|
وصلتنى رسالة بالايميل من قارئة سودانيزأونلاين وشحتنى برقتها وأسعدتنى بخلاصتها
|
Quote: سلامات ياباشمهندس ورمضان كريم ماعارفة اقول ليك شنو? غايتو ماعندي غير الله يفتحا عليك محل ماتقبل الليلة قريت البوست بتاعك في سودانيز اونلاين (البقت مافيها غير المشاكل والنبذ دي ونادرا ماتلقا فيها حاجة مفيدة)0 قريت البوست والشرح المبسط ونفذت طوالي وكان well done فعلا كنت محتارة في الداونلود من اليوتيوب عندي ولدي بيحب اشغل ليهو حلقات معينة كدة بتاعة كرتون وكنت بس ماعندي طريقة غير اشغلها مباشرة من النت كل يوم لاني ماقادرة احفظها في الجهاز وتعال شوف الفاتورة اخر الشهر كمية استرليني كدة تروح سااااكت كان رسلتها السودان تعمل فايدة وانا قاطعاها في قلبي اسوي شنو لكن الليلة هااادي قعدة ح احفظ كل الحلقات دي وتاني شوف البدفع فاتورة متلتلة زي دي منو عشان كدة ياجمال ياود ام جمال تتبارك ماتتشارك وتتعلى ماتتدلي قادر ياكريم مشكووووووووووور ميسون |
|
|
|
|
|
|
|
|
Re: وصلتنى رسالة بالايميل من قارئة سودانيزأونلاين وشحتنى برقتها وأسعدتنى بخلاصتها (Re: فيصل محمد خليل)
|
أخي العزيز / جمال تحياتي ،
Quote: والله يا جمال ما عاوزة أشكرك قدامك لكن مواضيعك البتكتبها مفيدة جدا جدا وانا بستفيد منها أيما استفادة وبقينا نتبحر في تكنلوجيا الحواسيب ,,, نتمنى أن تواصل على هذا المنوال وأن يجعل الله بكل حرف تكتبه للفائدة العامة حسنة في ميزان حسناتك ويسعدنا أن نتلقى العلم الذي نجهله منكم والله يديك العافية واللقمة الدافية في هذا الشهر الفضيل والمبارك أميرة |
شكراً العزيزة أميرة .. فقد كفيتي ووفيتي .. وقلتي كل اللي على لساننا للأخ جمال . و .. القول ما قالت أميرة . تسلمي .
جزيت خيراً أخي جمال وزادك الله بسطة في العلم وأثابك دنيا وآخرة .
مودتي لكما ،
( ليمو )
| |
|
|
|
|
|
|
Re: وصلتنى رسالة بالايميل من قارئة سودانيزأونلاين وشحتنى برقتها وأسعدتنى بخلاصتها (Re: جمال محمود)
|
سلام يا جمال و إن شاء الله أمورك كلها طيبه Quote: لم اطلب شكر من احد يا امين ولو فعلا انا ساعى وراء الشكر هنالك بوستات الردود فيها صفر والمشاهدة فوق الميه يعنى لو كنت بعمل عشان الشكر كنت توقفت زمان فى انزال البوستات |
ياخي شكرا علي كلامك الهادي و ردك المحترم رغم كلامي المستفز معاك ، لكن والله يا باش ما لقيت أي تفسير تاني لكلامك ردا علي دعاء/شكر أختنا اميره ليك :
Quote: والله تكفينى هذه الدعوة اميرة السيد وبعدها سيعلم الجميع كيف تكون العبقرية فى سودانيزاونلاين |
و ده كلو من البشري و قمر الحقد !! اعفي لينا بالله .
| |
|
|
|
|
|
|
Re: وصلتنى رسالة بالايميل من قارئة سودانيزأونلاين وشحتنى برقتها وأسعدتنى بخلاصتها (Re: أمين محمد سليمان)
|
Quote: موضوع لقب مهندس خليك منو بعيد لانو موضوعهم مستجمي واحتمال يعدموهم في المدرعات قريب... |
Discrimination Based on Profession
قمر بوبا تعرف اصحاب هذه المهنة من المغضوب عليهم في البورض ياخي انا ما ندمت على شي غير سنيني الضيعتها في الكلية الكائنة قرب النيل تلك
أمين نوتة تحياتي و امسك في كلام بوبا دا قوي ياخي انتا مالك و مال القراية ام دق خليك دكتور احسن
ود البشرى لا تعليق
باشمهندس جمال محمود
تعرف يا باشمهندس انا عرفتا موضوعك معانا هنا استحما من ما شفتك بتوقع (مهندس جمال محمود)
ما تفتكر انو كونك (مهندس) خوة المهندسين بتحلك اريتا خوة الجريوات يا باشا
هذا لا ينفي ان مواضيعك هادفة و مفيدة لكن برضو ما بتحلك
انت مهندس انت مستهدف
شوف ليك شلة و لا حزب سياسي يعملوا ليك Cover & Support و إلا فأنت ضائع ضائع يا ولدي موش كان تأملتا فنجاناُ مقلوب
اقول هذا و استغفر الله لي و لك
رمضان كريم على الكل يا جماعة
| |
|
|
|
|
|
|
Re: وصلتنى رسالة بالايميل من قارئة سودانيزأونلاين وشحتنى برقتها وأسعدتنى بخلاصتها (Re: محمد البشرى الخضر)
|
الأخ المهندس حاتم E سليمان إبن أخت الحبشي محمد E سليمان بالمنطقه الشرقيه و الأخ الغير شقيق للدكتور مهندس أمين محمد سليمان بضهاري أمريكا ، الصديق الشخصي السابق للمهندس شهاب الدين كرار ببحري ، و الحالي للقاعده ساي بالدوحه اميره الشيخ . سليل ال النويري ، إبن كسلا من جهة الأم المقيم حاليا بدولة الأمارات العربيه و الممتحن لل PMP : صاحب الأي بي ادرس الكحلي موديل ٢٠٠٨ رقم ا.ب.ت ٣٣ ، البالغ من الطول متر و ٧٣ سم ذو العيون العسليه و الشعر الأسود القرقدي : السلام عليكم و رحمة الله
Quote: أمين نوتة تحياتي و امسك في كلام بوبا دا قوي ياخي انتا مالك و مال القراية ام دق خليك دكتور احسن
|
يا حاتم دخلته لقيت أخونا جمال بختم مدخلاتو بالمهندس جمال ، فحدثتني نفسي الأماره بالحسد دي إنو جمال ده أحسن مني في شنو هو يكون مهندس و أنا لا ، فطوالي أخدت شهادة البكالوريا في الهندسه و لصقتها مع الدكتوراه حقتي ، صحيت الصباح لقيتني دكتور مهندس ! أول ما خالك يجي بنمسح مهندس دي عشان بتجيب لي الكلام و أنا ما ناقص !!!
| |
|
|
|
|
|
|
Re: وصلتنى رسالة بالايميل من قارئة سودانيزأونلاين وشحتنى برقتها وأسعدتنى بخلاصتها (Re: أمين محمد سليمان)
|
Quote: الأخ المهندس حاتم E سليمان إبن أخت الحبشي محمد E سليمان بالمنطقه الشرقيه و الأخ الغير شقيق للدكتور مهندس أمين محمد سليمان بضهاري أمريكا ، الصديق الشخصي السابق للمهندس شهاب الدين كرار ببحري ، و الحالي للقاعده ساي بالدوحه اميره الشيخ . سليل ال النويري ، إبن كسلا من جهة الأم المقيم حاليا بدولة الأمارات العربيه و الممتحن لل PMP : صاحب الأي بي ادرس الكحلي موديل ٢٠٠٨ رقم ا.ب.ت ٣٣ ، البالغ من الطول متر و ٧٣ سم ذو العيون العسليه و الشعر الأسود القرقدي : السلام عليكم و رحمة الله |
إنا لله يا نوتة يعلم الله انك لمبدع تعرف الجماعة ديلك لو كانوا استعانو بيك في غزوة ذات ال IP الفاشلة كان انا موش طلعتا الحبشي كان طلعتا بوكرامي الاصلي ذاتو _وش متكيف و متحير في نفس الوقت_
غايتو الطول و الIP بالغتا فيهن
دحين ما ادوك ال Mac adress بتاعي و لا لسة ؟
Quote: أول ما خالك يجي بنمسح مهندس دي عشان بتجيب لي الكلام و أنا ما ناقص !!! |
إنتا ما سمعتا بي (خال السخلة)
بعدين تمسح وين كلو مكبشر كان الحبشي جلا من الكبشرة انا اهو دا كبشرتا او بالعدم ود الصائم
ود البشرى
كووووويس بلاقيك في الفطور و بنشوف المتابعة معاك كما قال الصادق
اقول قولي هذا و استغفر الله لي و لكم
ولا انس من التنبيه ان الاخت اميرة الشيخ لم تأت لحوار والله من وراء القصد
| |
|
|
|
|
|
|
Re: وصلتنى رسالة بالايميل من قارئة سودانيزأونلاين وشحتنى برقتها وأسعدتنى بخلاصتها (Re: جمال محمود)
|
ياباشمهندسين* عن اذنكم,, بس البوست ده فيهو ناس عايزه أسلّم عليهم,,
أمين سليمان حمدالله علي السلامه وفاقدينك في البورد ياخال,,
ود البشري رمضان كريم, وينك؟ سبت الفيس بوك وللا الحاصل شنو؟
حاتم E النويري, يا أبو "اي بي" كحلي بما انك بتقرب لكل من محمد E سليمان وأمين محمد سليمان من جهة الأم, عليه المذكورين أعلاه أولاد عم لزم, وللا شنو؟
أميره الشيخ, الجماعه ديل فّشلونا قدام الأغراب مره (ياقول الخليجيين)
---- * أمين الكلام ده ما ليك :)
| |
|
|
|
|
|
|
Re: وصلتنى رسالة بالايميل من قارئة سودانيزأونلاين وشحتنى برقتها وأسعدتنى بخلاصتها (Re: Amany Elamin)
|
Quote: أمين سليمان حمدالله علي السلامه وفاقدينك في البورد ياخال,, |
خلال السخلة
______________ د. أماني الامين* كيفك و كيف أخبارك ، دكتور مهندس أمين E سليمان قدس الله سره دا لا يفتى في تصنيفاته و لا يسأل المرء و هناك خبير مثله والله المستعان
غير أنني اود تنبيهك بأن من يصاحب المهندسين في هذا البورض ستحل به لعنة (المتابعة) مثلهم تماماً اوضح مثال للعيان حالة الاخ زميل البورض الصادق اسماعيل
تعالي لينا في Second Life ترى انا ال First Life حقتكم دي كجنتها بالله واحد
------------------------ * دكتور مهندس أمين E سليمان ال (دال) أمام اسم (أماني الأمين) دي (دا دكتور) وليس (دا دجاجي يلقط الحبا) وهذا ما لزم توضيحه
| |
|
|
|
|
|
|
Re: وصلتنى رسالة بالايميل من قارئة سودانيزأونلاين وشحتنى برقتها وأسعدتنى بخلاصتها (Re: حاتم علي)
|
حاتم E سليمان إبن أخت الحبشي محمد E سليمان بالمنطقه الشرقيه و الأخ الغير شقيق للدكتور مهندس أمين محمد سليمان بضهاري أمريكا ، الصديق الشخصي السابق للمهندس شهاب الدين كرار ببحري ، و الحالي للقاعده ساي بالدوحه اميره الشيخ . سليل ال النويري ، إبن كسلا من جهة الأم المقيم حاليا بدولة الأمارات العربيه و الممتحن لل PMP : صاحب الأي بي ادرس الكحلي موديل ٢٠٠٨ رقم ا.ب.ت ٣٣ ، البالغ من الطول متر و ٧٣ سم ذو العيون العسليه و الشعر الأسود القرقدي : لعلك سعيد ياخي ؟! Quote: إنتا ما سمعتا بي (خال السخلة) |
ياخي في زول ما سمع برقبتو ؟! السخله الفي مصر دي خالها منو ؟!!
| |
|
|
|
|
|
|
Re: وصلتنى رسالة بالايميل من قارئة سودانيزأونلاين وشحتنى برقتها وأسعدتنى بخلاصتها (Re: محمد البشرى الخضر)
|
Quote: يا مهندس جمال محمود مالو نَفَسك حرّ كدا؟ لا تكون زعلت ولا حاجة
|
البزعلنى شنو يا ود البشرى انا بهظر ياخى .. اما بخصوص سؤالك كيف تكون العبقرية في سودانيزاونلاين ..عندما يجد الانسان العافية هل هنالك عقبة تحول عنه صنع العبقرية ؟ وبعدين العبقرية ليست متوقفة علىّ بل تعتمد على وعليك وعلى كل عضو فى المنبر الذى يزخر بكوكبة نيرة من العلماء والاطباء والمهندسين والاعلاميين وغيره من التخصصات اليست هى العبقرية بنفسها فى سودانيزاونلاين ؟ يعنى منبر زى ده يتم فيه تبادل الاراء المتخصصة والعامة والسياسية اليست هى العبقرية بنفسها ؟ عندما اشتكى جزء من السودان او ابناء السودان داخل وخارج السودان يتم التآذر والتكاتف لمد يد العون من خلال المنبر اليست هى العبقرية ؟ بس تحتاج العافية فلما واحد يدعوا ليك بالعافية فلن تبخل بصنع العبقرية .
| |
|
|
|
|
|
|
|