دا هم الزبائن المضمونين لاي محل شيشة في السوق العربي أنحكي ليك دي نحن محلنا بتاع الكمبيوتر جنب رئاسة الشرطة في الخرطوم في ادروب فاتح ليه حوشين شيشة زباينه كلهم طلاب + عساكر رائسة الشرطة وامن المجتمع والسجون اللي في شمال موقف الاستاد وهم زاتهم اللي بشنو الكشات دي
فادروب دا طلع تفتيحة عارف لمن يجوا يكشوا عدته هم نفسهم اللي حيرجعوها ليه فعمك الادروب ممشى اموره عنده احتياطي من العدة لمن يشيلوا عدة الصباح ينزل العدة الاحتياطي.... يشتغل بيها لحدي ما نفس العساكر اللي شالوا عدته... يجيبوها ليه بعد ساعة ساعتين المهم المدة البتستغرقها عملية الكشة في المنطقة الحولينه نص نهار رمضان ريحة الشيشة مدورة غايتو!!!!!!!!
| |
|
|
|
|
|
|
Re: ابادة "الشيشة" بدلا عن "الباعوض" (Re: mayada kamal)
|
رمضان كريم ميادة .. تصومي وتفطري علي خير ...
Quote: تعرف نفس طابور الشرف دا هم الزبائن المضمونين لاي محل شيشة في السوق العربي |
صورة بائسة .. حالة مرضية تفشت عندما فقد الجسدالاداري السوداني "النظام" والضمير الحي ...
| |
|
|
|
|
|
|
|